ଶ୍ରୀ ଷଷ୍ଠୀ ଦେଵୀ ସ୍ତୋତ୍ରମ୍

ଧ୍ୟାନମ୍

ଶ୍ରୀମନ୍ମାତରମଂବିକାଂ ଵିଧିମନୋଜାତାଂ ସଦାଭୀଷ୍ଟଦାଂ

ସ୍କଂଦେଷ୍ଟାଂ ଚ ଜଗତ୍ପ୍ରସୂଂ ଵିଜୟଦାଂ ସତ୍ପୁତ୍ର ସୌଭାଗ୍ୟଦାମ୍ ।

ସଦ୍ରତ୍ନାଭରଣାନ୍ଵିତାଂ ସକରୁଣାଂ ଶୁଭ୍ରାଂ ଶୁଭାଂ ସୁପ୍ରଭାଂ

ଷଷ୍ଠାଂଶାଂ ପ୍ରକୃତେଃ ପରଂ ଭଗଵତୀଂ ଶ୍ରୀଦେଵସେନାଂ ଭଜେ ॥ 1 ॥

ଷଷ୍ଠାଂଶାଂ ପ୍ରକୃତେଃ ଶୁଦ୍ଧାଂ ସୁପ୍ରତିଷ୍ଠାଂ ଚ ସୁଵ୍ରତାଂ

ସୁପୁତ୍ରଦାଂ ଚ ଶୁଭଦାଂ ଦୟାରୂପାଂ ଜଗତ୍ପ୍ରସୂମ୍ ।

ଶ୍ଵେତଚଂପକଵର୍ଣାଭାଂ ରକ୍ତଭୂଷଣଭୂଷିତାଂ

ପଵିତ୍ରରୂପାଂ ପରମଂ ଦେଵସେନା ପରାଂ ଭଜେ ॥ 2 ॥

ସ୍ତୋତ୍ରମ୍

ନମୋ ଦେଵ୍ୟୈ ମହାଦେଵ୍ୟୈ ସିଦ୍ଧ୍ୟୈ ଶାଂତ୍ୟୈ ନମୋ ନମଃ ।

ଶୁଭାୟୈ ଦେଵସେନାୟୈ ଷଷ୍ଠୀଦେଵ୍ୟୈ ନମୋ ନମଃ ॥ 1 ॥

ଵରଦାୟୈ ପୁତ୍ରଦାୟୈ ଧନଦାୟୈ ନମୋ ନମଃ ।

ସୁଖଦାୟୈ ମୋକ୍ଷଦାୟୈ ଷଷ୍ଠୀଦେଵ୍ୟୈ ନମୋ ନମଃ ॥ 2 ॥

ସୃଷ୍ଟ୍ୟୈ ଷଷ୍ଠାଂଶରୂପାୟୈ ସିଦ୍ଧାୟୈ ଚ ନମୋ ନମଃ ।

ମାୟାୟୈ ସିଦ୍ଧୟୋଗିନ୍ୟୈ ଷଷ୍ଠୀଦେଵ୍ୟୈ ନମୋ ନମଃ ॥ 3 ॥

ସାରାୟୈ ଶାରଦାୟୈ ଚ ପରାଦେଵ୍ୟୈ ନମୋ ନମଃ ।

ବାଲାଧିଷ୍ଟାତୃଦେଵ୍ୟୈ ଚ ଷଷ୍ଠୀଦେଵ୍ୟୈ ନମୋ ନମଃ ॥ 4 ॥

କଳ୍ୟାଣଦାୟୈ କଳ୍ୟାଣ୍ୟୈ ଫଲଦାୟୈ ଚ କର୍ମଣାମ୍ ।

ପ୍ରତ୍ୟକ୍ଷାୟୈ ସର୍ଵଭକ୍ତାନାଂ ଷଷ୍ଠୀଦେଵ୍ୟୈ ନମୋ ନମଃ ॥ 5 ॥

ପୂଜ୍ୟାୟୈ ସ୍କଂଦକାଂତାୟୈ ସର୍ଵେଷାଂ ସର୍ଵକର୍ମସୁ ।

ଦେଵରକ୍ଷଣକାରିଣ୍ୟୈ ଷଷ୍ଠୀଦେଵ୍ୟୈ ନମୋ ନମଃ ॥ 6 ॥

ଶୁଦ୍ଧସତ୍ତ୍ଵସ୍ଵରୂପାୟୈ ଵଂଦିତାୟୈ ନୃଣାଂ ସଦା ।

