କାୟମନୋବାକ୍ୟରେ ଖାଣ୍ଟି ଓଡ଼଼ିଆ କବି ଗଙ୍ଗାଧର ମେହେରଙ୍କ ଉଦ୍ଦେଶ୍ୟରେ ଏ ଅର୍ଘ୍ୟ l ‘ଅର୍ଘ୍ୟଥାଳୀ’ ସଜାଡ଼ିବା ବଡ଼ ଗୁରୁଦାୟିତ୍ଵ କାର୍ଯ୍ୟ ହେଲେ ହେଁ ଓଡ଼ିଆ ଭାଷା ସାହିତ୍ୟରେ ଅଧ୍ୟାପନାର ଅପରିପକ୍ବ ଅଭିଜ୍ଞତାକୁ ନେଇ ଏ ଅକିଞ୍ଚନର ଧୃଷ୍ଟତା କ୍ଷମଣୀୟ । କବିଙ୍କ ଲେଖାରୁ ସାହସ ପାଇ ଏ ଦୁଃସାହସ କରୁଛି । ତାଙ୍କରି ଭାଷାରେ -

6ହଲେ ହିଁ ସାନ କରୁଣା ନିଧାନ ରାଜ୍ୟରେ କରିଛୁ ବାସ

ବଢ଼ାଇଲେ କର ତାଙ୍କ ଶ୍ରୀ ପୟର ଲାଭେ ନ ହେବ ନିରାଶ ।

ରେ ଜୀବନ…

ସର୍ବ ପ୍ରଥମେ ଅମ୍ଳାନ କାଳଜୟୀ କବି ପ୍ରତିଭାର ‘ମଧୁମୟ’ ସୃଷ୍ଟିକୁ ବିନମ୍ର ‘ଭକ୍ତି’ । ତାଙ୍କ ଲେଖନୀ ମୁନରେ ‘ଉତ୍କଳ ଭାରତୀଙ୍କ ଉକ୍ତି’ ସମୂହ ଅତ୍ୟନ୍ତ ମର୍ମସ୍ପର୍ଶୀ ହୋଇପାରିଛି । ସେ ପଶ୍ଚିମ ଓଡ଼ିଶାର ଆରାଧ୍ଯ ଦେବୀ ‘ମା’ ସମଲାଇ ଦେବୀଙ୍କ ପ୍ରତି’ ହେଉ ଅଥବା ‘ବର୍ଷାଋତୁ ପ୍ରତି’ ହେଉ । କବିଙ୍କ ‘ଅମୃତମୟ ବାଣୀ’ ‘ନର ଓ ମୟୂର’ ନିର୍ବିଶେଷରେ ସଭିଙ୍କୁ ‘କର୍ମଗୁଣ’କୁ ଚିହ୍ନି ‘ପରିଶ୍ରମ’ କରିବାକୁ ଆହ୍ବାନି ଦେଇଛି ଓ ‘ବାକ୍ୟବୀର ଓ କର୍ମବୀର’ ଭିତରେ ରହିଥିବା ପାର୍ଥକ୍ୟକୁ ସୂଚାଇ ଦେଇଛି । ସୂର୍ଯ୍ୟ ପ୍ରତି ଦୀପକୁ ଦେଖି ମହାନ୍ଧକାରର ଦୁଃଖ ‘ଖଦ୍ୟୋତର ଖେଦ’ ପରି ହେଲେ ହେଁ ‘ଅନ୍ଧକାରର ଆତ୍ମପ୍ରସାଦ ତା’ର ପର୍ବକୁ ଚିହ୍ନେଇ ଦେଇଛି ।

