କିପରି କରିବେ ଆଗାମୀ ବର୍ଷରେ ସଞ୍ଚୟ ଓ ନିବେଶ।

ଯେପରି ଆଣଙ୍କ କର୍ମକ୍ଷେତ୍ରରେ ନିଯୁକ୍ତିଦାତା କିମ୍ବା ଜଣେ ବ୍ୟବସାୟୀ ଆକାଉଣ୍ଟସ୍ ଖାତା, ବଜେଟ୍ ଓ ବ୍ୟବସାୟର ରଣନୀତି ସବୁ ଆସନ୍ତାବର୍ଷ ପାଇଁ ପ୍ରସ୍ତୁତ କରନ୍ତି ସେହିପରି ଆପଣ ଆଗାମୀ ବର୍ଷ କିପରି ସଞ୍ଚୟ କରିବେ ଓ ନିବେଶ କରିବେ ଏହା ଉପରେ ଦୃଷ୍ଟି ଦେବା ଏକାନ୍ତ ଅପରିହାର୍ଯ୍ୟ । ଅଧିକାଂଶ ବ୍ୟକ୍ତି ନିଜର ନିବେଶ ସମ୍ପର୍କିତ ନିଷ୍ପତ୍ତି ଉପରେ କିମ୍ବା କୌଣସି ଜିନିଷ କିଣିବା କ୍ଷେତ୍ରରେ ନିଜକୁ ଅଧିକ ଚତୁର ବୋଲି ଭାବିନିଅନ୍ତି । ଏହା କାର୍ଯ୍ୟବ୍ୟସ୍ତ ବ୍ୟବସାୟୀମାନଙ୍କ କ୍ଷେତ୍ରରେ ଏକଦମ ସତ୍ୟ ଯିଏକି ସେମାନଙ୍କର ରୋଜଗାର ବିଷୟରେ ଆତ୍ମବିଶ୍ୱାସୀପୂର୍ଣ୍ଣ ଓ ନିଃସନ୍ଦେହ ଅଟନ୍ତି । କିଛି ଲୋକ ଅଛନ୍ତି ଯିଏକି କମ୍ପାନୀର ସେୟାର୍ ଲାଭାଂଶ ଚେକ, ପିପିଏଏଫ ଆକାଉଣ୍ଟ ପରିପକ୍ୱ ରାଶି କିମ୍ବା ମାସିକ ଜମା, କିମ୍ବା ସ୍ଥାୟୀଜମା ରାଶିର ସୁଧ ବିଷୟରେ ଭୁଲିଯାଆନ୍ତି କିମ୍ବା ସଞ୍ଚୟ ଜମାଖାତାରେ ପଡ଼ି ରହିଥିବା ବଡ଼ ପାଣ୍ଠି ବିଷୟରେ ଚିନ୍ତା କରନ୍ତି ନାହିଁ । ସେମାନେ ଭାବି ନିଅନ୍ତି ଯେ ସଞ୍ଚୟ ଜମାଖାତାରେ କିମ୍ବା ସ୍ଥାୟୀ ଜମାଖାତାରେ ଗଚ୍ଛିତ ଅର୍ଥ ପ୍ରକୃତରେ ବହୁତ ଭଲ କାମ କରୁଛି । ମାତ୍ର ସେମାନେ ଭୁଲିଯିବା ଉଚିତ୍ ନୁହେଁ କି ସମ୍ପତ୍ତି ସୃଷ୍ଟି ପାଇଁ କିମ୍ବା ଧନଶାଳୀ ହେବା ପାଇଁ ଏକ ଦୀର୍ଘକାଳୀନ ରଣନୀତିର ନିହାତି ଆବଶ୍ୟକତା ଅଛି ।

