ସେଦିନ ରୋମିଓର ବାହାଘର ରିସେପ୍ସନ ଭୋଜିରେ ସବୁ ସାଙ୍ଗ ଅତିଥି ନୂଆ ଦମ୍ପତି ସହ ଫଟୋ ଉଠେଇ ସାରିବା ପରେ ,ରୋମିଓ ଆଉ ଦୀକ୍ଷା ଗୋଟେ ବେଞ୍ଚରେ ପାଖେ ପାଖେ ବସିଥାନ୍ତି ।ରୋମିଓ ତାର ହାତରେ ଦୀକ୍ଷାକୁ starter ଆଣି ଖୁଆଇବାରେ ଲାଗିଥାଏ ।

ଦୁହେଁ ଦୁହିଁଙ୍କ ଆଖିରେ ଆଖି ମିଶାଇ ପରସ୍ପର ଭିତରେ ହଜି ଯାଇଥାନ୍ତି ସେଇଠି ଶୁଭୁଥିବା ଗୀତର ତାଳେ ତାଳେ ...

"ହେଇପାରେ ଗଳ୍ପ ଆମ ଅଳ୍ପ ଦିନର..
ହେଇପାରେ ହସଲୁହ ଅଳ୍ପ ଦିନର..
ହେଲେ ଅଳ୍ପ ନୁହେଁ ଆମ ପ୍ରେମ ,
ଅଳ୍ପ ନୁହେଁ ଅନୁଭବ ଆମ...
ଆମ ପ୍ରେମ ସୀମାହୀନ ନୀଳସାଗର....
କାହା କଥାକୁ ନାହିଁ ନଜର ,ତମେ ମୋର ମୁଁ ତମର..
ନା ତମେ ଭାଙ୍ଗିବ,ନା ମୁଁ ଭାଙ୍ଗିବି,ଆମ ଶପଥ ଜନ୍ମ ଜନ୍ମର...
କହୁଛି ମୋର ମଥା ସିନ୍ଦୂର ,ତମେ ମୋର ମୁଁ ତୁମର....."

ସେତେବେଳେ ତାଙ୍କର ମନେ ପଡିଯାଇଥିଲା ,ପ୍ରଥମ ମିଳନ ସମୟର କଥା...

"ସେଦିନ ତରତର ହୋଇ ଅଫିସ୍ କରିଡ଼ରରେ ଯାଉ ଯାଉ ହଠାତ୍ କାହା ସହ ଧକ୍କା ହୋଇ ଦୀକ୍ଷାର ବ୍ୟାଗ୍‌ଟି ତଳେ ପଡ଼ିଗଲା । ସେ ତଳକୁ ନହିଁ ତାର ଜିନିଷ ଉଠେଇବା ବେଳେ ପୁଅଟି ' I am sorry' କହି ତଳୁ ଜିନିଷ ଗୋଟାଇବାରେ ସାହାଯ୍ୟ କରିବାରେ ଲାଗିଲା ।ନିଜ ଖୋଲା କେଶକୁ ସଜାଡ଼ି ଆଖି ଉପରକୁ କରି ଦେଖେ ତ , ସାମ୍ନାରେ ତାର ସହକର୍ମୀ ରୋମିଓ ଥିଲା ।

ଦୀକ୍ଷା :ରୋମିଓ ,ତମେ ?

ରୋମିଓ :ଆରେ , ମୁଁ ମୋବାଇଲ ଦେଖି ଦେଖି ଯାଉଥିଲି ,ଆଗକୁ ନଜର ନଥିଲା ।

ଦୀକ୍ଷା:ହଁ ,ଭୁଲ ମୋର ଥିଲା ଅଫିସ‌ରେ ତରତର ହୋଇ ଯାଉଥିଲି ।Sorry...

ରୋମିଓ: Sorry ତ ମୁଁ କହିବା କଥା । ମୋ ପାଇଁ ତମ ଜିନିଷ ସବୁ ଏପଟ ସେପଟ ହୋଇ ପଡ଼ିଲା ।

ହେଉ , ଛାଡ ସେ କଥା , ଅଫିସରେ ତୁମ କାମ କେମିତି ଚାଲିଛି ?

ଦୀକ୍ଷା: ହଁ ଚାଲିଛି ସେମିତି ,ଏଇ ଆସିବା ବେଳେ ସକାଳୁ ସମୟ ହୁଏନି ।ସବୁବେଳେ ଡେରି ହୋଇଯାଉଛି।

ରୋମିଓ :ଆଚ୍ଛା ଠିକ୍ ଅଛି ,ଗୋଟେ କାମ କରିବା , ମୁଁ ସବୁବେଳେ ଗାଡ଼ି ନେଇ ଆସେ ,ଯଦି ତୁମର କିଛି ଅସୁବିଧା ନ ଥାଏ ,ତେବେ ମୁଁ ଆପଣଙ୍କୁ ଆସିବା ବେଳେ ନେଇ ଆସିବି ।

ଦୀକ୍ଷା :ମୋ ପାଇଁ ତୁମେ ଅଯଥା ହଇରାଣ ହେବ ।
ରୋମିଓ :ନା ନା ,ତୁମ ପାଇଁ ହଇରାଣ କଣ ,ସେଇ ଅଳ୍ପ ବାଟ ତ ,ମୁଁ ନେଇ ଆସିବି ।

ଦୀକ୍ଷା : ହେଉ ,ଠିକ୍ ଅଛି । "

(ରୋମିଓ , ଦୀକ୍ଷାକୁ ଅଫିସ୍‌କୁ ଆଣିବା କରୁ କରୁ କେବେ ତାହା ଅଫିସ୍‌ରୁ ଛାଡ଼ିବା ଆଉ ଅଫିସ୍ ପରେ ବୁଲିବାରେ ପରିଣତ ହୋଇ ପ୍ରେମ ବନ୍ଧନରେ ବାନ୍ଧି ଦେଇଥିଲା ଦୁହିଁଙ୍କୁ ,ତାହାର ସାକ୍ଷୀ ଦୀକ୍ଷାର ମଥା ସିନ୍ଦୂର ଥିଲା ।)

✍🏻 ଅଂଶୁମାନ ମହାନ୍ତି
ତା ୨୧ମାର୍ଚ୍ଚ ୨୦୨୫ ରିଖ
📍 ବ୍ରହ୍ମପୁର

ଅଫିସ୍ ପ୍ରେମ ବନାମ ବିବାହ

କହୁଛି ମୋର ମଥା ସିନ୍ଦୂର ,ତମେ ମୋର ମୁଁ ତୁମର.....