କେବେ କେବେ ଭାରି ଇଚ୍ଛା ହୁଏ,

ଛଟପଟ ହୁଏ ମନ

କବିତା ଲେଖିବାକୁ

ଶବ୍ଦଗୁଡ଼ା ଘୁଞ୍ଚି ଘୁଞ୍ଚି ଯାଆନ୍ତି ବାହାରି,

କେଉଁ ଅଦୃଶ୍ୟ ଦୁରନ୍ତ ଇଲାକାକୁ

ଖୋଜି ଖୋଜି ନିରାଶ ହୁଏ

ଲୁଚକାଳି ରେସ୍‌ଟିପ ଖେଳରେ

ବାଜିମାତ୍‌ କରନ୍ତି ସେମାନେ

ମତେ ଭକୁଆ ବନାନ୍ତି

ପୁଲିସ୍ କରି ଚୋର ଧରିବାକୁ ।

ଆଉ କେବେ ,

ଜମାରୁ ଲେଖିବିନି ବୋଲି

ଜିଦ୍ ଧରିଲା ବେଳକୁ, ସେମାନେ

ଦୁଷ୍ଟପିଲା ପରି ଧସେଇ ପଶିଆସନ୍ତି

ଖୁନ୍ଦି ହୋଇ ମନରାଇଜକୁ

ଭାରି ଅମାନିଆ ଏଇ କବିମନ ,

ପୁଣି ତାଙ୍କ କଥା ଶୁଣେ

ବନ୍ଧା ପଡ଼େ ତାଙ୍କଠାରେ,

ଖୋଜିବୁଲେ ଖାଲି ପୃଷ୍ଠାଟିଏ,

ଲେଖନୀଟିଏ,

ସେମାନଙ୍କ ଏଆଡ଼ୁ ସେଆଡ଼ୁ

ବାଜେ କଥା ଧରି ରଖିବାକୁ ।

ଓଡ଼ିଶା ରାଜ୍ୟ ମୁକ୍ତ ବିଶ୍ୱବିଦ୍ୟାଳୟ, ମୁଖ୍ୟ କାର୍ଯ୍ୟାଳୟ, ସମ୍ବଲପୁର

ବିଭାଗୀୟ ମୁଖ୍ୟ (ଓଡ଼ିଆ)

କୁଲିତାପଡ଼ା,ମୋଦିପଡ଼ା

ସମ୍ବଲପୁର

ପିନ୍ କୋଡ଼

-୭୬୮୦୦୨

ଯୋଗାଯୋଗ -୭୯୭୮୮୬୪୬୧୨

{କବି ମନ}