।। ଓଁ ନମୋ ଗଙ୍ଗାୟୈ ବିଶ୍ଵରୂପିଣୀ ନାରାୟଣୀ ନମୋ ନମଃ ।।

ଓଁ

ଦେବି ସୁରେଶ୍ୱରି ଭଗବତି ଗଙ୍ଗେ

ତ୍ରିଭୁବନତାରିଣି ତରଳତରଙ୍ଗେ ।

ଶଙ୍କରମୌଳିବିହାରିଣି ବିମଳେ

ମମ ମତିରାସ୍ତାଂ ତବ ପଦକମଳେ ॥ ୧॥

ଭାଗୀରଥି ସୁଖଦାୟିନି ମାତସ୍ତବ

ଜଳମହିମା ନିଗମେ ଖ୍ୟାତଃ ।

ନାଽହଂ ଜାନେ ତବ ମହିମାନଂ

ପାହି କୃପାମୟି ମାମଜ୍ଞାନମ୍ ॥ ୨॥

ହରିପଦପାଦ୍ୟତରଙ୍ଗିଣି ଗଙ୍ଗେ

ହିମବିଧୁମୁକ୍ତାଧବଳତରଙ୍ଗେ ।

ଦୂରୀକୁରୁ ମମ ଦୁଷ୍କୃତିଭାରଂ

କୁରୁ କୃପୟା ଭବସାଗରପାରମ୍ ॥ ୩॥

ତବ ଜଳମମଳଂ ଯେନ ନିପୀତଂ

ପରମପଦଂ ଖଳୁ ତେନ ଗୃହୀତମ୍ ।

ମାତର୍ଗଙ୍ଗେ ତ୍ୱୟି ଯୋ ଭକ୍ତଃ କିଳ

ତଂ ଦ୍ରଷ୍ଟୁଂ ନ ଯମଃ ଶକ୍ତଃ ॥ ୪॥

ପତିତୋଦ୍ଧାରିଣି ଜାହ୍ନବି ଗଙ୍ଗେ

ଖଣ୍ଡିତଗିରିବରମଣ୍ଡିତଭଙ୍ଗେ ।

ଭୀଷ୍ମଜନନି ହେ ମୁନିବରକନ୍ୟେ

ପତିତନିବାରିଣି ତ୍ରିଭୁବନଧନ୍ୟେ ॥ ୫॥

କଳ୍ପଲତାମିବ ଫଳଦାମ୍ ଲୋକେ

ପ୍ରଣମତି ଯସ୍ତ୍ୱାଂ ନ ପତତି ଶୋକେ ।

ପାରାବାରବିହାରିଣି ଗଙ୍ଗେ

ବିମୁଖଯୁବତିକୃତତରଳାପାଙ୍ଗେ ॥ ୬॥

ତବ ଚେନ୍ମାତଃ ସ୍ରୋତଃ ସ୍ନାତଃ

ପୁନରପି ଜଠରେ ସୋଽପି ନ ଜାତଃ ।

ନରକନିବାରିଣି ଜାହ୍ନବି ଗଙ୍ଗେ

କଳୁଷବିନାଶିନି ମହିମୋତ୍ତୁଙ୍ଗେ ॥ ୭॥

ପୁନରସଦଙ୍ଗେ ପୁଣ୍ୟତରଙ୍ଗେ

ଜୟ ଜୟ ଜାହ୍ନବି କରୁଣାପାଙ୍ଗେ ।

ଇନ୍ଦ୍ରମୁକୁଟମଣିରାଜିତଚରଣେ

ସୁଖଦେ ଶୁଭଦେ ଭୃତ୍ୟଶରଣ୍ୟେ ॥ ୮॥

ରୋଗଂ ଶୋକଂ ତାପଂ ପାପଂ

ହର ମେ ଭଗବତି କୁମତିକଳାପମ୍ ।

ତ୍ରିଭୁବନସାରେ ବସୁଧାହାରେ

ତ୍ୱମସି ଗତିର୍ମମ ଖଳୁ ସଂସାରେ ॥ ୯॥

ଅଳକାନନ୍ଦେ ପରମାନନ୍ଦେ

କୁରୁ କରୁଣାମୟି କାତରବନ୍ଦ୍ୟେ ।

ତବ ତଟନିକଟେ ଯସ୍ୟ ନିବାସଃ

ଖଳୁ ବୈକୁଣ୍ଠେ ତସ୍ୟ ନିବାସଃ ॥ ୧୦॥

ବରମିହ ନୀରେ କମଠୋ ମୀନଃ

କିଂ ବା ତୀରେ ଶରଟଃ କ୍ଷୀଣଃ ।

ଅଥବା ଶ୍ୱପଚୋ ମଳିନୋ ଦୀନସ୍ତବ

ନ ହି ଦୂରେ ନୃପତିକୁଳୀନଃ ॥ ୧୧॥

ଭୋ ଭୁବନେଶ୍ୱରି ପୁଣ୍ୟେ ଧନ୍ୟେ

ଦେବି ଦ୍ରବମୟି ମୁନିବରକନ୍ୟେ ।

ଗଙ୍ଗାସ୍ତବମିମମମଳଂ ନିତ୍ୟଂ ପଠତି

ନରୋ ଯଃ ସ ଜୟତି ସତ୍ୟମ୍ ॥ ୧୨॥

ଯେଷାଂ ହୃଦୟେ ଗଙ୍ଗାଭକ୍ତିସ୍ତେଷାଂ ଭବତି ସଦା ସୁଖମୁକ୍ତିଃ ।

ମଧୁରାକାନ୍ତାପଞ୍ଝଟିକାଭିଃ ପରମାନନ୍ଦକଳିତଳଲିତାଭିଃ ॥ ୧୩॥

ଗଙ୍ଗାସ୍ତୋତ୍ରମିଦଂ ଭବସାରଂ

ବାଞ୍ଛିତଫଳଦମ୍ ବିମଳଂ ସାରମ୍ ।

ଶଙ୍କରସେବକଶଙ୍କରରଚିତଂ ପଠତି

ସୁଖୀସ୍ତବ ଇତି ଚ ସମାପ୍ତଃ ॥ ୧୪॥

॥ ଇତି ଶ୍ରୀମତ୍ ଶଙ୍କରାଚାର୍ଯ୍ୟବିରଚିତଂ ଶ୍ରୀ ଗଙ୍ଗାସ୍ତୋତ୍ରଂ ସମ୍ପୂର୍ଣ୍ଣମ୍ ॥

