ଝିଅ ମୁଁ ଜନ୍ମ ହେଉ ହେଉ ଘରେ ମୋ ଲାଗି ଚିନ୍ତା ବଢିଲା ।ଘରକୁ କନ୍ୟା ଆସିଲା ତା ପାଇଁ ଅଲଗା ସବୁ କିଛି ସାଇତି କି ରଖ ।ଝିଅ ଘିଅ ଯେତେ ବଢେଇ କୋଳେଇ ବଡ କଲେ ବି ସେ ପର ଘରକୁ ଯିବ।ତା ପାଇଁ ଏବେଠାରୁ କିଛି କିଛି ସଞ୍ଚୟ କର । ଆଜି ମତେ ୧୬ ବର୍ଷ ହେଲା ମୋ ଦେହରେ ଋତୁମତୀ ଆସିଛି ।ସେ ଲାଗି ସମସ୍ତଙ୍କ ଆଗରେ ମୁଁ ଏବେ ଅଛୁଆଁ। ଲଜ୍ୟା ରେ ମୁହଁ ତଳକୁ କରି ସଭିଙ୍କ ଆଗେ କଥା ହେବି ।କଣ ଗୋଟେ ଶୁଭୁଚି ଆର ପଟ ଘରୁ ବୋଉ ବାପା ଙ୍କୁ କହୁଥାଏ ଝିଅ କୁ ବୟସ ହେଲା ।ଏଥର ତା ପାଇଁ କିଛି ଚିନ୍ତା କର। ଏବେଠୁ ତାପାଇଁ ଆମକୁ ଭାବିବାକୁ ପଡ଼ିବ। ଯେଉଁ ଘରର ଏରୁଣ୍ଡି ବନ୍ଧରେ ଫୁଙ୍ଗୁଳା ଦେହରେ ମୁଁ ବୁଲୁଥିଲି ଆଜି ସେ ଏରୁଣ୍ଡୀ ବନ୍ଧ ଡେଇଁଲେ ମତେ ଲଜ୍ୟା ଆସିବ।

ବାପା ଖୁଆଇ ନଦେଲେ ମୁଁ ଖାଉ ନଥିଲି ଆଜି ଏଇ ସମୟରେ ମତେ କେହି ଛୁଇଁବା ପାପ ।ଭାଇ ସହ ଗୋଟେ ଦିନ ନ ଲାଗିଲେ ମତେ ଦିନ ଭରି ଭଲ ଲାଗେନା ।ଆଜି ସେ ଭାଇ ମତେ ଦେଖିବା ପାପ ।ପାପ କୋଉଥି ପାଇଁ ??ଲଜ୍ୟା କାହିଁକି ଲାଗିବ? ଯେଉଁ ରକ୍ତ ପାଇଁ ମୁଁ ସୃଷ୍ଟି ହେଲି ସେ ରକ୍ତ ମୋ ଦେହରୁ ଝରୁଛି ସେଥି ଲାଗି ଲଜ୍ୟା କରିବି। ଯେଉଁ ଋତସ୍ରାବ ପାଇଁ କାଲି ଗୋଟେ ନୂଆ ଜୀବନ ସୃଷ୍ଟି ହେବ ତାକୁ ଛୁଇଁବା ରେ ତ କାହାକୁ ପାପ ହେବନି ।ମତେ ଛୁଇଁଲେ ପାପ। କଣ ପାଇଁ ଏତେ ସବୁ ନିୟମ ।ଯୁଗ କୋଉଠୁ ଆସି କୋଉଠି ପହଞ୍ଚିଲା ତଥାପି ଏ ସମାଜ ଆଗରେ ଋତୁସ୍ରାବ କାଲିବି ଅଛୁଆଁ ଥିଲା ଆଉ ଆଜିବି 😥

ଋତୁସ୍ରାବ ନୁହେଁ ଅଛୁଆଁ କଦାପି

ଛୁଇଁଲେ ଲାଗେନା ପାପ

ନାରୀ ଟିଏ ଯଦି ନ ଲୋଡ଼ିବ ତେବେ

ମାନବ ସମାଜ ପାଇବ ଲୋପ

କଳଙ୍କ ର ଭାର ନିଜ ମୁଣ୍ଡେ ଧରି

କଷ୍ଟ ସବୁ ସହୁଥାଏ

ସାତ ଦିନ ଧରି ଜମ ଯନ୍ତ୍ରଣା କୁ

ହସି ହସି ମାନିନିଏ

ନିଜ ଇଚ୍ଛାରେ ସେ ଖୁସି ହେବା ପାଇଁ

ବିଧାତା ଦେଇନି ଭାଗ୍ୟ

ଅନ୍ୟ ମୁହେଁ ଖୁସି ଭରିଦେବା ପାଇଁ

ସବୁ କାମରେ ସେ ଯୋଗ୍ୟ

ଅବଳା ଦୁର୍ବଳା ଭାବିବନି ତାକୁ

ଶହେ ଶକ୍ତି ସଞ୍ଚିପାରେ

ପଛରେ ପକାଇ ସବୁ ବିପଦ କୁ

ବିଜୟିନୀ ହୋଇପାରେ

ଜନ୍ମ ହେବା ଠାରୁ ମୃତ୍ୟୁ ଶେଷ ଯାଏଁ

ଲଢେ ସେ ଜୀବନ ସହ

କର୍ମେ ଅବହେଳା କେବେ କରେନାହିଁ

ନାରୀ ସମାସ୍କନ୍ଦ କିଏ କୁହ

ଝିଅ ଟିଏ ଯଦି ଋତୁବତୀ ହୁଏ

ଲଜ୍ୟାକୁ ଦେହରେ ଧରି

ସଭିଙ୍କ ଆଗରେ ବାଟ ଚାଲୁଥିବ

ମଥା କୁ ତଳକୁ କରି

କଣ ନାରୀଟିଏ ଋତୁବତି ହେବା ପାପ

ଏହା ଅଟେ କିବା ଅଭିଶାପ

ନିଜ ସ୍ଵପ୍ନ ସବୁ ଜଳାଞ୍ଜଳି ଦେଇ

ସହିଯାଏ ସବୁ କୋପ

ଦୁନିଆ ହସୁଛି ଯାହା ପାଇଁ ଆଜି

ନୁହେଁ ସେ ଅଛୁଆଁ ପାପ

ନାରୀ ମୁହେଁ ହସ ସାହସ ଜୋଗାଅ

ଆସେ ଯେବେ ଋତୁସ୍ରାବ

Written by

Sp sipu 😘

ମୁଁ ଋତୁସ୍ରାବ ନୁହେଁ ଅଛୁଆଁ କି ପାପ

ନାରୀ ର କାହାଣୀ