"କଣ ହେଲା ଏତେ ସିରିୟସ କଣ ପାଇଁ ?" ସଂଜୟ ର ପ୍ରଶ୍ନ ରେ ସମସ୍ତେ ଟିକେ ସ୍ୱାଭାବିକ ହେଲେ । ସଂଜୟ କହିଲା ବସ ସମସ୍ତେ ଏତେଦିନ ପରେ ଦେଖା ହେଇଛନ୍ତି ମଜା କରିବା କଥା ହେବା ଛାଡ଼ ସବୁକଥା । ନିହାର କହିଲା ଏତେ ଭଲ ହବା ବିଲକୁଲ ଦରକାର ନାହିଁ ଏମିତି ଆକ୍ଟିଂ କରନି ଯେମିତି କିଛି ବି ହେଇନି । ଦିବ୍ୟା କହିଲା "ଏତେ କଥା ନାହିଁ ନିହାର ଟିକେ ଚୁପ ରହ। ତୁମେ ଦୁଇ ଜଣ ଟିକେ ଟାଇମ ନେଇ କଥା ହୁଅ ମୋତେ ଲାଗୁଛି ଆମେ ରହିବାଟା ଠିକ ହଉନି...... ସଞ୍ଜୟ କାଲି ଦେଖା ହେବା”। ମୋହିନୀ କହିଲା ଯିଏ ରାଗିବା କଥା ସିଏ ତ ଭୁଲି ଯାଇଛି ତମେ ମାନେ କଣ କ୍ଷମା କରିବନି ? ନିହାର କହିଲା "ତା' କଥା କହନି ମୋତେ । ସିଏ ତୋତେ ବହୁତ ଭଲ ପାଏ ସେଥିପାଇଁ ହୁଏତ ଭୁଲିବାର ଅଭିନୟ କରୁଥିବ। ଏତେ ଭଲ ପାଏ ତୋତେ କାଳେ କହିଦେଲେ ତୁ କେବେ ସମ୍ପର୍କ ରଖିବୁନି ସେ କେବେ କହି ବି ନଥାନ୍ତା ତୋତେ ଆମେ ସାଙ୍ଗ ମାନେ ତାକୁ ବାଧ୍ୟ କରିଥିଲୁ ତୋତେ ପ୍ରୋପୋଜ କରିବାକୁ ଯାହା ପାଇଁ ଆଜି ବି ଆମେ ସବୁ guilty। ସତରେ ଯଦି ତୋତେ ପ୍ରବ୍ଲେମ ଥିଲା ତୁ ହ୍ୟାଣ୍ଡେଲ କରି ପାରିଥାନ୍ତୁ atleast ଆମେ ଦୁଇ ଜଣ ଏତେ ଭଲ ସାଙ୍ଗ ଥିଲେ ମୋତେ କହି ପାରିଥାନ୍ତୁ। ଛାଡ଼ ତୁ ସେ ଭଲ ପାଇବା କଥା କଣ ବୁଝିବୁ" "ଖାଲି ସେ ଏକା ଭଲ ପାଇ ଥିଲା? ମୁଁ ଭଲ ପାଇନଥିଲି?" କହି କାନ୍ଦି ପକେଇଲା ମୋହିନୀ। ଯାହା ହେଲା ସେଥିରେ ମୋର କଣ ଭୁଲ ଥିଲା........ ସବୁ ସାଙ୍ଗ ଟିକେ ଇମୋସ୍ନାଲ ହେଇ ସେଠି ବସିଗଲେ ଚାରି ପାଖେ । ମୋହିନୀ ନେଇଗଲା ତାର ସେ କଲେଜ ଦୁନିଆ କୁ।

