ମନରେ ଚଞ୍ଚଳତା, ଚପଳାମୀ ଯୁବ ସୁଲଭତା ଗୁଣ ଗୁଡିକ ଯୁବ ବୟସରେ ସାଧାରଣତ ଭଲ ଲାଗେ l ଏବଂ ଯୁବା ବୟସର ଯୁବକ ଯୁବତୀ ମାନଙ୍କ ପାଖରେ ଏହି ସବୁ ଗୁଣ ଦେଖାଯାଏ l କେହି କେହି ଏ ସବୁ କୁ ଅନ୍ୟ କୁ ଦେଖେଇ ବାରେ ଲାଜ କରନ୍ତି ଏବଂ ଆଉ କେହି କେହି ବିଲକୁଲ ଲାଜ କରନ୍ତି ନାହିଁ l

ଆପଣ ମାନେ ଦେଖିଥିବେ ପ୍ରେମୀ ଯୁଗଳ ମାନେ କୋଉଠିନା କୋଉଠି ଲୋମହର୍ଷଣକାରି ଅନୁଭବ କୁ ଭଲ ପାଆନ୍ତି l

ଦିନେ ଏକ ପ୍ରେମୀ ଯୁଗଳ ନିଜର ପରସ୍ପର ନିକଟତର ହେଇ ଏକ ନିକାଞ୍ଚନ ଜାଗା ରେ କଥା ହେଉଥିଲେ l ଝିଅ ଟି ପୁଅର ଛାତିରେ ମୁଣ୍ଡ ଆଉଜେଇ ନିଜ ପ୍ରେମ ସମ୍ପର୍କ ର ଭବିଷ୍ୟତ କଣ ହବ ସେ ପୁଅ ସାଙ୍ଗେ ଚୁପ ଚୁପ କଥା ହେଉଥାଏ l ସେ ଝିଅ ର ସେତେବେଳକୁ ଅନ୍ୟତ୍ର ବାହାଘର ଠିକ ହେଇ ଯାଇଥାଏ , ଏବଂ ସେମାନଙ୍କ ପରିବାରଙ୍କ ମଧ୍ୟରେ ଯିବା ଆସିବା, ପଚାର ଲୋଡ଼ା ମଧ୍ୟ ଚାଲିଥାଏ ,ସେ ଝିଅ ବି ଜାଣିଥାଏ ବାହାଘର କଥା l ସବୁ ଜାଣି ବି ସେ ପୁଅର କାନରେ ପ୍ରେମ ମନ୍ତ୍ର ଫୁଙ୍କି ସେ ପୁଅକୁ ମତୁଆଲ କରି ଚାଲି ଥାଏ l ଏବଂ ସେ ପୁଅ ବି ଗଭୀର ସମୁଦ୍ର ରେ ପହଁରିବାକୁ ଦୁଃସାହସ କରି ଚାଲି ଥାଏ l ସେ ନିକାଂଚନ ସନ୍ଧ୍ୟା ରେ ସେ ଜାଗାକୁ ପୋଲିସ ର ପ୍ରହରା ଥାଏ ,ପୋଲିସ ଗାଡି ଆଉ ଗୋଟିଏ ପ୍ରେମୀ ଯୁଗୋଳ ପାଖରେ ପହଂଚି ସେମାନଙ୍କୁ ପଚରା ଉଚରା କରୁଥାଏ l ପୂର୍ବ ପ୍ରେମୀ ଯୁଗୋଳ ଦ୍ୱୟ ଙ୍କ ଭିତରୁ ପୁଅଟି ଡ଼ରିକି କହୁଥାଏ ,ଯଦି ଆମକୁ ଧରିବେ ଆମେ କଣ କହିବା , ସେ ଝିଅ ପୁଅର ପାପୁଲି କି ଜାବୁଡି ହସି କହୁଥାଏ ଧରା ପଡ଼ିଲେ ଆମେ କହିବା ଆମେ ଭଲ ପାଉଛୁ ,ସେ ପୁଅ ତାର ଦୁଇ ଚକିଆ ଗାଡି ବୁଲେଇ କି କହୁଥାଏ ଆସ ପଳେଇବା ଏଠୁ ,ଝିଅ ଅଦମ୍ୟ ସାହସ ରେ କହୁଥାଏ ରୁହ ସେ ଆସିବେନି ,ସେଇଆ ବି ହୁଏ !

ଏବଂ ସବୁବେଳେ ସେ ଝିଅ କୁହେ ଚାଲ ଏମିତି କିଛି କରିବା ଯେମିତି ଭବିଷ୍ୟତ ରେ ସେ କଥା ମନେ ପକେଇ ହସିବା , ହୁଏତ ସେ କଥା ଏବେ ଭଲ ଲାଗି ନପାରେ l ଏ କଥାରୁ ଠଉରେଇ ହଉଥିଲା ଯେମିତି ଏ ଦୁଇଜଣ ସାରା ଜୀବନ ଏକାଠି ରହିବେ . ..............

