ଶବ୍ଦଶାସ୍ତ୍ରଂ ମୁଖଂ ଜ୍ୟୋତିଷଂ ଚକ୍ଷୁଷୀ ଶୋ୍ରତ୍ରମୁକ୍ତଂ ନିରୁକ୍ତଂ ଚ କଳ୍ପଃ କରୈ÷ା । ୟା ତୁ ଶିକ୍ଷାସ୍ୟ ବେଦସ୍ୟ ସା ନାସିକା ପାଦପଦ୍ମଦ୍ୱୟଂ ଛନ୍ଦ ଆଦୈ୍ୟର୍ବୁଧୈଃ । ଅର୍ଥାତ୍ ବେଦର ମୁଖ ଶବ୍ଦଶାସ୍ତ୍ର ବ୍ୟାକରଣ ହେଲେ, ଜ୍ୟୋତିଷ ଶାସ୍ତ୍ରକୁ ଚକ୍ଷୁ, ନିରୁକ୍ତକୁ କାନ, କଳ୍ପକୁ ହାତ, ଶିକ୍ଷାକୁ ନାକ, ଛନ୍ଦକୁ ପାଦ ବୋଲି ଅଭିହିତ କରାଯାଇଛି । ଉପରୋକ୍ତ ଛଅଟି ଯାକ ଶାସ୍ତ୍ରକୁ ବେଦର ଛଅଟି ଅଂଗ ବୋଲି କୁହାଯାଏ । ଜ୍ୟୋତିଷ ହେଉଛି ତନ୍ମଧ୍ୟରୁ ଅନ୍ୟତମ । ଜ୍ୟୋତିଷ ଶାସ୍ତ୍ର ହେଉଛି ଏକ ଗଣିତ ଶାସ୍ତ୍ର । ଜ୍ୟୋତିଷ ଶବ୍ଦ ଆସିଛି ଦୁ୍ୟତ ଦୀପ୍ତୈ÷ା ଧାତୁରୁ । ଜ୍ୟୋତିର ଅର୍ଥ ଦୀପ୍ତିମାନ ପଦାର୍ଥ ବା ଦୀପ୍ତି । ଜ୍ୟୋତିଷ ଶବ୍ଦର ଅର୍ଥ ଯିଏ ଜ୍ୟୋତିଗଣଙ୍କ ବିବରଣ ପ୍ରସ୍ତୁତ କରେ । ଏ ସକଳ ବିଶ୍ୱ ବ୍ରହ୍ମାଂଡ ରେ ପ୍ରକାଶିତ ହେଉଥିବା ସମସ୍ତ ପିଂଡ ଜ୍ୟୋତି ଭାବେ ସ୍ୱୀକୃତ । ସେ ସବୁ ଜ୍ୟୋତି ସଂକ୍ରାନ୍ତୀୟ ଜ୍ଞାନକୁ ଜ୍ୟୋତିଷ ଶାସ୍ତ୍ର କୁହାଯାଏ ।

ଆହୁରି ଅନେକ ସଜ୍ଞା ମାନଙ୍କ ମଧ୍ୟରୁ ଜ୍ୟୋତିଷ ର ଆଉ ଏକ ସଜ୍ଞା ଏଠି ଉଲ୍ଲେଖ ଯୋଗ୍ୟ- ଗ୍ରହ ତଥା ବିବିଧ ନକ୍ଷତ୍ରର ଗତିବିଧି ତଥା ସ୍ଥିତି ଜାଣିବା ପାଇଁ ଉଦ୍ଦିଷ୍ଟ ଶାସ୍ତ୍ର ହେଉଛି ଜ୍ୟୋତିଷ ଶାସ୍ତ୍ର । ବେଦ ଅନୁସାରେ ଜ୍ୟୋତିଷର ଅର୍ଥ ନକ୍ଷତ୍ର, ଉପଗ୍ରହ, ଆକାଶଗଙ୍ଗା, ଉଲକା ପିଂଡ, ଧୂମକେତୁ, ଦିନ, ରାତି, ପକ୍ଷ, ମାସ, ଋତୁ, ଋତୁ କାରଣରୁ ପରିବର୍ତନ, ସମ୍ବସର, ଦୈା, ଅନ୍ତରିକ୍ଷ, ପୃଥିବୀ, ଚନ୍ଦ୍ରମା, ସୂର୍ଯ୍ୟ, ସୂର୍ଯ୍ୟରଶ୍ମି ସକଳ, ସୈ÷ାରବର୍ଷ, ଚାନ୍ଦ୍ରବର୍ଷ, ଅୟନ ଅର୍ଥାତ୍ ଉତରାୟଣ, ଦକ୍ଷିଣାୟନ, ଅଷ୍ଟବସୁ, ଏକାଦଶ ରୁଦ୍ର, ଦ୍ୱାଦଶ ଆଦିତ୍ୟ, ମୂଳ ଓ ଶାଖା, ବନସ୍ପତିଗଣ, ଫୁଲ, ଫଳ, େଓ÷ାଷଧି, ପବିତ୍ର କର୍ମର ମୂହୂର୍ତ ଆଦିର ଉପଯୁକ୍ତ ଅଧ୍ୟୟନ ।