ଜଣେ ବ୍ୟକ୍ତିର ଆୟ ବ୍ୟୟର ହିସାବ ବିଷୟରେ ସମୀଚନ ଭାବରେ ବୁଝିବା ପରେ ହିଁ ନିବେଶ ବିଷୟରେ ଚିନ୍ତା କରାଯାଇପାରେ । ଆପଣ ବିଗତବର୍ଷର ସହଜସାଧ୍ୟ ହିସାବକୁ ନେଇ ସେହି ତଥ୍ୟ ଆଧାରରେ କେତେ ଟଙ୍କାର ସ୍ଥାୟୀଜମାର ଆବଶ୍ୟକତା ଅଛି ତାହାର ହିସାବ କରନ୍ତୁ । ଏହି ସଞ୍ଚୟ ରାଶିକୁ ଆପଣ ମ୍ୟୁଚୁଆଲ୍ ଫଣ୍ଡର ଅଲଟ୍ରା-ସର୍ଟ-ଟର୍ମ ସ୍କିମରେ ସଞ୍ଚୟ କରିପାରନ୍ତି । ସ୍ପଳ୍ପକାଳୀନ ଆବଶ୍ୟକତା ବା ମାସିକ ଦୈନନ୍ଦିନ ଜୀବନଶୈଳୀ ଖର୍ଚ୍ଚ ଆବଶ୍ୟକତାଠାରୁ ଅଧିକ କିଛି ବଳକା ଖର୍ଚ୍ଚ ଯଦି ରହିଯାଉଛି ତେବେ ଏହି ଅର୍ଥକୁ ଦୀର୍ଘକାଳୀନ ଆର୍ଥିକ ଲକ୍ଷ୍ୟସବୁ ହାସଲ କରିବା ପାଇଁ କିମ୍ବା ଦୀର୍ଘକାଳୀନ ସମ୍ପତ୍ତି ସୃଷ୍ଟି କରିବା ପାଇଁ ନିବେଶ କରିବା ଉଚିତ ହେବ । ଏହି ନିବେଶ ବଡ଼ ଆର୍ଥିକ ଲକ୍ଷ୍ୟ ହାସଲ କରିବାରେ ଖାଲି ଯେ ସାହାଯ୍ୟ କରିବ ତାହା ନୁହେଁ ବରଂ ଯଦି ଆବଶ୍ୟକତା ଆସେ ଏହା ଉଧାର ବା ଋଣ କରିବାର ବାଟ ସହଜ କରିଦେଇଥାଏ । ଏକ ନିୟମ ଅନୁଯାୟୀ ଦୀର୍ଘକାଳୀନ ନିବେଶ ବା ସମ୍ପତ୍ତି ମୁଦ୍ରାସ୍ଫୀତି ହାରଠାରୁ ଅଧିକ ଆୟ କରିବା ନିହାତି ଜରୁରୀ । ବ୍ୟାଙ୍କ ଜମାଖାତାରେ ଯଦି କିଛି ଅଧିକ ଟଙ୍କା ରହିଯାଇଛି ତାହା ହୁଏତ ଆପଣଙ୍କୁ ନିରାପଦ ସ୍ଥାନରେ ଅଛି ବୋଲି ଦେଖାଯାଉଛି କିନ୍ତୁ ପ୍ରକୃତରେ ମୁଦ୍ରାସ୍ଫୀତିର ପ୍ରଭାବ ଯୋଗୁଁ ଆପଣଙ୍କ ଟଙ୍କାର ମୂଲ୍ୟ ଅର୍ଥାତ କ୍ରୟ କରିବା ଶକ୍ତି କମିଯାଉଛି । ସୁତରାଂ ଯଦି କିଛି ବଳକା ଟଙ୍କା ଅଛି ତେବେ ଏହି ଟଙ୍କାକୁ ଆପଣ ଦୀର୍ଘକାଳୀନ କାର୍ଯ୍ୟ କରିବାରେ ନିୟୋଜିତ କରିବା ଉଚିତ ହେବ। ମୁଦ୍ରାସ୍ଫୀତି- ପ୍ରଭାବୀ ସୁଧହାର ବଦଳରେ ଅଧିକ ସୁଧହାର ପାଇବା ପାଇଁ ଦୀର୍ଘକାଳୀନ ନିବେଶ ବା ସମ୍ପତ୍ତି ସବୁ ୩ ଟି ରିସ୍କ ସହିତ ଜଡ଼ିତ ରହିଥାଏ-ନଗଦ କରିବାର ରିସ୍କ, ପୁଞ୍ଜିବଜାର ରିସ୍କ ଏବଂ ବ୍ୟବସାୟ ରିସ୍କ । ଏହିସବୁ କାରଣ ପାଇଁ ଦୀର୍ଘକାଳୀନ ନିବେଶ କରିବା ସମୟରେ ସାବଧାନତା ସହିତ ନିବେଶ ସ୍କିମ୍ ଚୟନ କରିବା ନିହାତି ଜରୁରୀ।

ନିମ୍ନି ଲିଖିତ ପଦ୍ଧତି ଗୁଡ଼ିକ ପଢନ୍ତୁ ଓ ଜାଣନ୍ତୁ ନିଜ କଷ୍ଟ ଉପାର୍ଜିତ ଅର୍ଥକୁ କିପରି କରିବେ ସଞ୍ଚୟ ଓ ଏହା କିପରି ହେବ ଲାଭ ଦାୟକ।

