ଆସିଗଲା ଆମ୍ବ ବଉଳ କାଳ
ଯେଉଁଠି ଦେଖିଲେ ଖାଲି ବଉଳ

ଗଜା ମାରିଛିି କଅଁଳ କଅଁଳ ପତ୍ର
ଲାଗେ ଯେମିତି ପରିବେଶର ମିତ୍ର

ସବୁଜ ଡାଳରେ ଗୋଲାପି ଗଜା
ଯେମିତି ମୁକୁଟ ପିନ୍ଧିଛି ରାଜା

ପତ୍ର କଣରେ ଛୋଟ ବଉଳ ଦିଶେ
ମହକରେ ତାର ଧରିତ୍ରୀ ରସେ

କୋଇଲି ମାନଙ୍କ ଲାଗିଛି ମେଳ
ଆମ୍ବ ଗଛରେ ଖେଳନ୍ତି ଖେଳ

କୁହୁ କୁହୁ ନାଦରେ ସାରା ପରିବେଶ
ଲାଗୁଛି ଯେମିତି ଦିଅନ୍ତି ଆଶିଷ

ଲାଗୁଛି ପ୍ରଚୁର ଆସିବ ଆମ୍ବ
ଖରା ମାସଟି ହୋଇବ ଲମ୍ବ

ଆମ୍ବଗଛ ଅଦ୍ୟ ଦିଶଇ ରାଜା
ବଉଳରେ ହୋଇଛି ମୁକୁଟ ସଜା

ପବନ ବହେ ବଉଳ ମହକ
ପ୍ରକୃତି ନାଇଛି ଅତର ରସ

ବଉଳ ସହ ଗ୍ରୀଷ୍ମ ହେଲା ପ୍ରବେଶ
ସଚେତ ରହିବା ସବୁ ଅଶେଷ

କବି: ସୁନୀଲ୍ କୁମାର୍ ଚୈାଧୁରୀ

ଆମ୍ବ ବଉଳ Mango

The season of mangoes is here.The fruit king is arriving in style.