ଜ୍ୟୋତିଷ ପଢିବା ଦ୍ୱାରା ଆମେ କଣ ଜାଣି ପାରିବା-

- ପ୍ରତି ଅମାବାସ୍ୟାରେ ସୂର୍ଯ୍ୟପରାଗ ଓ ପ୍ରତି ପୂର୍ଣିମାରେ ଚନ୍ଦ୍ରଗ୍ରହଣ କାହିଁକି ହୁଏ ନାହିଁ ।

- ସୂର୍ଯ୍ୟ, ଚନ୍ଦ୍ର ପୂର୍ବରୁ ପଶ୍ଚିମକୁ ଯାଉଥିବା ଜଣାପଡିଲେ ମଧ୍ୟ ପୂର୍ବକୁ କାହିଁକି ଗତି କରିଥାନ୍ତି ।

- ଆମେ ପୃଥିବୀର କେଉଁ ଦିଗରେ ଅଛୁ, ଦଶଟି ଦିଗ ମଧ୍ୟରୁ ଆମେ କେଉଁଠି ଅଛୁ ତାହା ଜାଣିପାରିବା ।

- ଯାତ୍ରା ସମୟରେ ଆମେ ଦିଗ ନର୍ଣୟ କରିପାରିବା ।

- ଲୋକ ଲୋକାନ୍ତରର ଜ୍ଞାନ ଲାଭ କରିପାରିବା ।

ବେଦର ଏକ ମନ୍ତ୍ର ଆସେ- ସୂର୍ଯ୍ୟଆତ୍ମା ଜଗତସ୍ତସ୍ଥୁଷଶ୍ଚ ସ୍ୱାହା । ଯାହାର ଅର୍ଥ ହେଲା- ସୂର୍ଯ୍ୟ ଏ ଜଗତର ଆତ୍ମା ବା କେନ୍ଦ୍ରବିନ୍ଦୁ । କୋପରନିକସ୍ ଓ ଗାଲିଲିଓଙ୍କ ହଜାର ହଜାର ବର୍ଷ ପୂର୍ବରୁ ବୈଦିକ ଋଷିଗଣ ସୂର୍ଯ୍ୟ ଏକ ନକ୍ଷତ୍ର ବୋଲି ସାବ୍ୟସ୍ତ କରି ସାରିଥିଲେ । ଯାହାର ନିଜର ଆଲୋକ ଅଛି ତାହା ନକ୍ଷତ୍ର ଓ ଯିଏ ନକ୍ଷତ୍ରର ଆଲୋକରେ ଆଲୋକିତ ହୁଏ ତାକୁ ସେମାନେ ଗ୍ରହ ଭାବରେ ମଧ୍ୟ ଦର୍ଶାଇଥିଲେ । ସୂର୍ଯ୍ୟ ଚାରିପାଖରେ ପୃଥିବୀକୁ ପରିକ୍ରମା କରିବା ପାଇଁ ଗୋଟିଏ ବର୍ଷ ଲାଗେ । ଏଣୁ ବେଦରେ କୁହାଯାଇଛି- ବର୍ଷେଣ ଭୂମିଃ ପୃଥିବୀ ବୃତାବୃତା ।

କାଳଗଣନା କରିବାରେ ଆମ ଋଷିମାନେ ଗଣିତ ଜ୍ୟୋତିଷ ମାଧ୍ୟମରେ କହିପାରୁଥିଲେ, କେଉଁ ଯୁଗ କେତେ ଦିନ ଅତି ବାହିତ ହୋଇଛି । ତେଣୁ ମହାଭାରତ ସମୟ ଆଜକୁ ୫୧୦୯ ବର୍ଷ ହୋଇଥିବ ବୋଲି ନିଶ୍ଚିତତାର ସହ କହି ପାରୁଥିଲେ । କିନ୍ତୁ ମହାଭାରତ ଯୁଦ୍ଧ ପରେ ଅନେକ ବଡ ବଡ ଜ୍ୟୋତିର୍ବିଦ୍ ପା୍ରଣ ହରାଇଲେ । ଯାହାର ଫଳ ସ୍ୱରୂପ ମୁଂଡ ଟେକିଲା ଆଜିର ତାରିଖରେ ବହୁଳ ଭାବରେ ପ୍ରଚଳିତ ତଥା ଆମକୁ ମ୍ୟାଜିକ ଭଲି ଲାଗୁଥିବା ଫଳିତ ଜ୍ୟୋତିଷ ଯାହା ଦ୍ୱାରା ଆମେ ଆମର ଭବିଷ୍ୟତର ଫଳ ବିଷୟରେ ଜାଣିପାରୁ ।

