ବର୍ତ୍ତମାନ୍ ଆମେ ସବୁ ସ୍ବାଧୀନ, ସ୍ବାଧୀନ ଭାବରେ ବଞ୍ଚିବା ଆମ ଅଧିକାର। ଆଜି ୭୯ତମ ସ୍ଵଧିନଦିବସ ପାଳନ କରିବା ଦିଗ ରେ ଆମେ ବ୍ୟଗ୍ର। ତେବେ ଆମେ ବିଗତ କେତେ ବର୍ଷ ହେବ ସ୍ଵାଧୀନତା ର ସ୍ଵାଦ କୁ ଉପଭୋଗ କରିସାରିଲେଣି। ଆଛା ସ୍ଵାଧୀନତା ମାନେ କଣ? ନିଜ ଇଚ୍ଛା ଯାହା ଆଇନ୍ ସମ୍ମତ, ଆତ୍ମନିର୍ଭଶୀଳ,ସମାନ ଅଧିକାର,ଏକ ସୁସ୍ଥ ସମ୍ପନ୍ନ ବ୍ୟବସ୍ଥା ଯେଉଁଠି ଥିବ ସୁରକ୍ଷା , ନିରାପତ୍ତା,ନଥିବ ନିରକ୍ଷରତା,ନଥିବ ଶୋଷଣ ଥିବ କେବଳ ଶାନ୍ତି ଆଉ ଶାନ୍ତି।ତେବେ ମନ କୁ କେବେ ପ୍ରଶ୍ନ ଆସେନି କଣ ସତ ରେ ଆମେ ସ୍ବାଧୀନ? ଇଂରେଜ ଶାସନରୁ ସିନା ଆଜି ଆମେ ମୁକ୍ତ ହେଲେ ଆମରି ସ୍ବଦେଶ ଲୋକ ଙ୍କ ଚିନ୍ତାଧାରା କଣ ସ୍ବାଧୀନ? ବେଳେେଳେ ମନ କୁ ଏକ ପ୍ରଶ୍ନ ଆନ୍ଦୋଳନ କରେ କଣ ମୁଁ ସତ ରେ ସ୍ବାଧୀନ ଦେଶ ରେ ଜନ୍ମ ନେଇଛି ? କଣ ସତରେ ମୋ ଦେଶ ଆଜି ସ୍ବାଧୀନ। ମୋ ଦୃଷ୍ଟି ତ ଦେଖିଛି ଏଠି ସ୍ବାଧୀନତାର ମୁଖପିନ୍ଧା ସମାଜ ବେଶ୍ ନିଜ ସମାଜ କୁ ପିଞ୍ଜରା ରେ ବନ୍ଦୀ କରିପାରେ ।ଏଠି ତ ପ୍ରତି ମୂହୁର୍ତ୍ତ ରେ ହତ୍ୟା, ଲୁଣ୍ଠନ, ଶୋଷଣ ର ବାର୍ବର ଲୋମତଙ୍କୁରା ଦୃଶ୍ୟ ଦେଖିବାକୁ ମିଳେ । ଏବଂ ଅନେକ ସମୟ ରେ ମର୍ମାହତ ହେବାକୁ ପଡେ ଦେଖି ନବବଧୂ ର ଆତ୍ମହତ୍ୟା, ଲୋନ୍ ସୁଜି ନପରିଚାଷି ମୃତ , ଗୋଷ୍ଠୀ ସଂଘର୍ଷ ରେ ବ୍ୟକ୍ତି ମୃତ ,କିଶୋରୀ ମାନଙ୍କ ଗର୍ଭବତୀ ହେବା, ଏବଂ ନାରୀ ନିର୍ଯାତନା ସହ ଗଣଦୂର୍ଷ୍କମ ଏହିପରି ଅନେକ ଛତିଥରା ଦୃଶ୍ୟ ପ୍ରତିକ୍ଷଣେ ଶୁଣିବାକୁ ମିଳେ,ଦେଖିବାକୁ ମିଳେ ପ୍ରଟିକ୍ଷଣେ ।ମୁ ତ ଶୁଣିଛି ପରାଧୀନ ହେବା ସମୟରେ କ୍ରୁର , ନୃଶଂସ ଇଂରେଜୀ ଗୁଡା ଙ୍କ ଶାସନ ସମୟରେ ଆମ ସାଧାରଣ ଲୋକମାନେ ତ ଏହି ଯନ୍ତ୍ରଣା ଏଇ କଷଣ , ଏଇ ଶୋଷଣ ର ଶୀକାର ହେଉଥିଲେ ତେବେ ପରାଧୀନ ଥିବା ସମୟରେ ଯେଉଁ ସବୁ ଅତ୍ୟାଚାର ଭୋଗ କରୁଥିଲେ ସ୍ଵାଧୀନତା ପ୍ରାପ୍ତ ଅନେକ ବର୍ଷ ପରେ ମଧ୍ୟ ଆମେ ସେହି ଅତ୍ୟାଚାର ,ଦୁଃଖ ,ଦୁର୍ଦ୍ଦଶାକୁ ଭୋଗ କରୁଛେ, ତେବେ କଣ ସତରେ ଆମେ ସ୍ବାଧୀନ?