O Goddess Ganga ! You are the divine river from the heaven, you are the saviour of all the three worlds, you are pure and restless, you adorn Lord Shiva’s head. O Mother ! May my mind always rest at your lotus feet.

O Mother Bhagirathi ! You give happiness to everyone. The significance of your holy water is sung in the Vedas. I am ignorant and am not capable of comprehending your importance. O Devi ! you are full of mercy. Please protect me.

O Devi ! Your waters are as sacred as “Charanamrita” of Shri Hari. Your waves are white like snow, moon and pearls. Please wash away all my sins and help me cross this ocean of Samsara.

O Mother ! Those who partake of your pure waters, definitely attain the highest state. O Mother Ganga ! Yama, the Lord of Death cannot harm your devotees.

O Jahnavi ! Your waters flowing through the Himalayas make you even more beautiful. You are Bhishma’s mother and sage Jahnu’s daughter. You are the savior of the people fallen from their path, and so you are revered in all the three worlds.

O Mother ! You fulfill all the desires of the ones devoted to you. Those who bow down to you do not have to grieve. O Ganga ! You are restless to merge with the ocean, just like a young lady anxious to meet her beloved.

O Mother ! Those who bathe in your water do not have to take birth again. O Jahnavi ! You are held in the highest esteem. You destroy your devotee’s sins and save them from hell.

O Jahnavi ! You are full of compassion. You purify your devotees with your holy water. Your feet are adorned with the gems of Indra’s crown. Those who seek refuge in you are blessed with happiness.