ଫଳିତ ଜ୍ୟୋତିଷ କଣ-

ତଥା କଥିତ ଜ୍ୟୋତିଷ ମାନେ ଯେ କୈ÷ାଣସି ମଣିଷର ଜନ୍ମ ସମୟ, ସ୍ଥାନ ଇତ୍ୟାଦିକୁ ଜାଣି ତଥା ତାଙ୍କର ରାଶି, ଗ୍ରହ, ନକ୍ଷତ୍ର ଆଦି ଗଣନା କରି ସେ ବ୍ୟକ୍ତି ବିଷୟରେ ଅନେକ ମନଗଢା କଥା କହି ପାରନ୍ତି ଯାହାକୁ କି ଫଳିତ ଜ୍ୟୋତିଷ କୁହାଯାଏ । ଯେମିତିକି, ସେ ବ୍ୟକ୍ତି ଚାକିରୀ ପାଇବେ ନା ନାହିଁ, ବାହାଘର କେବେ ହେବ, କେଉଁ ଦିଗରେ ହେବ, କନ୍ୟାଟି ଗୋରା ନା କଳା, ସୁନ୍ଦର କି ଅସୁନ୍ଦର, ସେ ଚାକିରୀ କରୁଥିବ ନା ନାହିଁ, ସନ୍ତାନ ସନ୍ତିତି ହେବେ ନା ନାହିଁ , ଯଦି ହେବେ କେତୋଟି ସନ୍ତାନ ହେବେ, ପୁଅ ହେବେ ନା ଝିଅ ହେବେ, ସେମାନେ କେମିତି ପାଠ ପଢିବେ, ତାଙ୍କର କେତେ କେତେ ବୟସରେ ସବୁ ଘାଟି ଅଛି ଅର୍ଥାତ୍ ସେମାନଙ୍କର ଦେହ ଘରାପ୍, କୈ÷ାଣସି ଦୁର୍ଘଟଣା ଅବା ତାଙ୍କର କଣ ରାଜ ଯୋଗ ଅଛି.. ଇତ୍ୟାଦି ଇତ୍ୟାଦି ଅନେକ କିଛି । କିଛି କିଛି ସେମାନେ ସଂଗ୍ରହ କରି ରଖିଥିବା ସଂହିତାରୁ ଆଉ କିଛି କିଛି ମନଗଢା କାହାଣୀ କହି ଲୋକଙ୍କୁ ଭୂଆଁ ବୁଲେଇ ଦିଅନ୍ତି ଓ ଲୋକେ ମଧ୍ୟ ନିଜିର ଭବିଷ୍ୟ ଜାଣିବାର ଲୋଭ ସମ୍ବରଣ କରି ନପାରି ଅଯଥା ଅନେକ ଗୁଡିଏ ଅର୍ଥ ଜ୍ୟୋତିଷ ପାଖରେ ଅଜାଡି ଦିଅନ୍ତି ।

ଏତିକିରେ ଶେଷ ହୋଇ ଯାଏନି ତାଙ୍କର କାହାଣୀ । ସେହି ଜ୍ୟୋତିଷ ମାନେ ପୁଣି କହି ଦେଇ ପାରନ୍ତି ସେ ବ୍ୟକ୍ତିର ଶନି ଦଶା ଯୋଗୁଁ ଯେଉଁ ସବୁ ଅସୁବିଧା ହେଉଛି ତାର ପୁଣି ଅଛି ପ୍ରତିକାର । ଏ ହାତରେ ମୁଦି ପିନ୍ଧ, ବେକରେ ମାଳା ପିନ୍ଧ, ଖୋଜି ଖୋଜି ମୁଂଡ ଉପରେ କଳା ଦାଗ ଥିବା କୁକୁର କୁ ସକାଳ ସାତଟା ତିରିଶ ବେଳେ ହିଁ ଶୁଖିଲା ରୁଟି ଦିଅ, ପାଂଚଟି ବ୍ରାହ୍ମଣଙ୍କୁ ଭୁରି ଭୋଜନ କରାଅ ଏମିତି ଏମିତିତ ଅନେକ କିଛି ।