ଠିକ୍ ଅନୁରୂପ ଭାବେ ‘ମାତୃଭୂମି’ ର ‘ଉଦବୋଧନ’ ଶୁଣି ‘ବିଦୁର ପ୍ରଜାଗର’ ହୋଇଛି ଓ ବିଦ୍ୟାରତ୍ନଙ୍କ ହିତୈଷିଣୀରେ ସମଗ୍ର ପାପକ୍ଷୟ ହୋଇଯାଇଛି । ‘ପ୍ରଧାନପାଟ’ର ‘ବୁଢ଼ାରଜା’, ‘ଗୌରୀଶଙ୍କର’ଙ୍କ ‘ମଳୟ ଆବାହନ’ ମନ୍ତ୍ର ‘ନବବର୍ଷ’ରେ ‘ବାଳ ପାଦପ’କୁ ପଲ୍ଲନିତ କରୁଛି । ଏହା ଦେଖି ‘ପ୍ରେତର ଅନୁତାପ’ ହୋଇଛି । ତା’ର ବାସସ୍ଥଳୀ ‘ବୁଢ଼ା ଦରଗଛ’ ପାଇଁ, ତା’କୁ ମନେ ହେଉଛି ସଙ୍ଗ-ଫଳ ରୂପେ ଲାଭ କରିଥିବା ‘ତାକୁ ମଧ୍ୟ ବୋଲିଥାନ୍ତି ଧର୍ମ ଅବତାର’ ପ୍ରକୃତରେ ତାରା-ସୂର୍ଯ୍ୟଙ୍କୁ ପରିତ୍ୟକ୍ତ କରିଥିବାରୁ ମୂଲ୍ୟହୀନ ହୋଇ ପଡ଼ିଛି । ତା'ର ହୃଦବୋଧ ହୋଇଛି , ‘ଜ୍ୟେଷ୍ଠ ଜାତିର ଅପକର୍ମର ପରିଣାମ’ ଅତି ଭୟଙ୍କର ବୋଲି । ପୁଣି ଥରେ ସ୍ମରଣ କଲା ‘ଗଣେଶର ଆତ୍ମକଥା’କୁ । ଧୀରେ ଧୀରେ ସ୍ମୃତିପଟକୁ ଆଚ୍ଛନ୍ନ କଲା ‘ଫକୀର ମୋହନଙ୍କ ମୃତ୍ୟୁ-ଶଯ୍ୟା ନିକଟରେ ଉତ୍କଳ ମାତାର ରୋଦନ’ । ‘ସ୍ୱର୍ଗୀୟା କୃଷ୍ଣ କୁମାରୀ’ଙ୍କ ମମତା, ସ୍ୱର୍ଗୀୟୂ କବିବର ରାଧାନାଥ ରାୟଙ୍କ ଲେଖନୀ ମୁନର ତୀକ୍ଷ୍ଣତା, ମଧୁସୂଦନ ରାଓଙ୍କ ସ୍ୱର୍ଗାରୋହଣ କାଳୀନ ହୃଦୟ ବିଦାରକ ଶୂନ୍ୟତା ଓ ସମ୍ବଲପୁରର ଯୋଗ୍ୟତମ ସନ୍ତାନମ ‘ବଳରାମ ଦେବ’ଙ୍କ ଆପ୍ରାଣ ଉଦ୍ୟମ ।

ତାଙ୍କର ପୂଣ୍ୟ ଜନ୍ମତିଥିରେ ସମ୍ପ୍ରତି ସମାଜର ମୁଣ୍ଡମୋଡ଼ି(ତଥାକଥିତ) ଧର୍ମାବତାର ବୋଲାଉଥିବା ବଡ଼ପଣ୍ତାମାନଙ୍କୁ ଆସନଚ୍ୟୁତ କରାଇ ପାରିଲେ ମାତୃଭାଷାକୁ ସୁରକ୍ଷିତ ରଖାଯାଇପାରିବ । ଏଥିପାଇଁ ଆବଶ୍ୟକ ପଦକ୍ଷେପ ହିଁ ହେବ ସେହି ସ୍ୱର୍ଗୀୟ ମହାତ୍ମାଙ୍କ ପ୍ରତି ଉପଯୁକ୍ତ ଅର୍ଘ୍ୟ ।

ଓଡ଼ିଶା ରାଜ୍ୟ ମୁକ୍ତ ବିଶ୍ୱବିଦ୍ୟାଳୟ, ମୁଖ୍ୟ କାର୍ଯ୍ୟାଳୟ, ସମ୍ବଲପୁର

ବିଭାଗୀୟ ମୁଖ୍ୟ (ଓଡ଼ିଆ)

କୁଲିତାପଡ଼ା,ମୋଦିପଡ଼ା

ସମ୍ବଲପୁର

ପିନ୍ କୋଡ଼-୭୬୮୦୦୨

ଯୋଗାଯୋଗ -୭୯୭୮୮୬୪୬୧୨

ଅର୍ଘ୍ୟ Arghya

ଡ.ସଙ୍ଗୀତା ନାଏକ ପୁରୋହିତ Dr Sangita Naik