ଉଲ୍ଲେଖଯୋଗ୍ୟ ଯେ ମେସୋପୋଟାମିଆ ଅଞ୍ଚଳରେ Lokma, loukoumas, loukoumades ଵା luqma crispella ଆଦି ନାମରେ ଜଣାଶୁଣା ଏକ ଜାତୀୟ ଗୋଲାକାର ମିଠା ସହିତ ସାମଞ୍ଜସ୍ୟ ଥିଵାରୁ ଗୋଲାପଜାମୁକୁ ଉଇକିପିଡ଼ିଆର ଵାମପନ୍ଥୀ ପେଣ୍ଡୁଳୀମାନେ ଵୈଦେଶିକ ମିଠା ଅଭିହିତ କରୁଅଛନ୍ତି ।

ତେବେ ଉତ୍ତର ଭାରତୀୟମାନଙ୍କ ଦ୍ଵାରା ଆମ ପୂର୍ଵଭାରତ ଵା କଳିଙ୍ଗ ଦେଶର ମିଠାକୁ ଗୋଲାପ ଵା ଗୁଲାବ୍ ଆଉ ଜାମୁ ଵା ଜାମୁନ୍ ଶବ୍ଦ ଯୋଡ଼ି ଗୋଲାପଜାମୁ ଵା ଗୁଲାବଜାମୁନ୍ ନାମକରଣ କରିଵା ପୂର୍ଵରୁ ଏହାକୁ ଓଡ଼ିଶାର ଲୋକେ ପାନ୍ତୁଆ କହୁଥିଲେ । ପୂର୍ଣ୍ଣଚନ୍ଦ୍ର ଭାଷାକୋଷ ଅନୁସାରେ “ଦୁଧ ଛେନା ସଙ୍ଗେ ଚାଉଳ ଗୁଣ୍ଡା ମିଶାଇ ଗୋଲାକାର ପିଣ୍ଡ କରାଯାଏ। ପରେ ତାକୁ ଘିଅରେ ପାକ କରି ଚିନି ରସରେ ବୁଡ଼ାଇ ଏହା ତିଆରି ହୁଏ ଓ ଏହା ରକ୍ତବର୍ଣ୍ଣ ଦେଖାଯାଏ ଏଵଂ ଏହି ମିଠାକୁ ପାନ୍ତୁଆ କୁହାଯାଏ ।” ଓଡ଼ିଶାରେ ଏହାକୁ ଲାଲମୋହନ ମଧ୍ୟ କୁହନ୍ତି । ଉଲ୍ଲେଖଯୋଗ୍ୟ ଯେ ଓଡ଼ିଶାରେ ଆଉ ଏକ ଜାତୀୟ ମିଠାକୁ କ୍ଷୀରମୋହନ ବି କୁହାଯାଏ । କେହି କେହି ତ କୁହନ୍ତି ରସଗୋଲାକୁ ମଧ୍ୟ ଆଗେ କ୍ଷୀରମୋହନ କୁ଼ହାଯାଉଥିଲା (ଅଵଶ୍ୟ ଏହା ଗଵେଷଣା ସାପେକ୍ଷ)।

ଯଦି ଓଡ଼ିଶାର ଲୋକେ ସାତଶହ ଵର୍ଷ ତଳେ ରସଗୋଲା କରିପାରୁଥିଲେ ତାହେଲେ ସେମାନେ ପାନ୍ତୁଆ ଵା ତଥାକଥିତ ଗୋଲାପଜାମୁକୁ କାହିଁକି ଉଦ୍ଭାଵନ କରିନଥିବେ ?

ତେବେ ଆମେ କଳିଙ୍ଗୀମାନେ ଆମ୍ଭମାନଙ୍କର ମିଠାର ନିଜସ୍ଵ ପାନ୍ତୁଆ ଓ ଲାଲମୋହନ ନାମକୁ ଛାଡ଼ି ଆଜି ଗୋଲାପଜାମୁ କହି ପରୋକ୍ଷରେ ଆମରି ମିଠାକୁ ହସି ହସି ସେମାନଙ୍କର ଖାଦ୍ୟ ବୋଲି ସ୍ଵୀକାର କରୁନାହାନ୍ତି କି ?

🌹🌹ଗୋଲାପଜାମୁ 🌹🌹