ଯୌତୁକ ଜୁଇ ରେ ଝିଅ

ସକାଳୁ ସକାଳୁ ପୁଅ ପାଖ କୁ ଫୋନ୍ ଆସିଲା ପୁଅ ଫୋନ

ଉଠେଇବା ପରେ ସେପଟୁ କିଛି ଶୁଭିଲା କିଏ ବୋଧେ କିଛି କହୁଥିଲା।ହଠାତ୍ ମୋ ପୁଅ ଫୋନ ଧରି ଦୌଡ଼ି ମୋ ପାଖ କୁ ଆସିଲା।ମୁଁ ସେତେ ବେଳେ ଆମ ଗାଆଁ ପାଖ ଜମି ରେ ସକାଳୁ ସକାଳୁ ଧାନ କାଟିବା ପାଇଁ ଯାଇଥାଏ ପୁଅ ଦୌଡ଼ି ଆସିବାରୁ ଧଇଁ ସଇଁ ହେଉଥାଏ।

ମୁଁ =କିରେ କଣ ହେଲା ତୁ ଏମିତି ଦୌଡ଼ି କଣ ପାଇଁ ଆସୁଛୁ ତତେ ମନା କରିଥିଲି ନା ଏମିତି ଦୌଡା ଦୌଡ଼ି କରିବୁନି ହେଲେ ମୋ କଥା କାଇଁ ଶୁଣିବୁ

ପୁଅ=ବାପା ଦେଇ ଶାଶୁ ଘର ଲୋକେ ଫୋନ କରିଛନ୍ତି ସେଥିପାଇଁ

ମୁଁ=କଣ ଏତେ ସକାଳୁ ଫୋନ୍ କରିଛନ୍ତି କଣ ପାଇଁ ତୋ ଦେଇ କିଛି କରିଛି କି।

ପୁଅ=ନାହିଁ ବାପା ସେମିତି କିଛି ନାହିଁ ହେଲେ ବଡ କଥା ଅଛି।

ମୁଁ=ସେମିତି କିଛି ନାହିଁ ବଡ କଥା ଅଛି କିରେ ତୁ କଣ କହୁଛୁ ବୁଝେଇ କହୁନୁ

ପୁଅ=ବାପା ଦେଇ ଦିଅର ଫୋନ କରିଥିଲେ କହିଲେ କି ଦେଇ ଆଉ ନାହିଁ ସେ କାଲି ରାତି ରେ ଦୋଉଡ଼ି ଦେଇ ଆତ୍ମହତ୍ୟା କରିଛି

ଏହି କଥା ପଦକ ଶୁଣି ମୋତେ ଲାଗିଲା ଯେମିତି ମୋ ପାଦ ତଳୁ ମାଟି ଖସି ଗଲା।ଏମିତି ଲାଗିଲା ଯେମିତି ମୋ ଛାତି ଭିତରୁ ମୋ ହୃଦୟଟା କେହି କାଢି ନେଲା।ଆଖିରୁ ଲୁହ ଧାର ବୋହି ଆସିଲା

କଣ କହିଲୁ ମୋ ଝିଅ ଆତ୍ମହତ୍ୟା କରିଛି ମୋ ଝିଅ ଆଉ ଏ ଦୁନିଆ ରେ ନାହିଁ ତୁ ମିଛ କହୁଛୁ ମୋ ଝିଅ ମୋ ଝିଅ ସେମିତି କରିବ ନାହିଁ ।କହି କାନ୍ଦି ପକାଇଲି।ହେଲେ ପୁରୁଷ ପୁଅ ସେଥିପାଇଁ ନିଜ ଦୁଃଖ କୁ ଚାପି ପୁଅ କୁ ପଚାରିଲି ମୋତେ ବିଶ୍ୱାସ ହେଉ ନଥାଏ କି ମାତ୍ର ଛଅ ମାସ ପୂର୍ବରୁ ମୋ ଝିଅ ବାହାଘର ହେଇଥିଲା ହେଲେ ଏବେ ମୋ ଝିଅ ଆଉ ନାହିଁ।

