ବ୍ୟସ୍ତମୟ ଜୀବନରୁ କିଛି ମୁହୂର୍ତ୍ତ କାଢ଼ି।
ବାହାରିଥିଲି ବୁଲିବାକୁ ଖସି ସ୍ମୃତି ସାଉଁଟିବା ପାଇଁ।।
ସ୍ବପ୍ନର ଦୁନିଆରେ ବଞ୍ଚିବାକୁ ଜାଇ ଅସଲ ବାସ୍ତବିକତାକୁ ଭୁଲିଗଲୁ।
ଧର୍ମର ଦ୍ୱାହି ଦେଇ ଅମଣିଷଙ୍କ ମଧ୍ୟେ ଫସିଗଲୁ।
ନଥିଲୁ ଆମେ ଦୋଷୀ କି ନଥିଲୁ ଅପରାଧୀ,
ହେଲେ।
ନିରୀହ ଜୀବନକୁ ଆମ ରକ୍ତରେ ଜୁଡୁବୁଡୁ କରି ଦେଇଥିଲେ କିଛି ନୃଶଂସ ଆତଙ୍କବାଦୀ।।
ଥିଲୁ ବୋଲି ହିନ୍ଦୁ ଲିଭେଇ ଦେଲେ ଆମ ପ୍ରାଣବିନ୍ଦୁ।
ମୁହୂର୍ତ୍ତକେ ଉଜାଡି ଦେଲେ ଆମ ସୁଖର ସଂସାର କୁ।।
ଥିଲେ ସେଠି ସାତଦିନର ନୂଆକନିଆ ତ ଥିଲେ ସେଠି ମା-ବାପାଙ୍କ ଆଖି ପିତୁଳା।
ମୁହୂର୍ତ୍ତକେ ସବୁ ଶୂନ୍ୟ କରିଦେଲେ ଜାଣି ନଥିଲୁ ବୋଲି କଲମା।।
ଧର୍ମର ହତ୍ୟା କରି କୌଣସି ଧର୍ମ ତିଷ୍ଠି ନାହିଁ।
ନୃଶଂସ ଆତଙ୍କବାଦୀ ଧର୍ମର ଦୁନିଆରେ କୌଣସି ସ୍ଥାନ ନାହିଁ।।
ଉଚ୍ଚ ହେବା ପାଇଁ କର କାଇଁ ଆଶା ନିଚ ପ୍ରକୃତି ଯାହାର ପେସା।
ବସୁଧ୍ୟେଇବ କୁଟୁମ୍ବକମ୍ କହି ଏହି ଆତଙ୍କବାଦର କୁଟୁମ୍ବ ଲୋଡା ନାହିଁ ଜମା।।
କାପୁରୁଷ ଆତଙ୍କବାଦର ସର୍ବନାଶ ହେଉ।
କବରରେ ନୁହେଁ ଆତଙ୍କବାଦକୁ ଜଳନ୍ତା ନିଆଁରେ ଧ୍ୱଂସ କରାଯାଉ।।

