ବହୁ ପ୍ରତୀକ୍ଷିତ ମୁହୂର୍ତ୍ତ ଶେଷରେ ଆସି ପହଞ୍ଚିଲା, ପୁଷ୍କରା ରିଲିଜ୍ ହେବା ସହ ଟିକେଟ ମଧ୍ଯ ଉପଲବ୍ଧ ହେଲା। ମୁଁ ଏବଂ ମୋ ପରିବାର ଭୁବନେଶ୍ୱରର ରସୁଲଗଡ ନିକଟ ଏସପ୍ଲାନେଡ୍ ମଲ୍ ରେ ଆମର ସିଟ୍ ବୁକିଂଗ କରିବାରେ ଟିକିଏ ବି ସମୟ ନଷ୍ଟ କରିନଥିଲୁ। ଆମକୁ ଅପେକ୍ଷା କରି ରହିଥିଲା ପୁଷ୍କରାର ସିନେମାଟିକ୍ ଯାତ୍ରା, ଯାହାକୁ ଆମେ ଅତି ଉତ୍ସାହର ସହିତ ଅପେକ୍ଷା କରିଥିଲୁ। ଆଉ ବାକି ଚଳଚ୍ଚିତ୍ରର ପୋଷ୍ଟର ସହିତ ବାଧ୍ୟତାମୂଳକ ଫଟୋ ପାଇଁ ଯାହା ପୋଜ୍ ଦିଆହେଇଥିଲା ସେଥିରୁ ଆମ ସମସ୍ତଙ୍କ ଉତ୍ସାହ ସ୍ପଷ୍ଟ ଭାବେ ବାରି ହେଇଯାଉଥିଲା।

ସମ୍ମାନିତ ଲେଖକ ସଙ୍କର ତ୍ରିପାଠୀଙ୍କ ଦ୍ୱାରା ରଚିତ ପ୍ରସିଦ୍ଧ ଓଡିଆ ଉପନ୍ୟାସ "ନାଦବିନ୍ଦୁ"କୁ ଆଧାର କରି "ପୁଷ୍କରା" ନିର୍ମିତ ହୋଇଛି। ଏହା ଓଡିଶାର ପାରମ୍ପାରିକ ରୀତିନୀତି ଏବଂ ସଂସ୍କୃତିର ଏକ ଆକର୍ଷଣୀୟ ଝଲକ ପ୍ରଦାନ କରିବା ସହ ଜନସାଧାରଣଙ୍କ ଦୃଷ୍ଟିରୁ ପୁରୀ ସହର ଉପରେ ଏକ ନିଆରା ଢଙ୍ଗରେ ପରିବେଷଣ କରାଯାଇଛି ।

ଚଳଚ୍ଚିତ୍ର ଆରମ୍ଭ ହେବା ମାତ୍ରେ ଏକ ଭାବପ୍ରବଣତାର ଜୁଆର ଆମେ ଅନୁଭବ କରିବା ଆରମ୍ଭ କଲୁ। ନୀଳକଂଠ ଆଖପାଖରେ ଥିବା ପିଲାମାନଙ୍କର ଦୁଷ୍ଟାମି ଏବଂ ପୁରୋହିତମାନଙ୍କର ଦାନ ମାଗିବା ପାଇଁ ପ୍ରୟାସର ଦୃଶ୍ଯ ସବୁ ଆମକୁ ଆନନ୍ଦିତ କଲା। ଚଳଚ୍ଚିତ୍ରଟି ନୀଳକଂଠଙ୍କ ଜଟିଳ ଓ ସାମାନ୍ୟ ଜୀବନ ମଧ୍ୟ ଦେଇ ଗତି କରି ଆମ ମଧ୍ୟରେ ଏକ ଗାମ୍ଭିର୍ଯ୍ୟ ମୁହୂର୍ତ୍ତ ସୃଷ୍ଟି କଲା।

ସବ୍ଯସାଚୀ ଭାଇନା, ନୀଳକଂଠଙ୍କ ନିରାଶା ଏବଂ ଦୁଃଖଗୁଡ଼ିକୁ ନିଜର ଅପୂର୍ବ ଅଭିନୟ ବଳରେ ଚିତ୍ରଣ କରି ଆମକୁ ଏତେ ଗଭୀର ଭାବରେ ବୁଡ଼ାଇ ଦେଲେ ଯେ ଆମେ ଅନୁଭବ କଲୁ ଯେପରି ଆମେ ପ୍ରତ୍ୟକ୍ଷ ଭାବେ ତାଙ୍କ ଚାରିତ୍ରିକ ପ୍ରଭାବ ନିଜ ଭିତରେ ଅନୁଭବ କରୁଛୁ । ଏହି ଚଳଚ୍ଚିତ୍ରଟି ପୁରୀର ବିଭିନ୍ନ ଗଳି କନ୍ଦିର ଝଲକ ଦେଖେଇ ପୁରୀ ସହିତ ଯୋଡ଼ିହେଇ ଥିବା ସମସ୍ତ ଭାବନାକୁ ଅଜାଡ଼ି ଦେଲା।