ବର୍ତ୍ତମାନ ର ସ୍ବାଧୀନ ସମାଜ ରେ ଇଂରେଜ ମାନଙ୍କ ଠାରୁ ଅନେକ କ୍ରୁର ନୃଶଂସ ସାଜି ଭଦ୍ରମୁଖା ପିନ୍ଧି ଆମରି ଗହଳରେ ବାସ କରନ୍ତି।ଅନେକ ସମୟ ରେ ଆସି ଆମରି ଘର ର କବାଟ ବାଡାଏ ଭାରୀ ନିରୀହ ହୋଇ କିନ୍ତୁ ଥରେ ସେଇ ନିରୀହ ମୁହଁ କୁ ବିଶ୍ୱାସ କଲେ ପରମୂହୁର୍ତ୍ତରେ ଯେତେ ଅର୍ତ୍ତନାଦ ଦେଲେ କିଯେତେ ଆକୁଳ ନିବେଦନ କଲେ ମଧ୍ୟ କେହି ତମକୁ ରକ୍ଷା କରନ୍ତି ନାହିଁ। ଯାହାକୁ ଆମେ ଆମ ଗଣତନ୍ତ୍ରର ୪ର୍ଥ ସ୍ତମ ବୋଲି ସ୍ଵୀକାର କରାଯାଏ ସେହି ୪ର୍ଥ ସ୍ତମ୍ଭ ତାଙ୍କ "ହାଣ୍ଡି ପୁରାଇ ଗଣ୍ଡିକୁ ପୋଷନ୍ତି "| ଏଠି ସତ୍ୟର ଜୟ ଜୟ କାର ହୁଏ ନାହିଁ| ଏଠିତ ରାଜନୀତି ର ପଶାଖେଳ ଚାଲେ , ଧଳା କୁ କଳା କଳା କୁ ଧଳା କରାଯାଏ । ଏଠି ସତ୍ୟର ନିଲାମ ହୁଏ ରାଜରାସ୍ତାରେ ଖୁବ୍ କମ୍ ମୂଲ୍ୟରେ | ମିଥ୍ୟା କୁ ପ୍ରଶୟ ମିଳେ ଏଠି ନିଜ ପୂଜା ପ୍ରକୋଷ୍ଠ ରେ | ଏଠି ଏମିତି ହିଁ ହୁଏ। ବାସ୍ତବ ବି ପାଳଟେ ଅବାସ୍ତବ, ଅବାସ୍ତବ ବି ପାଲଟେ ବାସ୍ତବ ।
ମୁଁ ସ୍ଵାଧୀନ ର ସଂଜ୍ଞା ଦେବାକୁ ଯାଇ କହିଥିଲି ଯେଉଁଠି ଥିବ ନିଜସ୍ଵ ସତ୍ତା, ଆମନିର୍ଭରଶୀଳତା,ସୁରକ୍ଷା ଓ ନିରାପତ୍ତା, ଉନ୍ନତ ଶନ୍ତା ଧରା, ବିକାଶ ଏବଂ ନିରକ୍ଷରତା।
ଏହି ସବୁକୁ ଟିକେ ଦୃଷ୍ଟିପାତ କରାଯାଉ, ଏଠି ତାହା ଅଛି ତ ? କ'ଣ ଆଜି ବି ନାରୀଟିଏ ନିଜ ଇଚ୍ଛା ରେ ଘରୁ ଗୋଡ଼ ବାହାରକୁ ଯାଇପାରେ ନିଜ ଇଚ୍ଛା ମୁତାବକ ପୋଷାକ ଧାରଣ କରିପାରେ, ନିଜ ଇଚ୍ଛାନୁଯାଇ କ'ଣ ତାକୁ ସମ୍ମାନ ମିଳେ । ସେ ସବୁଥିରୁ ବଞ୍ଚିତ କାହିଁକି ହୁଏ ଘରେ ଥାଇ ମଧ୍ୟ ଅସହାୟ ମତା ସମାଜରେ ଲାଞ୍ଛିତର ଆଖା ପାଏ, ଶାଶୁ ଘରେ ବିତାଡିତ ହୁଏ, କର୍ମ କ୍ଷେତ୍ରରେ ଅପସ୍ଥ ହୁଏ ଏହିପରି ଅନେକ ସମସ୍ୟାର ସମ୍ପୁଖୀନ ସେ ହୁଏ । ତେବେ ଆମେ ପା ସ୍ଵାଧୀନ, ହଁ ହଁ ନିଶ୍ଚୟ ତାହା ନ ହୋଇଥିଲେ କ'ଣ ଦିନକୁ ଦିନ ନାରୀ ନିର୍ଯ୍ୟାତନା ବତିଥାନ୍ତା।