ଠିକ୍ ସମୟରେ ଠିକ୍ ସ୍କିମରେ ସଞ୍ଚୟ ଏବଂ ନିବେଶ କରିବା ଗୁରୁତ୍ବପୂର୍ଣ୍ଣ । ନୂଆ ନୂଆ ରୋଜଗାର କରୁଥିବା ଯୁବବର୍ଗ ଆରମ୍ଭରୁ ହିଁ ସଞ୍ଚୟ ଏବଂ ଉଚିତ୍ ନିବେଶ କରିପାରିଲେ, ସେମାନେ ଭବିଷ୍ୟତରେ ଶାନ୍ତିପୂର୍ଣ୍ଣ ଏବଂ ଅବସାଦମୁକ୍ତ ଜୀବନ ବିତାଇପାରିବେ । ତେବେ କିପରି କରିବେ ସଞ୍ଚୟ ଏବଂ କେଉଁଠି କରିବେ ନିବେଶ,ପଢନ୍ତୁ ବିସ୍ତୃତରେ

ଚାକିରି ହେଉ ଅବା ବ୍ୟବସାୟ, ସର୍ବଦା ନିଜ କଷ୍ଟ ଉପାର୍ଜିତ ଅର୍ଥକୁ ସଞ୍ଚୟ କରିବା ଆବଶ୍ୟକ। ଲୋକମାନେ ସାଧାରଣତଃ ଫିକ୍ସ ଡିପୋଜିଟ ଏବଂ ବିଭିନ୍ନ ନିବେଶ ସ୍କିମରେ ଅର୍ଥ ସଞ୍ଚୟ କରିଥାନ୍ତି, ଯାହାକି ଖୁବ୍ ଭଲ । ହେଲେ ଅନେକ ସମୟରେ ଦେଖାଯାଏ, ନୂଆ ନୂଆ ରୋଜଗାର କରୁଥିବା ଯୁବବର୍ଗ ସଞ୍ଚୟ ଓ ନିବେଶକୁ ନେଇ ଦ୍ବନ୍ଦରେ ପଡିଥାନ୍ତି । ଏପରି ସ୍ଥିତିରେ ସେମାନଙ୍କୁ କିଛି ଯୋଜନା ପ୍ରସ୍ତୁତ କରିବା ଉଚିତ୍, ଯାହା ସେମାନଙ୍କ ନିବେଶ ନିରାପତ୍ତା ସୁନିଶ୍ଚିତ କରୁଥିବ ଏବଂ ଭଲ ରିଟର୍ଣ୍ଣ ଦେଉଥିବ । ଯଦି ଆପଣ ମଧ୍ୟ ନିଜ ଆୟ ସଞ୍ଚୟ ଯୋଜନାରେ ଅଛନ୍ତି ତେବେ ନିମ୍ନୋଲିଖିତ କିଛି ଟିପ୍ସ ଜାଣି ରଖନ୍ତୁ

ଟର୍ମ ପଲିସି(Term policy): ରୋଜଗାର ଆରମ୍ଭ କରିବା ପରେ ପ୍ରଥମେ କାମ ହେଉଛି, ଏକ ଲାଇଫ୍ ଇନସ୍ୟୁରାନ୍ସ ପଲିସି(life insurance policy) ନିଅନ୍ତୁ । କାରଣ ଏପରି ନହେଉ, ଯଦି ଆପଣଙ୍କ ସହ କୌଣସି ଅପ୍ରତ୍ୟାଶିତ ଘଟଣା ଘଟେ ତାହାହେଲେ ଆପଣଙ୍କ ଉପରେ ନିର୍ଭରଶୀଳ ପରିବାର ସଙ୍କଟର ସମ୍ମୁଖୀନ ହୋଇପାରନ୍ତି । ତେଣୁ ଟର୍ମ ପଲିସି ନେବା ନିତାନ୍ତ ଜରୁରୀ । ଏପରି ଟର୍ମ ପଲିସି ବାଛନ୍ତୁ, ଯାହା ଆପଣଙ୍କ 10 ରୁ 20 ବର୍ଷର ଆୟ ସହ ସମାନ ହେଉଥିବ ।

