ସାଙ୍ଗ ଆଉ ପ୍ରେମ ଏମାନେ ମଣିଷ ନିଶା। ଦୁନିଆଁ ରେ ମଦ, ଭାଙ୍ଗ, ବିଡି, ପାନ , ଗୁଟଖା ଯେମିତି ଠିକ୍ ସେମିତି ସାଙ୍ଗ ଓ ପ୍ରେମ ବି।
ଦେହ କୁ କିଛି ଲାଗିବନି, ଏମିତି ବି ନା ଖରା, ନା ବର୍ଷା ନା ଝଡ।। ଗୋଟିଏ ଡାକ ରେ ସବୁ ଛାଡି ଚାଲିଯିବାକୁ ମନ।
ନୂଆ ନୂଆ କଲେଜ ପାଦ ଦେଉଥିବା ପ୍ରେମ କରୁଥିବା ପ୍ରେମିକ ଥିଲି ମୁଁ। ନିଜ କୁ ବାରମ୍ବାର ଆଇନା ରେ ଦେଖି ନିରେଖି କି ମୋ ନିଜ କୁ ପରୀକ୍ଷା କରୁଥିଲି।
ମୋର ପାଗଳାମି ଆଉ ଖୋଜ ରେ ନଥିଲା ବର୍ତ୍ତମାନ ମୁଁ ପାଇ ସାରିଥିଲି, ଖାଲି ତାକୁ କହିବା ବାକି ଥିଲା।

ତା ଆଗରୁ କ୍ଲାସ ଭିତରେ ବସି ଲେ କେବେ କେବେ ସେ ଆଗ ଧାଡ଼ି ରେ ବସିଯାଏ ଯେ ତାକୁ ଭଲ ସେ ଦେଖି ହୁଅନା।
ତେଣୁ ସୁମିତ କହିଛି, ସେ ବସି ସାରିଲେ ଯିବୁ, କ୍ଲାସ ରୁମ ରେ ପଶିବୁ ଓ ତାକୁ ଦେଖି ଦେଖି ହିଁ ତୋ ସିଟ ରେ ବସିବୁ।
ଆରେ ତାକୁ ଅନୁଭବ ତ ହେଉ, ତୁ ତା ପ୍ରେମ ରେ ଉବୁଟୁବୁ ହେଉଚୁ ,..
ତା ଆଇଡିଆ ବି ଠିକ୍। ଏୟା କୁ କହିବି ସାଙ୍ଗ, ହୃଦୟ ର ଲୁଚି ଥିବା ଅବ୍ୟକ୍ତ କଥାା କୁ ଖୋଜି ପାରୁଥିବ, ତା ପାଇଁ ମଲମ ବି ରଖିଥିବ।
ପ୍ରେମ ପରି ଶୀତଳ ଓ ସୁନ୍ଦର ଅନୁଭବ କୁ ରୋମାଞ୍ଚ ଓ ଉଷ୍ମତା ରଙ୍ଗ ଦିଅନ୍ତି ଏହି ସାଙ୍ଗ ମାନେ।
କିଛି ନା କିଛି ବାହାନା ରେ ମୋ ରୁମ୍ ର ସବୁ ପିଲା ମୋତେ ତା ନାଁ କହି ଡାକ ମାରିବେ।

ମିଛ ରେ ଅନେକ ଖାଲି ଲଫାପା ରେ ସେଣ୍ଟ ମାରି ଦେବେ, ନେ ସେ ଦେଇଛି।

ନା ମୁଁ ଥରେ ବି ତାକୁ କଥା ବି ହେଇଚି, କିନ୍ତୁ ଏମାନେ ମୋର ବିବାହ ବାର୍ଷିକୀ ବି କରି ସାରିଲେଣି।
ରଣୀମା ଯେବେ ଆସିବେ, ଦଳେ ସାଙ୍ଗ, ସଖୀ ନେଇ କି ଆସିବେ,
କେବେ ବି ମୁଁ ତାକୁ ଏକାକୀ ଦେଖିନି। ସୁଯୋଗ ସବୁ ସମୟ ର ପ୍ରବାହ ରେ କେମିତି ବୋହି ବୋହି ଚାଲିଯାଏ।
ଆଉ ସେ ସଖୀ ମାନ ଙ୍କ ଭିତରୁ ଜଣେ ଲେଡୀ ଗ୍ୟାଙ୍ଗ ଷ୍ଟାର। କୋଉ ମୂହୁର୍ତ୍ତ ରେ ବି ସେ ଇଜ୍ଜତ ଉ ଛାଳି ଦେବ।

