दयादाक्षिण्यमायाममतास्नेहकरुणादिसद्गुणैः निर्मिता नारी हि विधातुः अपरा सृष्टिः। सा कदापि पत्नीरूपेण, मातृरूपेण, कन्यारूपेण, भगिनीरूपेण संसारे विराजते। पुरुषस्य नित्यं सहचरी हि नारी। सा मानवानां सर्वविधश्रेयस्करी भवति। सा एव शक्तेः आधारभूता। तां शक्तिमाधारीकृत्य दुर्जनानां दमनं भवति। नार्यः प्रति सम्मानप्रदानेन देवाः खलु प्रसन्नाः जायन्ते।

तदुक्तं मनुमुनिना –

"यत्र नार्यस्तु पूज्यन्ते रमन्ते तत्र देवताः" इति।

नारी विना समाजस्य उन्नतिरपि न सम्भवति। परन्तु अद्यतने काले सर्वत्रैव नारीजातिं प्रति सम्मानं न प्रदीयते। ताभिः सह दुर्व्यवहारचित्रं सर्वदा नयनयोः आपतति।

अस्माकं देशे यत्र नारी देवीरूपेण प्राचीनकालादद्यावधि पूज्यते, तत्र नारी अवहेलिता, वञ्चिता, लाञ्छिता च जायते। प्राचीनकाले समाजे नारीणामवस्था अतीव निम्ना जाता। तस्मिन् काले बाल्यविवाहः, पुरुषाणां बहुविवाहः, देवदासीप्रथा, सतीदाहप्रथा च इत्यादयः प्रचलिताः। समाजे नारीणामवस्थानं केवलं गृहस्थस्य अन्तरे एव आसीत्। अपि च, धर्मशास्त्रकारः मनुरपि स्त्रीजातीनां स्वातन्त्र्यं न स्वीकृतवान्। केवलं पतिसेवा हि स्त्रीजातीनां स्वर्गलाभस्य मार्गः प्रदर्श्यते –

"पतिं शुश्रूषते येन तेन स्वर्गे महीयते" इति।

सा स्त्रीजातिः केवलं सन्तानोत्पादनस्य यन्त्ररूपेण विराजते –
"प्रजनार्थं स्त्रियः सृष्टाः" इति।
नारीणां स्वातन्त्र्यलाभस्य योग्यतापि न स्वीक्रियते –
"न स्त्री स्वातन्त्र्यमर्हति" इति।

आधुनिके विज्ञानयुगे सभ्यतायाः उन्नत्यां सत्यामपि समाजे नारीणामवस्था प्रायशः पूर्वमेव वर्तते। पुरुषप्रधाने समाजे नारी प्रतिपदमपमानिता, अत्याचारिता च भवति।

नारीनिर्यातनस्य चित्रं प्रतिदिनं विविधासु पत्रिकासु प्रदर्श्यते। यथा शीलताहानिः, कटूक्तिः, अपहरणम्, कुव्यवहारः, वधूनिर्यातनम्, वधूहत्या, अपवादश्चेति घटनाः नित्यं दूरदर्शनादिषु दृश्यन्ते। वर्तमाने इन्टारनेटमाध्यमेन नारीणां कुचित्रमपि प्रदर्श्यते।

नारीनिर्यातनस्य प्रतिकाररूपेण कथ्यते यत् नारीजातिं प्रति एतादृशाचरणस्य मूले अस्त्यनादरभावः। आदौ नारीपुरुषयोः मध्ये साम्यं स्थापनीयम्। सर्वकारैः अपराधस्य विषये कठोरा व्यवस्था नीयते चेत्तर्हि अपराधिनः दृष्ट्वा अन्ये तादृशं कुकर्म कर्तुं न प्रभवन्ति। अपि च, मानवानां मध्ये यदि मानविकता न जागरिता भवेत् तर्हि परिस्थितेः परिवर्तनं न सम्भवेत्।

"मातृदेवो भव" इति वचनात् पुराकालादेव नारीणां स्थानं महद्वर्तते। सम्प्रति पश्चिमवङ्गे सर्वकारैः 'सवुजसाथी', 'कन्याश्री' च इत्यादयः प्रकल्पाः निर्मीयन्ते। एतत्तु अतीव उत्तमम्। परन्तु तेषां सुरक्षा आदौ करणीया। अन्यथा देशस्य तथा विश्वस्य उन्नतेः पन्थाः रुद्धः स्यात्।

#नारीनिर्यातन #सामाजिकसमस्या #नारीसम्मान #WomenRights
#EndViolenceAgainstWomen
#महिला_सुरक्षा # WomenEmpowerment #समाज_विकास
#SocialJustice

नारीनिर्यातनं च तस्य प्रतिकारः — सामाजिकसन्दर्भे एकसमीक्षा

समाजे नारीजातेः सम्मानस्य अभावः, इतिहासिकपरिस्थितयः च वर्तमानसंकटाः