ଶ୍ରୀ ଲକ୍ଷ୍ମୀ ନୃସିଂହାଷ୍ଟୋତ୍ତର ଶତନାମ ସ୍ତୋତ୍ରମ୍

ନାରସିଂହୋ ମହାସିଂହୋ ଦିଵ୍ୟସିଂହୋ ମହାବଲଃ ।

ଉଗ୍ରସିଂହୋ ମହାଦେଵସ୍ସ୍ତଂଭଜଶ୍ଚୋଗ୍ରଲୋଚନଃ ॥ 1 ॥

ରୌଦ୍ରସ୍ସର୍ଵାଦ୍ଭୁତଃ ଶ୍ରୀମାନ୍ ୟୋଗାନଂଦସ୍ତ୍ରିଵିକ୍ରମଃ ।

ହରିଃ କୋଲାହଲଶ୍ଚକ୍ରୀ ଵିଜୟୋ ଜୟଵର୍ଧନଃ ॥ 2 ॥

ପଂଚାନନଃ ପରବ୍ରହ୍ମ ଚାଽଘୋରୋ ଘୋରଵିକ୍ରମଃ ।

ଜ୍ଵଲନ୍ମୁଖୋ ଜ୍ଵାଲମାଲୀ ମହାଜ୍ଵାଲୋ ମହାପ୍ରଭୁଃ ॥ 3 ॥

ନିଟିଲାକ୍ଷସ୍ସହସ୍ରାକ୍ଷୋ ଦୁର୍ନିରୀକ୍ଷଃ ପ୍ରତାପନଃ ।

ମହାଦଂଷ୍ଟ୍ରାୟୁଧଃ ପ୍ରାଜ୍ଞଶ୍ଚଂଡକୋପୀ ସଦାଶିଵଃ ॥ 4 ॥

ହିରଣ୍ୟକଶିପୁଧ୍ଵଂସୀ ଦୈତ୍ୟଦାନଵଭଂଜନଃ ।

ଗୁଣଭଦ୍ରୋ ମହାଭଦ୍ରୋ ବଲଭଦ୍ରସ୍ସୁଭଦ୍ରକଃ ॥ 5 ॥

କରାଳୋ ଵିକରାଳଶ୍ଚ ଵିକର୍ତା ସର୍ଵକର୍ତୃକଃ ।

ଶିଂଶୁମାରସ୍ତ୍ରିଲୋକାତ୍ମା ଈଶସ୍ସର୍ଵେଶ୍ଵରୋ ଵିଭୁଃ ॥ 6 ॥

ଭୈରଵାଡଂବରୋ ଦିଵ୍ୟଶ୍ଚାଽଚ୍ୟୁତଃ କଵି ମାଧଵଃ ।

ଅଧୋକ୍ଷଜୋଽକ୍ଷରଶ୍ଶର୍ଵୋ ଵନମାଲୀ ଵରପ୍ରଦଃ ॥ 7 ॥

ଵିଶ୍ଵଂଭରୋଽଦ୍ଭୁତୋ ଭଵ୍ୟଃ ଶ୍ରୀଵିଷ୍ଣୁଃ ପୁରୁଷୋତ୍ତମଃ ।

ଅନଘାସ୍ତ୍ରୋ ନଖାସ୍ତ୍ରଶ୍ଚ ସୂର୍ୟଜ୍ୟୋତିସ୍ସୁରେଶ୍ଵରଃ ॥ 8 ॥

ସହସ୍ରବାହୁଃସ୍ସର୍ଵଜ୍ଞସ୍ସର୍ଵସିଦ୍ଧିପ୍ରଦାୟକଃ ।

ଵଜ୍ରଦଂଷ୍ଟ୍ରୋ ଵଜ୍ରନଖୋ ମହାନଂଦଃ ପରଂତପଃ ॥ 9 ॥

ସର୍ଵମଂତ୍ରୈକରୂପଶ୍ଚ ସର୍ଵୟଂତ୍ରଵିଦାରଣଃ ।

ସର୍ଵତଂତ୍ରାତ୍ମକୋଽଵ୍ୟକ୍ତସ୍ସୁଵ୍ୟକ୍ତୋ ଭକ୍ତଵତ୍ସଲଃ ॥ 10 ॥

ଵୈଶାଖଶୁକ୍ଲଭୂତୋତ୍ଥଃ ଶରଣାଗତଵତ୍ସଲଃ ।

ଉଦାରକୀର୍ତିଃ ପୁଣ୍ୟାତ୍ମା ମହାତ୍ମା ଚଂଡଵିକ୍ରମଃ ॥ 11 ॥

ଵେଦତ୍ରୟପ୍ରପୂଜ୍ୟଶ୍ଚ ଭଗଵାନ୍ପରମେଶ୍ଵରଃ ।

ଶ୍ରୀଵତ୍ସାଂକଃ ଶ୍ରୀନିଵାସୋ ଜଗଦ୍ଵ୍ୟାପୀ ଜଗନ୍ମୟଃ ॥ 12 ॥

ଜଗତ୍ପାଲୋ ଜଗନ୍ନାଥୋ ମହାକାୟୋ ଦ୍ଵିରୂପଭୃତ୍ ।

ପରମାତ୍ମା ପରଂଜ୍ୟୋତିର୍ନିର୍ଗୁଣଶ୍ଚ ନୃକେସରୀ ॥ 13 ॥

ପରତତ୍ତ୍ଵଃ ପରଂଧାମ ସଚ୍ଚିଦାନଂଦଵିଗ୍ରହଃ ।

ଲକ୍ଷ୍ମୀନୃସିଂହସ୍ସର୍ଵାତ୍ମା ଧୀରଃ ପ୍ରହ୍ଲାଦପାଲକଃ ॥ 14 ॥

ଇଦଂ ଶ୍ରୀମନ୍ନୃସିଂହସ୍ୟ ନାମ୍ନାମଷ୍ଟୋତ୍ତରଂ ଶତମ୍ ।

ତ୍ରିସଂଧ୍ୟଂ ୟଃ ପଠେଦ୍ଭକ୍ତ୍ୟା ସର୍ଵାଭୀଷ୍ଟମଵାପ୍ନୁୟାତ୍ ॥ 15 ॥

ଇତି ଶ୍ରୀନୃସିଂହପୂଜାକଲ୍ପେ ଶ୍ରୀ ଲକ୍ଷ୍ମୀନୃସିଂହାଷ୍ଟୋତ୍ତରଶତନାମ ସ୍ତୋତ୍ରମ୍ ।

-- ଶ୍ରୀ ଲକ୍ଷ୍ମୀ ନୃସିଂହାଷ୍ଟୋତ୍ତର ଶତନାମ ସ୍ତୋତ୍ରମ୍