ମୁଁ=ତୋ ବୋଉ ଏ ବିଷୟରେ କିଛି ଜାଣିଛି ନ ନାହିଁ ଏ ବିଷୟରେ

ପୁଅ କହିଲା ନା ଜାଣିନି

ପୁଅ=ମୁଁ ଆସିଲା ବେଳେ ବୋଉ ନଈ କୁ ଯାଇଥିଲା ଗୋଧେଇବା ପାଇଁ ଏବେ ଆସି ସାରିବନି

ତା କଥା ଶୁଣି ମୁଁ କିଛି ନ କହି ଘର କୁ ତା ସାଥିରେ ଚାଲିଲି।ଘରେ ଆସି ଦେଖିଲି ତ ଶ୍ରୀମତୀ ଗାଧେଇ ସାରି ଘର କୁ ଆସି ଠାକୁର ପୂଜା କରୁଥାଏ ମୁଁ କିଛି ନ କହି ଘର ବାହାରେ ପଡ଼ିଥିବା ଚୌକି ଉପରେ ବସି ପଡ଼ିଲି।ପୂଜା ସାରି ଶ୍ରୀମତୀ ବାହାର କୁ ଆସି ଯେତେ ବେଳେ ଦେଖିଲା ଆମେ ବାପା ପୁଅ ଦୁହେଁ ବସିଛୁ ପୁଅ କୁ ଦେଖି ଘର କୁଆଡେ ଯାଇଥିଲା ପଚାରିଲା ପୁଅ ମୋ ପାଖକୁ ଯିବା କଥା କହିଲା ଶ୍ରୀମତୀ ମୋତେ ଦେଖି

ଶ୍ରୀମତୀ=ହେଇଟି ତମେ ପରା କଣ ଧାନ କାଟିବା ପାଇଁ ଯାଇଥିଲ ଆଉ କହୁଥିଲ କି ଆଜି ଦିନ ଏଗାର ଟା ପୂର୍ବ ରୁ ସେ ବିଲ ଧାନ ଅଧା କାଟି ଦବ ଆଉ ଏଠି କଣ ଏ ସମୟରେ ଆସିଲଣି।କଣ ହେଲା କି।

ମୁଁ କିଛି ନ କହି ଚୁପ୍ ଚାପ୍ ହେଇ ବସିଥାଏ ତା ପରେ ଶ୍ରୀମତୀ କହିବାକୁ ଲାଗିଲେ

ଶ୍ରୀମତୀ=ଜାଣିଛ କାଲି ରାତି ରେ ନା ମୁଁ ଆମ ଝିଅ କୁ ସପନରେ ଦେଖିଥିଲି ମୋ ଝିଅ ମୋତେ କହୁଥିଲା କି ବୋଉ ମୁଁ ଏଥର ଘର କୁ ଗଲେ ତୋ ହାତ ତିଆରି ଆମ୍ବୁଲ ଶୁଖୁଆ ରାଇ ତରକାରୀ ଖାଇବି ଆଉ ମୋ ପାଇଁ ପୋଡ଼ ପିଠା କରି ଦବୁ।ମୁଁ ସବୁ ଏକ ଖାଇବି ଭାଇ କି ତୋ ସାନ ପୁଅ କୁ ଜମା ଦେବିନି। ହେଇଟି ମୋତେ କାଇଁ ତା କଥା ଭାରି ମନେ ପଡୁଛି ତମେ ଧାନ କାଟି ସାର ଆମେ ଯାଇ ତାକୁ ଦେଖି ଆସିବା ଛୁଆ ଟା ମୋର ସେଇ କୁଁଆର ପୁନେଇ କୁ ଆସିଥିଲା ତା ପରେ ଆଉ ଆସିନି ଆମେ ଯାଇ ତାକୁ ଦେଖି ଆସିବା ନ ହେଲେ ତାକୁ ସାଥିରେ ନେଇ ଆସିବା କିଛି ଦିନ ରହି ଯିବ।ସମୁଦୀ ଆଉ ସମୁଦୁଣିଙ୍କ ସାଥିରେ କଥା ହେଇ ଯିବା

ମୁଁ କିଛି ନ କହି ସେମିତି ଚୁପ୍ ହେଇ ବସି ତାକୁ ଅନେଇ ଥାଏ କେମିତି କହିବି କି ସେ ମା କୁ ଯିଏ ଯେଉଁ ଝିଅ କଥା କହୁଛି କି ସେ ଆସିଲେ ତାକୁ ପୋଡ଼ ପିଠା କରି ଖୁଆଇ ଦବ ସେ ତ ଆଉ ନାହିଁ କେମିତି କହିବି କି ମୋ ଝିଅ ଆଉ ଆସିବ ନାହିଁ ଏ ଘର କୁ କେମିତି କହିବି।

