ବୈଜ୍ଞାନିକ ଜ୍ଞାନ କୌଶଳର ଶେଷସୀମା ଆଉ କେତେ ଦୂର ତାହା ଅଜ୍ଞାତରେ | କିନ୍ତୁ ଏହାର ପ୍ରଭାବ ଏହି ଏକବିଂଶ ଶତାବ୍ଦୀର ପ୍ରଥମ ପାହାଚରେ ଦେଖିବାକୁ ମିଳୁଛି | କିଛି ଦଶକ ପୂର୍ବରୁ ଆସିଥିବା ସଫ୍ଟୱାର ବିପ୍ଳବରେ ସଫଳତା ଦେଖିବାକୁ ମିଳୁଛି | ସମାଜକୁ ଅଧିକ ବ୍ୟବସ୍ଥିତ ଏବଂ ସୁବିଧାବାଦୀ କରିବାର ପ୍ରକ୍ରିୟାରେ ଏହା ନିଶ୍ଚିତ ଭାବରେ ଏକ ସୁନ୍ଦର ଉପହାର | କିନ୍ତୁ ପ୍ରତ୍ୟେକରେ ଭଲ ସହିତ ଖରାପର ମଧ୍ୟ ସମାନ୍ତରାଳ ଭାବରେ ପ୍ରଭାବ ଦେଖିବାକୁ ମିଳେ | ଏଣୁ ଏହାର ନକାରାତ୍ମକ ଭାବରେ ବ୍ୟବହାର ସମାଜକୁ ବିଫଳତା ମଧ୍ୟ ଦେଇଛି |

ଆଜିର ପରସ୍ପର ସହ ଜଡିତ ଦୁନିଆରେ ସୋସିଆଲ୍ ମିଡିଆ ଏକ ଶକ୍ତି ଭାବରେ ଛିଡା ହୋଇଛି | ଯାହା ଆମର ଅସ୍ତିତ୍ୱକୁ ନବୀନତାର ପଥରେ ନେଇଚାଲିଛି | ଶତାବ୍ଦୀର ପ୍ରାରମ୍ଭରୁ ଟେକନୋଲୋଜିର ପ୍ରଭାବ ଦେଖେଇବା ପାଇଁ ଏହା ସମାଜକୁ ଉଭୟ ଆଶୀର୍ବାଦ ଏବଂ ଅଭିଶାପ ପ୍ରଦାନ କରେ | ଗୋଟିଏ ପକ୍ଷରେ ଏହା ଜନସମ୍ପର୍କ, ସଂଯୋଗ ତଥା ବିଭିନ୍ନ ସୂଚନାକୁ ସମାଜରେ ପହଞ୍ଚେଇବାକୁ ଗୋଟିଏ ମାଧ୍ୟମ ଏବଂ ଅନ୍ୟ ପଟେ ଏହା ମାନସିକ ଚାପ, ଶାରୀରିକ ଅସୁସ୍ଥତା ତଥା ବିଭିନ୍ନ ସାମାଜିକ ଅସୁବିଧାର କାରଣ ଅଟେ | ଏହା ନବୀନତାର ବିପ୍ଳବରେ ନିଜର ଭିତ୍ତିଭୂମି ସୁଦୃଢ କରିଛି ଏବଂ ଦ୍ଵିତୀୟ ପକ୍ଷେ ସାଇବର ଠକେଇ,ମାନସିକ ସ୍ୱାସ୍ଥ୍ୟ ଉପରେ ପ୍ରଭାବ ପକାଉଥିବା ଅବାସ୍ତବ ସୂଚନାର ପ୍ରଚାର ତଥା ଅତ୍ୟଧିକ ଭାବରେ ଫୋନରେ ଲୋକଙ୍କୁ ନିୟୋଜିତ କରିବାର କାମ କରୁଛି | ଏଥିରେ ମୁଖ୍ୟକର୍ତ୍ତା ଭାବରେ ନିଜକୁ ପରଖିବା ଆବଶ୍ୟକ କାରଣ ଦାୟିତ୍ୱପୂର୍ଣ୍ଣ ଭାବରେ ଏହାର ବ୍ୟବହାର ହିଁ ସୁଫଳତାର ପ୍ରମାଣ ଦେଇପାରିବ | ସମ୍ପ୍ରତି ଡିଜିଟାଲ ଟେକନୋଲୋଜିର ଯୁଗରେ ଏହା ଶକ୍ତିଶାଳୀ ଦ୍ୱି-ଧରିଆ ଖଣ୍ଡା ଭାବରେ କାମ କରୁଛି | କ୍ଷଣିକ ଅସାବଧାନତା ଦ୍ୱାରା ସେ ଚରିତ୍ର ପରଖି ସ୍ୱୟଂ ଭିତରକୁ ଜାବୁଡି ନେବ |