ଅନଲାଇନ ଠକେଇରୁ ଦୂରେଇ ରୁହନ୍ତୁ(Don't fall victim to online scams): ଅନେକ ସମୟରେ ଲୋକଙ୍କ ପାଖକୁ ବଡ ଲଟେରୀ ଜିତିଥିବା ନେଇ ମେସେଜ ଏବଂ ଇମେଲ ଆସେ । ମେସେଜକର୍ତ୍ତା ବ୍ୟାଙ୍କ ଆକାଉଣ୍ଟକୁ ଲଟେରୀ ଟଙ୍କା ଟ୍ରାନ୍ସଫର କରିବା ବାବଦରେ 50 ହଜାର କିମ୍ବା ଅଧିକ ଟଙ୍କା ପ୍ରୋସେସିଂ ଫି ଭାବେ ମାଗିଥାଏ । ଏହାର ଗୋଟିଏ ଦିନ ପରେ ପୁଣି ସେ ଆକାଉଣ୍ଟ ନମ୍ବର, ଆଧାର ନମ୍ବର ଏବଂ ଫୋନ ନମ୍ବର ଇତ୍ୟାଦି ବିବରଣୀ ଚାହିଁଥାଏ । ଅନେକ ଲୋକେ ଟଙ୍କା ଲୋଭରେ ସମସ୍ତ ବିବରଣୀ ପ୍ରଦାନ କରିଥାନ୍ତି ମଧ୍ୟ । ଏହା ସ୍ବାଭାବିକ, କାରଣ ଲଟେରୀ ଜିତିବା ଅନେକ ଲୋକଙ୍କ ପାଇଁ ସ୍ବପ୍ନ ସତ ହେବା ସଦୃଶ । କିନ୍ତୁ କେବେହେଲେ ନିଜ ବ୍ୟାଙ୍କ ବିବରଣୀ କୌଣସି ଅଜ୍ଞାତ ବ୍ୟକ୍ତିଙ୍କୁ ଦିଅନ୍ତୁ ନାହିଁ । ଏହା ଠକଙ୍କର ଟଙ୍କା ହଡପର ନୂଆ ଚାଲ୍ । ଯଦି ଆପଣ ଏହା ଜାଣିନପାରନ୍ତି ତେବେ ବଡ ସଙ୍କଟରେ ପଡିପାରନ୍ତି । କାରଣ ବ୍ୟାଙ୍କ ବିବରଣୀ ପାଇବା ପରେ ଠକ ଆପଣଙ୍କ ଆକାଉଣ୍ଟ ହ୍ୟାକ କରି ଜୀବନଯାକର ସଞ୍ଚୟ କ୍ଷଣିକରେ ଉଡାଇ ନେଇପାରେ । ସମ୍ପ୍ରତି ଏଭଳି ଅନେକ ସାଇବର ଠକେଇ ମାମଲା ସାମ୍ନାକୁ ଆସୁଛି । ତେଣୁ ଏ ଦିଗରେ ସତର୍କ ରହିବା ଜରୁରୀ ।

ମିଛ ପ୍ରତିଶ୍ରୁତି(Insincere promises): ଆପଣ ମାତ୍ର କିଛି ମାସ ଭିତରେ ନିଜ ନିବେଶର ଚାରିଗୁଣା ଅଧିକ ରୋଜଗାର କରିପାରିବେ । ଆପଣଙ୍କ ଟଙ୍କା ରାତାରାତି ଡବଲ ହୋଇଯିବ । ଅନେକ ଠକ କମ୍ପାନୀ ଟଙ୍କା ହଡପ କରିବାକୁ ଲୋକଙ୍କୁ ଏପରି ନାନା ମିଛ ପ୍ରତିଶ୍ରୁତି ଦେଇଥାନ୍ତି । କିନ୍ତୁ ବାସ୍ତବରେ, କୌଣସି ବ୍ୟାଙ୍କ ଜମା ରାଶିକୁ 10 ବର୍ଷ ପରେ ହିଁ ଦୁଇ ଗୁଣା କରିପାରିବ । ତା' ପୂର୍ବରୁ ନୁହେଁ । ତେଣୁ ଅଧିକ ଲାଭ ଆଶାରେ ଠକାମିର ଶିକାର ହୁଅନ୍ତୁ ନାହିଁ । ଯଦି ସେଭଳି ପ୍ରତିଶ୍ରୁତିରେ ବିଶ୍ବାସ କରିବେ ତେବେ ଆପଣଙ୍କ ଜୀବନଯାକର ଅର୍ଥ ପାଣିରେ ପଡିଯିବ । କାରଣ ଥରେ ସେହି କମ୍ପାନୀରେ ନିବେଶ କରିବା ପରେ ସେଠାରୁ ଟଙ୍କା ବସୁଲ କରିବା ଖୁବ୍ କଷ୍ଟସାଧ୍ୟ ଅଟେ । ଆପଣ ଆଶା କରି କରି ଥକିଯିବେ ହେଲେ କୌଣସି ରିଟର୍ଣ୍ଣ ଚିହ୍ନବର୍ଣ୍ଣ ପାଇବେ ନାହିଁ। ତେଣୁ ବାସ୍ତବିକତା ଠାରୁ ଦୂରରେ ଥିବା ଏଭଳି ପ୍ରତିଶ୍ରୁତି ଉପରେ କେବେହେଲେ ବିଶ୍ବାସ କରନ୍ତୁ ନାହିଁ ।