ଜମ୍ମୁକଶ୍ମୀର- ଆମ ଭାରତର ତାଜ୍ ଓ ମିନି ସ୍ୱିଜରଲ୍ୟାଣ୍ଡ ଭାବେ ଜଣାଯାଉଥିବା ଜମ୍ମୁକଶ୍ମୀର ପେହଲଗାମ୍ ପ୍ରତ୍ୟେକଦିନ ଅନେକ ପର୍ଯ୍ୟଟକଙ୍କ ସମାଗମ ହୋଇଥାଏ।ପ୍ରକୃତିରାଣୀ ସତେ ଯେମିତି ଷୋଳଶିଙ୍ଗାର କରି ବସିଥାଏ ପ୍ରତ୍ୟେକ ପର୍ଯ୍ୟଟକଙ୍କ ମନକୁ ଆଖି କୁ ଆକର୍ଷଣ କରିବା ପାଇଁ ।ହେଲେ ସେଦିନ ବାସ୍ତବିକ ଦୁନିଆ ଟା କିଛି ଅଲଗା ଥିଲା।
ଏପ୍ରିଲ୍ 22 ତାରିଖରେ ଜମ୍ମୁକଶ୍ମୀରର ପେହଲଗାମ ଘଟିଥିବା ଆତଙ୍କବାଦୀ ଆକ୍ରମଣ ଭାରି ଭୟଙ୍କର ଥିଲା ଯେମିତି ଆଖି ପିଛୁଳାକେ ସବୁ କିଛି ବଦଳି ଯାଇଥିଲା।
ପ୍ରତ୍ୟେକ ଦିନ ଭଳି ସେଦିନ ବି ବୁଲୁଥିଲେ ପର୍ଯ୍ୟଟକମାନେ ପେହଲଗାମ୍ ରେ ହଠାତ୍ ଆତଙ୍କବାଦ ଆକ୍ରମଣ ର ଶିକାର ହୋଇଥିଲେ ବୁଲିବାକୁ ଆସିଥିବା ଭାରତୀୟ ମାନେ ସେମାନଙ୍କ ମଧ୍ୟରୁ 28 ଜଣଙ୍କୁ ହତ୍ୟା କରିଥିଲେ ଆତଙ୍କବାଦୀମାନେ କାରଣ ସେମାନେ ଥିଲେ ହିନ୍ଦୁ ଓ ଜାଣିନଥିଲେ କଲମା।

ଭାରତ ଏପରି ଆତଙ୍କବାଦର ଶିକାର ପ୍ରଥମଥର ହୋଇନାହିଁ ଆଗରୁ ମଧ୍ୟ ଅନେକ ଥର ଭୀଷଣ ଭୟାନକ ଭାବେ ଆତଙ୍କବାଦର ଶିକାର ହୋଇଛି।
* 2008 ମସିହା ମୁମ୍ବାଇ ଆକ୍ରମଣ ତାଜ୍ ହୋଟେଲ, ଓବରାଇ ଟ୍ରାଇଡେଣ୍ଟ, ଛତ୍ରପତି ଶିବାଜୀ ଟର୍ମିନାଲ୍ ରେ ହୋଇଥିବା ଆକ୍ରମଣରେ ଯାହା ଆଜି ବି ମନେ ଅଛି ୧୬୬ ଜଣଙ୍କର ମୃତ୍ୟୁ ଘଟିଥିଲା।

*2017 ମସିହା ରେ ଉରି ଆକ୍ରମଣ ସେହି ଜମ୍ମୁକାଶ୍ମୀରରେ ଏକ ସୈନ୍ୟ ଶିବିରରେ ହେଇଥିଲା ଯେଉଁଥିରେ 19 ଜଣ ମୃତ୍ୟୁବରଣ କରିଥିଲେ।
*2019 ପୁଲୱାମା ଆକ୍ରମଣ ସେହି ଜମ୍ମୁକାଶ୍ମୀର ପୁଲୱାମାରେ ବୋମା ବିଷ୍ପୋରଣ ହୋଇଥିଲା ଯେଉଁଥିରେ 40 ଜଣ ଯବାନ ମୃତ୍ୟୁବରଣ କରିଥିଲେ।

ଜାମ୍ମୁକାଶ୍ମୀର ଭାରତପାକିସ୍ତାନ ବଡ଼ର ମଧ୍ୟଭାଗରେ ରହିଥିବାରୁ ଅଧିକାଂଶ ଆତଙ୍କବାଦୀ ଆକ୍ରମଣ ଏହି ସ୍ଥାନରେ ହେଉଛି।ଏବଂ ପାକିସ୍ତାନ ଚାହୁଁଚି ଯେ କଶ୍ମୀର ସମ୍ପୂର୍ଣ୍ଣ ଭାବେ ଅଧିକାର କରିବା ପାଇଁ ଯାହା ଏକ ମୁଖ୍ୟ ଆତଙ୍କବାଦର କାରଣ।କିନ୍ତୁ ଯାହା ସମ୍ଭବପର ନୁହେଁ ଜମ୍ମୁକଶ୍ମୀର ଭାରତର ଓ ଭାରତର ହିଁ ରହିବ।

