ଓଡିଆ ଖାଦ୍ୟ 🌹🌹

ମଣିଷ କଣ ଜୀବଜନ୍ତୁ ବୃକ୍ଷଲତା ସମସ୍ତଙ୍କ ର ଜୀବନ ଧାରଣ ନିମନ୍ତେ ଖାଦ୍ୟ ନିତ୍ୟାନ୍ତ ଆବଶ୍ୟକ ।ଜୀବନ ବଞ୍ଚିବା ସହିତ ଶରୀର ର ବୃଦ୍ଧି ଓ ବିକାଶ ରେ ମଧ୍ୟ ଖାଦ୍ୟ ସାହାଯ୍ୟ କରିଥାଏ ।ଖାଦ୍ୟ ରୁ ବିଭିନ୍ନ ପ୍ରକାର ଭିଟାମିନ ଓ ପୃଷ୍ଟିସାର ନେଇ ଜୀବ ମାନଙ୍କଶରୀର ଗଠନ ହୋଇଥାଏ ।ଖାଦ୍ୟ ର ଉପଯୋଗିତା ଓ ପୋଷାକ ତତ୍ତ୍ୱ ଆଖି ଆଗରେ ରଖି ଖାଦ୍ୟ ଗ୍ରହଣ କରିବା ଉଚିତ୍ ।ଆମ ଓଡିଶା ରେ ବିଭିନ୍ନ ସ୍ୱାଦର ବିଭିନ୍ନ ପ୍ରକାର ର ଖାଦ୍ୟ ପ୍ରସ୍ତୁତ ହୋଇଥାଏ ।ଆମ ଆରାଧ୍ୟ ପ୍ରଭୁ ଶ୍ରୀ ଜଗନ୍ନାଥଙ୍କ ର ଚଉଷଠି ବ୍ୟଞ୍ଜନ ତ ସାରା ପୃଥିବୀ ଜାଣିଛି।

ଓଡିଶା ର ପ୍ରଧାନ ଖାଦ୍ୟ ଭାତ।ଆଉ ପଖାଳ ତ ପ୍ରତି ଓଡିଆ ର ପ୍ରୀୟ ଖାଦ୍ୟ ।ଏଇ ପଖାଳ ପ୍ରସୁତ ପ୍ରଣାଳୀ ମଧ୍ୟ ଭାରି ସରଳ।

ଆମ ଠାକୁର ବଳଦେବଜୀଉ ଙ୍କର ମଧ୍ୟ ପଖାଳ ପ୍ରୀୟ ପ୍ରତିଦିନ ବଡସିଂହାର ଧୂପ ରେ ଦହି ପଖାଳ, ଭଜା ଓ ନବାତ ଭୋଗ ହୋଇଥାଏ ।ସେ ଦହି ପଖାଳ ର ମହିମା ବହୁତ ।ସକାଳୁ ସକାଳୁ ଓଡିଆ ଘରର ଚଷା ପୁଅ କଂସାଏ ପଖାଳ ଖାଇ ବିଲ କୁ ବାହାରି ଯାଏ ।ପଖାଳ ର ମହତ୍ତ୍ୱ ଏମିତି ଯେ

ଆମ ଗୀତ ରେ ବି

"ଆସ ଜୀବନ ଧନ

ମୋର ପଖାଳ କଂସା ।

ସଜନୀ ରେ ତୋ ବିହୁନେ ମୋ ବୁଡିଲା ହଂସା।"

ଏମିତି ଗୀତ ଶୁଣି ଭାବି ପାରିବେ,ପଖାଳ ର ଆଉ ଓଡିଆ ର ସଂପର୍କ ।

ଏଇ ପଖାଳ ଆମ ଜୀବନରେ ଏକ ସ୍ୱତନ୍ତ୍ର ସ୍ଥାନ ।ଏ ପଖାଳ କିପରି ସୃଷ୍ଟିହେଲା କିଏ କହିପାରିବ କି ନାହିଁ ମୁଁ ଜାଣିନି।ହେଲେ ପଖାଳ ଶବ୍ଦ ସଂସ୍କୃତ ଶବ୍ଦ ପ୍ରକ୍ଷାଳନ ରୁ ଆସିଥିବ।