ମୋହିନୀ କହିଲା ପ୍ରଥମେ ଯେବେ ସଂଜୟ କୁ ଦେଖିଥିଲା ତାକୁ ଲାଗିଥିଲା ପିଲାଟା ବହୁତ ଭଲ। ସୁନ୍ଦର ଚେହେରା ଠୁ ବ୍ୟବହାର ଓ ପାଠରେ ସବୁ ଗୁଣ ତାକୁ ଆକୃଷ୍ଟ କରିଥିଲା।ଧୀରେ ଧୀରେ ସମୟ ସହିତ ସଂଜୟ ର ଭଲ ପାଇବା ରେ ସେ ପଡ଼ିଗଲା । ସଂଜୟ ର ପ୍ରତିଟି କଥା , ଥଟ୍ଟା , କାମ କୁ ସେ ଆକର୍ଷିତ ହେଲା। ହେଲେ ସଂଜୟ ଏତେ ମେଳାପୀ ପିଲା ଆଉ ମୋହିନୀ ଚୁପଚାପ ଖୁବ କମ କଥା କୁହେ । ମୋହିନୀ କହିବ ବା କେମିତି ସଞ୍ଜୟ କୁ?ସେ କଣ ତାକୁ ପସନ୍ଦ କରିବ? ତା ପଛରେ ତ ବହୁତ ଝିଅ ପଡ଼ିଥିଲେ। ହେଲେ ସେ ଜାଣି ନଥିଲା ନିଆଁ ଟି ଦୁଇ ପଟେ ଲାଗିଥିଲା । କେବେ ଓ କେମିତି ହେଲା ସେଟା ସେ ଜାଣିନି କିନ୍ତୁ ମୋହିନୀ ସଂଜୟ ର କାଳ୍ପନିକ ଲଭ ଷ୍ଟୋରି ସେତେବେଳେ କ୍ଲାସ ରେ ଚର୍ଚ୍ଚା ସୃଷ୍ଟି କରିଥିଲା। ହେଲେ ମୋହିନୀ କେମିତି ମାନିବ ସେଇ ସଂଜୟ ଯାହାକୁ ସେ ଭଲ ପାଇ ଆସୁଛି ସେ ବି ତାକୁ ଭଲ ପାଏ। କେତେବେଳେ ସେହି ଟୁପୁର ଟାପୁର ରୁ ଦୁହେଁ ଆଉ ଟିକେ ପାଖାପାଖି ହୋଇଗଲେ । ସଂଜୟ ମୁହଁ ଖୋଲି କେବେ କହିନି ସତ କିନ୍ତୁ ମୋହିନୀ ତା କଥା ରୁ ବାରି ପାରେ ପ୍ରେମ ର ସେହି ମିଠା ମିଠା ବାସ୍ନା । କିନ୍ତୁ ସଂଜୟ କୁ ଯେ ସେ ଭଲ ପାଏ ଏକଥା ଟିକେ ବି ସେ ତାକୁ ଜଣେଇବାକୁ ଦେଇନି ସବୁବେଳେ ଅପେକ୍ଷା ରେ ରହିଛି କେବେ ସଞ୍ଜୟ ଆସି ତାଙ୍କ ପ୍ରେମର ଗୁଜବ ଉପରେ ସତ ର ମୋହର ମାରିବ । ଦୁହେଁ ଦୁହିଁଙ୍କ ର ବହୁତ ନିକଟତର ଥିଲେ ସତ ହେଲେ କେହି ଦୁଇ ଜଣ ଭିତରୁ ବନ୍ଧୁତା ର ପାଚେରୀ ଭାଙ୍ଗିକି ଏଟା ଭଲ ପାଇବା ବୋଲି କହିନଥିଲେ।