ଭରସାଯୋଗ୍ୟ ସ୍କିମରେ ନିବେଶ (invest in Trustworthy schemes): ନିଜ ବ୍ୟାଙ୍କରେ ଏପରି ସ୍କିମର ତଲାସ କରନ୍ତୁ ଯାହା ବ୍ୟାଙ୍କ ସୁଧହାର ଠାରୁ ଅଧିକ ହୋଇଥିବ । ସେଭଳି କିଛି ସୀମିତ ସ୍କିମର ଚୟନ କରନ୍ତୁ ଏବଂ ତାହା ମଧ୍ୟରୁ ସବୁଠୁ ଭଲ ସ୍କିମକୁ ବାଛନ୍ତୁ । ନିଜ ଆୟକୁ ବ୍ୟାଙ୍କ କିମ୍ବା ପୋଷ୍ଟ ଅଫିସ ଡିପୋଜିଟରେ ନିବେଶ କରିବା ଏକ ବୁଦ୍ଧିମାନର କାମ । ବର୍ତ୍ତମାନ ସମୟରେ କିଛି ଆର୍ଥିକ ସଂସ୍ଥା ଡିପୋଜିଟ ସ୍କିମ ଅଫର କରୁଛନ୍ତି । ତାହା ଉପରେ ମଧ୍ୟ ଆପଣ ବିଚାର କରିପାରିବେ ।

ଜରୁରୀ ପରିସ୍ଥିତି ପାଇଁ ଯୋଜନା (For contingencies): ଜୀବନରେ କେବେ କେବେ ଅପ୍ରତ୍ୟାଶିତ ପରିସ୍ଥିତିର ସାମ୍ନା କରିବାକୁ ପଡେ । ଏପରି ସ୍ଥିତିରେ ଆପଣ ସାଧାରଣତଃ ପରିବାର କିମ୍ବା ସାଙ୍ଗମାନଙ୍କୁ ଠାରୁ ଟଙ୍କା ଉଧାର ନେଇଥାନ୍ତି । କୌଣସି ଅପ୍ରତ୍ୟାଶିତ ସ୍ଥିତିର ମୁକାବିଲା ପାଇଁ ଉଦାର ନେବା ପରିବର୍ତ୍ତେ ଆପଣ ଏକ ଜରୁରୀକାଳୀନ ପାଣ୍ଠି(emergency fund ) ବନାନ୍ତୁ । ଅନ୍ୟ ଅର୍ଥରେ କହିବାକୁ ଗଲେ, ନିଜ ପାଖରେ ସବୁବେଳେ ନଗଦ ରାଶି ରଖନ୍ତୁ ଏବଂ ଏହି ପାଣ୍ଠିରେ କିଛି କିଛି ଟଙ୍କା ଜମା କରନ୍ତୁ।

ବର୍ତ୍ତମାନ ଆସନ୍ତୁ ଜାଣିବା ଭାରତ ସରକାରଙ୍କ ଦ୍ଵାରା ନିଆଯାଇଥିବା ସଞ୍ଚୟ ଯୋଜନା ଓ ଏହାର ଲାଭ:

ପୋଷ୍ଟ ଅଫିସର ୫ଟି ଦମଦାର ସେଭିଂ ସ୍କିମ୍; ମିଳିବ ବମ୍ପର ରିଟର୍ଣ୍ଣ; ମହିଳାଙ୍କୁ ଅଧିକ ଲାଭ ।

ପୋଷ୍ଟ ଅଫିସ ସେଭିଂ ସ୍କିମ(Post office shaving scheme): ପୋଷ୍ଟ ଅଫିସର ଏମିତି କିଛି ଯୋଜନା ବିଷୟରେ କହିବାକୁ ଯାଉଛି ଯେଉଁଥିରେ ମିଳିବ ଜବରଦସ୍ତ ଲାଭ….

ଯଦି ଆପଣ ପୋଷ୍ଟ ଅଫିସ୍ କିମ୍ବା ଟିକସ ସଞ୍ଚୟ ପାଇଁ ଅନ୍ୟ କୌଣସି ସେଭିଂ ଯୋଜନାରେ ବିନିଯୋଗ କରନ୍ତି, ତେବେ ଏହା ଆପଣଙ୍କ ପାଇଁ ଉପଯୋଗୀ। ଏପରି ପରିସ୍ଥିତିରେ, ଆପଣଙ୍କ ପାଇଁ ଏହା ଜାଣିବା ଜରୁରୀ ଯେ ଡାକଘରେ କରାଯାଇଥିବା ସମସ୍ତ ନିବେଶ ଉପରେ ଟିକସ ସୁବିଧା ପାଇବ ନାହିଁ ।

ବାସ୍ତବରେ, ସରକାରଙ୍କ ଦ୍ବାରା ଏହିପରି ଅନେକ ବିନିଯୋଗ ଯୋଜନା ଆରମ୍ଭ ହୋଇଛି, ଯାହା ଉପରେ ଆପଣ ଭଲ ରିଟର୍ଣ୍ଣ ପାଇବେ କିନ୍ତୁ ଆୟକର ଅଧିନିୟମ ୧୯୬୧ର ଧାରା 80C ଅନୁଯାୟୀ ଆପଣ ନିବେଶ ଉପରେ ଟିକସ ସୁବିଧା ପାଇବେ ନାହିଁ। ଆସନ୍ତୁ ଏହିପରି ଯୋଜନାଗୁଡିକ ବିଷୟରେ ବିସ୍ତୃତ ଭାବରେ ଜାଣିବା-

