ଇଂରାଜୀ ନବବର୍ଷର ପ୍ରାରମ୍ଭରେ ମୁଁ କୈବଲ୍ୟ ନାୟକ ଆପଣଙ୍କୁ ସୃଜନୀକୁ ସ୍ବାଗତ କରୁଛି । କାନନ କୁନ୍ତଳା ତଟିନୀ ମେଖଳା ଭାରତମାତା ଯେତେବେଳେ ପରାଧୀନତା ଶୃଙ୍ଖଳରେ ବାନ୍ଧି ହୋଇଥିଲେ ତେବେ ଅନେକ ଯୁଗପୁରୁଷ ଆସି ତାକୁ ମୁକୁଳାଇବାକୁ ଚେଷ୍ଟା କରୁଛନ୍ତି ତନ୍ମଧ୍ୟରୁ ଯାହାର ନାମ ଶୁଣିଲେ ମୋ ରକ୍ତରେ ମାଦଳ ବାଜେ , ଯାହାଙ୍କୁ ମୁଁ ଭାରତୀୟ ସ୍ବାଧୀନତା ସଂଗ୍ରାମର ମହାନାୟକ ଭାବେ ସେ ହେଉଛନ୍ତି ନେତାଜୀ ସୁବାଷ ଚନ୍ଦ୍ର ବୋଷ।

୧୮୯୭ ମସିହା ଜାନୁଆରୀ ୨୩ ତାରିଖ କନ୍ୟା ରାଶି ଉତ୍ତରା ଫାଲ୍ଗୁନି ନକ୍ଷତ୍ର ରେ ଓଡ଼ିଶା ର କଟକ ଓଡ଼ିଆ ବଜାର ରେ ପିତା ଜାନକୀ ନାଥ ବୋଷ ଓ ମାତା ପ୍ରଭାବତୀ ଦେବୀ ଙ୍କ କୋଳମଣ୍ଡନ କରିଥିଲେ ଏହି ମହା ନାୟକ। ରେଭେନ୍ସା କଲିଜିଏଟ ସ୍କୁଲ ସମୟରୁ ହିଁ ସେ ନିଜର ପ୍ରତିଭା ର ପରିଚୟ ଦେଇଥିଲେ। ସେତ ଏମିତି ରେ ସୁଭାଷ ଥିଲେ ତାଙ୍କ ସୁବାସ ଲୁଚିବ ବା କେମିତି। ଖୁବ କମ ବୟସରୁ ଖୁଦୀରାମ ଙ୍କର ବଳିଦାନ ର କାହାଣୀ ତାଙ୍କ ରକ୍ତ ରେ ବହ୍ନି ଜଳେଇ ଦେଇଥିଲା । ସେଥିପାଇଁ ମୋତେ ବ୍ୟକ୍ତିଗତ ଭାବରେ ଲାଗେ ଆମର ନିଜସ୍ୱ ମହାପରୁଷ ଙ୍କର ଜୀବନୀ କୁ ପାଠ୍ୟପୁସ୍ତକ ରେ ନିହାତି ସ୍ଥାନ ଦେବାକୁ ଯାହା ଫଳରେ ଯେମିତି ଜଣେ ଖୁଦୀରାମ କେତେ ଖୁଦୀରାମ ଜନ୍ମ ଦେଇଦେଲା ସେମିତି ଜଣେ ସୁଭାଷ ରୁ ଆଉ ସୁଭାଷ ବନିବା ବନ୍ଦ ନ ହେଇଯାଉ।

ସୁଭାଷ ଚନ୍ଦ୍ର ବୋଷ ପାଠରେ ଜଣେ ବିଚକ୍ଷଣ ଛାତ୍ର ନହେଲେ ଦଶମ ଶ୍ରେଣୀ ରେ ସାରା ରାଜ୍ୟ ରେ ଦ୍ଵିତୀୟ ଟପର ଓ ଭାରତୀୟ ପ୍ରଶାସନିକ ପରୀକ୍ଷା ରେ କୃତକାର୍ଯ୍ୟ ହୋଇ ନଥାନ୍ତେ । ଏହାର କିଛି କାରଣ ବି ଅଛି ପ୍ରଥମ କଥା ତାଙ୍କ ପିତା ଜାନକୀ ନାଥ ବୋଷ ଥିଲେ ଜଣେ ଆଇନଜୀବୀ ତେଣୁ ଘରେ ପାଠ ପାଇଁ ପ୍ରଭାବ ଥିଲା କିନ୍ତୁ ମୁଖ୍ୟ କାରଣ ଥିଲା ଯେ ସେ ସବୁ ବେଳେ ଆଗୁଆ ଦେଖୁଥିଲେ । ଭାରତ କୁ ମୁକ୍ତ କରିବାକୁ ହେଲେ ପ୍ରଥମେ ସବୁ 6 ଭିତରେ ନିଜକୁ 9 ବନେଇବାକୁ ହେବ ଆଉ ତା ପାଇଁ ପାଠ ର ଆବଶ୍ୟକ। ଏଇ ବିଶ୍ଳେଷଣ ଭିତ୍ତିକ ତାଙ୍କର ପାଠ ପଢ଼ା ଯୋଗୁଁ ହିଁ ସେ କେମିତି ବାହ୍ୟ ପ୍ରଭାବ ବଳରେ ଶତୃ ର ଶତ୍ରୁ କୁ ମିତ୍ର କରି ସ୍ୱାଧୀନତା ପାଇ ହେବ ଚିନ୍ତା କରି ପାରିଲେ ବୋଲି ମୋର ବ୍ୟକ୍ତିଗତ ମତ।