ମୋତେ ଚୁପ୍ ଦେଖି ଶ୍ରୀମତୀ ଆସି ପଚାରିଲା=କଣ ହେଇଛି ତମ କୁ କଣ କିଛି କହୁନ ଚୁପ୍ ହେଇ କଣ ବସିଛ।ପାଖରେ ମୋର ପୁଅ ବସିଥାଏ ତାକୁ ପଚାରିଲା କି କଣ ହେଇଛି ସେ ବି କିଛି ନ କହି ଚୁପ୍ ହେଇ ବସି ଥାଏ ଟିକେ ଜୋର୍ ପାଟି କରି ପଚାରିବାରୁ ପୁଅ କହିଲା

ପୁଅ=ବୋଉ ସେ ଦେଇ କହି ଚୁପ୍ ହେଇ ଗଲା

ଶ୍ରୀମତୀ=କଣ ହେଇଛି ମୋ ଝିଅ ର ଆରେ ତୁ କହୁନୁ କଣ ପାଇଁ କଣ ହେଇଛି

ପୁଅ =ସେ ଦେଇ ଆଉ ଏ ଦୁନିଆ ରେ ନାହିଁ କାଲି ରାତି ରେ ନିଜ ବେକରେ ଦୋଉଡି ଦେଇ ଆତ୍ମହତ୍ୟା କରିଛି

ଏହା ଶୁଣି ମୋ ଝିଅ କହି ରଡ଼ି କରି କାନ୍ଦିବା ଆରମ୍ଭ କରିଦେଲା ତା କାନ୍ଦ ଶୁଣି ଘର ପାଖ ଲୋକ ଧାଇଁ ଆସିଲେ କଣ ହେଲା ବୋଲି ପଚାରିବାରୁ ମୋ ସାନ ପୁଅ ସବୁ କଥା କହିଲା ସାଙ୍ଗେ ସାଙ୍ଗେ ମୋ ଘର ଆଗରେ ଗାଆଁ ଲୋକ ମାନଙ୍କ ରୁଣ୍ଡ ହେଇଗଲା।ଗାଆଁ ରେ ଥିବା ଭାଉଜ,ପୁତୁରା ବୋହୂ ମାନେ ଆସି ମୋ ସ୍ତ୍ରୀ କୁ ଧରି ଥାଆନ୍ତି ।ମୋ ସ୍ତ୍ରୀ ମୋତେ ଧରି କାନ୍ଦିଥାଏ।ମୁଁ ସେମିତି ଚୁପ୍ ହେଇ ବସି ଆଖିରୁ ଲୁହ ଗଡାଉ ଥାଏ।ଏମିତି କାନ୍ଦ ବୋବାଳି ହେଇ ମୋ ଘର ଫାଟୁ ଥାଏ ସାଙ୍ଗେ ସାଙ୍ଗେ ମୋ ବଡ ପୁଅ କୁ ଆମ ଗାଁ ପିଲା ଫୋନ କରି ଖବର ଦେଲେ।ବଡ଼ ପୁଅ ମୋ ସାଥିରେ କଥା ହେବା ପାଇଁ କହିଲା ହେଲେ ମୋର ପରିସ୍ଥିତି ଏମିତି ଥିଲା ଯେ ଆମ ଗାଁ ବଡ ଭାଇ ଆଉ ସାନ ଭାଇ ମାନେ ବଡ ପୁଅ ସାଥିରେ କଥା ହେଲେ ।ବଡ ପୁଅ କ ହାଇଦ୍ରାବାଦ୍ ରେ ରହି କାମ କରେ ଆର ଦିନ ସକାଳେ ପହଞ୍ଚିବା କଥା କହି ଫୋନ୍ ରଖିଲା।