ସାମାଜିକ ଗଣମାଧ୍ୟମରେ ସୋସିଆଲ ମିଡ଼ିଆ ଆଶୀର୍ବାଦ ଭାବରେ ଯୁକ୍ତାତ୍ମକ ସ୍ଥିତି ସୃଷ୍ଟି କରେ |ଏହା ଅଦୃଶ୍ୟ ଜାଲ ସୃଷ୍ଟି କରେ ଯାହା ଭୌଗୋଳିକ ସୀମାକୁ ଅତିକ୍ରମ କରି ବିଭିନ୍ନ ଦେଶ ତଥା ସମ୍ପ୍ରଦାୟ ସହିତ ସମ୍ପର୍କ ଏବଂ ଏକତ୍ରିତ କରିବାରେ ସାହାର୍ଯ୍ୟ କରିଥାଏ | ଆଜିର ସମୟରେ ସୂଚନାର ଭଣ୍ଡାର ଆଙ୍ଗୁଠି ମୁନରେ ରହିଛି |ଏହା ଆତ୍ମ-ଅଭିବ୍ୟକ୍ତି ପାଇଁ ଏକ ଶକ୍ତିଶାଳୀ ପ୍ଲାଟଫର୍ମ ଭାବରେ କାର୍ଯ୍ୟ କରେ| ବ୍ୟକ୍ତିବିଶେଷଙ୍କୁ ସେମାନଙ୍କର କାହାଣୀ ଏବଂ ଦୃଷ୍ଟିକୋଣ ବାଣ୍ଟିବାକୁ ଏକ ଗୁରୁତ୍ୱପୂର୍ଣ ସ୍ଥାନ ପ୍ରାରମ୍ଭ କରେ |ସାମାଜିକ ପରିବର୍ତ୍ତନ କ୍ଷେତ୍ରରେ ଏହା ନ୍ୟାୟ ସମାନତା ଏବଂ ମାନବିକତା ପାଇଁ ସ୍ୱର ଉତ୍ତୋଳନ କରେ |ପ୍ରେରଣା ଏବଂ ସାମାଜିକ ଗଣମାଧ୍ୟମରେ ସାମୂହିକ ସଶକ୍ତିକରଣ ପାଇଁ ଏକ ସ୍ଥାନ ସୃଷ୍ଟି ହୁଏ | ଗତିବିଧିକୁ ଇନ୍ଧନ ଯୋଗାଇବା ସହ ଯାହା ସମାଜକୁ ଉନ୍ନତ ରୂପରେଖ ଦେଇଥାଏ |

ତଥାପି, ସୋସିଆଲ ମିଡିଆର ଛାୟା ଏକ ବିସ୍ତାରିତ ଅନ୍ଧକାର | ସାଇବରର ଭିନ୍ନଭିନ୍ନ ଠକେଇ ଭିତରେ ପଶି ପୀଡିତଙ୍କୁ ଠକିଯାଏ | ଏହାର ନିଶା ଉପଭୋକ୍ତାମାନଙ୍କୁ ବାନ୍ଧିରଖିଥାଏ | ଡିଜିଟାଲ୍ ଭାବରେ ସୁବିଧାବାଦୀତା ଯୋଗାଇ ଧିରେ ଧିରେ ବାଧ୍ୟତାମୂଳକ ଆବଶ୍ୟକତାରେ ପରିଣତ କରିଥାଏ |ଏଥିରେ ମିଛ ସୂଚନା ବିଞ୍ଚି ଅବାସ୍ତବ ଘଟଣାକୁ ମଧ୍ୟ ବାସ୍ତବ ଶ୍ରେଣୀରେ ରଖିଦିଆଯାଏ | ଏହା ସମାଜରେ ଘୋର ପ୍ରଭାବ ପକାଏ | ଆଜିକାର ଦୈନନ୍ଦିନ ଜୀବନଶୈଳୀରେ ସୋସିଆଲ ମିଡ଼ିଆ ବିଶେଷ ଭାବରେ ପ୍ରୋଗ୍ରାମୀଙ୍ଗ ହେଉଛି ଯାହାର ସ୍ୱଳ୍ପ ବ୍ୟବହାର ମାତ୍ରେ ଏହା ମସ୍ତିଷ୍କରୁ ଡୋପାମାଇନ ଭଳି ହରମୋନ କ୍ଷରଣ କରୁଛି, ଫଳରେ ଏଥିରେ ମାନବ ବାନ୍ଧିହେବାରେ ଲାଗିଛି | ଆଜିର ଯୁବ ସମାଜ ଏହାର ବହୁଳ ବ୍ୟବହାର କରୁଛନ୍ତି ଫଳରେ ସେମାନେ ଏକକିତା,ଉଦାସୀନତା ଗ୍ରସ୍ତ ହେଉଛନ୍ତି | ସମାଜ ପ୍ରତି ଥିବା ବିଶ୍ୱାସ ଭାଙ୍ଗିବାରେ ମଧ୍ୟ ଏହାର ଭୂମିକା ରହିଛି |ଏହା ପରୋକ୍ଷ ଭାବରେ ଶାରୀରିକ ସ୍ୱାସ୍ଥ୍ୟ ଉପରେ ମଧ୍ୟ ପ୍ରଭାବ ପକାଏ | ଏହାର ବହୁଳ ବ୍ୟବହାର ଦ୍ୱାରା ଚକ୍ଷୁ ଏବଂ ରେଡ଼ିଏସନ ଦ୍ୱାରା ଶରୀର ଅସୁସ୍ଥ ହୁଏ | ସାମାଜିକ ଗଣମାଧ୍ୟମ ସାମାଜିକ ଅସୁସ୍ଥତା ତଥା ବ୍ୟକ୍ତିର ସାମୂହିକ ମାନସିକତା ଉପରେ ଏହାର କ୍ଷତିକାରକ ପ୍ରଭାବକୁ ହ୍ରାସ କରିବା ପାଇଁ ସଜାଗତା ଏବଂ ପ୍ରତିରୋଧର ଆବଶ୍ୟକତା ରହିଛି |