ଭାରତୀୟ ତତ୍କାଳୀନ ରାଜନୀତି କେମିତି ଥିଲା ତାଙ୍କ ପ୍ରତି କହିବା ଆବଶ୍ୟକ ମନେ କରୁନାହିଁ। ଯେମ ଲଙ୍କା ରେ ଯିଏ ଆସିବ ସିଏ ରାବଣ ସେମିତି ରାଜନୀତି ଯୁଗେ ଯୁଗେ ନିନ୍ଦନୀୟ । ନିର୍ବାଚନ ରେ ଜିତିବା ପରେ ବି ପଦ ତ୍ୟାଗ ହୁଏତ ସେହିଁ କରି ପାରିବେ । ମୋତେ ଆଶ୍ଚର୍ଯ୍ୟ ଲାଗେ ଏମିତି ଏକ ଅସାଧାରଣ ନେତା ଙ୍କ ଉପରେ ନିଜ ଦେଶର ଦଳ କେମିତି ବ୍ୟାନ ଲଗାଇ ପାରିବ। ସେ ଗାନ୍ଧିଜୀ ଙ୍କୁ ବହୁତ ସମ୍ମାନ ଦେଉଥିଲେ । ତାଙ୍କର ପଥ ଭିନ୍ନ ହୋଇ ପାରେ କିନ୍ତୁ ଲକ୍ଷ ଥିଲା ସେହି ଭାରତ ମାତା ର ସ୍ୱାଧୀନତା। ସେ ଚାହୁଁଥିଲେ ବ୍ରିଟିଶ ଓ ରୁଷ ର ଶତ୍ରୁତା କୁ ଅସ୍ତ୍ର କରି ଚାପ ପକାଇ ଇଟା ର ଜବାବ ପଥର ରେ ଦେବାକୁ। ଦୁଃଖ ଲାଗେ ଯଦି ସେହି ମହାବଳ ବାଘ ଯାହାକୁ ସାରା ବ୍ରିଟିଶ ଡରୁଥିଲେ ସେ ଯଦି ସେହି ମାତ୍ରା ରେ ଭାରତୀୟ ନେତା ଙ୍କ ର ସମର୍ଥନ ପାଇ ଥାନ୍ତେ ବୋଧ ହୁଏ ସ୍ୱାଧୀନତା ଆଉ ଏକ କି ଦୁଇ ବର୍ଷ ଆଗରୁ ମିଳି ଯାଇଥାନ୍ତା ତାହା ବି କଡ଼ା ଜବାବ ଦେଇ। କିନ୍ତୁ ସନ୍ନ୍ୟାସୀ ହେବା ଆଳରେ ବେଶ ବଦଳାଇ ମୁସଲମାନ ବଣିକ ଜିୟାଉଦ୍ଦିନ ଙ୍କ ବେଶରେ ସେ ରୁଷ ଅଭିମୁଖେ ଯାତ୍ରା କଲେ।

ସେ ନିଜର କାର୍ଯ୍ୟ ଭିତରେ ତାଙ୍କର ସହଯୋଗୀ ଏମିଲ ସେଂକଲ କୁ ବିବାହ କରିଥିଲେ ଯାହାଙ୍କ ପାଖରୁ ତାଙ୍କର କନ୍ୟା ଅନିତା ବୋଷ ଅଛନ୍ତି।

ସେତେବେଳ ସମୟରେ ରୁଷ ଜର୍ମାନୀ ଯାଇ ନିଜର ଦାବି ପ୍ରସ୍ତୁତ କରି , ଆଜାଦ ହିନ୍ଦ ଫୌଜ କରିବା , ପ୍ରକୃତ ଦେଶ ପ୍ରେମ ର ନିଆଁ ଲଗାଇବା କଣ ସହଜ ଥିଲା। ତାଙ୍କୁ ସହଜ କଷ୍ଟ ସହ କଣ ବା ଯାଏ ତାଙ୍କର ତ ଗୋଟାଏ ଲକ୍ଷ ଦେଶ ମାତୃକା ର ସୁରକ୍ଷା। ସିଙ୍ଗାପୁର ର ପ୍ରଥମ ସାମରିକ ଦାୟିତ୍ୱ ବି ନେଇଥିଲେ। ତାଙ୍କର ଡାକରା ଥିଲା ମୋତେ ରକ୍ତ ଦିଅ ମୁଁ ତୁମକୁ ସ୍ୱାଧୀନତା ଦେବି।