O Bhagavati ! Take away my diseases, sorrows, difficulties, sins and wrong attitudes. You are the essence of the three worlds and you are like a necklace around the Earth. O Devi ! You alone are my refuge in this Samsara.

O Mother Ganga! Those who seek happiness worship you. You are the source of happiness for Alkapuri and source of eternal bliss. Those who reside on your banks are as privileged as those living in Vaikuntha.

O Devi ! It is better to live in your water as a turtle or a fish, or live on your banks as a poor chandal rather than to live away from you as a wealthy king.

O Goddess of the Universe ! You purify us. O daughter of Muni Jahnu ! One who recites this Ganga Stotram everyday, definitely achieves success.

Those who have devotion for Mother Ganga, always get happiness and they attain liberation. This beautiful and lyrical Gangastuti is a source of Supreme bliss.

This Ganga Stotram, written by Shri Adi Shankaracharya, purifies us and fulfills all our desires.

ଓଁ ଶ୍ରୀ ଗଣେଶାୟ ନମଃ ।

ଈଶ୍ୱର ଉବାଚ ।

ଓଁ

ଚତୁର୍ଭୁଜାଂ ତ୍ରିନେତ୍ରାଂ ଚ ସର୍ବାବୟବଶୋଭିତାମ୍ ।

ରତ୍ନକୁମ୍ଭସିତାମ୍ଭୋଜବରଦାଭୟସତ୍କରାମ୍ ॥ ୧॥

ଶ୍ୱେତବସ୍ତ୍ରପରିଧାନାଂ ମୁକ୍ତାମଣିବିଭୂଷିତାମ୍ ।

ଏବଂ ଧ୍ୟାୟେତ୍ସୁସୌମ୍ୟାଂ ଚ ଚନ୍ଦ୍ରାୟୁତସମପ୍ରଭାମ୍ ॥ ୨॥

ଚାମରୈର୍ବୀଜ୍ୟମାନାଂ ଚ ଶ୍ୱେତଚ୍ଛତ୍ରୋପଶୋଭିତାମ୍ ।