ଗାଆଁ ରେ ଜଣେ ପୁତୁରା ହେବ ତାର ବୋଲୋର ଗାଡ଼ି ଅଛି ସେ ସାଙ୍ଗେ ସାଙ୍ଗେ ଆସି କହିଲା କି ଦାଦା ମୁଁ ଗାଡ଼ି ବାହାର କରୁଛି ଚାଲ ଆମେ ଯିବା।ଗାଆଁ ରେ କିଛି ଲୋକ ଆଉ ମୋ ସ୍ତ୍ରୀ ପୁଅ ମୁଁ ସାଥିରେ ଆମ ଗାଆଁ ର ବଡ଼ ଭାଉଜ ଆଉ ପୁତୁରା ବୋହୂ ଆମେ ମିଶି ମୋ ଝିଅ ଘର କୁ ବାହାରିଲୁ। ମୋ ସ୍ତ୍ରୀ ଖାଲି କାନ୍ଦିଥାଏ ବୋଲି ତାକୁ ଆମ ବଡ଼ ଭାଉଜ ଆଉ ପୁତୁରା ବୋହୂ ଧରିଥାନ୍ତି।

ମୋ ଗାଁ ରୁ ମୋ ଝିଅ ଶାଶୁ ଘର ପ୍ରାୟ ଦୁଇ ଘଣ୍ଟା ର ବାଟ ଏଇ ଦୁଇ ଘଣ୍ଟା ର ବାଟ ମୋତେ ଦୁଇ ଯୁଗ ଭଳି ଲାଗୁଥାଏ।ଆଜି ମୋର ସେହି ଦିନ କଥା ମନେ ପଡ଼ି ଯାଉଛି ଯେଉଁ ଦିନ ମୋ ଘର କୁ ମୋ ଝିଅ ଆସିଥିଲା

(ବାହାଘର ର ଦେଢ଼ ବର୍ଷ ପରେ ମୋ ବଡ ପୁଅ ର ଜନ୍ମ ହେଲା ମୋର ପ୍ରଥମ ପୁତ୍ର ସନ୍ତାନ ହେବାରୁ ସମସ୍ତେ ପ୍ରାୟ ଖୁସି ଥିଲେ ମୁଁ ଖୁସି ଥିଲି ହେଲେ ଏତେ ନୁହଁ କାଇଁ ନା ମୁଁ ପ୍ରଥମେ କନ୍ୟା ସନ୍ତାନ ପାଇଁ ଇଚ୍ଛା ରଖିଥିଲି ହେଲେ ଜଗନ୍ନାଥ ମୋତେ ପୁଅ ଟେ ଦେଲେ ହେଲେ ଯାହା ହଉ ଭଲ ହେଲା ବଡ ପୁଅ ଜନ୍ମ ହେବାର ମାତ୍ର ଗୋଟେ ଦୁଇ ବର୍ଷ ପରେ ମୋ ଝିଅ ମୋ ମା ଠାକୁରାଣୀ ମୋ ଘର କୁ ମୋ ଝିଅ ରୂପରେ ଆସିଲେ।ମୋର ମନେ ଅଛି ମୋ ଝିଅ ଯେତେ ବେଳେ ତା ମାଆ ଗର୍ଭ ରେ ପ୍ରଥମେ ରହିଲା ସେହି ବର୍ଷ ମୋର ଚାଷ ବହୁତ୍ ଭଲ ହେଇଥିଲା ।ଆଗରୁ ଚାଷ ହୁଏ ହେଲେ ଏତେ ଭଲ ନୁହଁ।ହେଲେ ସେହି ବର୍ଷ ଠାରୁ କେବେ ଚାଷ ଖରାପ ହେଇନି ସବୁ ବର୍ଷ ଭଲ ଚାଷ ହୁଏ ।ମୋ ଝିଅ କୁ ଯେତେ ବେଳେ ମୁଁ ପ୍ରଥମେ ଦେଖିଲି ଡାକ୍ତରଖାନା ର ସେହି ପଲଙ୍କ ଉପରେ ଶୋଇ ଥିଲା କେଡେ ଟିକି ଛୁଆ ଟେ ହେଇଥିଲା । ତା ବୋଉ ଆଉ ତାକୁ ନେଇ ଯେତେ ବେଳେ ଘର କୁ ଆସିଲୁ ଗୃହ ପ୍ରବେଶ ପରେ ମୋତେ ଲାଗିଲା ଯେମିତି ସ୍ୱୟଂ ମା ଠାକୁରାଣୀ ମୋ ଘରବକୁ ଆସିଛନ୍ତି ।ତାର ଏକୋଇଶିଆ ଦିନ ଯେତେ ବେଳେ ତାର ନାମ କରଣ ହେଲା ତ ମୁଁ ତା ନା ମା ଦୁର୍ଗା ଆଉ ମା ଲକ୍ଷ୍ମୀ ଙ୍କ ନାଁ ରେ ରଖିଲି ଭଲ ନା ଟା ଦୁର୍ଗା ମା ନାଁ ରେ ଆଉ ଡାକ ନାଁ ଲକ୍ଷ୍ମୀ ମା ନାଁ ରେ।