୧. ମହିଳା ସମ୍ମାନ ସଞ୍ଚୟ ଯୋଜନା

ଭାରତ ସରକାରଙ୍କ ମହିଳା ସମ୍ମାନ ସଞ୍ଚୟ ଯୋଜନା ୨୦୨୩ ହେଉଛି ଏକ ଛୋଟ ସଞ୍ଚୟ ଯୋଜନା ଯାହାକି ମହିଳାମାନଙ୍କ ପାଇଁ ବିଶେଷ ଭାବରେ ସୃଷ୍ଟି ହୋଇଛି। ଏହି ଯୋଜନା ଆରମ୍ଭ କରିବାର ଉଦ୍ଦେଶ୍ୟ ହେଉଛି ଭାରତୀୟ ମହିଳାମାନଙ୍କ ମଧ୍ୟରେ ସଞ୍ଚୟ କରିବାର ଅଭ୍ୟାସ ବିକାଶ କରିବା ଏହି ଯୋଜନାର ଲାଭ ଉଠାଇବାକୁ କୌଣସି ବୟସ ସୀମା ନାହିଁ କିନ୍ତୁ ଆପଣ ଭାରତରେ ରହିବା ଜରୁରୀ।

ଏହି ଯୋଜନାରେ ପ୍ରାପ୍ତ ସୁଧ ଉପରେ ଟିକସ ଅଛି। ଏହାର ଅର୍ଥ ହେଉଛି ଟିକସ ସଞ୍ଚୟ FD ପରି ଆପଣ ଏଥିରେ କୌଣସି ଛାଡ଼ ପାଇବେ ନାହିଁ। ପ୍ରତ୍ୟେକ ବ୍ୟକ୍ତିଙ୍କ ଟ୍ୟାକ୍ସ ସ୍ଲାବ (ଟ୍ୟାକ୍ସ ବର୍ଗ) ଏବଂ ସୁଧ ଆୟ ଉପରେ ନିର୍ଭର କରି ମହିଳା ସମ୍ମାନ ସଞ୍ଚୟ ଯୋଜନାରୁ ପ୍ରାପ୍ତ ସୁଧ ଉପରେ TDS କଟାଯିବ।

୨. ଜାତୀୟ ସଞ୍ଚୟ ସମୟ ଜମା ଖାତା

ପୋଷ୍ଟ ଅଫିସରେ, ଆପଣ ଏକ, ଦୁଇ, ତିନି କିମ୍ବା ପାଞ୍ଚ ବର୍ଷ ପାଇଁ ଏକ ସମୟ ଜମା ଖାତା ଖୋଲିପାରିବେ। ଯଦି ଆପଣ ଚାହାଁନ୍ତି, ଆପଣ ଏହି ଅବଧି ପରେ ପରେ ବୃଦ୍ଧି କରିପାରିବେ। ଏଥିପାଇଁ ଆପଣଙ୍କୁ ଡାକଘରେ ଏକ ଫର୍ମ ପୂରଣ କରିବାକୁ ହେବ।

ଆପଣଙ୍କ ସୂଚନା ପାଇଁ ଜଣାଇ ଦେଉଛୁ ଯେ ଏହି ଆକାଉଣ୍ଟରେ ଗୋଟିଏ ବର୍ଷ ପାଇଁ ୬.୯% ସୁଧ, ଦୁଇ ବର୍ଷ ପାଇଁ ୭.୦% ଏବଂ ତିନି ବର୍ଷ ପାଇଁ ୭.୧% ଉପଲବ୍ଧ।

ଏହା ଅଧୀନରେ, ଆପଣ ଡାକ ଅଧିନରେ ପାଞ୍ଚ ବର୍ଷର ସମୟ ଜମା ଉପରେ ଆୟକର ଛାଡ଼ ପାଇପାରିବେ। ଆୟକର ଅଧିନିୟମ ୧୯୬୧ ଅନୁଯାୟୀ, ୫ ବର୍ଷର ସମୟ ଜମା ଉପରେ ୧.୫ ଲକ୍ଷ ଟଙ୍କା ପର୍ଯ୍ୟନ୍ତ ନିବେଶ ଉପରେ ଟିକସ ଛାଡ ଉପଲବ୍ଧ। କିନ୍ତୁ ଏହାଠାରୁ କମ୍ ବିନିଯୋଗ ପାଇଁ ଏହା ଉପଲବ୍ଧ ନୁହେଁ।

୩. ଜାତୀୟ ସେଭିଂ ରିକରିଙ୍ଗ ଡିପୋଜିଟ୍ ଆକାଉଣ୍ଟ:

