ଶ୍ରୀବୃନ୍ଦାବନାଷ୍ଟକମ୍

ॐ ମୁକୁନ୍ଦମୁରଲୀରବଶ୍ରବଣଫୁଲ୍ଲହୃଦ୍ଵଲ୍ଲରୀ

କଦମ୍ବକକରମ୍ବିତପ୍ରତିକଦମ୍ବକୁଞ୍ଜାନ୍ତରା ।

କଲିନ୍ଦଗିରିନନ୍ଦିନୀକମଲକନ୍ଦଲାନ୍ଦୋଲିନା

ସୁଗନ୍ଧିରନିଲେନ ମେ ଶରଣମସ୍ତୁ ବୃନ୍ଦାଟବୀ ॥ ୧॥

ବିକୁଣ୍ଠପୁରସଂଶ୍ରୟାଦ୍ ବିପିନତୋଽପି ନିଃଶ୍ରେୟସାତ୍

ସହସ୍ରଗୁଣିତାଂ ଶ୍ରିୟଂ ପ୍ରଦୁହତୀ ରସଶ୍ରେୟସୀମ୍ ।

ଚତୁର୍ମୁଖମୁଖୈରପି ସ୍ପୃହିତତାର୍ଣଦେହୋଦ୍ଭବା

ଜଗଦ୍ଗୁରୁଭିରଗ୍ରିମୈଃ ଶରଣମସ୍ତୁ ବୃନ୍ଦାଟବୀ ॥ ୨॥

ଅନାରତବିକସ୍ଵରବ୍ରତତିପୁଞ୍ଜପୁଷ୍ପାବଲୀ

ବିସାରିବରସୌରଭୋଦ୍ଗମରମାଚମତ୍କାରିଣୀ ।

ଅମନ୍ଦମକରନ୍ଦଭୃଦ୍ଵିଟପିବୃନ୍ଦବୃନ୍ଦୀକୃତ

ଦ୍ଵିରେଫକୁଲବନ୍ଦିତା ଶରଣମସ୍ତୁ ବୃନ୍ଦାଟବୀ ॥ ୩॥

କ୍ଷଣଦ୍ୟୁତିଘନଶ୍ରିୟୋବ୍ରଜନବୀନୟୂନୋଃ ପଦୈଃ

ସୁବଗ୍ଲୁଭିରଲଙ୍କୃତା ଲଲିତଲକ୍ଷ୍ମଲକ୍ଷ୍ମୀଭରୈଃ ।

ତୟୋର୍ନଖରମଣ୍ଡଲୀଶିଖରକେଲିଚର୍ୟୋଚିତୈ-

ର୍ଵୃତା କିଶଲୟାଙ୍କୁରୈଃ ଶରଣମସ୍ତୁ ବୃନ୍ଦାଟବୀ ॥ ୪॥

ବ୍ରଜେନ୍ଦ୍ରସଖନନ୍ଦିନୀଶୁଭତରାଧିକାରକ୍ରିୟା

ପ୍ରଭାବଜସୁଖୋତ୍ସବସ୍ଫୁରିତଜଙ୍ଗମସ୍ଥାବରା ।

ପ୍ରଲମ୍ବଦମନାନୁଜଧ୍ଵନିତବଂଶିକାକାକଲୀ

ରସଜ୍ଞମୃଗମଣ୍ଡଲା ଶରଣମସ୍ତୁ ବୃନ୍ଦାଟବୀ ॥ ୫॥

ଅମନ୍ଦମୁଦିରାର୍ବୁଦାଭ୍ୟଧିକମାଧୁରୀମେଦୁର

ବ୍ରଜେନ୍ଦ୍ରସୁତବୀକ୍ଷଣୋନ୍ନଟ୍ଣ୍ତନୀଲକଣ୍ଠୋତ୍କରା ।

ଦିନେଶସୁହୃଦାତ୍ମଜାକୃତନିଜାଭିମାନୋଲ୍ଲସଲ୍-

ଲତାଖଗମୃଗାଙ୍ଗନା ଶରଣମସ୍ତୁ ବୃନ୍ଦାଟବୀ ॥ ୬॥

ଅଗଣ୍ୟଗୁଣନାଗରୀଗଣଗରିଷ୍ଠଗାନ୍ଧର୍ଵିକା

ମନୋଜରଣଚାତୁରୀପିଶୁନକୁଞ୍ଜପୁଞ୍ଜୋଜ୍ଜ୍ଵଲା ।

ଜଗତ୍ତ୍ରୟକଲାଗୁରୋର୍ଲଲିତଲାସ୍ୟବଲ୍ଗତ୍ପଦ

ପ୍ରୟୋଗବିଧିସାକ୍ଷିଣୀ ଶରଣମସ୍ତୁ ବୃନ୍ଦାଟବୀ ॥ ୭॥

ବରିଷ୍ଠହରିଦାସତାପଦସମୃଦ୍ଧଗୋବର୍ଧନା

ମଧୂଦ୍ଵହବଧୂଚମତ୍କୃତିନିବାସରାସସ୍ଥଲା ।

ଅଗୂଢଗହନଶ୍ରିୟୋ ମଧୁରିମବ୍ରଜେନୋଜ୍ଜ୍ଵଲା

ବ୍ରଜସ୍ୟ ସହଜେନ ମେ ଶରଣମସ୍ତୁ ବୃନ୍ଦାଟବୀ ॥ ୮॥

ଇଦଂ ନିଖିଲନିଷ୍କୁଟାବଲିବରିଷ୍ଠବୃନ୍ଦାଟବୀ

ଗୁଣସ୍ମରଣକାରି ଯଃ ପଠତି ସୁଷ୍ଠୁ ପଦ୍ୟାଷ୍ଟକମ୍ ।

ବସନ୍ ବ୍ୟସନମୁକ୍ତଧୀରନିଶମତ୍ର ସଦ୍ଵାସନଃ

ସ ପୀତବସନେ ବଶୀ ରତିମବାପ୍ୟ ବିକ୍ରୀଡତି ॥ ୯॥

ଇତି ଶ୍ରୀରୂପଗୋସ୍ଵାମିବିରଚିତସ୍ତବମାଲାୟାଂ ଶ୍ରୀବୃନ୍ଦାବନାଷ୍ଟକଂ ସମ୍ପୂର୍ଣମ୍।

श्रीवृन्दावनाष्टकम्

ॐ मुकुन्दमुरलीरवश्रवणफुल्लहृद्वल्लरी

