ନଦୀ ଯେମିତି ଗତିଶୀଳ ଏ ଜୀବନ ବି ଠିକ୍ ଗତିଶୀଳ, ନା କେବେ ସ୍ଥାୟୀ ହେଇ ରହେ , ଜୀବନ ସହିତ ସମୟ ବି ପରିବର୍ତ୍ତନ ଶିଳ ।

ଅନେକ ଥର ଭାବିଛି ତୁମକୁ କଥା ଟିଏ କହିବି ବୋଲି, କିନ୍ତୁ କହିନି।ଆଜି ଯେତେବେଳେ ଆମର ସୁଖ ଦୁଃଖ ଅତୀତ ବିଷୟରେ ଆମେ ପୁଣି ଥରେ କଥା ହେଉଛେ ଏବଂ କଥାରେ କଥାରେ ତୁମେ ମତେ ନେଇ ସେଇ ଅତୀତ ଭିତରେ ବୁଡ଼େଇ ସାରିଲଣି , ମୋ ଭଳି ଜଣେ ପାଇଁତିରିଶି ବର୍ଷର ସଂସାରୀ ମହିଳା କୁ ତୁମେ ପଚିଶ ବର୍ଷ ର ଯୁବତୀ ରେ ପରିଣତ କରି ସାରିଲଣି ଓ ମୋର ସେହି ବାହାଘର ସମୟ ର ଘଟଣା ଯେତେବେଳେ ମୋ ଆଖି ଆଗରେ ନାଚି ଉଠୁଚି, ତେଣୁ ସେ ସମୟ ର ଘଟଣା କୁ ତୁମ ଆଗରେ କହିବାକୁ ଆଜି ଭାରି ଇଛା ହେଉଛି। ଫୋନ୍ ରେ ସମୀର ର କଣ୍ଠ ସ୍ଵର ଭାରିଭାରି ଜଣା ଯାଉଥିଲା ଅତିତ କଥା ପଡ଼ିଲେ ତାର ର କଣ୍ଠ ସ୍ଵର ଭାରିଭାରି ଓ ଓଦଳିଆ ଜଣାଯାଏ।

ମୁଁ ସ୍ଥିର ହେଉ ଶୁଣିଥିଲି ସମୀର କଥା ।ସୀମା ସହିତ କଥା ହେବା ବେଳେ, ମୋ ପାଇଁ ଆଉ ସବୁ ଗୌଣ ହେଇ ଯାଏ, କେବଳ ତା ମୁହଁରୁ ଝରି ଆସୁଥିବା କଥା ବ୍ୟତୀତ ଏହା ସତ ଯେ,ସେତେବେଳେ ତୁମକୁ ସବୁଦିନ ପାଇଁ ଛାଡି ଯିବାର ଓଜନିଆ ଦୁଃଖରେ ମୁ ପୋତି ହୋଇ ପଡ଼ିଥିଲି ଯେତିକି ଯେତିକି ବାହାଘର ଦିନ ପାଖେଇ ଆସୁଥିଲା, ମୋ ଛାତି ଭତ ରରେ କୋହରେ ମୁଁ ଅଣନିଶ୍ୱସୀ ହୋଇ ଉଠୁଥିଲି। ଲୁହରେ ତ ସୀମା ନଥିଲା କେବଳ କାନ୍ଦୁଥିଲି ବୋଲି ମୁଁ ବଞ୍ଚି ରହିଥିଲି। ନହେଲେ ତମ ବିଛେଦରେ ତ ସୀମା ନଥିଲା

ସବୁ ଝିଅ ମାନେ ଛାତିରେ ଛାତିଏ ସ୍ୱପ୍ନ ନେଇ ବାହା ହୁଅନ୍ତି। ମୁଁ କେବଳ କୋହା ଓ ଲୁହ କୁ ନେଇ ବାହାଘର ପଯ୍ୟନ୍ତ ଘୁଷୁରୀ ଘୁଷୁରୀ ଯାଇଥିଲି। ଝିଅ ବିଦା ହେଲା ବେଳେ ସବୁ ଝିଅ କାନ୍ଦନ୍ତି, ବାପା ମା ବନ୍ଧୁଜନଙ୍କୁ ଛାଡି ଯିବାର ଦୁଃଖରେ।କିନ୍ତୁ ମୁଁ ସତ କହୁଚି, ମୁଁ ବିଦାୟ ହେବାବେଳେ ବାପା ମା' ଙ୍କ କଥା ଟିକେ ବି ମୋ ମନକୁ ଆସିନଥିଲା ମୁଁ କେବଳ କାନ୍ଦୁଥିଲି ତୁମକୁ ହରେଇବାର ଦୁଃଖରେ । ବାହାଘର ପରେ ଶାଶୁ ଘରେ ଦୁଇ ମାସ ଯାଏଁ ମୋ ଆଖିରୁ ଲୁହ ଶୁଖି ନଥିଲା।

