'ପ୍ରେମ 'ଏମିତି ଏକ ମଧୁର ଶବ୍ଦ। ଯେଉଁଥିରେ କି, ହୃଦୟ ର ଅସୁମାରୀ ସ୍ବପ୍ନ ର ଇଛା ଭରି ରହିଛି।କିଏ କହେ, ପ୍ରେମ ଦୁଇ ଅକ୍ଷର ତ'ଆଉ କିଏ କହେ ପ୍ରେମ ଅଢ଼େଇ ଅକ୍ଷର। ଯେଉଁଠି ପାଇବାର ଆଶା ନଥାଏ। କେବଳ ତ୍ୟାଗ ଆଉ ନିଃସ୍ଵାର୍ଥପର -ତା କୁ ପ୍ରେମ ବୋଲି କୁହାଯାଏ। ପ୍ରେମ କାହା ପାଇଁ ଫୁଲ ତ'ଆଉ କାହା ପାଇଁ ମରୁଭୂମି ର ମରୀଚିକା ସଦୃଶ। ପ୍ରେମ କେଉଁଠି ବିଶ୍ଵଯୁଦ୍ଧ କରିଛି ତ , ପୁଣି ଆଉ କେଉଁଠି ମହାଭାରତ।

ପ୍ରେମ କାହା ପାଇଁ ବିରହ ତ,......

ପୁଣି ଆଉ କାହା ପାଇଁ ସ୍ଵର୍ଗ।

ପ୍ରେମ କୁ ବାଖ୍ୟା କରିବାକୁ ବସିଲେ କେତେ ଯେ -

ଯୁଗ ନିଅଣ୍ଟ ପଡ଼ିବ। ତାହା ଅବର୍ଣ୍ଣନୀୟ।

ଯୁଗ,ଯୁଗେ ପ୍ରେମ ର ଜୟ ହୋଇଛି।

ପ୍ରେମ ଅମର, ଚିରନ୍ତନ, ସାଶ୍ଵତ।

ଆଜି ର ସମୟ ହେଉଛି ଅତ୍ୟାଧୁନିକ ଟେକ୍ନୋଲୋଜି -ରସମୟ। ଯେଉଁଠି ମନୁଷ୍ୟର ଭାଷା ନୁହେଁ। ତା'ର ଆତ୍ମଜ୍ଞାନ କୌଶଳ କାର୍ଯ୍ୟ କରେ। ଏଠି, ନିଜର ସ୍ଵାର୍ଥ ପାଇଁ ସମସ୍ତେ ସମୟ ପଛରେ ଧାଇଁ ଥାନ୍ତି।

ବର୍ତମାନ ର ସମୟରେ ମନୁଷ୍ୟ ପାଖରେ ସବୁକିଛି ଅଛି ତଥାପି ମନୁଷ୍ୟର ସ୍ଵାର୍ଥ ସରିନି। ସନ୍ତାନ ତା'ର ପିତା ମାତା ଙ୍କୁ ବୃଦ୍ଧ ଶ୍ରମ ରେ ଛାଡ଼ିବାକୁ ପଛଘୁଞ୍ଚା ଦେଉନାହିଁ।କି ସ୍ଵାମୀ ପାଖେ ତା'ର ପତ୍ନୀ ଥାଇ ମଧ୍ୟ ସେ ପର ନାରୀ ପାଖେ ସମ୍ପର୍କ ରଖେ।

ଏଠି, କର୍ପୂର ଉଡ଼ିଯାଇଛି

କିନ୍ତୁ କନା ପଡ଼ିରହିଛି।

ଯୁବପିଢି ଙ୍କ ଦେଖଣା ହାରି ପ୍ରେମ କୁ ନେଇ,

ସୋସିଆଲ ମିଡ଼ିଆ ରେ ଅନେକ ଚର୍ଚ୍ଚା ଚାଲିଛି।

ଏପଟେ, ପ୍ରକୃତ ପ୍ରେମ ର ସତ୍ତା ବିଲୀନ ହେବାକୁ-

ବସିଲାଣି।

ଆଜିର ସମୟରେ ହଜିଯାଇଥିବା ପ୍ରକୃତ ପ୍ରେମ।

କର୍ପୂର ଉଡ଼ିଯାଇଛି ହେଲେ କନା ପଡ଼ିରହିଛି।