ପ୍ରତ୍ୟେକ ଦିନ ଅନେକ ବୀର ଯବାନ ଦେଶ ପାଇଁ ବଡ଼ର ଉପରେ ଆତଙ୍କବାଦୀ ପାଇଁ ସହିଦ ହେଉଛନ୍ତି।ଦେଶର ସେନା ବାହିନୀଙ୍କ ଉପରେ କୌଣସି ସନ୍ଦେହ ନାହିଁ ତାଙ୍କ ସୁରକ୍ଷା ବ୍ୟବସ୍ଥା ମଧ୍ୟ କଡା ମଜବୁତ ଜଳପଥ, ସ୍ଥଳପଥ ଏବଂ ଆକାଶ ପଥ ସବୁ ଦିଗରୁ ଭାରତର ସୈନ୍ୟବାହିନୀ ପ୍ରସ୍ତୁତ ଥିବା ସତ୍ତ୍ଵେ ବି ଆତଙ୍କବାଦ ଆକ୍ରମଣ ବାରମ୍ବାର ଏକ ଅତି ଭୟଙ୍କର ହେବା ଏବଂ ବାରମ୍ବାର ଆକ୍ରମଣ କରିବାକୁ ଆମେ ଅଣଦେଖା ମଧ୍ୟ କରି ପାରିବେ ନାହିଁ ଦେଶର ସୁରକ୍ଷା ବ୍ୟବସ୍ଥାକୁ ଆହୁରି କଡା କରିବା ସହ ପ୍ରତ୍ୟେକ ବ୍ୟକ୍ତି ସଚେତନ ହେବା ନିହାତି ଆବଶ୍ୟକ ଏହା ପ୍ରତ୍ୟେକ ଦେଶବାସୀଙ୍କର କର୍ତ୍ତବ୍ୟ ମଧ୍ୟ।

ଆତଙ୍କବାଦକୁ ରୋକିବା ପାଇଁ କିମ୍ବା ସଂପୂର୍ଣ୍ଣ ଭାବେ ହରାଇବା ପାଇଁ ସରକାର ସବୁ ଦିଗରୁ ସଜାଗ ରହିଥିଲେ ମଧ୍ୟ ଏ କ୍ଷେତ୍ରରେ ଆହୁରି ଅଧିକ ଦୃଷ୍ଟିଗୋଚର କରିବା ନିହାତି ଆବଶ୍ୟକ ନହେଲେ ଅନେକ ନିରୀହ ଜୀବନ ଯିବା ସହ ଅନେକ ସଂସାର ଉଜୁଡି ଯିବ ଓ ସମ୍ପୂର୍ଣ୍ଣ ଭାରତବର୍ଷ ଉପରେ ଆତଙ୍କବାଦର ବିପଦ ସବୁବେଳେ ଘେରି ରହିଥିବ।
ଆତଙ୍କବାଦକୁ ବିନାଶ କରିବା ପାଇଁ ସାମାଜିକ ସ୍ତରରେ ମଧ୍ୟ ଚେଷ୍ଟା ଜାରି ରହିଛି ଯେପରି:-
କୁହାଯାଏ ଗଣମାଧ୍ୟମ ଆମ ଦେଶର ଚତୁର୍ଥ ସ୍ତମ୍ଭ।ଆତଙ୍କବାଦରେ ସଚେତନତା ସୃଷ୍ଟି କ୍ଷେତ୍ରରେ ଏବଂ ଆତଙ୍କବାଦକୁ କଡ଼ା ଜବାବ ଦେବାରେ ଗଣମାଧ୍ୟମର ପ୍ରମୁଖ ଭୂମିକା ରହିଛି।