ସୋସିଆଲ ମିଡିଆକୁ ବ୍ୟବହାର କରିବା ଆଶୀର୍ବାଦ ଏବଂ ଅଭିଶାପ ମଧ୍ୟରେ ଥିବା ସୂକ୍ଷ୍ମ ସନ୍ତୁଳନରେ ପ୍ରଚଳିତ ହୁଏ |ଏହାର ପ୍ରୋଗ୍ରାମ ଉପଭୋକ୍ତାଙ୍କ ମାନସିକତାକୁ ପରୀକ୍ଷଣ କରି ଏହାର ଆବଶ୍ୟକତା ଅନୁସାରେ ସୂଚନା ପ୍ରଦାନ କରି ଏଥିରେ ତାଙ୍କୁ ବାନ୍ଧିରଖେ | ଯେତେବେଳେ ଏହାର ଆବଶ୍ୟକତା ଅଛି ସେତେବେଳେ ବ୍ୟକ୍ତିବିଶେଷଙ୍କୁ ଦାୟିତ୍ୱପୂର୍ଣ୍ଣ ଭାବରେ ଏହାର ବ୍ୟବହାର କରିବା ଆବଶ୍ୟକ | ଅତ୍ୟଧିକ ଏବଂ ଏହା ଉପରେ ଜ୍ଞାନ ନଥାଇ ଏହାର ବ୍ୟବହାର ଏହା ନକାରାତ୍ମକତା ଆଡକୁ ଟାଣିପାରେ| ଏହାର ଦାୟିତ୍ୱପୂର୍ଣ୍ଣ ବ୍ୟବହାର ଦ୍ୱାରା ଏହା ବିଭିନ୍ନ ଜନସଚେତନତା ଏବଂ ସୂଚନା ପ୍ରଦାନର ଏକ ବଳିଷ୍ଠ ଉତ୍ସ ଭାବରେ ଉଭାହୁଏ |ଏହି ସନ୍ତୁଳନ ଦ୍ୱାରା ଉପଭୋକ୍ତାମାନେ ସକରାତ୍ମକ ପ୍ରଭାବ ପାଇଁ ସୋସିଆଲ ମିଡିଆକୁ ନିର୍ବିଘ୍ନରେ ବ୍ୟବହାର କରିପାରିବେ |

ଭିନ୍ନଭିନ୍ନ ସମ୍ପ୍ରଦାୟ ଏବଂ ସ୍ଥାନ ମାନଙ୍କର ସଂଯୋଗର ଏହି ଯୁଗରେ ସୋସିଆଲ ମିଡ଼ିଆ ଏକ ବିସ୍ତିନ୍ନ ଉପହାର | ଯାହା ଦ୍ୱାରା ବୃଦ୍ଧ ସାମାଜିକ ଜୀବନ ପ୍ରଣାଳୀ ଗୁଡିକର ନବୀକରଣ କରାଯାଇ ପାରିବ | ଏହାଦ୍ୱାରା ମିଳିତ ହୋଇ ସମାଜର ଅନେକ ଅପରାଧକୁ ରୋକାଯାଇପାରିବ | କିନ୍ତୁ ଏହାକୁ ସମ୍ପ୍ରତି ଅତ୍ୟଧିକ ନକାରାତ୍ମକ ଭାବରେ ବ୍ୟବହାର କରାଯାଉଛି | ଏହାର ସୃଷ୍ଟିକର୍ତ୍ତା ମାନେ କେବଳ ସ୍ୱାର୍ଥପୂର୍ଣ୍ଣ ଭାବରେ ଏହାକୁ ଚଳାଉଛନ୍ତି | ଏହା ବର୍ତ୍ତମାନର ସମୟରେ ଅତ୍ୟଧିକ ଭାବରେ ଏକ ଅଭିଶାପର ପ୍ରଭାବ ପକାଇଚାଲିଛି |

ସୋସିଆଲ ମିଡ଼ିଆ-ଆଶୀର୍ବାଦ ନା ଅଭିଶାପ

.