ସୁପ୍ରସନ୍ନାଂ ଚ ବରଦାଂ କରୁଣାର୍ଦ୍ରନିରନ୍ତରାମ୍ ॥ ୩॥

ସୁଧାପ୍ଲାବିତଭୂପୃଷ୍ଠାଂ ଦିବ୍ୟଗନ୍ଧାନୁଲେପନାମ୍ ।

ତ୍ରୈଲୋକ୍ୟନମିତାଂ ଗଙ୍ଗାଂ ସର୍ବଦେବୈରଭିଷ୍ଟୁତାମ୍ ॥ ୪॥

ଦିବ୍ୟରତ୍ନବିଭୂଷାଂ ଚ ଦିବ୍ୟମାଲ୍ୟୈର୍ବିଭୂଷିତାମ୍ ।

ଧ୍ୟାତ୍ୱା ଜଳେ ଯଥାପ୍ରୋକ୍ତଂ ତଥାଚାର୍ୟାଂ ଚ ପୂଜୟେତ୍ ॥ ୫॥

ଓଁ ନମୋ ଭଗବତ୍ୟୈ ଐଂ ଶ୍ରୀଂ ହ୍ରୀଂ ହିଲି ହିଲି ମିଲି ମିଲି

ଶ୍ରୀ ଗଙ୍ଗେ ମାଂ ପାବୟ ପାବୟ ସ୍ୱାହା ।

ଅନେନ ମନ୍ତ୍ରେଣ ଆଗମୋକ୍ତେନ ପଞ୍ଚପୁଷ୍ପାଞ୍ଜଳିଂ ଶ୍ରୀଗଙ୍ଗାୟୈ ନିବେଦୟେତ୍ ।

ମୟା ହତାନି ପୁଷ୍ପାଣି ପୂଜାର୍ଥଂ ପ୍ରତିଗୃହ୍ୟତାମ୍ ।

ଦଶାଙ୍ଗଂ ଗୁଗ୍ଗୁଳଂ ଧୂପଂ ସୁଗନ୍ଧଂ ଚ ମନୋହରମ୍ ॥ ୬॥

ଗୃହାଣ ମଙ୍ଗଳଂ ଦୀପଂ ଘୃତବର୍ତିସମନ୍ୱିତମ୍ ।

ଚତୁର୍ବିଧଂ ଚ ନୈବେଦ୍ୟଂ ରସୈଃ ଷଡ୍ଭିଃ ସମନ୍ୱିତମ୍ ।

ରୁଦ୍ରରୂପେ ! ନମସ୍ତେଽସ୍ତୁ ଗୃହାଣ ବରଦା ଭବ ॥ ୭॥

ପରଦାରପରଦ୍ରବ୍ୟପରଦ୍ରୋହପରାଙ୍ମୁଖଃ

ଗଙ୍ଗା ବ୍ରୂତେ କଦାଽଽଗତ୍ୟ ମାମୟଂ ପାବୟିଷ୍ୟତି ॥

ଇତି ବୈଶ୍ୱାନରନାରଦସମ୍ୱାଦେ ଦଶପାପହରାୟାଃ ଶ୍ରୀଗଙ୍ଗାଧ୍ୟାନାର୍ଚନବିଧିଃ ।

ଅଥ ଦଶହରାସ୍ତୋତ୍ରପ୍ରାରମ୍ଭଃ ।

ବ୍ରହ୍ମୋବାଚ –

ଓଁ

ନମଃ ଶିବାୟୈ ଗଙ୍ଗାୟୈ ଶିବଦାୟୈ ନମୋ ନମଃ ।

ନମସ୍ତେ ରୁଦ୍ରରୂପିଣ୍ୟୈ ଶାଙ୍କର୍ୟୈ ତେ ନମୋ ନମଃ ॥ ୧॥

ନମସ୍ତେ ବିଷ୍ଣୁରୂପିଣ୍ୟୈ ବ୍ରହ୍ମାମୂର୍ତ୍ୟୈ ନମୋ ନମଃ ।

ସର୍ବଦେବସ୍ୱରୂପିଣ୍ୟୈ ନମୋ ଭେଷଜମୂର୍ତ୍ତୟେ ॥ ୨॥

ସର୍ବସ୍ୟ ସର୍ବବ୍ୟାଧୀନାଂ ଭିଷକ୍ଷ୍ରେଷ୍ଠ୍ୟୈ ନମୋଽସ୍ତୁ ତେ ।

ସ୍ଥାଣୁଜଙ୍ଗମସମ୍ଭୂତବିଷହନ୍ତ୍ର୍ୟୈ ନମୋ ନମଃ ॥ ୩॥

ସଂସାରବିଷନାହିନ୍ୟୈ ଜୀବନାୟୈ ନମୋ ନମଃ ।

ଶାନ୍ତିସନ୍ତାନକାରିଣ୍ୟୈ ନମସ୍ତେ ଶୁଦ୍ଧମୂର୍ତ୍ତୟେ ॥ ୪॥

ସର୍ବସଂଶୁଦ୍ଧିକାରିଣ୍ୟୈ ନମଃ ପାପାରିମୂର୍ତ୍ତୟେ ।

ଭୁକ୍ତିମୁକ୍ତିପ୍ରଦାୟିନ୍ୟୈ ଭଦ୍ରଦାୟୈ ନମୋ ନମଃ ॥ ୫॥