ଜନ ଆନ୍ଦୋଳନ-ଆତଙ୍କବାଦ ଆକ୍ରମଣ ପରେ ଜାଗା ଜାଗାରେ ଆନ୍ଦୋଳନ କରି ନିଆଁ ଜାଳି ପ୍ରତିବାଦ କରିବା,ଏକାଠି ହୋଇ ଆତଙ୍କବାଦକୁ ଭୟରେ ରଖିବା ଏହା ଆମ ଭାରତର ଏକତା, ଶାନ୍ତି ଓ ମୈତ୍ରୀର ପରିଚୟ ଦେଇଥାଏ।

ଆତଙ୍କବାଦକୁ ରୋକିବା ପାଇଁ ସାଂସ୍କୃତିକ କ୍ଷେତ୍ରରେ ସାମାଜିକ କ୍ଷେତ୍ରରେ ଶିକ୍ଷାନୁଷ୍ଠାନ ମାନଙ୍କରେ ସବୁ କ୍ଷେତ୍ରରେ ସଚେତନତା ସୃଷ୍ଟି କରା କରାଯାଉଛି।

ଭାରତ ସରକାର ମଧ୍ୟ ଆତଙ୍କବାଦର ବିନାଶ ପାଇଁ ସବୁ କ୍ଷେତ୍ରରେ ସଜାଗ ଓ ସଚେତନ ହୋଇ ରହିଛନ୍ତି ଯେ କୌଣସି କ୍ଷେତ୍ରରେ ଯେ କୌଣସି ସମୟରେ ଉଚିତ୍ ପଦକ୍ଷେପ ନେଇ ଆତଙ୍କବାଦକୁ ବା ଆତଙ୍କବାଦ ଦେଶକୁ କଡା ଜବାବ ଦେଉଛନ୍ତି।

ତଥାପି ବି ଏକ ଛୋଟ ସନ୍ଦେହ ମନରେ ଆସେ? ଏତେ କଡା ସୁରକ୍ଷା ପରେ ବି ଆତଙ୍କବାଦୀମାନେ ବାରମ୍ବାର ଭାରତ ରେ ଆକ୍ରମଣ କରିବାର କାରଣ ଏବଂ ଏତେ ସହଜ କିପରି ହୋଇପାରୁଛି? ଆଞ୍ଚଳିକ ବ୍ୟକ୍ତି ବା ଦେଶରେ ଉପସ୍ଥିତ କିଛି ଦେଶଦ୍ରୋହୀ ଲୋକଙ୍କ ସାହାଯ୍ୟ ଦ୍ୱାରା ଏହା ସମ୍ଭବ ହେଉଛି ।ଯାହାଦ୍ୱାରା ଆତଙ୍କବାଦୀମାନେ ଅତି ସହଜରେ ଏବଂ ବାରମ୍ବାର ଭାରତ ଉପରେ ଆକ୍ରମଣ କରି ପାରୁଛନ୍ତି ନିରିହ ଜୀବନ ନେଇଯାଉଛନ୍ତି।