ଏମିତି ଗୋଟେ ପିଲା ଥିଲା ବିଶ୍ୱ । ଯିଏକି ମୋହିନୀ କୁ ପସନ୍ଦ କରୁଥିଲା । ମୋହିନୀ ପ୍ରତି ତାର ଏକ ତରଫା ଭଲ ପାଇବା ଧୀରେ ଧୀରେ ପାଗଳାମି ର ରୂପ ନେବା ଆରମ୍ଭ କଲା। ବାରମ୍ବାର କଲ୍ ମେସେଜ କରି ତାକୁ ସେ ହଇରାଣ କରୁଥିଲା। ଥରେ ମୋହିନୀ ସନ୍ଧ୍ୟା ରେ ଫେରୁଥିବା ବେଳେ ରୁଦ୍ର ତାକୁ ରାସ୍ତାରେ ଅଟକାଇଥିଲା ଓ ସଞ୍ଜୟ ସହ ମିଳାମିଶା ନକରି ତା ଭଲ ପାଇବାରେ ରାଜି ହବା ପାଇଁ ବାଧ୍ୟ କରିଥିଲା। ବହୁତ ଡରି ଯାଇଥିଲା ସେ.....ସେଦିନ ସେ ବହୁତ କାନ୍ଦିଛି ହଷ୍ଟେଲ ରେ ପହଁଚି। ସେ ସେତେ ସାହସୀ ଝିଅ ନଥିଲା ଯେ ପ୍ରତିବାଦ କରିପାରିବ। କିଛି ଦିନ ସେ ଗୁମସୁମ ହୋଇ ରହିଲା ସେ ସମୟରେ ସେ କଥାବାର୍ତ୍ତା କାହା ସହ କରୁନଥିଲା ଏମିତି କି ସଞ୍ଜୟ ସହ ବି ନୁହେଁ । ଘର ଲୋକ ଯେତେ ପଚାରିଲେ ବି ସେ କିଛି କୁହେନି । ଥରେ ସୋହିନୀ ଦିଦି ମୋହିନୀ ର ସାଙ୍ଗ ବିନ୍ଦୁ କୁ ଫୋନରେ ପଚାରିଲେ କାରଣ ସବୁ । ବିନ୍ଦୁ କହିଲା କେମିତି ଗୋଟେ ପୁଅ ମୋହିନୀ କୁ ଭଲ ପାଏ ଓ ବାରମ୍ବାର ତାକୁ ହଇରାଣ କରୁଛି।ସେଥି ପାଇଁ ସେ କଲେଜ ଯିବା ବି ବନ୍ଦ କରିଦେଇଛି।

ଖରାଛୁଟି ରେ ସମସ୍ତେ ଘରକୁ ପଳେଇଲେ। farewell ପାଖେଇ ଆସୁଥାଏ । ପୁରା ଚାରିବର୍ଷ ର ଶେଷ ସମୟ। ସେତେବେଳକୁ ମୋହିନୀ ଟିକେ ସ୍ୱାଭାବିକ ହେଲାଣି। ସଂଜୟ ଓ ମୋହିନୀ ମେସେଜ ରେ କଥା ବାର୍ତା ଜାରି ରଖିଥିଲେ। ମୋହିନି ସଞ୍ଜୟ ସହ ହସି ହସି ମେସେଜ ରେ କଥା ହେଉଥାଏ ସେହି ସମୟରେ ତାକୁ ଘରେ ଡାକିଲେ। ସାଙ୍ଗେ ସାଙ୍ଗେ ମେସେଜ ଡ଼ିଲିଟି ମାରିଦେଇ ମୋହିନୀ ଚାଲିଗଲା ବାହାରକୁ। ଯେଉଁ କଥା ଶୁଣିବା ପାଇଁ ମୋହିନୀ ର କାନ କେବେଠୁ ଅପେକ୍ଷା କରିଥିଲା ସଂଜୟ ସେହି କଥା ଆଜି ମେସେଜ ରେ କହିଦେଲା କିନ୍ତୁ ଦୁର୍ଭାଗ୍ୟ କୁ ଫୋନ ଥିଲା ସୋହିନୀ ଦିଦି ଙ୍କ ହାତରେ। କାଳେ ମୋହିନୀ ପୁଣି ଆଗ ଭଳି ଡରିଯିବ ଓ ଡିପ୍ରେସନ ରେ ଚାଲିଯିବ ସୋହିନୀ ଦିଦି ମେସେଜ କୁ ଡିଲିଟ ମାରିଦେଲେ । ତାଙ୍କୁ ଲାଗିଲା ଇଏ ସେହି ପିଲା ଯିଏ ମୋହିନୀ କୁ ହଇରାଣ କରୁଛି । ସେ ସ୍ଥିର କଲେ ଯେଉଁ farewell ରେ ସେ ମୋହିନୀ କୁ ପ୍ରପୋଜ କରିବାକୁ କହିଛି ସେ ବି ସେଦିନ ଯିବେ ଆଉ ତାକୁ ଉଚିତ ଜବାବ ଦେଇ ମୋହିନୀ ର ସାହସ ବଢ଼ାଇବେ।