ସମୟାନୁସାରେ ଗୀତଗୁଡ଼ିକ ଚଳଚ୍ଚିତ୍ରର ପ୍ରଭାବକୁ ଆହୁରି ବଢେଇ ଦେଉଥିଲା। ବିଭୂତି ଭୁଷଣ ଗଡନାୟକଙ୍କ ଚମତ୍କାର ରଚନା ନିଶ୍ଚିତ ଏକ ଅବିସ୍ମରଣୀୟ ଛାପ ଛାଡିଛି ଏବଂ ମୁଁ ଏପର୍ଯ୍ୟନ୍ତ "ନୁଆ ଘର ଖଣ୍ଡି ଦିନେ ପୁରୁଣା ହେବ" ମନେ ମନେ ଗୁଣୁ ଗୁଣଉଛି।

ପୁରା ଶେଷ ପର୍ଯ୍ୟନ୍ତ "ପୁଷ୍କରା" ଆମକୁ ବାନ୍ଧି ରଖିଥିଲା ଫିଲ୍ମ ହଲ୍ ରେ। ନୀଳକଂଠ ଏବଂ ତାଙ୍କ ସାଙ୍ଗମାନଙ୍କ ମଧ୍ୟରେ ମଜାଳିଆ ବାଦବିବାଦ, ନିଜ ଦାୟିତ୍ୱର ଭାର ଏବଂ ଏକ କମ ଚର୍ଚ୍ଚିତ ପରମ୍ପରା ଯାହାକି ଏ ଚଳଚ୍ଚିତ୍ରକୁ ଏକ ସ୍ଵତନ୍ତ୍ରତା ପ୍ରଦାନ କରୁଛି। ଏହି ଚଳଚ୍ଚିତ୍ର ଆମକୁ ହସେଇଛି ଏବଂ ଆଖିରେ ଲୁହ ମଧ୍ଯ ଦେଇଛି।

ଏକ ବ୍ୟକ୍ତିଗତ ଟିପ୍ପଣୀ ଦେବି - ମୋର ପିତାମାତା ଏହା କହିବା ବନ୍ଦ କରିପାରୁନାହାଁନ୍ତି, "ବହୁତ ସମୟ ଲାଗିବ ଏହି ଫିଲ୍ମରୁ ନିଜକୁ ବାହର କାରିବାକୁ।" ସତରେ ! ହୃଦୟ ଭିତରେ ଘର କରି ରହିଯାଇଛି "ପୁଷ୍କରା ବାୟା" " ।

ପରିଶେଷରେ କହିବି, "ପୁଷ୍କରା" ଏକ ଅବିସ୍ମରଣୀୟ ସିନେମାଟିକ୍ ଅନୁଭୂତି ଯାହା ନିଶ୍ଚୟ ତୁମର ହୃଦୟକୁ ରୋମାନ୍ଥନ କରିବ। ଏହି ଉଲ୍ଲେଖନୀୟ ଚଳଚ୍ଚିତ୍ର ନିର୍ମାଣରେ ଜଡିତ ସମସ୍ତ କଳାକାର ଏବଂ ରଚୟିତାମାନଙ୍କୁ ଅଶେଷ ଧନ୍ୟବାଦ, ଯାହା ଆମ ସମସ୍ତଙ୍କ ଉପରେ ଏକ ଅଲିଭା ଛାପ ଛାଡିଯାଇଛି। ଏହି ସିନେମାଟିକ୍ ରତ୍ନଟିକୁ ଦେଖିବାକୁ ବିଲକୁଲ ଭୁଲନ୍ତୁ ନାହିଁ !

ପୁଷ୍କରା: ଏକ ଅବିସ୍ମରଣୀୟ ସିନେମାଟିକ୍ ଅନୁଭୂତି

ଏକ ଅବିସ୍ମରଣୀୟ ସିନେମାଟିକ୍ ଅନୁଭୂତି ଯାହା ତୁମର ହୃଦୟସ୍ପର୍ଷ କରିବ