ଏଇ ଅତୀତର କଥା ତ ମୁଁ ତୁମକୁ ବହୁତ୍ ଥର କହିଛି ତୁମେ ଶୁଣିଛ କିନ୍ତୁ ତୁମକୁ ମନ ଭିତରେ ଯେଉଁ କଥା ଅଛି ଏଯାଏଁ କହିନି, ଆଜି କହିବାକୁ କାହିଁକି ଭାରି ଇଛା ହେଉଛି...।

ହଁ କୁହ। ମୋର ବି ତୁମ କଥା ଶୁଣିବାକୁ ବହୁତ୍ ଇଚ୍ଛା ହେଉଛି।

ମୁଁ ଆଉ ଟିକେ ଫୋନ୍ କୁ କାନରେ ଲଗେଇ କହିଲି।

ମୋର ବାହାଘର ଠିକ୍ ହୋଇଯିବା ପରେ ତୁମେ ସିନା ଲୁହକୁ ଆଦରି ନେଇ ଚୁପ୍ ରହିଗଲ,ହେଲେ ତୁମେ ଯଦି ମତେ ଥରୁଟିଏ ବି ତୁମ ସହିତ ପଳେଇ ଯିବାକୁ କହିଥାନ୍ତ, ମୁଁ ତୁମ ସହ ନିଶ୍ଚୟ ପକେଇ ଯାଇଥାନ୍ତି।ବାହାଘର ଦିନ ବର ଆସିବା ପରେ ସମସ୍ତେ ଯେତେବେଳେ ମତେ ଏକା ଛାଡି ବର ଦେଖିବାକୁ ଗଲେ, ମୁଁ ସେତେବେଳେ ଭାବୁଥିଲି ତୁମ ଘର ଯଦି ଏଇଠି କୋଉଠି ପାଖରେ ହୋଇଥାନ୍ତା, ତେବେ ମୁଁ ଦୌଡ଼ି ଦୌଡ଼ି ତୁମ ପାଖକୁ ପଳାଇ ଯାଇଥାନ୍ତି। ସମୀର ର ଦୀର୍ଘ ଶ୍ବାସ ଶୁଣା ଗଲା ଫୋନ୍ ରେ।

ଏହି କଥା ପରେ ସୀମା ଆଉ କ'ଣ ସବୁ କହିଲା ମୁଁ କିନ୍ତୁ ଶୁଣିବା ଅବସ୍ଥାରେ ନଥିଲି, ଯଦିଓ ସୀମା ସହିତ କଥା ହେବା ବେଳେ ମୁ କେବେ ବି ଅନ୍ୟମନସ୍କ ହୁଏ ନାହିଁ କିନ୍ତୁ ତାର ସେଇ ପଦକ କଥାରେ ଯେମିତି ମୋର ବାରମ୍ବାର ମୋ କାନରେ ପିଟି ହେଉଥିଲା।

କଥା ରେ କଥାରେ ସୀମା କହିଦେଲା ଆଜି ତା ମନ ତଳର କଥା । ମୁଁ ଭାଙ୍ଗି ଗଲି ଖଣ୍ଡ ଖଣ୍ଡ ହୋଇ।

ସୀମାର ବାହାଘର ହେଲାଣି ପ୍ରାୟ ନଅ ବର୍ଷ ତା ବାହାଘର ତିନି ବର୍ଷ ପରେ ସେ ପ୍ରଥମେ ଫୋନ୍ କରୁଥିଲା ମତେ। ସେହି ଦିନ ଠାରୁ ପ୍ରତି ଦୁଇ, ତିନି ମାସରେ ଥରେ ଆମେ ପରସ୍ପର ସହ ଫୋନ୍ ରେ କଥା ହେଉଛୁ । ତା ସ୍ୱମୀ ଓ ମୋ ସ୍ତ୍ରୀ କୁ ଲୁଚାଇ ମୋ ବହାଘର ବି ହେଲାଣି ଚାରି ବର୍ଷ କିନ୍ତୁ ଏବେ ବି ତା ଫୋନ୍ କୁ ଚାତକ ପରି ଅପେକ୍ଷା କରେ ମୁଁ ତା ଫୋନ୍ ପାଇଲେ ତୁଳା ପରି ହାଲ୍କା ହେଇଯାଏ। ମୁଁ ଯେତେ କଷ୍ଟ ଟେନ୍ସନ୍ ରେ ଥିଲେ ବି ତାର ପଦେ କଥା ଉଦେଇ ଦିଏ ସବୁ କଷ୍ଟ କୁ।