ଏଣୁ ଏଭଳି ଦେଶଦ୍ରୋହୀ ବ୍ୟକ୍ତିଙ୍କୁ କୌଣସି ସ୍ଥାନରେ ଜାଗା ନ ମିଳିବା ଉଚିତ ଏବଂ କଠୋର ଶାସ୍ତି ମିଳିବା ନିହାତି ଆବଶ୍ୟକ।
ଦେଶରେ ଆତଙ୍କବାଦୀ ଏବଂ ଓଡ଼ିଶାରେ ନକ୍ସଲବାଦୀ ଏଥିରେ ଲାଭ କାହାର ଅଛି ନା ଦେଶଦ୍ରୋହୀ ଙ୍କର ନା ଦେଶବାସୀଙ୍କର ଚାରିଆଡୁ ଉଭୟଙ୍କର କ୍ଷତି ଚାଲିଛି ଯଦି କୋଣସି ଆତଙ୍କବାଦୀ ଆଜି ଆକ୍ରମଣ କରୁଛି ତାର ମୃତ୍ୟୁ ନିଶ୍ଚିନ୍ତ ତାର ଶାସ୍ତି ନିଶ୍ଚିନ୍ତ ତଥାପି ବି କିଛି କ୍ଷଣ କିଛି ଲୋଭପାଇଁ ନିଜ ଜୀବନକୁ ବିପଦରେ ଦେଇ ଅନେକ ନୀରିହ ଜୀବନ କୁ ହତ୍ୟା କରୁଛି।
ପିଲାବେଳୁ ଶୁଣିଛୁ ଜାଣିଛୁ ସମଗ୍ର ବିଶ୍ୱ ଆମ କୁଟୁମ୍ବ, ସେଇଥିପାଇଁ କୁହାଯାଏ ବସୁଧୈବ କୁଟୁମ୍ବକଂ ହେଲେ ଏ ଆତଙ୍କବାଦୀଙ୍କ ପ୍ରାଣଘାତୀ କୁଟୁମ୍ବ କାହାର ଲୋଡ଼ାନାହିଁ ।ଧର୍ମଅଧର୍ମ ପାଇଁ ଯଦି ଜୀବନ ଯାଉଛି,ଧର୍ମର ହତ୍ୟାକରି କୌଣସି ଧର୍ମର ବ୍ରହ୍ମାଣ୍ଡରେ ସ୍ଥାନ ନାହିଁ।

କୋରାନ୍ କିମ୍ବା ବାଇବେଲରେ ଯେ କୌଣସି ଧର୍ମରେ ଆଉ ଅନ୍ୟ ଧର୍ମର ହତ୍ୟା କରିବା ନୃଶଂସ ଭାବେ ହତ୍ୟା କରିବା ଲେଖାଯାଇଛ କିି?ଧର୍ମର ପ୍ରଚାର ପାଇଁ ଆଉ ଅନ୍ୟ ଏକ ଧର୍ମକୁ ହତ୍ୟା କରି ନିର୍ମମ ଭାବେ ହତ୍ୟା କରିବା ଉଚିତ କି?
ଅନେକ ପ୍ରଶ୍ନ ଆସେ ଯଦି ହଁ ସେପରି ଧର୍ମ ସେପରି ପୁରାଣ କେବେ ଗ୍ରହଣୀୟ ନୁହେଁ।

ତାହା ଧର୍ମ ନୁହେଁ ଅଧର୍ମ ବୋଲି କୁହାଯିବ।
କିନ୍ତୁ ହଁ ଆମ ହିନ୍ଦୁଧର୍ମରେ ସଂପୂର୍ଣ୍ଣ ସ୍ୱଚ୍ଛ ଭାବେ ଲେଖା ଅଛି।
ଯେତେବେଳେ ବି ଧର୍ମ ଉପରେ ଅଧର୍ମ ଭାରି ପଡିବ ସେତେବେଳେ ଅଧର୍ମର ବିନାଶ ସୁନିଶ୍ଚିତ ହେବ।

ମହାପ୍ରଭୁ ଜଗନ୍ନାଥଙ୍କ ପାଖରେ ଏତିକି ପ୍ରାର୍ଥନା ଆତଙ୍କବାଦୀ ଆକ୍ରମଣରେ ସହିଦ ହୋଇଥିବା ବିର ପରିବାରକୁ ଧର୍ଯ୍ୟର ଶକ୍ତି ଦିଅନ୍ତୁ ଏବଂ ଆତଙ୍କବାଦର ଯଥାଶୀଘ୍ର ବିନାଶ।

ଅଧର୍ମୀ ଆତଙ୍କବାଦ(Unrighteous terrorist)

ସ୍ବପ୍ନରାଇଜରେ ଆତଙ୍କବାଦର କଳଙ୍କ।