ଚିର ସବୁଜିମା ରେ ଘେରି ରହି ଥିବା ମୋ ଗାଁ

ଏବେ ପତ୍ର ଝଡ଼ ଦେଇ ଶ୍ରୀହୀନ ହେଇଗଲାଣି l

ଖରା ଦିନ ର ସେ କୋମଳ ତାପ ର ଖଣ୍ଡିଆ ଭୂତ ଆଉ ନାହିଁ

ଏବେ ସେ ଗ୍ରୀଷ୍ମ ର ଅସହ୍ୟ ତାତି ରେ କାଳ ବୈଶାଖୀ ର ନାମ ନେଲାଣୀ l

ଗାଁ ର ସେ ଅଙ୍କା ବଙ୍କା ଶଗଡ଼ ଗୁଳା ଆଉ ନାହିଁ

ଏବେ ସେ ଗ୍ରାମ୍ୟ ସଡ଼କ ର ପକା ରାସ୍ତା ହେଲାଣି l

ଗାଁ ରେ ଆଉ ଶଗଡ ହଳ ମୁଷଳ ମିଳୁନାହିଁ

ଏବେ ଟ୍ରାକ୍ଟର ରେ ଚାଷ ସବୁ ହେଲାଣି l

ଗାଆଁ ର ସେ ଝାଟି ମାଟି ଘର ଆଉ ନାହିଁ

ସବୁ ସୁଦୃଢ ଉଚ୍ଚ ଅଟ୍ଟାଳିକା ରେ ପରିପୂର୍ଣ ହେଲାଣି l

ଶୀତଳ କରଣୀ ପାଇଁ ଆଉ ସେ ମାଟି ଗୋବର କାନ୍ଥ ଲେପନି ଆଉ ନାହିଁ

ଏବେ କୋଠା ଘର ସବୁ ଇନ୍ଦ୍ରଧନୁ ରଙ୍ଗ ରେ ରଙ୍ଗେଇ ଗଲାଣି l

ଗାଁ ରେ ଖୋଲା ପବନ ଏବଂ ପ୍ରଦୂଷଣ ବିହୀନ ନିଶ୍ୱାସ ଆଉ ମିଳୁ ନାହିଁ

ଗାଁ ରେ ଏସି ର ମାତ୍ର ବଢ଼ିଗଲାଣି l

ଗାଁ ପୋଖରୀ ରେ ଲମ୍ଫ ମାରି ଗାଧୋଇ ପଦ୍ମ ତୋଳିବା ଆଉ ନାହିଁ

ଏବେ ଘରେ ଘରେ ବିଦେଶୀ ଗାଧୁଆ ଘରୁ ସାବୁନ ବାସ୍ନା ଉଡ଼ି ବୁଲିଲାନି l

ରବି ଫସଲ ଏବଂ ଖରିଫ ଫସଲ କୁ ନିଜ ବକ୍ଷ୍ୟ ରେ ଉପୂଜାଉଥିବା ଭିଟାମାଟି

ଏବେ ବିଦେଶୀ ସାର ଏବଂ ଅଦିନିଆ ଋତୁ ର ପ୍ରକୋପ ରେ ଫାଟି ଆଁ କଲାଣି l

ଆଉ ସେ ପାଚି ଯାଇଥିବା ଧାନ ର ସ୍ୱର୍ଣୀମ ଚାଦର ଦେଖିବାକୁ ମିଳୁନାହିଁ

ନା ସେ ବିରି ମୁଗ ବିଲ ରେ ଶୀତ କାକର ର ବିନ୍ଦୁ ଦେଖିବାକୁ ମିଳୁଛି l

ଖଟି ଖିଆ ଚାଷୀ ମା ମାଟି ରେ ବସି ବୁକୁ ଫଟା ଚିତ୍କାର କଲାଣି

ଗାଁ ଛାଡ଼ି ପେଟ ଚାଖଣ୍ଡେ ପାଇଁ ସହର ଅଭିମୁଖେ ଦାଦନ ଖଟିବାକୁ ଗଲାଣି l

ସୂର୍ଯ୍ୟ ଉଦୟ ବେଳ ର ସେ ପକ୍ଷୀର କାକଳି ଏବଂ କୋଇଲି ର କୁହୁ ତାନ ବିରଳ ହେଲାଣି

ଏବେ ନିଦ ଭାଂଗିବାର ସହଜ ଉପାୟ ଆଲାରମ୍ ର କଣ୍ଟା ହେଲାଣି l

ଏବେ ଉଦୀୟମାନ ସୁରୁଜ ଦେଖିବାର ସୁଯୋଗ ଆଉ ନାହିଁ

ସେଥିପାଇଁ ନିଜ ସ୍ବପ୍ନ କୁ ବାସ୍ତବ ରେ ପରିଣତ କରିବା ମଧ୍ୟ ହରେଇ ଦେଲାନି l