ସେଦିନ ସୀମା ବାହା ହେଇଗଲା ପରେ ସାରା ସଞ୍ଜ ଟା ମୁଁ କାନ୍ଦି ଥିଲି ବର୍ଥରୁମ୍ ଭିତରେ ପାଣି ଟ୍ୟପ୍ ଚଲେଇ। ସେଦିନ ଯେତିକି ଦୁଃଖ ମତେ ଲାଗିଥିଲା ତା ଠାରୁ ଅଧିକ ଦୁଃଖ ମତେ ଲାଗିଲା, କାରଣ ସୀମା ମୋ ସହିତ ପକେଇ ଯିବା ପାଇଁ ପ୍ରସ୍ତୁତ ଥିବା ବେଳେ, ଏ ପସ୍ତାବ ମୁଁ ତାକୁ ଦେଇ ପାରି ନଥିଲି।

ଯଦି ମୁଁ କିଛି ନ ଭାବି ନ ଚିନ୍ତି ଏ ପସ୍ତାବ ସୀମାକୁ ଦେଇ ପାରିଥାନ୍ତି ତେବେ ଆମ ଦୁଇ ଜଣଙ୍କ ଭାଗ୍ୟ ଅଲଗା ହେଇ ପାରି ନଥାନ୍ତା ,ଆମେ ଦୁହଁ ଙ୍କୁ ଲୁଚି ଛପି ଫୋନ୍ ରେ କଥା ହେବାକୁ ପଡି ନଥାନ୍ତା

କଳ୍ପନା ରାଜ୍ୟରୁ ବର୍ତ୍ତମାନ କୁ ଫେରି ଆବିଷ୍କାର କଲି , ମୁଁ ଫୋନ୍ ରେ କଥା ହେଉଛି ମୁଁ ସୀମା ସହ ଆମର ଅତୀତରେ ବିତିଯାଇଥିବା କିଛି ସ୍ମୃତି, ପ୍ରଥମ ଦେଖା ,ପ୍ରଥମ ଛୁଆଁ, ପ୍ରଥମ ଚିଠି ଏ ବିଷୟ ରେ।

ଏ କଥା ମନେ ପଡ଼ିବା ବେଳକୁ ଛାତି ଭିତରୁ ଦୀର୍ଘ ନିଶ୍ଵାସ ଛାଏଁ ଛାଏଁ ଉଠିକି ଆସୁଥିଲା।

ଦୀର୍ଘ ନିଶ୍ଵାସ ଛାଡ଼ିବା ପରେ ପୁଳାଏ ପବନ ଶୋଷି ନେଲି , ଆଉ ସୀମାକୁ କହିଲି ଏ ଜନ୍ମ ରେ ଆମେ ସିନା ଦୁହେଁ ଦୁହିଁଙ୍କର ହେଇ ପାରିଲେନି, ହେଲେ ଆର ଜନ୍ମ ରେ ଆମେ ନିଶ୍ଚୟ ଏକାଠି ହେବା। ଆଉ ଗୋଟିଏ ଜନ୍ମ ତୁମ ବିନା ମୁଁ ବଂଚି ପାରିବି ନାହିଁ। ଏବେଠୁ ମୁ ଭଗବାନ୍ ଙ୍କୁ କହି ଦେଉଛି ଆର ଜନ୍ମରେ ସୀମା ହାତକୁ ମୋ ହାତରେ ଧରେଇ ଦିଅନ୍ତୁ।

ଫୋନ୍ ର ସଂଯୋଗ ବିଚ୍ଛିନ୍ନ ହେବାର ସମୟ ଆସି ଯାଇଥିଲା ଆମେ ପରସ୍ପର ଠାରୁ ବିଦାୟ ନେଲୁ, ଫୋନ୍ କଟିଲା ପରେ ଦେଖିଲି ଅଣଷଠି ମିନିଟ୍ ତିରିଶି ସେକେଣ୍ଡ କଥା ହେଉଥିଲୁ ଆମେ ଦୁହେଁ।

ଫୋନ୍ କଟିବା ପରେ ଅନେକ ବେଳ ଯାଏ ସୀମାର ନା ' କୁ ମୁଁ ମୋବାଇଲ୍ ପରଦା ଉପରେ ଦେଖୁଥିଲି ସୀମା ମୋ ସାମ୍ନାରେ ଛିଡା ହେବା ପରି ଲାଗୁଥିଲା। ହାତ ଚଲେଇ ଆଣିଲି ମୁଁ ଫୋନ୍ ର ପରଦା ଉପରେ ମୁଁ ଖୁସିରେ ଚୁମି ଥିଲି। ମୋ ପରି ଜଣେ ମଣିଷ ଆର ଜନ୍ମକୁ ଅପେକ୍ଷା କରିଥିବାର ଦେଖି ମୁଁ ଆଶ୍ଚର୍ଯ୍ୟ ହେଇ ନଥିଲି

✨❣️✍️......

_______( ସମାପ୍ତ)______

ନଦୀର ଧାରେ ଜୀବନ

ନଦୀର ଧାରେ ଜୀବନ