Farewell ଦିନ ବାଦାମୀ ଗୋଲାପୀ ରଙ୍ଗର ଶାଢ଼ୀ ରେ ମୋହିନୀ କେଉଁ ଏକ ସ୍ୱପ୍ନ ସୁନ୍ଦରୀ ଭଳି ଲାଗୁଥିଲା। ଏପଟେ ସଂଜୟ ବି କମ୍ ହ୍ୟାଣ୍ଡସମ ଲାଗୁନଥାଏ । ସଂଜୟ ବି ଅପେକ୍ଷା ରେ ଥାଏ କେବେ ମୋହିନୀ ଆସିବ ଓ ଆଉ ଯାହା ମେସେଜ ରେ କହିଛି ତାକୁ ସାମ୍ନା ରେ କହିବାକୁ । ହେଲେ ଡରଥିଲା ମେସେଜ ର ରିପ୍ଲାଏ କାହିଁ ଦେଲାନି...... ଆଉ ସେ ଅରାଜି ନୁହେଁ ତ? ଦୁହିଁଜଣ ସାମ୍ନା ସାମ୍ନି ହେଲେ ମୋହିନୀ ଏକ ଲାଜ ଭରା ହସ ଦେଇ ସଞ୍ଜୟ କୁ ଚାଲିଗଲା । ସଞ୍ଜୟ ପାଇଁ ସତେ ଯେମିତି ଏକ ସବୁଜ ସଂକେତ ଥିଲା।କିଛି ସମୟ ପରେ ବାହାରେ ମୋହିନୀ ଫୋଟୋ ନେଉଥିବା ସମୟରେ ସଂଜୟ ତା ହାତ କୁ ଧରି ନେଲା ଓ କହିଦେଲା ତା ମନରେ ତାକୁ ନେଇ ଯେତେ ଭଲ ପାଇବା ଥିଲା । ମୋହିନୀ ଆଶ୍ଚର୍ଯ୍ୟ ରେ ଅନେଇ ରହିଥାଏ ସେ କଣ ଚାଲିଛି ବୁଝି ପାରୁନଥାଏ ସେ ଏମିତି ସମସ୍ତଙ୍କ ଆଗରେ ସଞ୍ଜୟ କହିବ କେବେ ବିଶ୍ୱାସ କରି ପାରୁ ନଥିଲା । ସେ କିଛି କହିବା ଆଗରୁ ସୋହିନୀ ଦିଦି ଙ୍କର ଗୋଟେ ଶକ୍ତ ଜାବୁଡ଼ା ସଂଜୟ ର ଗାଲରେ ପଡ଼ି ସାରିଥିଲା । ପୁରା ପ୍ରୋଗ୍ରାମ ର ନଜର ଏମାନଙ୍କ ଆଡ଼କୁ ଆସିଗଲା । ସଂଜୟ କିଛି କହିବା ଆଗରୁ ସୋହିନୀ ଦିଦି ବହୁତ ଗାଳି ଦେଲେ । ଯଦି ସେ କେବେ ମୋହିନୀ କୁ ହଇରାଣ ତ ଦୂରର କଥା ଆଖପାଖ ରେ ବି ଦେଖା ହୁଏ ତାକୁ ପୋଲିସ ରେ ଦେବେ ବୋଲି ଧମକ ଦେଲେ। ମୋହିନୀ ପାଟି ବନ୍ଦ କରି ଛିଡ଼ା ହୋଇଥାଏ।