ମୋ ଝିଅ ଆସିବାର ଦୁଇ ବର୍ଷ ପରେ ମୋ ସାନ ପୁଅ ର ଜନ୍ମ ମୋ ଜୀବନ ର ସବୁ ଖୁସି ପାଇ ଯାଇଥିଲି ଆମେ ସ୍ବାମୀ ସ୍ତ୍ରୀ ଦୁଇ ଜଣ ଯେମିତି ବହୁତ୍ ଭାଗ୍ୟବାନ ହେଇ ଯାଇଥିଲୁ।ମୋ ଝିଅ ଆସିବା ଦିନ ଠାରୁ ମୋ ଘରେ କେବେ କୌଣସି ପ୍ରକାର ଜିନିଷ ର ଅଭାବ ରହିଲା ନାହିଁ।ଘରେ ତିନି ପିଲା ମାନଙ୍କ ହସ ଖୁସି ରଗିବା ଋଷା ଦେଖି ଆମେ ସ୍ବାମୀ ସ୍ତ୍ରୀ ଖୁସି ହୋଇ ଯାଇଥିଲୁ ।ଧୀରେ ଧୀରେ ମୋ ଝିଅ ବଢ଼ିବାକୁ ଲାଗିଲା ଭଲ ପଢ଼ୁଥିଲା ନିଜ ଶ୍ରେଣୀରେ ସବୁ ବେଳେ ଭଲ ସ୍ଥାନରେ ରେ ରହୁଥିଲା ଏମିତି ପଢ଼ି ସେ ନିଜର +୩ ସରିଲା। ଦିନେ ଶୁଣିବାକୁ ପାଇଲି ଯେ ମୋ ଝିଅ କୁଆଡେ କେଉଁ ପୁଅ ସହ ବୁଲୁଥିଲା ଝିଅ କୁ ଡାକି ସ୍ନେହରେ ପଚାରି ବୁଝିଲି ତ ସେ କହିଲା କି ସେ ଜଣେ ପୁଅ କୁ ଭଲ ପାଉଛି ଆଉ ତାକୁ ବିବାହ କରିବା ପାଇଁ ଚାହୁଁଛି।ମୁଁ ଝିଅ କୁ କିଛି ନ କହି ଚୁପ୍ ହେଇ ରହିଗଲି।)

ଏହା ଭିତରେ ଆମେ ମାନେ ଆସି ମୋ ଝିଅ ର ଶାଶୁ ଘରେ ପହଞ୍ଚି ଗଲୁ ଘର ଭିତରେ ଯାଇ ଦେଖିଲୁ ଯେ ମୋ ଝିଅ ଗୋଟେ ସୋଉପ ଉପରେ ଚିର ନିଦ୍ରାରେ ସୋଇଛି ।ହେଲେ ସେ ଘରେ କେହି ନାହାନ୍ତି ଖାଲି ଯାହା ସେ ଘର ପାଖ ପଡିଶା ଘର ଲୋକେ ଆଉ ଆମ ପାଖ କୁ ଫୋନ କରିଥିବା ମୋ ଝିଅ ର ଦାଦା ଶଶୁର ପୁଅ ଆଉ ତା ଦାଦା ଶଶୁର ଘର କିଛି ଲୋକ।ମୋ ଝିଅ ର ନିଜ ଶାଶୁ,ଶଶୁର,ଜ୍ବାଇଁ ଆଉ ଦିଅର ଘରେ ନ ଥାଆନ୍ତି ସେମାନେ କୁଆଡେ ଲୁଚି ପଳେଇ ଯାଇଥାନ୍ତି।