ଡାକଘରର ଏହି ସୁନିଶ୍ଚିତ ଯୋଜନାରେ, ଆପଣ ୫ ବର୍ଷ ପାଇଁ ବାର୍ଷିକ ଭିତ୍ତିରେ ୬.୭% ସୁଧ ପାଇବେ। ଏଥିରେ ଆପଣ ପ୍ରତିବର୍ଷ ଯୌଗିକ ସୁଧର ଲାଭ ମଧ୍ୟ ପାଇଥାନ୍ତି।

ଏହି ସ୍କିମ୍ ବିଷୟରେ ବିଶେଷ କଥା ହେଉଛି ଏଥିରେ ଆପଣ ଏକାକୀ କିମ୍ବା ଏକତ୍ର ଏକ ଆକାଉଣ୍ଟ୍ ଖୋଲିପାରିବେ। ଏହା ବିଷୟରେ ଭଲ କଥା ହେଉଛି ଆପଣ ପ୍ରତି ମାସରେ ଅତି କମରେ ୧୦୦ ଟଙ୍କା କିମ୍ବା ଏହାର ଏକାଧିକ ଜମା କରି ଏହି ଯୋଜନାର ଲାଭ ଉଠାଇ ପାରିବେ। ଏଥିରେ ଜମା ଉପରେ କୌଣସି ସୀମା ନାହିଁ।

୪. କିସାନ ବିକାଶ ପତ୍ର

ଏହି ଯୋଜନାରେ ମଧ୍ୟ ଆପଣ ଆୟକର ଛାଡ଼ ପାଇବେ ନାହିଁ। ଅନେକ ଲୋକଙ୍କର ଏହି ଦ୍ୱନ୍ଦ୍ୱ ରହିଛି ଯେ ସେମାନେ ଏହା ଅଧୀନରେ ହୋଇଥିବା ବିନିଯୋଗ ଉପରେ ଟିକସ ସୁବିଧା ପାଆନ୍ତି। କିସାନ ବିକାଶ ପାତ୍ରରେ ଜମା ହୋଇଥିବା ରାଶି ଉପରେ ବାର୍ଷିକ ସୁଧ ‘ଅନ୍ୟ ଉତ୍ସରୁ ଆୟ’ ଭାବରେ ଟିକସଯୋଗ୍ୟ।

ଭଲ କଥା ହେଉଛି ପରିପକ୍ବତା ପରେ ପ୍ରତ୍ୟାହାର ହୋଇଥିବା ଟଙ୍କା ଉପରେ TDS କଟାଯାଇନଥାଏ। ତଥାପି, ଟିକସ ଛାଡ ନ ପାଇବା ସତ୍ତ୍ବେ କିସାନ ବିକାଶ ପାତ୍ର ନିଶ୍ଚିତ ଭାବରେ ଏକ ସୁରକ୍ଷିତ ବିନିଯୋଗ ବିକଳ୍ପ।

୫. ପୋଷ୍ଟ ଅଫିସ୍ ମାସିକ ଆୟ ଯୋଜନା

ପୋଷ୍ଟ ଅଫିସ୍ ମାସିକ ଆୟ ଯୋଜନା ବିନିଯୋଗ ପାଇଁ ଏକ ଉତ୍ତମ ବିକଳ୍ପ ହୋଇପାରେ। ଆପଣ ଏଥିରେ ୧,୫୦୦ରୁ ଆରମ୍ଭ କରି ସର୍ବାଧିକ ୯ ଲକ୍ଷ ଟଙ୍କା ପର୍ଯ୍ୟନ୍ତ ବିନିଯୋଗ କରିପାରିବେ। ଆପଣ ମିଳିତ ଆକାଉଣ୍ଟରେ ୧୫ ଲକ୍ଷ ଟଙ୍କା ପର୍ଯ୍ୟନ୍ତ ବିନିଯୋଗ କରିପାରିବେ।