ପୁରା କଲେଜ ର ଯିଏ ଆଜି ଯାଏଁ ସୁନାପିଲା ଥିଲା ସବୁ ସାଙ୍ଗ ଜୁନିୟର ଙ୍କ ଆଗରେ ପାଲଟିଗଲା ଉପହାସ ର କେନ୍ଦ୍ରବିନ୍ଦୁ। ସଞ୍ଜୟ ଲଜ୍ଜା ରେ ଲାଲ ପଡ଼ି ଯାଇଥାଏ। ଧୋକା, ଅପମାନ ଓ ହୃଦୟ ଭାଙ୍ଗିବାର ଯେଉଁ ଘଟଣା ଟି ହେଲା ତାପରଠୁ ସେ ଘଟଣା ସବୁବେଳେ ଆଖିରେ ନାଚି ଉଠେ।ତାପରେ କଣ ଗୋଟେ ଆରମ୍ଭ ହେବାକୁ ଯାଉଥିବା ଲଭଷ୍ଟୋରି ରେ ପୂର୍ଣ୍ଣଛେଦ ପଡ଼ିଗଲା।

ସଞ୍ଜୟ ତ ସଞ୍ଜୟ ନା। ସଂଜୟ ତ ତାପରେ ବି ସମସ୍ତଙ୍କ ଆଖିରେ ହିରୋ ହେଇ ରହିଗଲା କିନ୍ତୁ ମୋହିନୀ କୁ ସମସ୍ତେ ଧୋକାବାଜ ହିଁ ଭାବିଲେ। ଏମିତି ମୋହିନୀ ବି କାହା ସହ ତା ପରଠୁ ସମ୍ପର୍କ ରେ ନଥିଲା।

"ସଂଜୟ ଗାଲ ରେ ଚାପୁଡ଼ା ବସିଥିଲା ସତ ହେଲେ ଦାଗ ମୋ ଜୀବନରେ ପଡ଼ିଗଲା ଯାହା ଏବେବି ଛାଡ଼ିନି ଓ ମୁଁ ପ୍ରତି ମୁହୂର୍ତ୍ତ ରେ ଜଳୁଛି " ମୋହିନୀ କହିଲା । ମୋହିନୀ ର ନିଜ ଭାଗ ର କଥା ଶୁଣିବା ପରେ ସମସ୍ତଙ୍କ ଆଖିରେ ଲୁହ ର ଧାର ।କେମିତି ଗୋଟିଏ ଭୁଲ ବୁଝାମଣା ଯୋଗୁଁ ସାତ ବର୍ଷ ଯାକ ଦୁହେଁ ଜଳି ଜଳି ବଞ୍ଚୁଥିଲେ।

ଏବେ କଣ ହେବ? ଭୁଲ ବୁଝାମଣା ର ପରଦା ଉଠିବା ପରେ ଦୁହେଁ କଣ ଏକା ହୋଇ ପାରିବେ? ଏହି ସଂଯୋଗ କଣ ସମ୍ଭବ ପଢ଼ିବେ ଆଗାମୀ ଅଧ୍ୟାୟ ରେ।

କ୍ରମଶଃ......

କୈବଲ୍ୟ ନାୟକ

Kaibalya Nayak

ସଂଯୋଗ(ଭାଗ-7) ଓଡ଼ିଆ ପ୍ରେମ କାହାଣୀ Sanjog Odia love story

A story by Kaibalya Nayak