ମୋ ସ୍ତ୍ରୀ, ପୁଅ ,ବଡ଼ ଭାଉଜ ଆଉ ପୁତୁରା ବୋହୂ ମୋ ଝିଅ କୁ ଧରି କାନ୍ଦୁଥାଆନ୍ତି।ଆଖ ପାଖ ଲୋକ ମାନଙ୍କ ସହ ଆଲୋଚନା ପରେ ଜାଣିଲୁ ଯେ କାଲି ସନ୍ଧ୍ୟାରେ ସବୁ କୁଆଡେ ଭଲ ଥିଲା ହେଲେ ରାତି ରେ କଣ ହେଲା କେହି ଜାଣି ନାହାନ୍ତି।ସକାଳେ ମୋ ଝିଅ ର ଯେତେ ବେଳେ ତାଙ୍କ ଘର ଲୋକ କୁ ଡାକିବା ପାଇଁ ଆସିଛି ସେତେ ବେଳେ ଦେଖିଛି ଯେ ଘର କବାଟ ଖୋଲା ଅଛି ସେ ଘର କୁ ପଶି ଆସି ଦେଖିଛି ତ ମୋ ଝିଅ ବେକରେ ଦୋଉଡି ଲଗାଇ ଝୁଲୁଛି। ତା ପରେ ସେମାନେ ଆମକୁ ଖବର ଦେଲେ।।

କିଛି ସମୟ ପରେ ପୁଲିସ ଆଉ କିଛି ସମାଚାର କର୍ମୀ ମାନେ ଆସିଲେ ମୋ ଝିଅ ପାଖରେ ସବୁ ଜିନିଷ କୁ ଦେଖି ରିପୋର୍ଟ ଲେଖିବା ପରେ ଆଉ ମୋର,ମୋ ସ୍ତ୍ରୀ ପୁଅ ଆଉ ଅନ୍ୟ ମାନଙ୍କର କଥା ଶୁଣି ତଦନ୍ତ କରିବାର ଆଶ୍ୱସନ ଦେଇ ମୋ ଝିଅ ର ମୃତୁ ଶରୀର କୁ ନେଇ ଶବ ବ୍ୟବଚ୍ଛେଦ କରିବା ପାଇଁ ନେଇ ଗଲେ।ସାଥିରେ ମୋ ଝିଅ ର ଶାଶୁ ଘର କୁ ପୁଲିସ ବାବୁ ମାନେ ବନ୍ଦ୍ କରି ଦେଲେ।

ଆମେ ମାନେ ବି ତାଙ୍କ ପଛରେ ଡାକ୍ତଖାନା କୁ ଗଲୁ ସେଠି ଶବ ବ୍ୟବଚ୍ଛେଦ ଗୃହ ପାଖରେ ଯାଇ ବସିଲୁ।ମୋ ଆଖି ଆଗରେ ପୁଣି ଥରେ ସେହି ଦୃଶ୍ୟ ସବୁ ଦେଖା ଗଲା

(ମୋ ଝିଅ ଭଲ ପାଇବା ଆଉ ବିବାହ କଥା କହିଲା ପରେ ମୁଁ ତା ଖୁସି ପାଇଁ ସେ ଭଲ ପାଉଥିବା ପୁଅ ସାଥିରେ ତାର ବିଭାଘର କରି ଦେଲି।ମୋତେ ମୋ ଝିଅ ଉପରେ ବିଶ୍ୱାସ ଥିଲା ଆଉ ମୋତେ ଲାଗିଲା କି ମୋ ଝିଅ ଯଦି ପସନ୍ଦ କରିଛି ସେ ପିଲା ଭଲ ହେଇଥିବ।ମୁଁ ସେ ପିଲା ବିଷୟରେ ଅଧିକ କିଛି ଖବର ଲଗାଇ କେବଳ ଝିଅ ଉପରେ ଥିବା ବିଶ୍ୱାସ ରେ ତା ବାହାଘର ଟା କରି ଦେଲି।ପ୍ରଥମେ ପ୍ରଥମେ ସବୁ ଠିକ୍ ଥିଲା ହେଲେ ଧୀରେ ଧୀରେ ସେ ପୁଅ ଆଉ ତାର ପରିବାର ମୋ ଝିଅ କୁ ଯୌତୁକ ନିର୍ଯାତନା ଦେବା ଆରମ୍ଭ କଲେ ମୋ ଝିଅ ମୋତେ ଆସି କହିବାରୁ ସେ ଯାହା ସବୁ କହିଲେ ମୁଁ ମୋ ଝିଅ ର ଭଲ ପାଇଁ ସେ ସବୁ ଦେଲି। ହେଲେ ଧୀରେ ଧୀରେ ସେ ଯୌତୁକ ରୁପି ରାକ୍ଷସ ମୋ ଝିଅ କୁ ଖାଇବା ଆରମ୍ଭ କରି ଦେଲା।)