ପ୍ରାତଃ କାଳେ ଆଉ ମନ୍ଦିର ରେ ଘଣ୍ଟ ଧ୍ଵନି ଏବଂ ଶଙ୍କ ନାଦ ସୁଭୁ ନାହିଁ

ଏବେ ମନ୍ଦିର ଉପରେ ଯାନ୍ତ୍ରିକ ଭଜନ ପରିବେଷଣ ହେଲାଣି l

ଗାଆଁ ର ସେ ମେଳା ମହୋତ୍ସବ ସଙ୍କୀର୍ତ୍ତନ ହଜି ଗଲାଣି

ଏବେ DJ ର ତାଳ ତାଳ ରେ ଗାଆଁ ଟି ମୋର ଦୁଲୁକି ଗଲାଣି l

ଗାଆଁ ରେ ଏବେ ସେ ହୋଲି ର ଭାଇଚାରା ଫଗୁ ଅବିର ଆଉ ନାହିଁ

ବିଦେଶୀ ମଦ ରେ ଅଶ୍ଲୀଳ ସ୍ୱର ରେ ରଙ୍ଗୀନ ହେଲାଣି

ବାର ମାସ ର ତେର ପରବ ଆଉ ନାହିଁ

କେବଳ ନିର୍ବାଚନ ଗୋଟିଏ ପର୍ବ ହି ରହି ଯାଇଛି

ପୂର୍ ପଲ୍ଲୀ ରେ ଆଉ ଘର ବାଡ଼ି ର ପରିବା ଶାଗ ନାହିଁ

ଫ୍ରିଜ୍ ରେ ରଖି ପରିବା ଖାଇବାକୁ ବାଧ୍ୟ ହେଲାଣି

ଘର ଅଗଣା ରେ ଏବେ ସେ ଗୋବର ଲିପା ନାହିଁ

ଘରେ ଘରେ ଏବେ ଗାଈ ର ସ୍ଥାନ ପୋଷା କୁକୁର ନେଳନି

ପିଲା ଦିନ ର ସେ ଡାଳ ବାଗୁଡ଼ି କବାଡି ଖେଳ ନାହିଁ

ଏବେ ସ୍ମାର୍ଟ ଫୋନ ରେ PUBG ରେ ମନ ହଜି ଲାଣି

ଆଗରୁ ଶିଶୁ ସବୁ ମାନସିକ ଏବଂ ଶାରିରୀକ ହୃଷ୍ଟପୃଷ୍ଟ ଥିଲେ

ଏବେ ସବୁ ମେଦ ବହୁଳ, କୁପୋଷଣ ଏବଂ ବିକଳାଙ୍ଗ ରୂପ ନେଲେଣୀ

ଗାଆଁ ରେ ଆଉ ଦେଖିବାକୁ ମିଲୁନି ସେ ଗୋଧୂଳି ର ଲାଲିମା

ଚରା ଭୂମି ସବୁ ଜମି ଦଲାଲ ଙ୍କ ଜୀମା

ସନ୍ଧ୍ୟା ରେ ଆଉ ଶୁଭୁନାହିଁ ସେ ଭାଗବତ ଟୁଙ୍ଗି ର ଜଣାଣ

ଏବେ ଖାଲି ଶୁଭୁଛି ଦୁଇ ଚକିଆ ଆଉ ଚାରି ଚକିଆ ଯାନ ର କର୍କଶ ଧ୍ଵନି

ଆଉ ନାହିଁ ସେ ଯୌଥ ପରିବାର ର ସଂଜ୍ଞା

ଏବେ ଭାଇ ହେଲା ଭଗାରି ରେ ବିଶ୍ୱାସ ବଢ଼ିଲାଣି

ଆଉ ନାହିଁ ସେ ବୁଢ଼ୀ ମା ର ପାନ ବଟୁଆ

ଏବେ ଘରେ ଘରେ ପରିଚିତ ଗୁଟକା ମସଲା

ଆଉ ନାହିଁ ସେ ଗୁରୁକୂଳ ର ଗୁରୁ ଏବଂ ଗୁରୁମା

ଏବେ ସାର ଏବଂ ମାଡ଼ାମ୍ ର ରୂପ ନେଲାଣି

ସେ ଡିବି ଆଲୁଅ ଲଣ୍ଠନ ଦେଖିବା ଦୁର୍ଲ୍ଲଭ ହେଲାଣି

ଘର ସବୁ LED ବଲବ୍ re ଝଲସି ଗଲାଣି

ଆଉ ସେ ମୋ ଗାଆଁ ମୋ ମା ରେ ବିଶ୍ୱାସ ନାହିଁ

ଏବେ ମୋ ସହର ସ୍ମାର୍ଟ ସିଟି ରେ ବିଶ୍ୱାସ ବଢି ଲାଣି