କିନ୍ତୁ ଏତେ ସବୁ କଥା କହି ପାରୁଥିବା ସେହି ତଥା କଥିତ ଜ୍ୟୋତିଷ ମାନେ ଭୁଲି ଯାଆନ୍ତି ଯେ, ସେମାନେ ଯେଉଁ ନବଗ୍ରହ କୁ ନେଇ ଗଣନାକରି ସେ ବ୍ୟକ୍ତିର ଭବିଷ୍ୟତର ଫଳ କହି ପାରନ୍ତି, ସେହି ନଅଟି ଗ୍ରହ ଯଥା- ରବି, ଚଂଦ୍ର, ମଂଗଳ, ବୁଧ, ବୃହସ୍ପତି ବା ଗୁରୁ, ଶୁକ୍ର, ଶନି, ରାହୁ ଓ କେତୁ ଭିତରେ ରବି ଅର୍ଥାତ୍ ସୂର୍ଯ୍ୟ ଏକ ଗ୍ରହ ନୁହେଁ ବରଂ ନିଜର ଆଲୋକ ଥିବା ଏକ ନକ୍ଷତ୍ର । ନକ୍ଷତ୍ର ହୋଇଥିବାରୁ ସେ ସମସ୍ତ ଗ୍ରହଂକ କେଂଦ୍ର ବିଂଦୁ । ପୁନଶ୍ଚ ସେମାନଙ୍କ ଗ୍ରହ ତାଲିକାରେ ଥିବା ଚଂଦ୍ରର ନିଜର ଆଲୋକ ନାହିଁ । ସେ ସୂର୍ଯ୍ୟଂକ ଆଲୋକରେ ଆଲୋକିତ । ଏଣୁ ସେ ନକ୍ଷତ୍ର ନୁହେଁ ବରଂ ପୃଥିବୀର ଚାରିପାଖରେ ଘୁରୁଥିବାରୁ ସେ ପୂର୍ଣ ଗ୍ରହ ମଧ୍ୟ ନୁହେଁ ତାହା ଉପଗ୍ରହ ଅଟେ । ଜ୍ୟୋତିଷ ମାନଙ୍କ ନଅଟି ଗ୍ରହରୁ ଦୁଇଟି କଟିଲେ ଆଉ ରହିଲେ ସାତ ।

