ନାରୀ କଣ ଏତେ ଦୁର୍ବଳ!!

ନାରୀ କଣ ଏତେ ଅବଳ!!

ନାରୀ କଣ ନିଷ୍ପେସିତ!!

ନାରୀ କୁତ୍ସିତ?

ନାରୀ ଦଳିତ?

ଯଦି ହଁ...!!!

ତେବେ କାହିଁକି?

ନାରୀ ର ଏହା ପ୍ରକୃତି?

ନା ତାକୁ ବନେଇଦିଆ ଯାଉଛି ଏମିତି?

କଣ ତାର ଦୋଷ ?

ନାରୀ ରୂପେ ଜନ୍ମ ନେବା?

ଜନ୍ମ ଦେଇଥିବା ମାଆଟିର ଅବା?

ନାରୀ ରୂପେ ଗଢିଛି ସେ ବିଧାତାର?

ଆଉ ଯଦି ନାଁ ....

ତେବେ କାହିଁକି ଜନ୍ମ ରୁ ମୃତ୍ୟୁ ପର୍ଯ୍ୟନ୍ତ ସହିବାକୁ ପଡୁଛି ନିର୍ମମ ଅତ୍ୟାଚାର ?

ପ୍ରତ୍ୟେକ ସ୍ତରରେ ବନ୍ଧା ଯାଉଛି

ପାଦରେ ଶିକୁଳି?

କାହିଁକି ଏ ପୁରୁଷ କୈନ୍ଦ୍ରିକ ସମାଜର ଯାଉନାହିଁ ନାରୀ ପ୍ରତି

ଥିବା ଚିନ୍ତାଧାରା ବଦଳି?

କାହିଁକି ଭଦ୍ରତାର ପୋଷାକ ପିନ୍ଧି

କୁତ୍ସିତ ମୋନୋଭାବ ପୁରୁଷର

ଦଉଛି ନାରୀର ଆତ୍ମସମ୍ମାନ କୁ ଦଳି?

ଦଉଛି ନାରୀର ଆତ୍ମସମ୍ମାନ କୁ ଦଳି?

ସୃଷ୍ଟି କରେ ବାଧା ଦ୍ୱାହି ଦେଇ ମର୍ଯ୍ୟାଦାର

ଛଡ଼ାଇବାକୁ ଚେଷ୍ଟା କରେ ନାରୀର ସ୍ୱଅଧିକାର

ଦେଖାଇ ହଉଥାଏ ବୃଥା ଅହଙ୍କାର

ଦେଖାଇ ହେଉଥାଏ ବୃଥା ଅହଙ୍କାର ।

ଯୁଗେ ଯୁଗେ ନାରୀ ହୋଇଛି ଅବହେଳିତ

ହୋଇଛି ଅପମାନିତ

ହୋଇଛି ନିର୍ଯ୍ୟାତିତ

ହୋଇଛି କ୍ଷତବିକ୍ଷତ

ମାତା ସୀତା, ଦେବୀ ପାଞ୍ଚାଳୀ ଆଉ ଛବିରାଣୀ ହତ୍ୟାକାଣ୍ଡ

ଅଟେ ଉଦାହରଣ ଜ୍ୱଳନ୍ତ

ଅଟେ ଉଦାହରଣ ଜ୍ୱଳନ୍ତ ।

ସହି ସହି ନାରୀ ଆଜି ଧରଣୀ ସାଜିଛି

ସେଇ ମାଟି ମା ପୁଣି

ଫାଟିଯାଇ ଦେଇ ପାରେ ଗ୍ରାସୀ

ଏହା ପୁରୁଷ ଭୁଲି ତ ଯାଉଛି ।

ସ୍ୱାମୀ ବିବେକାନନ୍ଦ ଭଳି ମହାନ୍ ପୁରୁଷ

କାହିଁ ଗଲେ?

ଯିଏ ନାରୀକୁ ପ୍ରୀୟସୀର ଆକ୍ଷା ନଦେଇ

ମାଆ ବୋଲି ସମ୍ବୋଧନ କରୁଥିଲେ?

ଖୋଜୁଛି ମୁଁ ଗୁରୁ ଦୟାନନ୍ଦ ସରସ୍ଵତୀ

ପରି ବ୍ୟକ୍ତିତ୍ଵ

ଦିଗ ଥିଲା ତାଙ୍କ ସମାଜ ପରିବର୍ତ୍ତନର

ହେଉଥିଲା ଯାହା କଳୁଷିତ

ନାରୀର ସମ୍ମାନ ପାଇଁ

ଅଣ୍ଟା ଭିଡିଥିଲେ

ନାରୀର ମୂଲ୍ୟବୋଧ ବୁଝିଥିଲେ ।

କଣ ରାଜା ରାମମୋହନ ରାୟ ପରି

କେହି ନାହିଁ ?

ଲଢ଼ିଥିଲେ ଯିଏ ସତୀଦାହା ପ୍ରଥାକୁ

ବିଧବା ବିବାହରେ ପରିଣତ କରିବା ପାଇଁ ।

ଏବେ ଖାଲି ଗଣ୍ଡା ଗଣ୍ଡା ଶିକ୍ଷିତ

ମେଞ୍ଚେ ମେଂଚେ ସର୍ଟିଫିକେଟ ଧରି

ପାଠୁଆ ବୋଲାଇ

କର ଯୋଡାଇ

ମିଛ ସ୍ଵୀକୃତି ଦିଅନ୍ତି ଖାଲି

ନାରୀନେତ୍ରୀ ବୋଲାଇ

କାର ଉପରେ ଠିଆ ଯେ କରାଇ।

ଏହା କେବଳ ଅଭିନୟ,

ବାସ୍ତବ ପ୍ରୟୋଜନ କାହିଁ?

କଣ ମୁଁ ଠିକ୍ କହୁଛି କି ନାହିଁ?

ନାରୀ ପୁରୁଷ ମିଶ୍ରିତ ସମାଜରେ

ଆଜି ମୁଁ ନାରୀର ଅସ୍ତିତ୍ବ ଖୋଜୁଛି

ଆଜି ମୁଁ ନାରୀର ଅସ୍ତିତ୍ବ ଖୋଜୁଛି !!!

ଭରି ସଭାରେ ସଭିଙ୍କୁ

ପ୍ରଶ୍ନ ପଚାରୁଛି???

ମର୍ମାହତ ଅନ୍ତର ମୋର ଉତ୍ତର ଖୋଜୁଛି!!!!

ଆଜି ମୁଁ ନାରୀର ଅସ୍ତିତ୍ବ ଖୋଜୁଛି

@ଶୁଭଶ୍ରୀ ନାୟକ

♦️ସ୍ମୃତି ଓ ଅନୁଭୂତି ।

ଆଜି ମୁଁ ନାରୀର ଅସ୍ତିତ୍ବ ଖୋଜୁଛି!!

ସମାଜ ଆଜି ପାଲଟିଛି ପୁରୁଷ କୈନ୍ଦ୍ରିକ,ପାଲଟିଛି କଳୁଷିତ।🥺