ପିକନିକ୍ ରେ ଭାବିଲି ଟିକେ ତା ସହ ବନ୍ଧୁତା କରିବି, କେବଳ ସ୍ମିତ ହସ ଟିଏ ର ଆଦାନ ପ୍ରଦାନ ହେଲା।
ଭାରି ପାଠ ମନସ୍କ ସେ।। କୁଆଡେ କବିତା ବି ଲେଖେ।
କିନ୍ତୁ ଭାରି ଶାନ୍ତ, ପାଠ ଛାଡି ଦେଲେ ତା ଜୀବନ ରେ ଆଉ କିଛି ଲକ୍ଷ୍ୟ ନାହିଁ ବୋଲି ଫୁଲେଇ ହୁଏ।
ମୁଁ କିନ୍ତୁ ଜାଣିଚି ଯେ ଶବ୍ଦ କୁ ପ୍ରେମ କରନ୍ତି ସେମାନେ ଚରିତ୍ର ମାନଙ୍କୁୁ ବି ପ୍ରେମ କରନ୍ତି। ଆଉ ତା କବିତା ରେ ତ ମୁଁ ନିଶ୍ଚୟ ରହିବି।

ପରୀକ୍ଷା ରେ ତା ପାଖ ପାଖି ନମ୍ବର ଥିଲା ମୋର, ରସାୟନ ବିଜ୍ଞାନ ରେ ତାଠୁ ଦୁଇ ମାର୍କ ଅଧିକା ରଖିଥିଲି କିନ୍ତୁ ସବୁଠୁ ଅଧିକା ଥିଲା।
ସେଦିନ କେମିତି ଚାହୁଁଥିଲା ସେ ମୋତେ, ଯେମିତି ମୁଁ ତାର ସର୍ବସ୍ବ ନେଇଗଲି। ତାର ବଡ ପ୍ରତିଦ୍ବନ୍ଦୀ ବୋଲି ମୋତେ ସେ ଗ୍ରହଣ କରି ନେଇଥିଲା ମନେ ମନେ।

ନିଜ କୁ ରୋକି ନ ପାରି , ଆସି କହିଲା, , ତୁମ ଉତ୍ତର ଖାତା ଟା ଟିକେ ଦବ।

ମୁଁ ଗଦ ଗଦ୍ ହୋଇ ବଢାଇ ଦେଇଥିଲି।
ଏହା ସେ ପଦ କଥା ଟା ମୋତେ ଯେ କେତେଥର ଶୁଭିଚି, ତାର ଠିକଣା ନାହିଁ।
ଓଃ ।। କି ଅଧିକାର ବେ...
ସତେ ଯେମିତି ସ୍ୱାମୀ ଓ ସ୍ତ୍ରୀ
ସୁମିତ ଚିଡାଉ ଥିଲା।
କିଛି ଦିନ ପରେ ଆମେ ବୋର୍ଡ ପରୀକ୍ଷା ଦେବୁ, ପୁଣି ଆଉ କିଏ କେଉଁ ବାଟ ରେ ଯିବ।
ଖରା ଛୁଟି ରେ ବି ତାର ଠିକଣା ଆଣି ହେଲାନି କି ଫୋନ୍ ନମ୍ବର ଆଣି ହେଲାନି।
ପ୍ରାକ୍ଟିକାଲ ସମୟ ରେ ମୁଁ ସାହସ କରି କହିଲି।
ତୁମେ ଏହା ପରେ କଣ କରିବ।