ପୋଲିସ ପଳେଇଲା ଆଉ ଥରେ ସେ ପୁଅ ଝିଅ ପରସ୍ପରକୁ ଆଲିଙ୍ଘନ କରି ତାଙ୍କ ପ୍ରେମ ଭବିଷ୍ୟତ କୁ ତୋଳିବାକୁ ଲାଗିଲେ l ପୁଅ ଡରି ଡରି କହୁଥାଏ ତୁମେ ମୋର ହେଇପାରିବନି ନା , ମୋତେ ଏତେ ଭଲ ପାଉଚ ଆଗକୁ ମୋତେ ଛାଡି ପଳେଇବ , ଏମିତି ସ୍ଥିର ଶବ୍ଦ କୁ ନୀରବ ପରିବେଶ ରେ ଦୁଇ ଛାତି ଭିତରେ ବାଡେଇ ହେଇ ଘୁରି ବୁଲି ଥାଏ ସେ ମାନ ଅଭିମାନ ର କଥାଗୁଡିକ l ପୁଅ ଟି କହୁଥାଏ ତୁମ ଦୁଇ ପରିବାରରେ କଥା ଆଗକୁ ବଢେଇଲଣି ମୋ କଥା କିଏ କହିବ ,ମୋ ପାଇଁ କିଏ ଜିଦ ଧରିବ ? ଏମିତି କଥା ସବୁ.........

ଝିଅ ସେ ପୁଅକୁ ପୁଅର ଛାତି ଉପରୁ ମୁହଁ ଉଠେଇ କହିଲା ,ତୁମେ ଟିକେ ହେଲେ ଆଶା ରଖିନ ମୋତେ ପାଇବା ପାଇଁ ନା , ତୁମେ ଆଶା ରଖ ମୁଁ ତୁମ ସହ ଅଛି l ଆମ ଘରେ ମୋ ବାହାଘର ମେ ମାସ ପରେ କରିବେ ମୁଁ ଧୀରେ ଧୀରେ ତୁମ କଥା କହି ରାଜି କରେଇବି ତୁମେ ମୋ ହାତ ଛାଡିବ ନାହିଁତ ସତ କୁହ ............

ଏ କଥା ଶୁଣିଲା ପରେ ପ୍ରେମରେ ଥିବା ସେ ପୁଅ ର ଆଖିରେ ଅସୁମାରୀ ସପନ ଭାସି ଆସିଲା , ଖୁସି ର ଲୁହ ଦୁଇ ଟୋପା କେମିତି ବି ଅଟକିବ କହୁନ l ଖୁସିରେ ପରସ୍ପରକୁ ଆଲିଙ୍ଗନ କରି କାନ୍ଦିବାକୁ ଲାଗିଲେ l ଆଉ କହୁଥାଏ ଶୁଣ ଏତେ ଜଲଦି ଯଦି ଘର ଲୋକ ଆମ କଥା ମାନି ନେବେ ମଜା ଆସିବନି, ଟିକେ ନାରାଜ ହୁଅନ୍ତୁ ଆମେ ମନେଇବା ତା ପରେ ମଜା ଲାଗିବ ନା ଆଉ , ଆମେ କହିବା ସେ ମାନି ନେବେ ଇଏ କଣ କିଛି ମଜା ଆସିବନି ହେଲା । ଏମିତି କଥା ଶୁଣି ସେ ପୁଅକୁ ଲାଗିଲା ଇଏ ଝିଅ କଣ ଫିଲ୍ମୀ ପ୍ରେମିକା l ତା କଥା ଶୁଣିହସ ଲାଗୁଥାଏ ସତ ହେଲେ ଆତ୍ମବିଶ୍ବାସ ବଢିଚାଲି ଥାଏ ବି l

ସେ ଝିଅ ର ପ୍ରତିଶୃତି ନୂଆ ଉର୍ଜା ଆଣି ଦିଏ ସେ ପ୍ରେମ କାହାଣୀକୁ , ମୁୁଁ ଶେଷ ଯାଏ ଲଢ଼ିବି ତୁମକୁ ପାଇବା ପାଇଁ ବୋଲି ସେ ଝିଅ କହି ସେ କାହାଣୀକୁ ଆଗେଇ ନିଏ l କେତେ ଯେ ସୁମଧୁର ଅଭିଜ୍ଞତା ସାଉଁଟି ସାରିଲେଣି ଦୁଇ ଜଣ ଯାକ ମିଶି କହିହେବନି l

