🌹!! ଭାବ ରାଜ୍ୟ ଲୀଳା ରହସ୍ୟ !! 🌹

ନ ପାରୟେऽହଂ ନିରବଦ୍ଦ୍ୟସଂୟୁଜାଂ

ସ୍ଵସାଧୁକୃତ୍ୟଂ ବିବୁଧାୟୁଷପି ବଃ

ଯା ମାଭଜନ୍ ଦୁର୍ଜରଗେହଶୃଙ୍ଖଳା

ସଂବୃଚ୍ୟ ତଦ୍ ବଃ ପ୍ରତିୟାତୁ ସାଧୁନା ।। - ଶ୍ରୀମଦ୍ ଭାଗବତ 🙏🌹

ଭଗବାନ ଶ୍ରୀ ଶ୍ୟାମସୁନ୍ଦର ଗୋପୀ ମାନଙ୍କୁ କହୁଛନ୍ତି :

"ହେ ଗୋପୀଗଣ..!! ତୁମେମାନେ ଘର ର ସମସ୍ତ କଠିନ ବେଡ଼ି ଗୁଡ଼ିକ କାଟି ମୋତେ ନିଷ୍କପଟ ପ୍ରେମ କରିଛ ; ଯଦି ମୁଁ ତୁମମାନଙ୍କୁ ଅଲଗା ଅଲଗା ଦେବତା ମାନଙ୍କ ଆୟୁ ପର୍ଯ୍ୟନ୍ତ ପୃଥିବୀରେ ଜୀବନ ଧାରଣ କରି ତୁମ ପ୍ରେମ ର ଋଣ ସୁଝିବାକୁ ଚାହିଁବି ତଥାପି ମୁଁ ସୁଝି ପାରିବି ନାହିଁ । ମୁଁ ତୁମମାନଙ୍କର ଋଣୀ ଅଟେ ଏବଂ ଋଣୀ ରହିବି । ତୁମେମାନେ ମୋତେ ନିଜର ସାଧୁ ସ୍ଵଭାବ ରେ ଋଣ ରହିତ ମାନି ଆହୁରି ଋଣୀ ବନାଇଦିଅ । ଏହାହିଁ ଉତ୍ତମ ଅଟେ । ସର୍ବଲୋକମହେଶ୍ଵର ଭଗବାନ ଶ୍ରୀକୃଷ୍ଣ ସ୍ଵୟଂ ଯେଉଁ ମହାଭାଗା ଗୋପୀ ମାନଙ୍କ ଋଣୀ ରହିବାକୁ ଚାହାଁନ୍ତି , ତାଙ୍କର ଇଚ୍ଛା , ଇଚ୍ଛା ହେବା ପୂର୍ବରୁ ହିଁ ଭଗବାନ ପୂର୍ଣ୍ଣ କରି ଦିଅନ୍ତୁ ଏହା ତ ସ୍ଵଭାବିକ ହିଁ ଅଟେ ।