ଆମେ ଯଦି ଦେଖିବା ବିଜ୍ଞାନ କହେ ଆମେ ଯେଉଁ ନୀଳ ଗ୍ରହରେ ଅଧୁନା ବାସ କରୁଛେ ତାର ନାମ ହେଉଛି ପୃଥିବୀ ଅଥଚ ସେମାନଂକ ନବଗ୍ରହ ତାଲିକାରେ ପୃଥିବୀର ସ୍ଥାନ ନାହିଁ । କି ଆଶ୍ଚର୍ଯ୍ୟ ! ବଳକା ସାତଟି ଗ୍ରହ ମଧ୍ୟରୁ ଏବେ ବିଚାର କରିବା ରାହୁ ଓ କେତୁଂକ ବିଷୟରେ । ଏମାନେ ନା ଗ୍ରହ, ନା ଉପଗ୍ରହ ନା ନକ୍ଷତ୍ର ନା ଉଲକାପିଂଡ? ଜ୍ୟୋର୍ତିବିଜ୍ଞାନୀ ମାନଂକ ମତରେ ଏ ଦୁଇଟି ସାମୟିକ ଛାୟା ବିଂଦୁମାତ୍ର । ଏଣୁ ଗ୍ରହମାନଂକ ପରି ଏମାନଂକ ଶାରୀରିକ ଅସ୍ତିତ୍ୱ ନାହିଁ । କୈeଣସି ଅମାବାସ୍ୟା ତିଥିରେ ସୂର୍ଯ୍ୟ, ଚଂଦ୍ର ଓ ପୃଥିବୀ ଯେତେବେଳେ ଏକ ସରଳରେଖାରେ ରହଂତି ଚଂଦ୍ରର ଛାୟା ପୃଥିବୀ ଉପରେ ପଡେ । ଏହି ଛାୟା କାରଣରୁ ସୂର୍ଯ୍ୟ ଅଦୃଶ୍ୟ ହୋଇଯାଆନ୍ତି । ଏଣୁ ଏହାକୁ ସୂର୍ଯପରାଗ କୁହାଯାଏ । ସବୁ ଅମାବାସ୍ୟାରେ ସୂର୍ଯ୍ୟ, ଚଂଦ୍ର ଓ ପୃଥିବୀ ଏକ ସରଳରେଖା ଓ ଏକ ସମତଳରେ ରହୁ ନଥିବାରୁ ସବୁ ଅମାବାସ୍ୟାରେ ସୂର୍ଯପରାଗ ହୁଏ ନାହିଁ । ବେଳେ ବେଳେ ପୂର୍ଣମୀ ତିଥିରେ ସୂର୍ଯ୍ୟ, ପୃଥିବୀ ଓ ଚଂଦ୍ର ଏକ ସରଳରେଖାରେ ଓ ଏକ ସମତଳରେ ରହନ୍ତି । ଏ ସମୟରେ ପୃଥିବୀର ଛାୟା ଶୂନ୍ୟରେ ଲମ୍ବିଯାଏ । ପୃଥିବୀର ସୂର୍ଯ୍ୟ ପାଖଟି ଦିନ ଓ ଚଂଦ୍ର ପାଖଟି ରାତି ହୋଇଥିବାରୁ ଚଂଦ୍ର ଦେଖାଯାଏ ନାହିଁ । ଏହାକୁ ଚଂଦ୍ରଗ୍ରହଣ କୁହାଯାଏ । ଜ୍ୟୋତିଷମାନେ କିଂତୁ ଏହାକୁ ରାହୁ ସୂର୍ଯ୍ୟ ଅଥବା ଚଂଦ୍ରଂକୁ ଗ୍ରାସ କଲା ବୋଲି କୁହନ୍ତି କିନ୍ତୁ ବାସ୍ତବରେ ତାହାନୁହଁ ବରଂ ଏହା ପୃଥିବୀ ଓ ଚଂଦ୍ରର ଛାଇ ମାତ୍ର । ରାହୁ କେତୁଂକୁ ଗ୍ରହ ବୋଲି କହିବା ପୂର୍ବରୁ ଜ୍ୟୋତିଷ ମାନଂକୁ ଏହା ପ୍ରମାଣ କରିବାକୁ ହେବ ଯେ ଅଂତରୀକ୍ଷରେ ସୂର୍ଯ୍ୟ ଓ ଚଂଦ୍ରଂକ ପରି ରାହୁ ଓ କେତୁ କେଉଁ ସ୍ଥାନରେ ରହନ୍ତି ? ତେଣୁ ଗ୍ରହ ତାଲିକାରୁ ରାହୁ ଓ କେତୁ ବାଦ୍ ପଡିଲେ ଅବଶିଷ୍ଟ ରହିଲେ ପାଂଚଟି ଗ୍ରହ ।

ଯେଉଁ ମଂଗଳଗ୍ରହକୁ ଜ୍ୟୋତିଷମାନେ ମାନନ୍ତି ସେ କୁଆଡେ ଗୁଣରେ ତମଗୁଣୀ, ଦେଖିବାକୁ ଝଟକୁଥିବା ଲାଲ, ପ୍ରକୃତିରେ ପିତ ପ୍ରକୃତିର, ରୁହନ୍ତି ଦକ୍ଷିଣ ଦିଗରେ, ଜାତିରେ କ୍ଷତ୍ରିୟ । ଇଏ ତ କୈଣସି ବ୍ୟକ୍ତି ଭଳି ଜଣାପଡୁଛଂତି । ବିଜ୍ଞାନ କହେ ଏଭଳି ବ୍ୟକ୍ତି ଭଳି ଦେଖାଯାଉଥିବା ମଂଗଳ ଗ୍ରହ କିନ୍ତୁ ଆମ ଗେଲେକ୍ସିରେ ନାହିଁ । ମଂଗଳ କଟିଲା ପରେ ଆଉ ରହିଲା ଚାରି ।