ଭୋଗୋପଭୋଗଦାୟିନ୍ୟୈ ଭୋଗବତ୍ୟୈ ନମୋ ନମଃ ।

ମନ୍ଦାକିନ୍ୟୈ ନମସ୍ତେଽସ୍ତୁ ସ୍ୱର୍ଗଦାୟୈ ନମୋ ନମଃ ॥ ୬॥

ନମସ୍ତ୍ରୈଲୋକ୍ୟଭୂଷାୟୈ ତ୍ରିପଥାୟୈ ନମୋ ନମଃ ।

ନମସ୍ତ୍ରିଶୁକ୍ଳସଂସ୍ଥାୟୈ କ୍ଷମାବତ୍ୟୈ ନମୋ ନମଃ ॥ ୭॥

ତ୍ରିହୂତାଶନସଂସ୍ଥାୟୈ ତେଜୋବତ୍ୟୈ ନମୋ ନମଃ ।

ନନ୍ଦାୟୈ ଲିଙ୍ଗଧାରିଣ୍ୟୈ ନାରାୟଣ୍ୟୈ ନମୋ ନମଃ ॥ ୮॥

ନମସ୍ତେ ବିଶ୍ୱମୁଖ୍ୟାୟୈ ରେବତ୍ୟୈ ତେ ନମୋ ନମଃ ।

ବୃହତ୍ୟୈ ତେ ନମସ୍ତେଽସ୍ତୁ ଲୋକଧାତ୍ର୍ୟୈ ନମୋ ନମଃ ॥ ୯॥

ନମସ୍ତେ ବିଶ୍ୱମିତ୍ରାୟୈ ନନ୍ଦିନ୍ୟୈ ତେ ନମୋ ନମଃ ।

ପୃଥ୍ୱ୍ୟୈ ଶିବାମୃତାୟୈ ଚ ସୁବୃଷାୟୈ ନମୋ ନମଃ ॥ ୧୦॥

ପରାପରଶତାଢ୍ୟାୟୈ ବରଦାୟୈ ନମୋ ନମଃ ।

ପାଶଜାଲନିକ୍ର଼୍^ନ୍ତିନ୍ୟୈ ଅଭିନ୍ନାୟୈ ନମୋ ନମଃ ॥ ୧୧॥

ଶାନ୍ତାୟୈ ଚ ବରିଷ୍ଠାୟୈ ବରଦାୟୈ ନମୋ ନମଃ ।

ଉସ୍ରାୟୈ ସୁଖଦୋଗ୍ଧ୍ର୍ୟୈ ଚ ସଞ୍ଜୀବିନ୍ୟୈ ନମୋ ନମଃ ॥ ୧୨॥

ବ୍ରହ୍ମିଷ୍ଠାୟୈ ବ୍ରହ୍ମଦାୟୈ ଦୁରିତଘ୍ନ୍ୟୈ ନମୋ ନମଃ ।

ପ୍ରଣତାର୍ତ୍ତିପ୍ରଭଞ୍ଜିନ୍ୟୈ ଜଗନ୍ମାତ୍ରେ ନମୋଽସ୍ତୁ ତେ ॥ ୧୩॥

ସର୍ବାପତ୍ପ୍ରତିପକ୍ଷାୟୈ ମଙ୍ଗଳାୟୈ ନମୋ ନମଃ ।

ଶରଣାଗତଦୀନାର୍ତ୍ତପରିତ୍ରାଣପରାୟଣେ ॥ ୧୪॥

ସର୍ବସ୍ୟାର୍ତିହରେ ଦେବି ନାରାୟଣି ନମୋଽସ୍ତୁତେ ।

ନିର୍ଲେପାୟୈ ଦୁର୍ଗହନ୍ତ୍ର୍ୟୈ ଦକ୍ଷାୟୈ ତେ ନମୋ ନମଃ ॥ ୧୫॥

ପରାତ୍ପରତରେ ତୁଭ୍ୟଂ ନମସ୍ତେ ମୋକ୍ଷଦେ ସଦା ।

ଗଙ୍ଗେ ମମାଗ୍ରତୋ ଭୂୟା ଗଙ୍ଗେ ମେ ଦେବି ପୃଷ୍ଠତଃ ॥ ୧୬॥

ଗଙ୍ଗେ ମେ ପାର୍ଶ୍ୱୟୋରେହି ତ୍ୱୟି ଗଙ୍ଗେଽସ୍ତୁ ମେ ସ୍ଥିତିଃ ।

ଆଦୌ ତ୍ୱମନ୍ତେ ମଧ୍ୟେ ଚ ସର୍ବଂ ତ୍ୱଂ ଗାଂ ଗତେ ଶିବେ ॥ ୧୭॥

ତ୍ୱମେବ ମୂଳପ୍ରକୃତିସ୍ତ୍ୱଂ ହି ନାରାୟଣଃ ପରଃ ।

ଗଙ୍ଗେ ତ୍ୱଂ ପରମାତ୍ମା ଚ ଶିବସ୍ତୁଭ୍ୟଂ ନମଃ ଶିବେ ॥ ୧୮॥

ଯ ଇଦଂ ପଠତି ସ୍ତୋତ୍ରଂ ଭକ୍ତ୍ୟା ନିତ୍ୟଂ ନରୋଽପି ଯଃ ।

ଶୃଣୁୟାଚ୍ଛ୍ରଦ୍ଧୟା ଯୁକ୍ତଃ କାୟବାକ୍ଚିତ୍ତସମ୍ଭବୈଃ ॥ ୧୯॥