ଏହା ଭିତରେ ମୋ ଝିଅ ର ଶବ ବ୍ୟବଚ୍ଛେଦ ହେଇ ବାହାର କୁ ଆସିଲା ତାକୁ ନେଇ ଆମେ ଆମ ଗାଆଁ କୁ ଫେରିଲୁ।ଗାଆଁ କୁ ଆସିଲା ପରେ ମୋ ଝିଅ ର ଅନ୍ତିମ କ୍ରିୟା ପାଇଁ ଜିନିଷ ପତ୍ର ଯୋଗାଡ ହେଲା ଆଉ କିଛି ସମୟ ପରେ ରାମ ନାମ ସତ୍ୟ ହେଁ ହରି ନାମ ସତ୍ୟ ହେଁ ଧ୍ଵନି ରେ ମୋ ଘର ପାଖରୁ ନେଇ ଗାଆଁ ମଶାଣି ଯାଏ ଗଲୁ ସେଠି ମୋ ଝିଅ କୁ ସଙ୍ଗାଡି ଉପରେ ଶୁଆଇ ଦେଇ ତା ମୁହଁ ରେ ମୋ ସାନ ପୁଅ ନିଆଁ ଦେଲା କିଛି ସମୟ ପରେ ମୋ ଝିଅର ଶରୀର ଅଗ୍ନିର ଆହୁତି ସାଥିରେ ମିଶିବାକୁ ଲାଗିଲା।

ମୁଁ ସେଇଠି ପାଖରେ ବସି ମୋ ଝିଅ କୁ ମୁଁ ଦେଖୁଥାଏ।ଆଜି ମୋ ଝିଅ ର ମୁହଁ ମୋତେ ଦେଖା ଯାଉଥାଏ କି ଶେଷ ଥର ପାଇଁ ସେ ଯେତେ ବେଳେ ଘର କୁ ଆସିଥିଲା ତା ଆଖିରେ ସେ ଖୁସି ନ ଥିଲା କେଉଁଠି ନ କେଉଁଠି ଟିକେ ଡର ଥିଲା।ମୁଁ କାଇଁ ମୋ ଝିଅ ର ସେହି ଡର କୁ ବୁଝି ପାରିଲି ନାହିଁ।ମୋ ଝିଅ ମୋ ଅବସ୍ଥା ଦେଖି କିଛି କହି ପାରିଲା ନାହିଁ କେମିତି କହିବ ସେ ତା ବାପା ତ ଖୁସି ପାଇଁ ସେ ପସନ୍ଦ କରିଥିବା ପୁଅ ସାଥିରେ ତା ବାହାଘର କରାଇ ଦେଲେ ଯାହା ସେମାନେ ମାଗିଲେ ତା ବାପା ତାକୁ ଦେଲେ ଆଉ କଣ ସେ କହି ଥାଆନ୍ତା ।ଏହି କଥା ଭାବି ସେ ଚୁପ୍ ହେଇ ରହିଯାଇଥିବ ମୁଁ କାଇଁ ବୁଝି ପାରିଲି ନାହିଁ ଯେତେ ବେଳେ ମୋ ଝିଅ ତା ବୋଉ କୁ କହିଲା କି ତ ଶାଶୁ ଘର ଲୋକେ ତାକୁ ଆହୁରି ଯୌତୁକ ଆଣିବା ପାଇଁ କହୁଛନ୍ତି।ଏତେ ସବୁ କିଛି ଦେଲା ପରେ ବି ସେମାନେ ଆହୁରି ଆଣିବା ପାଇଁ କହୁଛନ୍ତି ଯଦି ସେତେ ବେଳେ ବୁଝି ଯାଇଥାନ୍ତି ତ ମୋ ଝିଅ ଆଜି ମୋ ପାଖରେ ଥାଆନ୍ତା।କଣ ପାଇଁ ମୁଁ ବୁଝି ପାରିଲି ନାହିଁ କି ଯେଉଁ ପିଲା କିଛି କାମ ଧନ୍ଦା କରୁ ନାହିଁ ସେ କଣ ମୋ ଝିଅ କୁ ବାହା ହୋଇ ଖୁସିରେ ରଖିବ ।ଯଦି ସେତେ ବେଳେ ସେ ସବୁ ବୁଝି ଯାଇଥାନ୍ତି ତ ମୋ ଝିଅ ଆଜି ମୋ ପାଖରେ ଥାଆନ୍ତା।ଯଦି ମୁଁ ତାକୁ ସେତେ ବେଳେ ମନା କରି ଦେଇଥାନ୍ତି ତ ମୋ ଝିଅ କୁ ଆଜି ମୁଁ ଏମିତି ଦେଖି ନ ଥାଆନ୍ତି।କଣ ପାଇଁ ମୁଁ ମନା କରି ପାରିଲି ନାହିଁ କଣ ପାଇଁ