ବିଜ୍ଞାନ କୁହେ ସୈ÷ାରଜଗତର ନିକଟତମ ପ୍ରଥମ ଓ ସର୍ବକନିଷ୍ଠ ଗ୍ରହ ହେଉଛି ବୁଧ । କିନ୍ତୁ ଜ୍ୟୋତିଷ ମାନଙ୍କ ମତ ଏଠି ଭିନ୍ନ । ସେମାନଙ୍କ ମତରେ ଆତ୍ରେୟସ ଗୋତ୍ରରେ, ମଗଧ ଦେଶରେ, ଚଂଦ୍ରଂକ େଓ÷÷ାରସରୁ ତାରାଂକ ଗର୍ଭରୁ ସେ ଜାତ ହୋଇଛଂତି । ଏଥିରୁ ଅନୁମେୟ ତାଂକ ମତରେ ବୁଧ ଜଣେ ବ୍ୟକ୍ତି ବିଶେଷ । ଜ୍ୟୋତିଷ ମାନେ ଯେଉଁ ବୁଧ ଗ୍ରହର କଳ୍ପନା କରଂତି ସେ ଗ୍ରହ ସହିତ ବୈ÷ଜ୍ଞାନିକମାନଂକ ବୁଧ ର କୈ÷ାଣସି ସାମଂଜସ୍ୟ ନାହିଁ । ଏଣୁ ବୁଧ ମଧ୍ୟ ଗ୍ରହ ତାଲିକାରୁ ବାଦ୍ ପଡିଲେ ।

ଜ୍ୟୋର୍ତିବିଜ୍ଞାନୀ ମାନଂକ ମତରେ ବୃହସ୍ପତି ସୈାରମଂଡଳର ବୃହତମ ଗ୍ରହ । ଏହା ଦେଖିବାକୁ ଲୋହିତ ବର୍ଣ । ଦୂରତା ଦୃଷ୍ଟିରୁ ଏହା ପଂଚମ ଗ୍ରହ । ବୈଜ୍ଞାନିକ ମାନେ ଏସବୁ କହିବା ପରେ ମଧ୍ୟ ଜ୍ୟୋତିଷ ମାନଂକ ଧାରଣା ଯେ ବୃହସ୍ପତି ହେଲେ ଜଣେ ପୁରୁଷ, ଜାତିରେ ବ୍ରାହ୍ମଣ, ଗୁଣରେ ସତ୍ୱଗୁଣୀ, ଦେଖିବାକୁ ସୁନେଲି, କଫ ପ୍ରକୃତିର, ରୁହନ୍ତି ଏ୍ୟଶାନ୍ୟ କୋଣରେ । ସେ ଶରୀରରେ ସ୍ଥୂଳ, ଲମ୍ବା ଓ କେଶଧାରୀ । ଏ ବର୍ଣନା ମଧ୍ୟ ବୃହସ୍ପତି ଗ୍ରହର ହୋଇ ନପାରେ । ଏଣୁ ଏ ପ୍ରକାର ଗ୍ରହ କେବେ ମଧ୍ୟ ଗ୍ରହ ତାଲିକାରେ ରହି ନ ପାରନ୍ତି । ସାତଟି ଗ୍ରହ କଟିଯିବା ପରେ ଆଉ ରହିଲେ ଦୁଇଟି ଶୁକ୍ର ଓ ଶନି ।

ପୃଥିବୀର ଯାଆଁଳା ଗ୍ରହ ଭାବରେ ଶୁକ୍ର ପରିଚିତ । ଏହା ପୂର୍ବରୁ ପଶ୍ଚିମକୁ ଘୁରୁଥିବାରୁ ଏଠାରେ ପଶ୍ଚିମ ଦିଗରେ ସୂର୍ଯ୍ୟ ଉଦୟ ହୋଇଥାଏ । ଏହାର ଉପଗ୍ରହ ନାହିଁ । ଏମିତି ଅନେକ କଥା ଅଛି ଶୁକ୍ର ବିଷୟରେ ବିଜ୍ଞାନ ବହିରେ । କିନ୍ତୁ ଜ୍ୟୋତିଷ ମାନଂକ ମାନିବା କଥା ଅଲଗା । ଦାନବ ବା ରାକ୍ଷାସ ମାନଂକର ଗୁରୁ ଶୁକ୍ର ସଂଜୀବନୀ ବିଦ୍ୟା ଦ୍ୱାରା ଦେବ ଦାନବ ଯୁଦ୍ଧରେ ନିଜ ଦାନବ ଶିଷ୍ୟଂକୁ ଅମର କରିଦେଇଥିଲେ । ସେ ହେଲେ ଦାନବ ମାନଂକ ଗୁରୁ । ଶୁକ୍ର ବିଷୟରେ ଏ ପ୍ରକାର ବର୍ଣନା କୈାଣସି ଗ୍ରହର କେବେ ମଧ୍ୟ ହୋଇ ନପାରେ । ଏଣୁ ଶୁକ୍ର ଗ୍ରହ ମଧ୍ୟ ଜ୍ୟୋତିଷମାନଂକ ତାଲିକାରୁ ବାଦ୍ ପଡିଯିବା ପରେ ଆଉ ଏକମାତ୍ର ଗ୍ରହ ତାଂକ ପାଖରେ ରହିଲା, ତାହା ହେଲା ଶନି ।