ଦଶଧାସଂସ୍ଥିତୈର୍ଦୋଷୈଃ ସର୍ବ୍ୟୈରେବ ପ୍ରମୁଚ୍ୟତେ ।

ସର୍ବାନ୍କାମାନବାପ୍ନୋତି ପ୍ରେତ୍ୟ ବ୍ରହ୍ମଣି ଲିୟତେ ॥ ୨୦॥

ଇମଂ ସ୍ତବଂ ଗୃହେ ଯସ୍ତୁ ଲେଖୟିତ୍ୱା ବିନିକ୍ଷିପେତ୍ ।

ନାଗ୍ନିଚୋରଭୟଂ ତତ୍ର ପାପେଭ୍ୟ୍ଽପି ଭୟଂ ନ ହି ॥ ୨୧॥

ଜ୍ୟେଷ୍ଠେ ମାସି ସିତେ ପକ୍ଷେ ଦଶମୀ ହସ୍ତସଂଯୁତା ।

ସଂହରେତ୍ତ୍ରିବିଧଂ ପାପଂ ବୁଧବାରେଣ ସଂୟୁତା ॥ ୨୨॥

ତସ୍ୟାଂ ଦଶମ୍ୟାମେତଚ୍ଚ ସ୍ତୋତ୍ରଂ ଗଙ୍ଗାଜଳେ ସ୍ଥିତଃ ।

ଯଃ ପଠେଦ୍ଦଶକୃତ୍ୱସ୍ତୁ ଦରିଦ୍ରୋ ବାପି ଚାକ୍ଷମଃ ॥ ୨୩॥

ସୋଽପି ତତ୍ଫଳମାପ୍ନୋତି ଗଙ୍ଗାଂ ସମ୍ପୂଜ୍ୟ ଯତ୍ନତଃ ।

ପୂର୍ବୋକ୍ତେନ ବିଧାନେନ ଯତ୍ଫଳଂ ସମ୍ପ୍ରକୀର୍ତ୍ତିତମ୍ ॥ ୨୪॥

ଯଥା ଗୌରୀ ତଥା ଗଙ୍ଗା ତସ୍ମାଦ୍ଗୌର୍ୟାସ୍ତୁ ପୂଜନେ ।

ବିଧିର୍ୟୋ ବିହିତଃ ସମ୍ୟକ୍ ସୋଽପି ଗଙ୍ଗାପ୍ରପୂଜନେ ॥୨୫॥

ଯଥା ଶିବସ୍ତଥା ବିଷ୍ଣୁର୍ୟଥା ବିଷ୍ଣୁରୁମା ତଥା ।

ଉମା ଯଥା ତଥା ଗଙ୍ଗା ଚତୂରୂପନ୍ନ ଭିଦ୍ୟତେ ॥୨୬॥

ବିଷ୍ଣୁରୁଦ୍ରାନ୍ତରଂ ଯଚ୍ଚ ଶ୍ରୀଗୌର୍ୟୋରନ୍ତରଂ ଯଥା ।

ଗଙ୍ଗାଗୌର୍ୟନ୍ତରଂ ଚାପି ଯୋ ବ୍ରୂତେ ମୂଢଧୀସ୍ତୁ ସଃ ॥୨୭॥

ରୌରବାଦିଷୁ ଘୋରେଷୁ ନରକେଷୁ ପତତ୍ୟଧଃ ।

ଅଦତ୍ତାନାମୁପାଦାନଂ ହିଂସା ଚୈବାବିଧାନତଃ ॥ ୨୮॥

ପରଦାରୋପସେବା ଚ କାୟିକଂ ତ୍ରିବିଧଂ ସ୍ମୃତମ୍ ।

ପାରୁଷ୍ୟମନୃତଂ ଚୈବ ପୈଶୁନ୍ୟଂ ଚାପି ସର୍ବଶଃ ॥ ୨୯॥

ଅସମ୍ବଦ୍ଧପ୍ରଳାପଶ୍ଚ ବାଙ୍ମୟଂ ସ୍ୟାଚ୍ଚତୁର୍ବିଧମ୍ ।

ପରଦ୍ରବ୍ୟେଷ୍ୱଭିଧ୍ୟାନଂ ମନସାନିଷ୍ଟଚିନ୍ତନମ୍ ॥ ୩୦॥

ବିତଥାଭିନିବେଶଶ୍ଚ ମାନସଂ ତ୍ରିବିଧଂ ସ୍ମୃତମ୍ ।

ଏତାନି ଦଶ ପାପାନି ହର ତ୍ୱଂ ମମ ଜାହ୍ନବି ॥ ୩୧॥

ଦଶପାପହରା ଯସ୍ମାତ୍ତସ୍ମାଦ୍ଦଶହରା ସ୍ମୃତା ।

ଏତୈଦର୍ଶବିଧୈଃ ପାପୈଃ କୋଟିଜନ୍ମସମୁଦ୍ଭବୈଃ ॥ ୩୨॥

ମୁଞ୍ଚ୍ୟତେ ନାତ୍ର ସନ୍ଦେହୋ ବ୍ରହ୍ମଣୋ ବଚନଂ ଯଥା ।