ଯଦି ଏକ ବ୍ୟାଙ୍କ ସଞ୍ଚୟ ଜମା ଖାତା ଅଛି ଏବଂ ଆପଣଙ୍କ ଅବ୍ୟବହୃତ ବଳକା ଅର୍ଥକୁ ବର୍ଷିକିଆ ସ୍ଥାୟୀ ଜମାକୁ ସ୍ଥାନାନ୍ତର କରନ୍ତୁ । ଯଦି ଆପଣ ଏକ କୁଶଳ ଓ ଆୟକର କାର୍ଯ୍ୟକ୍ଷମ ସମାଧାନ ପନ୍ଥା ବାହାର କରିବା ପାଇଁ ଇଚ୍ଛା କରୁଛନ୍ତି ତେବେ ମ୍ୟୁଚୁଆଲ ଫଣ୍ଡରେ ଥିବା ଅଲଟ୍ରା-ସର୍ଟ ଟର୍ମ ଡେବ୍ଟ ଫଣ୍ଡ ବ୍ୟବହାର କରନ୍ତୁ । ଯଦି ଆପଣଙ୍କ ପିପିଏଫ୍ ଅଛି ତେବେ ଏହାକୁ ଚାଲୁ ରଖନ୍ତୁ ଓ ସଞ୍ଚୟ କରନ୍ତୁ । ଦୁଇଟି ଡେବ୍ଟ ଫଣ୍ଡ ଚିହ୍ନଟ କରନ୍ତୁ-ସ୍ୱଳ୍ପକାଳୀନ ଓ ଦୀର୍ଘକାଳୀନ ଏବଂ ଏହି ସବୁ ରିସ୍କରେ ବର୍ଷତମାମ ନିବେଶ କରନ୍ତୁ । ନିଜ ପାଇଁ ୪/୫ ଟି ଇକ୍ୟୁଟି ଫଣ୍ଡ ଚିହ୍ନଟ କରନ୍ତୁ । ଏକ ଇଣ୍ଡେକ୍ସ ଫଣ୍ଡ, ଏକ କ୍ରିୟାଶୀଳ ଲାର୍ଜ-କ୍ୟାପ୍ ଫଣ୍ଡ, ୨/୩ଟି ଡାଇଭର୍ସିଫାଇଡ ଇକ୍ୟୁଟି(ଟାକ୍ସ ସଞ୍ଚୟ) ଏବଂ ଏକ ସ୍ମଲ୍ ଓ ମିଡ଼-କ୍ୟାସ ଫଣ୍ଡ/ ଯଦି ଆପଣ ଶୃଙ୍ଖଳିତ ଓ ଆତ୍ମସଂଜମ ତେବେ ଆପଣ ସିଷ୍ଟମେଟିକ ଇନଭେଷ୍ଟମେଣ୍ଟ ପ୍ଲାନ(ଏସଆଇପି) ମାଧ୍ୟମରେ ନିବେଶ କରିପାରନ୍ତି । ଯଦି ଶୃଙ୍ଖଳିତ ନୁହଁନ୍ତି, ତେବେ ପ୍ରତ୍ୟେକ ମାସ ଶେଷରେ ବ୍ୟାଙ୍କ ଆକାଉଣ୍ଟକୁ ଦେଖି ନିଜର ବ୍ୟାଙ୍କ ବଳକା ଅର୍ଥକୁ ଏହି ସବୁ ଫଣ୍ଡରେ ନିବେଶ ପାଇଁ ସ୍ଥାନାନ୍ତର କରନ୍ତୁ । ଆପଣ ଯେକୌଣସି ସମୟରେ ନିବେଶ କରିପାରିବେ ଏବଂ ଯେକୌଣସି ପରିମାଣର ଅର୍ଥ ମ୍ୟୁଚୁଆଲ ଫଣ୍ଡ ପୋର୍ଟଫୋଲିଓ ଖୋଲିବା ପରେ କରିପଯଦି ଆପଣ ସବୁବେଳେ ନିଜର ନିବେଶ ବା ସମ୍ପତ୍ତିକୁ ଇକ୍ୟୁଟି ବା ଷ୍ଟକ, ବଣ୍ଡ ଓ ଆଇପିଓ ଭଳି ବଡ଼ ନିବେଶ ପସନ୍ଦ ଭିତରେ ରଖି ଦୃଷ୍ଟି ଦେବେ ତାହା ଆପଣଙ୍କ ନଗଦ ଟଙ୍କା ରିସ୍କ ପାଇଁ ରଖିବ, ପ୍ରତିରୋଧକ ହିସାବରେ ରଖିବ ଏବଂ ସମ୍ପତ୍ତି ଆବଶ୍ୟକତାକୁ ପୂରଣ କରିପାରିବ । ଆପଣ ଅନୁଭବ କରିପାରିବେ ଯେ ଏହି କାର୍ଯ୍ୟଧାରା ଅନୁସରଣ ଦ୍ୱାରା ଆପଣ ନିବେଶ ସମ୍ପର୍କିତ ନିଷ୍ପତ୍ତି ନେବା ସହଜ ହୋଇଯିବ । ଏହା ଆପଣଙ୍କ ଆର୍ଥିକ ଜୀବନକୁ ସରଳ କରିପାରିବ । ଏକ “ବ୍ୟାପକ ଆର୍ଥିକ ଯୋଜନା” ଅନୁଯାୟୀ ଆଗାମୀ ଭବିଷ୍ୟତ ପାଇଁ ସଞ୍ଚୟ କରନ୍ତୁ ।

ଅର୍ଥ ସଞ୍ଚୟ କିପରି କରିବେ: Tips to save money.

Tips to save money in Odia