कदम्बककरम्बितप्रतिकदम्बकुञ्जान्तरा ।

कलिन्दगिरिनन्दिनीकमलकन्दलान्दोलिना

सुगन्धिरनिलेन मे शरणमस्तु वृन्दाटवी ॥ १॥

विकुण्ठपुरसंश्रयाद् विपिनतोऽपि निःश्रेयसात्

सहस्रगुणितां श्रियं प्रदुहती रसश्रेयसीम् ।

चतुर्मुखमुखैरपि स्पृहिततार्णदेहोद्भवा

जगद्गुरुभिरग्रिमैः शरणमस्तु वृन्दाटवी ॥ २॥

अनारतविकस्वरव्रततिपुञ्जपुष्पावली

विसारिवरसौरभोद्गमरमाचमत्कारिणी ।

अमन्दमकरन्दभृद्विटपिवृन्दवृन्दीकृत

द्विरेफकुलवन्दिता शरणमस्तु वृन्दाटवी ॥ ३॥

क्षणद्युतिघनश्रियोव्रजनवीनयूनोः पदैः

सुवग्लुभिरलङ्कृता ललितलक्ष्मलक्ष्मीभरैः ।

तयोर्नखरमण्डलीशिखरकेलिचर्योचितै-

र्वृता किशलयाङ्कुरैः शरणमस्तु वृन्दाटवी ॥ ४॥

व्रजेन्द्रसखनन्दिनीशुभतराधिकारक्रिया

प्रभावजसुखोत्सवस्फुरितजङ्गमस्थावरा ।

प्रलम्बदमनानुजध्वनितवंशिकाकाकली

रसज्ञमृगमण्डला शरणमस्तु वृन्दाटवी ॥ ५॥

अमन्दमुदिरार्बुदाभ्यधिकमाधुरीमेदुर

व्रजेन्द्रसुतवीक्षणोन्नट्ण्तनीलकण्ठोत्करा ।

दिनेशसुहृदात्मजाकृतनिजाभिमानोल्लसल्-

लताखगमृगाङ्गना शरणमस्तु वृन्दाटवी ॥ ६॥

अगण्यगुणनागरीगणगरिष्ठगान्धर्विका

मनोजरणचातुरीपिशुनकुञ्जपुञ्जोज्ज्वला ।

जगत्त्रयकलागुरोर्ललितलास्यवल्गत्पद

प्रयोगविधिसाक्षिणी शरणमस्तु वृन्दाटवी ॥ ७॥

वरिष्ठहरिदासतापदसमृद्धगोवर्धना

मधूद्वहवधूचमत्कृतिनिवासरासस्थला ।

अगूढगहनश्रियो मधुरिमव्रजेनोज्ज्वला

व्रजस्य सहजेन मे शरणमस्तु वृन्दाटवी ॥ ८॥

इदं निखिलनिष्कुटावलिवरिष्ठवृन्दाटवी

गुणस्मरणकारि यः पठति सुष्ठु पद्याष्टकम् ।

वसन् व्यसनमुक्तधीरनिशमत्र सद्वासनः

स पीतवसने वशी रतिमवाप्य विक्रीडति ॥ ९॥

इति श्रीरूपगोस्वामिविरचितस्तवमालायां श्रीवृन्दावनाष्टकं सम्पूर्णम्।

ଶ୍ରୀବୃନ୍ଦାବନାଷ୍ଟକମ୍ ବା ଶ୍ରୀବୃନ୍ଦାବନ ଅଷ୍ଟକମ୍

ଶ୍ରୀବୃନ୍ଦାବନାଷ୍ଟକମ୍ ବା ଶ୍ରୀବୃନ୍ଦାବନ ଅଷ୍ଟକମ୍