ଦଶତ୍ରିଂଶଚ୍ଛ୍ର୍ତାନ୍ସର୍ବାନ୍ ପିତୄନଥ ପିତାମହାନ୍ ॥ ୩୩॥

ଉଦ୍ଧରତ୍ୟେବ ସଂସାରାନ୍ମନ୍ତ୍ରେଣାନେନ ପୂଜିତା ।

ଓଁ ନମୋ ଭଗବତ୍ୟୈ ଦଶପାପହରାୟୈ ଗଙ୍ଗାୟୈ ନାରାୟଣ୍ୟୈ ରେବତ୍ୟୈ ।

ଶିବାୟୈ ଦକ୍ଷାୟୈ ଅମୃତାୟୈ ବିଶ୍ୱରୂପିଣ୍ୟୈ ନନ୍ଦିନ୍ୟୈ ତେ ନମୋ ନମଃ ॥ ୩୪॥

ଜ୍ୟେଷ୍ଠେ ମାସି ସିତେ ପକ୍ଷେ ଦଶମ୍ୟାଂ ବୁଧହସ୍ତୟୋଃ ।

ଗରାନନ୍ଦେ ବ୍ୟତୀପାତେ କନ୍ୟାଚନ୍ଦ୍ରେ ବୃଷେ ରବୌ ।

ଦଶୟୋଗେ ଚ ଯଃ ସ୍ନାତ୍ୱା ସର୍ବପାପୈଃ ପ୍ରମୁଚ୍ୟତେ ॥ ୩୫॥

ସିତମକରନିଷଣ୍ଣାଂ ଶୁଭ୍ରବର୍ଣ୍ଣାଂ ତ୍ରିନେତ୍ରାଂ

କରଧୃତକଳଶୋଦ୍ୟତ୍ସୋତ୍ପଳାମତ୍ୟଭୀଷ୍ଟାମ୍ ।

ବିଧିହରିହରରୂପାଂ ସେନ୍ଦୁକୋଟୀରଜୁଷ୍ଟାଂ

କଳିତସିତଦୁକୂଳାଂ ଜାହ୍ନବୀଂ ତାଂ ନମାମି ॥ ୩୬॥

ଆଦାବାଦିପିତାମହସ୍ୟ ନିଗମବ୍ୟାପାରପାତ୍ରେ ଜଳଂ

ପଶ୍ଚାତ୍ପନ୍ନଗଶାୟିନୋ ଭଗବତଃ ପାଦୋଦକଂ ପାବନମ୍ ।

ଭୂୟଃ ଶମ୍ଭୁଜଟାବିଭୂଷଣମଣିର୍ଜହ୍ନୋର୍ମହର୍ଷେରିୟଂ

କନ୍ୟା କଳ୍ମଷନାଶିନୀ ଭଗବତୀ ଭାଗୀରଥୀ ଦୃଶ୍ୟତେ ॥ ୩୭॥

ବିଷ୍ଣୁପାଦାବ୍ଜସମ୍ଭୂତେ ଗଙ୍ଗେ ତ୍ରିପଥଗାମିନି ।

ବ୍ରହ୍ମଦ୍ରବେତି ବିଖ୍ୟାତେ ପାପଂ ମେ ହର ଜାହ୍ନବି ॥ ୩୮॥

ଜାହ୍ନବୀ ସର୍ବତଃ ପୁଣ୍ୟା ବ୍ରହ୍ମହତ୍ୟାପହାରିଣୀ ।

ବାରାଣସ୍ୟାଂ ବିଶେଷେଣ ଗଙ୍ଗା ଚୋତ୍ତରବାହିନୀ ॥ ୩୯॥

ଗଙ୍ଗା ଗଙ୍ଗେତି ଯୋ ବ୍ରୂୟାଦ୍ୟୋଜନାନାଂ ଶତୈରପି ।

ମୁଚ୍ୟତେ ସର୍ବପାପେଭ୍ୟୋ ବିଷ୍ଣୁଲୋକଂ ସ ଗଚ୍ଛତି ॥ ୪୦॥

ଇତି ଶ୍ରୀ ଗଙ୍ଗା ସ୍ତୋତ୍ରଂ ସମ୍ପୂର୍ଣ୍ଣମ୍ ।

Bhagiratha was a legendary king of the Ikshvaku dynasty. He brought the River Ganga to the Earth from the heavens because only she could bestow nirvana to Bhagiratha’s ancestors who were cursed by Sage Kapila. After years of great penance, the River Ganga descended on the Earth and Lord Shiva agreed to channelize her flow. Therefore, River Ganga flowed from Lord Shiva’s hair. The place where the sacred river originated is known as Gangotri in present times, and since the river originated from Lord Shiva’s Jata (hair) it is also called Jatashankari.

While flowing, the Ganga demolished the ashram of sage Jahna who became furious and stopped her movement. On Bhagirath’s appeal, the sage freed her; therefore, the Ganga is also called Jahnavi. The Ganga then reached sage Kapil’s ashram, where Bhagirath’s ancestors were burnt to ashes and liberated to rest in peace.

In Hinduism, the holy River Ganga is personified and personalized as the Goddess Ganga. The followers of the Hindu religion believe that bathing in the pious Ganga can help wash all sins. People also believe that a mere touch of the river can help attain moksha (salvation) and so the ashes of the dead are immersed in the sacred river.

The Ganges is the largest river in India with a profound religious significance. It is known by several names, including Jahnavi, Gange, Shubhra, Sapteshwari, Nikita, Bhagirathi, Alaknanda, and Vishnupadi. Nothing can match the ever-lasting divinity of the holy River Ganga; the sacred river is a true mother by all means.