କାହିଁକି ନା ମୁଁ ଝିଅ ର ବାପା ଯେଉଁ ଝିଅ ପାଇଁ ଏତେ ଠାକୁରାଣୀଙ୍କ ପାଖରେ ପ୍ରାର୍ଥନା କରିଥିଲି ସେହି ଝିଅ ର ଖୁସି ପାଇଁ ମୁଁ ମନା କରି ପାରିଲି ନାହିଁ।କେମିତି ମନା କରି ଥାଆନ୍ତି ଯୋଉ ଝିଅ ର ଆଖିରୁ ଲୁହ ଝରିଲେ ମୋ ଆଖିରୁ ଲୁହ ଝରୁ ପଡ଼ୁଥିଲା କେମିତି ତାକୁ ମନା କରିଥାନ୍ତି।ଯଦି ମନା କରି ଦେଇ ଥାଆନ୍ତି ତ ଭଲ ହେଇଥାନ୍ତା ।ମୋର କଣ ଦୋଷ, କଣ ଦୋଷ ଝିଅର ବାପା ହେବା ଦୋଷ କି ଝିଅ କୁ ଭଲ ପାଇବା ଦୋଷ,ନିଜ ଝିଅ କଥା ମାନିବା ତା ଉପରେ ବିଶ୍ୱାସ କରିବା ଦୋଷ କଣ ମୋର ଦୋଷ

ଝିଅ ର ଯୌତୁକ ନିର୍ଯ୍ୟାତନା ଆଉ ଝିଅ ଚାଲି ଯିବାର ଅଭିଯୋଗରେ ଥାନା ରେ ରିପୋର୍ଟ ସିନା ଦେଇ ଦେଲି ହେଲେ କଣ ମୋ ଝିଅ ଆଉ ଫେରିବ କି କଣ ମୋ ଝିଅ କୁ ମୁଁ ଫେରି ପାଇବି କି ଯୌତୁକ ରୁପି ରାକ୍ଷସ ମୋ ଝିଅ କୁ ଖାଇ ଦେଲା।ମୋ ଭଳି ଅନେକ ବାପା ମା ନିଜ ଝିଅ କୁ ଏହି ଯୌତୁକ ପାଇଁ ହରାଇଛନ୍ତି।

କଥାରେ ଅଛି ନାରୀ ନାରୀ ମାନଙ୍କ ଶତ୍ରୁ ଯୌତୁକ ନିର୍ଯାତନା ପାଇଁ ସବୁଠୁ ଅଧିକ ନାରୀ ମାନେ ଦୋଷୀ ମୁଁ କାଇଁ ବୁଝି ପାରିଲି ନାହିଁ ମୋ ଝିଅ ଯେତେ ବେଳେ ତା ବୋଉ କୁ କହୁଥିଲା କି ତା ଶାଶୁ ତାକୁ ଆହୁରି ଯୌତୁକ ଆଣିବା ପାଇଁ କହୁଛି।।

ମୋ ଝିଅ ଭଳି ଅନେକ ଝିଅ ଏହି ଯୌତୁକ ନିର୍ଯାତନା ରେ ପ୍ରାଣ ହାରୁଛନ୍ତି।ଯଦି ଏହି ଯୌତୁକ ପ୍ରଥା ନ ରୁହନ୍ତା ତ କେତେ ଭଲ ହୁଅନ୍ତା।ଟିକେ ଥରେ ଭାବନ୍ତୁ।

ମୁଁ ଜଣେ ଝିଅ ର ବାପା।