।। ସର୍ଵ ରହସ୍ୟମୟ ଶ୍ରୀମନ୍ଦିରର ଭୋଗମଣ୍ଡପ ମନ୍ଦିର।। part 1

👉 ଗରୁଡ଼ ସ୍ତମ୍ଭର ପଛଭାଗରେ ଭୋଗମଣ୍ଡପ ମନ୍ଦିର ଅଛି ।

👉 ଏହି ମନ୍ଦିରଟି ବାଲିଆପଥରରେ ନିର୍ମିତ । ନାଲି ରଙ୍ଗରେ ପଥରଗୁଡିକ ଚିତ୍ରିତ ହୋଇଛି ।

👉 ମନ୍ଦିର ନିର୍ମାଣ ପୂର୍ବରୁ ଏହି ସ୍ଥାନରେ ଶ୍ରୀ ଶଙ୍କରାଚାର୍ଯ୍ୟ ରହି ଜଗନ୍ନାଥଙ୍କ ସେବା ପରିପ୍ପଳନା କରୁଥିବାର ଶୁଣାଯାଏ ।

👉 ଏବେ ଏଠାରେ ଭୋଗମଣ୍ଡପ ବେଳେ ବହୁ ପରିମାଣରେ ଅନ୍ନଭୋଗ ହେଉଅଛି ।

👉 ଭୋଗ ମଣ୍ଡପରେ ସକାଳ ଧୂପ ପରେ ‘ଭଅଣ୍ଡ’ ବା ଛତୁ ଭୋଗ ହୁଏ । ଭୋଗ ମଣ୍ଡପ ତମଗୁଣକୁ ପ୍ରତୀକୀତ କରେ ।

।। ସର୍ଵ ରହସ୍ୟମୟ ଶ୍ରୀମନ୍ଦିରର ଭୋଗମଣ୍ଡପ ମନ୍ଦିର।। part 2

👉 ଭୋଗମଣ୍ଡପଟି ପାଞ୍ଚରଥ ପିଢ଼ା ଦେଉଳ । ଏହା ଚାରିଗୋଟି ଖମ୍ବ ଉପରେ ଅବସ୍ଥାପିତ । ଏହାର ଶିଖର ପୀଢ଼ାକୃତି ଓ ସବା ଉପରେ ଚକ୍ର ସ୍ଥାନରେ ଗରାଟିଏ ଅଛି ।

👉 ଏହି ମନ୍ଦିରର ବାଡ଼ରେ ସୁନ୍ଦର ପଥର ମୂର୍ତ୍ତିଗୁଡ଼ିଏ ରହିଛନ୍ତି । ଜଂଘା, ଭରାଣ୍ଡି ଓ ସାକର ବହୁ କମନୀୟ ମୂର୍ତ୍ତିରେ ପରିପୂର୍ଣ୍ଣ ।

👉 ଏଥରେ ନାଗଖମ୍ବ, ଶାର୍ଦ୍ଦୁଳ, ଦୋପିଖ-ଶାର୍ଦ୍ଦୁଳ, ହାତୀଧାଡ଼ି, କୁମ୍ଭୀର, ହଂସ, ମିଥୁନ ଚିତ୍ର ସବୁ ରହିଛି ।

👉 ପୂର୍ବ ଭରାଣ୍ଡିର ବାଡ଼ରେ କେତେକ ପୌରାଣିକ ଚିତ୍ର ସବୁ ରହିଛି । ଶ୍ରୀକୃଷ୍ଣଙ୍କ ଦୋଳଯାତ୍ରା, ବୃଷଭପୃଷ୍ଠରେ ମହାଯୋଗୀ ଶିବ ଉପବେଶନ କରିଥିବା ଚିତ୍ର, ଶ୍ରୀକୃଷ୍ଣଙ୍କ ଗୋଧନ ଚରାଇବା ଦୃଶ୍ୟ, ନୌକାରେ ଶ୍ରୀକୃଷ୍ଣ ବସିଥିବା ଏବଂ ଗୋପୀମାନେ ନୌକାସ୍ଖଳନା କରୁଥିବାର ଦୃଶ୍ୟ । ଶ୍ରୀରାମଙ୍କ ରାଜ୍ୟାଭିଷେକ ଦୃଶ୍ୟରାଜି ବେଶ୍ ମନୋରମ ।

👉 ଏହି ମନ୍ଦିରର ବାହାର ପଟରେ ଅତିସୂକ୍ଷ୍ମ କାରୁକାର୍ଯ୍ୟ ସହିତ ବିଭିନ୍ନ ଦେବଦେବୀଙ୍କ ସମ୍ବନ୍ଧିତ ଅନେକ ଦୃଶ୍ୟ ତଥା ରାଜକୀୟ ଉତ୍ସବର ମୂର୍ତ୍ତିଫଳକ ଦେଖ‌ିବାକୁ ମିଳେ । ତାହା ମଧ୍ୟରେ ଜଣେ ଗଜପତି ମହାରାଜା ଦୁର୍ଗାମାଧବ ବିଗ୍ରହଙ୍କୁ ପୂଜା କରୁଥିବାର ମୂର୍ତ୍ତିଫଳକ ମଧ୍ୟ ଅଛି ।

।। ସର୍ଵ ରହସ୍ୟମୟ ଶ୍ରୀମନ୍ଦିରର ଭୋଗମଣ୍ଡପ ମନ୍ଦିର।। part 3

ଭୋଗମଣ୍ଡପର ଚାରିଦିଗରେ ଚାରିଟି ଦ୍ଵାର ରହିଅଛି ।

👉 ଭୋଗମଣ୍ଡପର ଦୈର୍ଘ୍ୟ ୫୮ଫୁଟ, ପ୍ରସ୍ଥ ୫୬ ଫୁଟ ।

👉 ପଶ୍ଚିମ ପାଖ ଦ୍ଵାର ଯାହା ମହାପ୍ରଭୁଙ୍କ ଆଡ଼କୁ ରହିଅଛି, ପୂଜା ବେଳେ ଏହି ଦ୍ଵାର ଖୋଲାଯାଏ ।

👉 ଦକ୍ଷିଣ ପାଖ ଦ୍ଵାର ବାଟେ ଭୋଗ ମଣ୍ଡପକୁ ଭୋଗ ନିଆଯାଏ ।

👉 ଭୋଗ ସରିଲା ପରେ ଉତ୍ତର ଓ ପୂର୍ବ ଦିଗ ଦ୍ଵାର ବାଟେ ଭୋଗ ବାହାରକୁ ନିଆଯାଏ ।