ହିଂସାକ୍ରୋଧଵର୍ଜିତାୟୈ ଷଷ୍ଠୀଦେଵ୍ୟୈ ନମୋ ନମଃ ॥ 7 ॥

ଧନଂ ଦେହି ପ୍ରିୟାଂ ଦେହି ପୁତ୍ରଂ ଦେହି ସୁରେଶ୍ଵରି ।

ମାନଂ ଦେହି ଜୟଂ ଦେହି ଦ୍ଵିଷୋ ଜହି ମହେଶ୍ଵରି ॥ 8 ॥

ଧର୍ମଂ ଦେହି ୟଶୋ ଦେହି ଷଷ୍ଠୀଦେଵୀ ନମୋ ନମଃ ।

ଦେହି ଭୂମିଂ ପ୍ରଜାଂ ଦେହି ଵିଦ୍ୟାଂ ଦେହି ସୁପୂଜିତେ ।

କଳ୍ୟାଣଂ ଚ ଜୟଂ ଦେହି ଷଷ୍ଠୀଦେଵ୍ୟୈ ନମୋ ନମଃ ॥ 9 ॥

ଫଲଶୃତି

ଇତି ଦେଵୀଂ ଚ ସଂସ୍ତୁତ୍ୟ ଲଭେତ୍ପୁତ୍ରଂ ପ୍ରିୟଵ୍ରତମ୍ ।

ୟଶଶ୍ଵିନଂ ଚ ରାଜେଂଦ୍ରଂ ଷଷ୍ଠୀଦେଵି ପ୍ରସାଦତଃ ॥ 10 ॥

ଷଷ୍ଠୀସ୍ତୋତ୍ରମିଦଂ ବ୍ରହ୍ମାନ୍ ୟଃ ଶୃଣୋତି ତୁ ଵତ୍ସରମ୍ ।

ଅପୁତ୍ରୋ ଲଭତେ ପୁତ୍ରଂ ଵରଂ ସୁଚିର ଜୀଵନମ୍ ॥ 11 ॥

ଵର୍ଷମେକଂ ଚ ୟା ଭକ୍ତ୍ୟା ସଂସ୍ତୁତ୍ୟେଦଂ ଶୃଣୋତି ଚ ।

ସର୍ଵପାପାଦ୍ଵିନିର୍ମୁକ୍ତା ମହାଵଂଧ୍ୟା ପ୍ରସୂୟତେ ॥ 12 ॥

ଵୀରଂ ପୁତ୍ରଂ ଚ ଗୁଣିନଂ ଵିଦ୍ୟାଵଂତଂ ୟଶସ୍ଵିନମ୍ ।

ସୁଚିରାୟୁଷ୍ୟଵଂତଂ ଚ ସୂତେ ଦେଵି ପ୍ରସାଦତଃ ॥ 13 ॥

କାକଵଂଧ୍ୟା ଚ ୟା ନାରୀ ମୃତଵତ୍ସା ଚ ୟା ଭଵେତ୍ ।

ଵର୍ଷଂ ଶୃତ୍ଵା ଲଭେତ୍ପୁତ୍ରଂ ଷଷ୍ଠୀଦେଵି ପ୍ରସାଦତଃ ॥ 14 ॥

ରୋଗୟୁକ୍ତେ ଚ ବାଲେ ଚ ପିତାମାତା ଶୃଣୋତି ଚେତ୍ ।

ମାସେନ ମୁଚ୍ୟତେ ରୋଗାନ୍ ଷଷ୍ଠୀଦେଵି ପ୍ରସାଦତଃ ॥ 15 ॥

ଜୟ ଦେଵି ଜଗନ୍ମାତଃ ଜଗଦାନଂଦକାରିଣି ।

ପ୍ରସୀଦ ମମ କଳ୍ୟାଣି ନମସ୍ତେ ଷଷ୍ଠୀଦେଵତେ ॥ 16 ॥

ଇତି ଶ୍ରୀ ଷଷ୍ଠୀଦେଵି ସ୍ତୋତ୍ରମ୍ ।

-- ଶ୍ରୀ ଷଷ୍ଠୀ ଦେଵୀ ସ୍ତୋତ୍ରମ୍