ସୁରକ୍ଷା କଥା ଆଉ କ'ଣ କହିବି ଏଠି ତ ପୁରୁଷ ମାନେ ବି ଅସୁରକ୍ଷିତ,ଏଠିତ ବାଟେ ଘାଟେ ସବୁଠି ବଢିଚାଲିଛି ଚୋରୀ, ଉକାୟିତ, ହିଂସା, ଲୁଣ୍ଠନ, ହତ୍ୟା ଆପଣମାନେ ନିତ୍ୟ ସମ୍ବାଦ ଶୁଣୁଥିବେ ମୁଁ ବା ଅଧିକା ଆଉ କ'ଣ କହିବି । ଏଠି ତା ଅତିଉଚ୍ଚ ଶିକ୍ଷିତ ଲୋକ ସାଧାରଣ ଲୋକ ଙ୍କୁ ଲୁଣ୍ଠନ କରନ୍ତି | ସାଇବର କ୍ରାଇମ କଥା ଆଉ କ'ଣ କହିବି ନିଶ୍ଚୟ ଆମେ ସ୍ଵାଧୀନ ଆମ କାର୍ଯ୍ୟ କଳାପ ବି ସ୍ଵାଧୀନପରି ହେବ ।
ସମାନତା କଥା ଆଉ କ'ଣ ଲେଖିବି ଏଠି ତ ଛୁଆଁ ଅଛୁଆଁ ଜାତି ର ଭେଦଭାବ ଠାରୁ ଦେଶ ସ୍ଵାଧୀନ ପରେ ଧନୀ ଗରିବ ଭେଦଭାବ ହୁ ହୁ ହୋଇ ବଢିଚାଲିଛି ।
ସ୍ଵାଧୀନ ଦେଶର ଶାସନ ବ୍ୟବସ୍ଥାକୁ ଦେଖିଲେ ମନରେ ବହୁତ ଦୁଃଖ ଆସେ , ସତରେ କ'ଣ ରାମରାଜ୍ୟ ର ସ୍ବପ୍ନ ସ୍ୱପ୍ନରେ ରହିଯିବ...
ଏମିତ ତ୍ କହିବସିଲେ ପୃଷ୍ଠା ପରେ ପୃଷ୍ଠା ଶେଷ ହୋଇଯିବ କିନ୍ତୁ ଶାସନ ବ୍ୟବସ୍ଥା ଓ ନିଜ ସ୍ଵାଧୀନତା ଉପରେ ଅଭିଯୋଗ ସରିବନି, ତେବେ ବି ଆମେ ଭାରୀ ଖୁସିର ସହ ସ୍ଵାଧୀନତା ଦିବସ ପାଳନ କରୁଛେ, ଇଂରେଜ ମାନଙ୍କ ଶାସନ ସିନା ଚାଲି ଯାଇଛି କିନ୍ତୁ ତାଙ୍କ ଚିନ୍ତାଧାରା ଆଜି ବି ଆମ ସମାଜରେ ବଞ୍ଚିରହିଛି।
"ଆଜି ଆମେ ସ୍ଵାଧୀନ ହୋଇ ମଧ୍ୟ ପରାଧୀନ |"
"ଯେଉଁ ଦିନ ଥିବ ସମାନତା , ସୁରକ୍ଷା, ନିର୍ଭୟ, ନ ଥିବ ନାରୀ ନିର୍ଯ୍ୟାତନା ନ ଥିବ ଭେଦ ଭାବ ତେବେ ଉଦିତ ହେବ ସ୍ଵାଧୀନତା ର ନୂତନ ସୂର୍ଯ୍ୟ, ତାଙ୍କରି କିରଣରେ ଚିକ୍ ମିକ୍ କରିବ ମୋ ସାରା ଭାରତ"l

ସେ ଯାହା ବି ହେଉ ବର୍ତ୍ତମାନ ତ ଆମେ ସ୍ଵାଧୀନ ଆଉ ଆମେ କେତେ ସ୍ଵାଧୀନ ସେ ପ୍ରଶ୍ନ ନିଜେ ନିଜ ମନ କୁ ପଚାରିଲେ ହୁଏତ ଉତ୍ତର ସନ୍ତୋଷଜନକ ହେବ ।

ନାମ:- ସୁକନ୍ୟା ବରାଳ
ଉତ୍କଳ ବିଶ୍ଵବିଦ୍ୟାଳୟ,ସ୍ନାତକୋତ୍ତର ୧ମ ବର୍ଷ ଛାତ୍ରୀ

ଆମେ ସ୍ବାଧୀନ ତ??

ମୋ ଦୃଷ୍ଟିକୋଣ ରେ ସ୍ୱାଧୀନତା