ସବୁଠାରୁ ଗୁରୁତ୍ୱପୂର୍ଣ୍ଣ ହେଉଛି ସେ ଅଣ୍ଡାମାନ ନିକୋବର ଦ୍ବୀପ ପୁଞ୍ଜ ର ପୋର୍ଟ ବ୍ଲେୟର ଠାରେ 1943 ରେ ଭାରତୀୟ ପତାକା ଉତ୍ତୋଳନ କରିଥିଲେ। ଦିନେ ଖବର ବ୍ୟାପିଗଲା 1945 ର ଉଡ଼ାଯହାଜ ଦୁର୍ଘଟଣା ରେ ଭାରତର ମହାବଳ ବାଘ ସୁଭାଷ ଚନ୍ଦ୍ର ବୋଷ ଆଉ ନାହାନ୍ତି। ସମଗ୍ର ବିଶ୍ୱ ସ୍ତବ୍ଧ ହୋଇଗଲା। କିଏ କୁହେ ସେଦିନ ଦୁର୍ଘଟଣା ହୋଇ ହିଁ ନଥିଲା କିଏ କୁହେ ସେ ନାହାନ୍ତି କିଏ କୁହେ ସେ ଭଗବାନ ବାବା ହୋଇ ଉତ୍ତରପ୍ରଦେଶ ରେ ଥିଲେ ଆଉ କିଏ କିଏ କଣ କଣ କୁହନ୍ତି ହେଲେ ସବୁ ରହସ୍ୟମୟ।

ଭଗବାନୀ ବାବା ତଥା ଗୁମନାମୀ ବାବା ଙ୍କ ସପକ୍ଷ ରେ ଏହି ଯୁକ୍ତି ଦିଆଯାଏ କି ତାଙ୍କ ନିକଟରେ ନେତାଜୀ ଙ୍କ ପରିବାର ଫୋଟୋ , ଦୂର ବିକ୍ଷଣ ଯନ୍ତ୍ର , କୋଲକାତା ବାସ ଭବନ ର ନକ୍ସା , ଭାରତ ଠୁ ଆରମ୍ଭ କରି ବିଦେଶୀ ନେତାଜୀ ଙ୍କ ପ୍ରିୟ ପୁସ୍ତକ , ଆଉ ବଙ୍ଗାଳି ଭାଷା ର ବ୍ୟବହାର ରୁ ତାଙ୍କୁ ସୁଭାଷ ବୋଷ ବୋଲି କିଛି ମାନୁଥିଲେ କିନ୍ତୁ ନେତାଜୀ ଙ୍କ ପରିବାର ତରଫରୁ ଏହାକୁ ଖଣ୍ଡନ କରାଯାଇଥିଲା ହୁଏତ ସୁରକ୍ଷା ଦୃଷ୍ଟିକୋଣ ରୁ ହୋଇ ଥାଇ ପାରେ। ନେତାଜୀ ଙ୍କ ରହସ୍ୟ ପାଇଁ 3 ରୁ 4 ଟି କମିଶନ ବସା ଯାଇଥିଲେ ବି ତାକୁ ଏଯାବତ ଲୋକଙ୍କୁ ଦର୍ଶା ଯାଇ ନାହିଁ। ସେଥିପାଇଁ ନେତାଜୀ ଙ୍କ ପରିବାର ତରଫରୁ ଭାରତ ରତ୍ନ ପୁରସ୍କାର କୁ ବି ସସମ୍ମାନେ ପ୍ରତ୍ୟାଖ୍ୟାନ କରିଥିଲେ। ଯିଏ ନିଜେ ଜଣେ ପୁରସ୍କାର ତାଙ୍କୁ ବା କିଏ କଣ ପୁରସ୍କାର ଦେବ।

ନେତାଜୀ ଙ୍କ ଜୀବନୀ ମୋତେ ନିଜର କାହାଣୀ ଭଳି ଲାଗେ କୋଉଠୁ ଆରମ୍ଭ କରିବି କୋଉଠୁ ଶେଷ କରିବି କିଛି ଜାଣି ପାରେ ନାହିଁ। ତେଣୁ ଏତିକି ରେ ସମାପ୍ତ କରୁଛି।

ଜୟ ହିନ୍ଦ।ି

ସୁଭାଷ ଚନ୍ଦ୍ର ବୋଷ , ସ୍ବାଧୀନତା ସଂଗ୍ରାମର ମହାନାୟକ

ସ୍ବାଧୀନତା ସଂଗ୍ରାମର ମହାନାୟକ