ଗାଆଁ ତ ସାରା ମୋର ଜନ ଶୂନ୍ୟ ହେଲାଣି

ଚାରି ଆଡେ଼ ଖାଲି ଖାଁ ଖାଁ ଲାଗିଲାଣି

ବୁଢ଼ୀ ମା କୁ ଛାଡ଼ି ଚାଲିଗଲାଣି ପୁଅ ବଧୂ କୁ ନେଇ ସହର କୁ

ମା ର ନିଦ ବାଜିଲାଣି ପୁଅ ର ଫେରନ୍ତା ବାଟ କୁ ଚାହିଁ

ଆଖିରୁ ଲୁହ ସରୁ ନାହିଁ ମୋ ଗାଁ ଏବଂ ମୋ ମା ର

ତଥାପି ସହରିଆ ବନ୍ୟା ବାତ୍ୟା ପ୍ରତାଡ଼ିତ ଙ୍କୁ ଆପଣାଇ ନିଏ ପଣତ କାନି ରେ

ଡାକ ବାଲା ଡାକ ଦେବାର ସେବା ଭୁଲିଗଲେଣି

ଏବେ ମୋବାଇଲ ମେସେଜ ରେ ଖେଳ ହେଲାଣି

କୋଠ ଘରେ ଆଉ ନାମ ଜପ ଥମି ଗଲାଣି

ଖରାବେଳେ ସେଠୀ ତାସ ଖେଳ ର ଆସର୍ ହେଲାଣି

ପାଲା ଦାସକାଠିଆ କଣ୍ଢେଇ ନାଚ ମଉଳି ଗଲାଣି

ଜାତି ଧର୍ମ ରେ ଗାଆଁ ତ ମୋର ବାଣ୍ଟି ହେଇଗଲାଣି

ଆଉ ରମଜାନ ରେ ରୋଜା ରେ ହିନ୍ଦୁ ର ଫଳ ପ୍ରଦାନ ନାହିଁ

କି ହିନ୍ଦୁ ର ଅଷ୍ଟ ପ୍ରହରୀ ରେ ମୁସଲମାନ ର କରତାଳି ଶୁଭୁ ନାହିଁ

ଗାଁ ର ସେ ନିରୀହ ନିର୍ମଳ ନିଛକ ଚରିତ୍ର ଟି ଲୋପ ପାଇ ଯାଇଛି

ଆଜି ଅର୍ଦ୍ଧ ନଂଗ୍ନ ସହର ରେ ରୂପାନ୍ତରିତ ହୋଇଛି

ଗାଆଁ ର ସେ ସଚ୍ଚୋଟ ପ୍ରେମ, ଅତୁଳନୀୟ ସ୍ନେହ, ନିଃସ୍ଵାର୍ଥପର ସେବା ଆଗରେ

ସହର ର ସବୁ ଚାକ ଚକ୍ୟ ତୁଚ୍ଛ ଦିଶୁଛି

ଆଜି ବି ମୋ ଗାଆଁ ଏବଂ ମା ହାତ ଠାରି ଡାକୁଛି

ଧନ ଫେରିଆ ଫେରିଆ ତୋ ଜନ୍ମ ସ୍ଥାନ କୁ

ସମସ୍ତେ ମିଶି ଗଢି ତୋଳିବା ଏକ ନୂଆ ସମାଜ ଏବଂ ନିର୍ମଳ ଚରିତ୍ର କୁ

କିନ୍ତୁ ଆଜି ନା ଫେରିଛି ଧନ ତ ଗାଆଁ କୁ ନା ମା ପାଖକୁ

ଆଜି ଅସ୍ତଗାମୀ ହେଇଯାଇଚି ଗାଆଁ

ଏବଂ ସ୍ୱର୍ଗବାସୀ ହେଇଯାଇଛି ମା

କରୁଣ କାହାଣୀ ର ଅନ୍ତ ଘଟିଛି

ଧନ ଆଜି ଅମଣିଷ ର ଶେଷ ଶଯ୍ୟା ରେ ପୁରୁଣା ସ୍ମୃତି କୁ ସ୍ୱାଉଣ୍ଟି

ଦୁଇ ଟୋପା ଲୁହ ରେ ଭିଜେଇ ଦେଇଛି ତାର ଅତୀତ ବର୍ତ୍ତମାନ ଏବଂ ଭବିଷ୍ୟତ

ଆଜି ଗାଆଁ ମା ଏବଂ ଧନ ର ଅନ୍ତ ଘଟିଛି।

ଜାଗୃତ ହୁଅ। ମା ମାଟି କୁ ଭଲ ପାଅ।

ଅସ୍ତଗାମୀ ମୋ ଗାଁ

"ମୋ ଗାଁ .... ମୋ ମା"