ରାମୁ: ଆଲୋ ଜାନକୀ, ଏଇ ଦେଖିଲୁ,ତୋର ପାଇଁ କଣ ଆଣିଛି ....

ଜାନକୀ : ହଇରେ ,ଏଇଟା କଣ ଆଣିଛୁରେ ,ଗୋଟେ ଭାଲୁ ଭଳି କଣ ଦେଖା ଯାଉଛି ...

ହଇରେ ବାଡିପୋଡ଼ା ,କହିଥିଲି ଯେ ତୋର ଅଙ୍ଗିଟା ଚିରିଗଲାଣି ,ଆଜି ଯାହା ପଇସା ମିଳିବ ତୋର ପାଇଁ ନୂଆ ଜାମା ଖଣ୍ଡେ ଆଣିବୁ ..କିନ୍ତୁ ଏଟା କଣ କିଣିକି ପଇସା ସବୁ ସାରିଲୁ ?

ରାମୁ : ତୁ ରାଗୁଛୁ କାହିଁକି ,ମୋ କଥା ଶୁଣୁନୁ...

ଆଜି ମୁଁ କାମ ସାରି ପାର୍କ୍ ପାଖ ଦେଇ ଫେରୁଥିଲି ,ସେଠାରେ ଗୁଡ଼ାଏ ପୁଅଝିଅ ସାଙ୍ଗ ହୋଇ ବୁଲୁଥାନ୍ତି ,ସମସ୍ତେ ପାଖରେ ଏମିତି ଭାଲୁ କଣ୍ଢେଇ ଗୋଟେ ଲେଖାଏଁ ଧରିଥାନ୍ତି ..

ଗୋଟେଯୋଡ଼ିଙ୍କୁ ପଚାରିବାରୁ ପୁଅଟି କହିଲା ,ଏବେ କୁଆଡେ ପ୍ରେମ ସପ୍ତାହ ଚାଲିଛି ,ଆଜି କଣ ଟେଡି ଦେ ,ମାନେ ଭାଲୁ ଭଳି କଣ୍ଢେଇ ଦିଅନ୍ତି ,ନିଜ ପ୍ରେମିକାକୁ....

ସେମାନେ ଘରକୁ ଯିବାକୁ ବାହାରିଥିଲେ ,କିନ୍ତୁ ତାର ପ୍ରେମିକା ନିଜ ଘରକୁ ସେଇ କଣ୍ଢେଇ ନେଇପାରିବନି ନିଜ ଘରକୁ କହି ଫିଙ୍ଗି ଦେଉଥିଲା , ସେଇଟା ମୁଁ ମାଗିଆଣିଲି ପରା ତୋର ପାଇଁ ....

ଜାନକୀ : ହେଉ ,ଆଉ ତୋର ନୂଆ ଅଙ୍ଗି କାହିଁ ?

ରାମୁ : ଅଙ୍ଗି ଆଣିନି ଲୋ ।୫୦୦ ଟଙ୍କା ମଜୁରି ମିଳିଲା । ଏବେ ପରା ପ୍ରେମ ସପ୍ତାହ ଚାଲିଛି ,ମୁଁ ବି ତୋର ପାଇଁ ଗୋଟେ ଶାଢ଼ୀଟେ ଆଣିଛି ଦେଖିକି କହିଲୁ,କେମିତି ହେଇଛି ....?

ଜାନକୀ : ମୁଁ ଜାଣିଥିଲି ,ତୁ ତୋର ପାଇଁ ଆଣିବୁନି, ସେଇଥିପାଇଁ ମୁଁ ସଞ୍ଚି ରଖିଥିବା ପଇସାରୁ ତୋର ପାଇଁ ଜାମାପ୍ୟାଣ୍ଟ୍ ହଳେ ଆଣିଛି ।

ଆଉ ଶୁଣେ ,ମତେ ଏଇ ଭାଲୁ କଣ୍ଢେଇ କି ଶାଢ଼ୀ ଦରକାର୍ ନାହିଁରେ ।ରାତିରେ ଶୋଇବା ବେଳେ ତୋର କାନ୍ଧରେ ନିଜ ମଥା ରଖି ଶୋଇଲେ ମତେ ସବୁ ସୁଖ ମିଳିଯାଏ ,ତୋର ଭଲପାଇବା ଥାଉ ସବୁବେଳେ ,ଆଉ କିଛି ଦରକାର ନାହିଁରେ ।

(ଦୁହିଁଙ୍କ ଆଲିଙ୍ଗନ ଭିତରେ ତାଙ୍କର ଝୁପୁଡ଼ି କୁଡିଆ ମଧ୍ୟ ରାଜଉଆସ ଭଳି ଆନନ୍ଦପ୍ରଦ ଅନୁଭବ ହେଉଥିଲା )

✍🏻ଅଂଶୁମାନ ମହାନ୍ତି

ତା ୧୦ ଫେବୃଆରୀ ୨୦୨୪ ରିଖ

ଟେଡି ଦିବସ

ଏଇ ଭାଲୁ କଣ୍ଢେଇ କି ଶାଢ଼ୀ ଦରକାର୍ ନାହିଁ,ରାତିରେ ଶୋଇବା ବେଳେ ତୋର କାନ୍ଧରେ ନିଜ ମଥା ରଖି ଶୋଇଲେ ମତେ ସବୁ ସୁଖ ମିଳିଯାଏ ।