ଭଲା ବିଚାର କରନ୍ତୁ ତ' - ଶ୍ରୀକୃଷ୍ଣଗତାପ୍ରାଣା , ଶ୍ରୀକୃଷ୍ଣ ରସ-

ଭାବିତାମତି ଗୋପୀ ମାନଙ୍କ ମନ ର କ'ଣ ସ୍ଥିତି ଥିଲା ! ଗୋପୀ ମାନଙ୍କର ତନ, ମନ,ଧନ ସବୁକିଛି ପ୍ରାଣ ପ୍ରିୟତମ ଶ୍ରୀକୃଷ୍ଣ ଙ୍କର ଥିଲା। ସେମାନେ ସଂସାର ରେ ବଞ୍ଚିଥିଲେ ଶ୍ରୀକୃଷ୍ଣ ଙ୍କ ପାଇଁ, ଘରେ ରହିଥିଲେ ଶ୍ରୀକୃଷ୍ଣ ଙ୍କ ପାଇଁ, ଏବଂ ଘରେ ସମସ୍ତ କର୍ମ କରୁଥିଲେ ଶ୍ରୀକୃଷ୍ଣ ଙ୍କ ପାଇଁ । ତାଙ୍କର ନିର୍ମଳ ଯୋଗୀନ୍ଦ୍ର ଦୁର୍ଲ୍ଲଭ ପବିତ୍ର ବୁଦ୍ଧି ରେ ଶ୍ରୀକୃଷ୍ଣ ଙ୍କ ଛଡା ନିଜର କିଛି ହିଁ ନଥିଲା । ଶ୍ରୀକୃଷ୍ଣ ଙ୍କ ପାଇଁ ହିଁ, ଶ୍ରୀକୃଷ୍ଣ ଙ୍କୁ ସୁଖ ଦେବା ପାଇଁ ହିଁ, ଶ୍ରୀକୃଷ୍ଣ ଙ୍କ ନିଜ ସାମଗ୍ରୀ ଦ୍ଵାରା ହିଁ ଶ୍ରୀକୃଷ୍ଣ ଙ୍କୁ ପୂଜା କରି , ଶ୍ରୀକୃଷ୍ଣ ଙ୍କୁ ଦେଖି ଦେଖି ସେମାନେ ସୁଖୀ ହେଉଥିଲେ । ପ୍ରାତଃ କାଳ ରୁ ନିଦ୍ରା ଭାଙ୍ଗିବା ପର ଠାରୁ ରାତ୍ରି ରେ ଶୋଇବା ପର୍ଯ୍ୟନ୍ତ ସେମାନେ ଯାହା କିଛି କରୁଥିଲେ, କେବଳ ଶ୍ରୀକୃଷ୍ଣ ଙ୍କ ପ୍ରୀତି ଉଦ୍ଦେଶ୍ୟରେ କରୁଥିଲେ । ଏମିତି କି ତାଙ୍କର ନିଦ୍ରା ମଧ୍ୟ ଶ୍ରୀକୃଷ୍ଣ ଙ୍କ ଠାରେ ହିଁ ହେଉଥିଲା । ସ୍ଵପ୍ନ ଏବଂ ସୁଷୁପ୍ତି ରେ ଦୁଇ ଅବସ୍ଥା ରେ ମଧ୍ୟ ସେମାନେ ଶ୍ରୀକୃଷ୍ଣ ଙ୍କ ମଧୁର ଏବଂ ଶାନ୍ତ ଲୀଳା ଦେଖୁଥିଲେ ଏବଂ ଅନୁଭବ କରୁଥିଲେ । ରାତିରେ ଦହି ବସାଇବା ବେଳେ ଶ୍ୟାମସୁନ୍ଦର ଙ୍କ ମଧୁର ଛବି ର ଧ୍ୟାନ କରି ପ୍ରେମମୟୀ ପ୍ରତ୍ୟେକ ଗୋପୀ ଏହି ଅଭିଳାଷ କରୁଥିଲେ କି ମୋର ଦହି ସୁନ୍ଦର ଓ ସ୍ଵାଦିଷ୍ଟ ହେଉ, କୃଷ୍ଣ ଙ୍କ ପାଇଁ ତାକୁ ମନ୍ଥନ କରି ମୁଁ ବଢିଆ ଏବଂ ବହୁତ ସାରା ଲବଣୀ ବାହାର କରେ ଏବଂ ତାକୁ ସେତିକି ଉଚ୍ଚ ରେ ଶିକା ଉପରେ ରଖେ ଯେପରି ସେପର୍ଯ୍ୟନ୍ତ ତାଙ୍କ ହାତ ପାଉଥିବ , ତାପରେ ମୋ ପ୍ରାଣପ୍ରିୟ ବାଳକୃଷ୍ଣ ନିଜ ସଖା ମାନଙ୍କୁ ସାଥିରେ ଧରି ହସି ହସି କ୍ରୀଡ଼ା କରି କରି ମୋ ଘରେ ପଦାର୍ପଣ କରନ୍ତୁ, ଲବଣୀ ଚୋରି କରନ୍ତୁ, ସେ ଆନନ୍ଦ ରେ ମତ୍ତ ହୋଇ ମୋ ଅଗଣା ରେ ନାଚନ୍ତୁ, ଏବଂ ମୁଁ କୈାଣସି ଏକ କୋଣରେ ଲୁଚି ଲୁଚି ଏହି ଲୀଳା କୁ ନିଜ ନୟନ ରେ ଦେଖି ଏ ଜୀବନ ସଫଳ ହୋଇଯାଉ ଏବଂ ପୁଣି ଅଚାନକ ତାଙ୍କୁ ଧରି ହୃଦୟ ରେ ଲାଗାଇ ଦିଏ । ଆହା କି ସୁନ୍ଦର ଦୃଶ୍ୟ କି ଭାବ ଆନନ୍ଦ । 🙏🌹

"ବ୍ରଜେ ପ୍ରସିଦ୍ଧଂ ନବନୀତ ଚୌରଂ ଗୋପାଙ୍ଗନାଂ ଚ ଦୂକୁଳଂ ଚୌରଂ ସତସ୍ତଜନ୍ମାର୍ଜିତ ପାପ ଚୌରଂ ଚୌରାଗ୍ରଗଣ୍ୟମ୍ ପୁରୁଷଂ ନମାମି 🙏

🌹🙏 ଜୟ ମାଖନଚୋର ନନ୍ଦକିଶୋର 🙏🌹