ସେ କହିଲା ଆଗକୁ ପଢା ଜାରି ରଖିବି।

ମୋତେ ଠିକଣା ଓ ଫୋନ ନମ୍ବର ଦିଅ ସିଧା ହିଁ ମାଗିଲି।
ଆଉ ସେ ବିନା କିଛି କହି କାଗଜ ରେ ଲେଖି ଦେଇ ଦେଲା।
ପରୀକ୍ଷା ସରି ଗଲା , ତା ପୂର୍ବ ରୁ ଏସବୁ କହି ମୁଁ ତାକୁ ବାଏଷ୍ଟ କରିବାକୁ ଚାହୁଁ ନଥିଲି।
ସୁମିତ ତା ସାଙ୍ଗ ରେ କଥା ପକେଇ ଦେଇଥିଲା ଆଗରୁ।
ସମସ୍ତେ ହଷ୍ଟେଲ ଛାଡ଼ିବେ, ବିଦାୟ ଦିବସ ହେଇଚି ଶେଷ ଦିନ।
ମୁଁ ଚୋକଲେଟ ଭିତରେ ଚିଠି ଲେଖିଛି ତାକୁ ଦେବି ଓ ମନ କଥା କହିଦେବି।
ସାରା କଲେଜ ଜାଣିଚି ମୁଁ ତାକୁ ଭଲ ପାଏ କିନ୍ତୁ ସେ କେମିତି ଜାଣିନି। ପାଖ କୁ ଗଲି ପାଟି ଖନୀ ଲାଗୁ ଥିଲା।
ଏତିକି କହି ପାରିଲି ଯେ ଜୀବନ ରେ ତୁମ ସହ ଆଉ ଥରେ ମୋର ଦେଖା ହୁଅନ୍ତା , ବହୁତ୍ କିଛି ତୁମ କୁ କହିବାର ଥିଲା।
ତୁମେ ବହୁତ୍ ବଡ ଚାକିରି କର, ତୁମ ଅଫିସ୍ ରେ ମୁଁ ରହିବି।
ସେ ହସିଲା। ଠିକ୍ ଅଛି । ମୋ ଠୁଁ ବି ବଡ ଚାକିରୀ ତୁମେ କରିବ। ଡକ୍ଟର ହେବ।
ମୋର ଦେହ ଖରାପ ହେଲେ ତୁମ ପାଖ କୁ ଆସିବି।

ତୁମେ ମୋ ଠୁ ପଇସା ରଖିବନିଁ।

ମୋତେ ଲାଗୁଥିଲା ଏ ଚୁପ୍ ଚାପ ସ୍ଵଭାବ ର୍ଝିଅ କଣ ଏତେ
ସୁନ୍ଦର କଥା କହିପାରେ। ମୁଁ ତାର ସେହି ସୁନ୍ଦର ହସ ଭିତରେ ତାର ଆଖି ଭିତରେ ମୋ ପ୍ରେମ କୁ ଖୋଜୁଥିଲି।
ଏହା ପରେ ସେ ତାର ଠିକଣା ପାଇଛି ବୋଲି ଧନ୍ୟବାଦ୍ ଦେଇ ବିଦାୟ ନେଲୁ।
ସେ ଚାଲିଗଲା ପରେ ଗୋଟେ ଦିନ ରେ ହିଁ ମୁଁ ତାର ଦେଇଥିବା ଫୋନ ନମ୍ବର ଚେଷ୍ଟା କଲି।
ତାହା ୱ୍ରଙ୍ଗ ନମ୍ବର ଥିଲା ଓ ତାର ଠିକଣା ବି ମିଛ ହିଁ ଥିଲା।
କିନ୍ତୁ ମୋର ପ୍ରଥମ ପ୍ରେମ ସତ ଥିଲା।
ସେ ଅବୁଝା ପ୍ରେମିକା ମୋର ଯେଉଁଠି ଥାଉ ଖୁସି ରେ ଥାଉ।
ଏବେ ବି ସୁମିତ ମୋତେ ତା ବିଷୟ ରେ ଖଟି କରେ, ମଜା କରେ, ଖୋଜି ଆଣିବି କହେ, ମୁଁ ମନା କରେ।
ପ୍ରେମର ଅର୍ଥ ମୋ ପାଇଁ ଏହାହିଁ ଥିଲା।

ଅବୁଝା ପ୍ରେମିକା

ସାଙ୍ଗ ବିନା ପ୍ରେମିକା କୁ ବୁଝିବା କଷ୍ଟକର