ବୈ÷ଜ୍ଞାନିକଂକ ଗଣନା ଅନୁସାରେ ସୂର୍ଯ୍ୟଂକ ଠାରୁ ୧୪୨୬୭୨୫୪୦୦ କିଲୋମିଟର୍ ଦୂରରେ ଅଛି ଶନି, ଯାହାର ବ୍ୟାସ ହେଉଛି ୧୨୦୫୩୬ କି.ମି. ଓ ଚଂଦ୍ର ଭଳି ଏହାର ୩୪ଟି ଉପଗ୍ରହ ତା ଚାରିପାକରେ ଘୂରି ବୁଲୁଛନ୍ତି । କିନ୍ତୁ ଜ୍ୟୋତିଷ ମାନଂକ କପୋଳ କଳ୍ପିତ ଶନି ସୈାର ପୁରାଣ ଅନୁସାରେ ସୂର୍ଯ୍ୟ ଓ ତାଂକ ପତ୍ନୀ ଛାୟାଂକ ଗର୍ଭରୁ ଜନ୍ମ ହୋଇଥିଲେ । ତାଂକ ଦେହ ବାତ ପ୍ରକୃତିର । ସେ ନିଷ୍ଠୁର ସ୍ୱଭାବର ଓ ସର୍ବଦା ଉଦାସ ।

ବିଜ୍ଞାନ ଉପରେ ସାଧାରଣ ଧାରଣା ନଥିବା କାରଣରୁ ଆଜି ଜ୍ୟୋତିଷମାନଂକର ସମସ୍ତ ଗଣନା ବ୍ୟର୍ଥ ହୋଇଛି । ସେମାନେ ଜାଣନ୍ତି ନାହିଁ ଯେ ଗ୍ରହ ମାନେ ଜଡ ନା ଚେତନ । ବିଜ୍ଞାନ କୁହେ ସେମାନେ ଜଡ ଅଥଚ ଜ୍ୟୋତିଷ ମାନେ କୁହନ୍ତି ଗ୍ରହ ମାନେ କାହା ଗର୍ଭରୁ ଜନ୍ମ ନେଇଛନ୍ତି ସେମାନେ ପୁଣି ମଣିଷ ମାନଙ୍କୁ ଦୁଃଖ ସୁଖ ଦେଇ ପାରନ୍ତି, କୋପ କରିପାରନ୍ତି ଇତ୍ୟାଦି ଇତ୍ୟାଦି ।

ରାଶିଫଳ-

ଜଣେ ଧ୍ୟାନର ସହ ପ୍ରତିଦିନର ଖବରକାଗଜରେ ସ୍ଥାନ ପାଉଥିବା ରାଶିଫଳକୁ ଦେଖିଲେ ଜାଣିପାରିବ ଯେ, ଏହା ବାରଟି ରାଶିର କିଛି କିଛି ଦିନ ବ୍ୟବଧାନରେ ଅଦଳବଦଳ ହେଉଥିବା କିଛି ବାକ୍ୟ ମାତ୍ର । ଆଜି ବିଛା ରାଶିରେ ଯାହା ଅଛି ପନ୍ଦର ଦିନ ପରେ ଦେଖିଲେ ସେହି ଫଳ ଥିବ ଧନୁ ରାଶିରେ ଓ ଆଜି ସିଂହ ରାଶିରେ ଯାହା ଅଛି ତାହା ଆଉକିଛି ଦିନ ପରେ ଆପଣ ଦେଖିବେ ସମାନ ଫଳ ଅଛି ବୃଷ ରାଶିରେ । ଏହା କେବଳ ଜ୍ୟୋତିଷ ମାନଂକର ଏକ ଖେଳ ମାତ୍ର । ପ୍ରତି ସପ୍ତାହରେ କେବଳ ସେମାନେ ଭାଗ୍ୟ ବାଂଟଂତି । କାହା ଭାଗ୍ୟରେ ଭଲ ପଡିଲା ତ କେବେ ଖରାପ । ତେବେ ସବୁବେଳେ ଏପରି ଭାଷା ବ୍ୟବହାର କରୁଥିବେ ଯେ ସାପ ମରିବ ନାହିଁ କି ବାଡି ଭାଂଗିବ ନାହିଁ । ଦୈନିକ ରାଶିଫଳ ହେଉ ବା ମାସିକ ରାଶିଫଳ, ଏଥିରେ ଦିଆଯାଇଥିବା ଶୁଭଦିନ ଓ ଘତଚଂଦ୍ର ନିଜ ଇଚ୍ଛା ଅନୁସାରେ ଜ୍ୟୋତିଷମାନେ ତିଆରି କରିଥାନ୍ତି । ମଣିଷକୁ ଆଶା ଓ ନିରାଶା ଦେବା ପାଇଁ ରାଶିଫଳଗୁଡିକ ବ୍ୟବସାୟ ଦୃଷ୍ଟିକୋଣରୁ ଲେଖାଯାଉଛି । ଏହା ଜନଜୀବନ ପାଇଁ କେତେଦୂର ବିପଜ୍ଜନକ ତାହା ବିଚାରଯୋଗ୍ୟ ।