ଝିଅ ଦିନେ ଶୋଇବା ଆଗରୁ ମନସ୍ଥ କରି ଶୋଇଲା କି ଆଜି ଯାହାକୁ ସ୍ୱପ୍ନରେ ଦେଖିବି ତାକୁ ବାହା ହେବି ,ଝିଅ କହିବା ମୁତାବକ ସେଇ ପୁଅକୁ ଦେଖିଲା ଯାହାକୁ ପ୍ରତିଶୃତି ଦେଇଥିଲା l

ଅଳ୍ପ କିଛି ଦିନ ପରେ ସେ ଝିଅ ର ନିର୍ବନ୍ଧ ହେଲା ଧୁମ୍ ଧାମରେ ଝିଅ ଘର ପରିବାର, ପୁଅ ଘର ପରିବାର ଖୁସିରେ ସୀମା ନାହିଁ , ସେ ପୁଅ ବି ଖୁସି ,ସେ ଝିଅ ସଜବାଜ ହେଇ ଦେବୀ ଙ୍କ ପରି ଲାଗୁଥାଏ l କ୍ୟାମେରା ବାଲା କୁ ଫଟୋ ପାଇଁ ବିଭିନ୍ନ ଢଙ୍ଗ ରେ ସେ ଝିଅ ନିଜର ପୋଜ ସେ ପୁଅ ସହ ମିଶି ଦେଇ ଚାଲି ଥାଏ l

ମୁଦି ପିନ୍ଧା , କେକ କଟା ଓ ମୁଖ୍ୟ ଆକର୍ଷଣ ଆଖିକୁ ଝଲ୍ସେଇ ଦେଉଥାଏ ଦୁଇ ଜଣଙ୍କ ପରିଧାନ , ଦୁଇ ଜଣ ମାଚିଂ କରି କପଡା ଆଣି ଥାନ୍ତି l କାଳେ କିଏ ନଜର ଦେଇ ଦେବ ସେଥିପାଇଁ କଜଳ ଲଗେଇଥାଏ ସେ ଝିଅ l ହାତରେ ମେହେନ୍ଦି , ମେହେନ୍ଦି ରଙ୍ଗରେ ସେ ପୁଅ ର ନାମ ସେ ପୁଅ ବି ଖୁସି ରେ ସେ ଝିଅ କୁ ଗେଲ କରି ତାର ଜୀବନ ସାଥୀ କୁ ବିଶ୍ୱାସ ଦେଉଥାଏ ଏମିତି ସମାପ୍ତ ହୁଏ ନିର୍ବନ୍ଧ l

କିନ୍ତୁ ସେ ନିର୍ବନ୍ଧ ରେ ନଥିଲା ସେ ପ୍ରତିଶୃତି ପାଇଥିବା ପୁଅ , ଭାଙ୍ଗିଯାଇଥିଲା ସେ ପୁଅ ର ସ୍ୱପ୍ନ, ମେହେନ୍ଦି ରେ ଲେଖା ନଥିଲା ତା ନାମ ,ଲଗ୍ନ ରେ ସ୍ଥିର ସରିଥିଲା ଆଉ ଗୋଟିଏ ପୁଅର ନାମ ଏମିତି ହଠାତ୍ ନିଆଁ ଲାଗିଯାଇଥିଲା ସେ ପୁଅର ମନରେ l କୋହ ଭରା କଣ୍ଠେ ରେ ସେ ଝିଅ ସହ ମୋବାଇଲ୍ ରେ କଥା ହୁଏ ସେ ଭାଙ୍ଗି ଯାଇଥିବା ପୁଅ ସେପଟୁ ପୁଣି ବିଶ୍ୱାସ ବଢ଼େଇଲା ପରି କଥା ଶୁଣିବାକୁ ମିଳେ " ବେଦୀ ରୁ ବି ବର ଉଠି ଯାଉଚି " ତା ମାନେ ଏମିତି ବି କିଛି ବି ହେଇପାରେ ଆମର ବିବାହ ସମ୍ଭବ l

ବାହାଘର ଅଳ୍ପ ଦିନ ଥାଏ ସେ ପୁଅ ଆଉ ନିଜକୁ ରୋକି ପାରିଲା ନାହିଁ ଦିନେ ସେ ଝିଅକୁ କହିଲା ଯଦି ମୋତେ ବାହାହେବ କାଲି ତୁମେ ମୋ ପାଖକୁ ଆସିବ ଆମେ ମନ୍ଦିର ରେ ବାହା ହୋଇଯିବା ସେ ଝିଅ ବୁଝେଇ କହିଲା "କ୍ଷମା କରିବ ମୁଁ ଯାଇ ପାରିବି ନାହିଁ" ଓ "ଆଉ ତୁମକୁ ଖୁସି ରେ ରଖି ପାରିବି ନାହିଁ" l

ଯିଏ ଏକଥା କହି ଭରସା ଦେଉଥିଲା - ବେଦୀ ରୁ ବି ବର ଉଠି ଯାଉଚି !!