ଭବିଷ୍ୟତ କଥନ- ୨୦୧୯ ନିର୍ବାଚନ ପୂର୍ବରୁ ଓଡିଶାର ଜଣେ ମହାନ ଜ୍ୟୋତିଷ ଉଦଘୋଷଣା କରିଥିଲେ ଯେ, କେଂଦ୍ରରେ ପ୍ରଧାନମନ୍ତ୍ରୀ ମୋଦି ଏଥର ଆଉ ଜିତିବେ ନାହିଁ କି ଓଡିଶାରେ ମଧ୍ୟ ମୁଖ୍ୟମନ୍ତ୍ରୀଂକ ଜାଗାରେ ଆମେ ଜଣେ ନୂଆ ମୁହଁ ଦେଖିବା । ଏହାକୁ ଏକ ସମ୍ବାଦପତ୍ର ବଡ ବଡ ଅକ୍ଷରରେ ଛାପିଥିଲେ । ତାର ଏକ ଫଟୋକପି ଏବେ ମଧ୍ୟ ମୁଁ ସାଇତି ରଖିଛି । ଯାହାକି ସଂପୂର୍ଣ ମିଥ୍ୟା କଳ୍ପନା ଥିଲା । ୨୦୧୯ ନିର୍ବାଚନରେ ମଧ୍ୟ ଆମ ଦେଶର ଶାସନଗାଦିରେ କିଏ ଅଳଂକୃତ ହେଲେ ସାରା ବିଶ୍ୱ ଦେଖିଲା । ଯଦି ସେମାନେ ଏତେ ନିଶ୍ଚିତ ଭାବେ ନିର୍ବାଚନରେ କିଏ ଜିତିବ କିଏ ହାରିବ କହି ପାରୁଛନ୍ତି ତାହେଲେ, ସେ ଯଦି ଆଗରୁ କହିଦିଅନ୍ତେ ଯେ, ଅମୁକ ବ୍ୟକ୍ତି ଜିତିବ ତାହେଲେ ଅନ୍ୟ ପ୍ରତିଦ୍ୱନ୍ଦୀ ମାନେ କାହିଁକି ଆଉ ନିର୍ବାତନ ଲଢନ୍ତେ, ସେମାନେ ତ ଓହରି ଯାଆନ୍ତେ ।

ଏଥିରୁ ଅନୁମେୟ, ଯେ ତଥାକଥିତ ଜ୍ୟୋତିଷମାନେ କେମିତି ମଣିଷର ଭବିଷ୍ୟତ କହିପାରୁଛୁ ବୋଲି ମିଥ୍ୟା କଥାଗୁଡିଏ କହି ଅଯଥାରେ ଲୋକଂକୁ ହଇରାଣ କରନ୍ତି ଅବା ଟଂକା ଲୁଟିଚାଲନ୍ତି ।

ସେମାନେ ଯଦି ବେଦରେ ବର୍ଣିତ ଗଣିତ ଜ୍ୟୋତିଷର ପ୍ରୟୋଗ କରି ବୈ÷ଜ୍ଞାନିକ ଉପାୟରେ ଗ୍ରହ ନକ୍ଷତ୍ର ର ଗଣନା କରି ପାରନ୍ତେ ତାହେଲେ ଆମ ଦେଶ ନିଶ୍ଚୟ ଉନ୍ନତି ପଥରେ ଆଗେଇ ପାରନ୍ତା ।

ଯୋଗେଶ୍ୱର ପଣ୍ଡା

ବ୍ରହ୍ମପୁର

ମୋ- ୮୭୬୩୩୯୦୦୪୫

ଆଧୁନିକ ଯୁଗରେ ଜ୍ୟୋତିଷ ଶାସ୍ତ୍ର ର ମହତ୍ତ୍ୱ କଣ ?

କାହାକୁ ବିଶ୍ୱାସ କରିବା : ଫଳିତ ଜ୍ୟୋତିଷ ନା ଗଣିତ ଜ୍ୟୋତିଷ ?