ପଖାଳ ଆମେ ସାଧାରଣ ଚାରିପ୍ରକାର ର ପଖାଳ ଦେଖି ଥାଉ,ସଜ ପଖାଳ, ଦହି ପଖାଳ, ଛୁଙ୍କ ପଖାଳ, ଆଉ ବାସି ପଖାଳ ।ଯାହା ହେଉ ଏଇ ଓଡିଆ ର ପ୍ରୀୟ ଖାଦ୍ୟ ପଖାଳ ଏବେ ବହୁତ ଉପକାରୀ ବୋଲି ସାବ୍ଯସ୍ତ ହୋଇ ସାରିଲାଣି ।

ଚଉଷଠି ବ୍ୟଞ୍ଜନ ଖାଉଥିବା ପ୍ରଭୁ ଜଗନ୍ନାଥ ଙ୍କର ଅବଢା କୁଡିଆର ଡାଲି , ବେସର , ମହୁର ,ଆମ୍ବିଳ ଆଦି ର ସ୍ଵାଦ ଆଉ ଗୁଣ ବତ୍ତାର ବର୍ଣ୍ଣନା ମଧ୍ୟ ବଡ କଷ୍ଟ ସାଧ୍ୟ।

ଓଡିଶା ର ପଖାଳ କଂସା ସହିତ ଶାଗ ଭଜା, ବଢିଚୂରା ,ମାଛ ଚଡଚଡି ,କାକୁଡି ,ଦହି , ବାଇଗଣ ଭର୍ତା , ଭିନ୍ନ ଭିନ୍ନ ପରିବାର ଭଜା। ଆଦି ବେଶ୍ ମଜା ଆସେ । ଆମ ଓଡିଆର ଦସିଆ ବାଉରି ପଖାଳ କଂସା ରେ ଶାଗ କୁ ଦେଖି ନାଚ କରିବା କଥା ଅମେ ଶୁଣିଛୁ।

ଦସିଆ ର ଘରଣୀ ପଖାଳଭାତ ମଝିରେ ଶାଗ ଥୋଇଦେଇ ଯାଇଛି ବାଡି କୁ ,ବାଡି ରୁ ପତ୍ର ଖଣ୍ଡେ ଆଣି ଖାଦ୍ୟ ବାଢିବ ।ଦସିଆକୁ ସେ ଧଳା ଭାତ ମଝିରେ ଗୋଲ୍ ହୋଇ ଥୁଆ ହୋଇଥିବା ଶାଗ ଜଗନ୍ନାଥ ଙ୍କ ଆଖି ପରି ଦେଖାଯାଇଥିଲା ।

ଯାହାକୁ ଦେଖି ସେ ଖୁସି ରେ ବିଭୋର ହୋଇ ନାଚ କିର୍ତ୍ତନ କରିବା ଆରମ୍ଭ କରିଦେଇଥିଲା ।

ଆମ ଖାଦ୍ୟ ସହ ଏମିତି କେତେ କହଣୀ ରହିଛି ।ଆମ ଠାକୁର ଲକ୍ଷ୍ମି ମାଆ ଙ୍କ ମାନଭଙ୍ଗ କରିବା ପାଇଁ ରସଗୋଲା ଖୁଆଇବା ପ୍ରଥା ମଧ୍ୟ ଆମର ଅଛି ।

ଆମ ଘରର ଝିଅ ବାହାଘର ପରେ ଜୋଇଁ ଙ୍କର ପଖାଳ ଖିଆ ବିଧି ବି ଅଛି ।ସେଥିରେ ପୁଣି କେତେ କଣ ଦାବି ଥାଏ । ସେତେବେଳେ ଏକ ନୂତନ ସଂପର୍କ ର ସୃଷ୍ଟି ବି ଏଇ ପଖାଳ ରୁ ଆରମ୍ଭ ହୋଇଥାଏ । ଏଇ ପଖାଳ ଖିଆ ର ମଜା ବହୁତ । ଆମ ସବୁ ଜିଲ୍ଲା ମାନଙ୍କରେ ଭିନ୍ନ ଭିନ୍ନ ସ୍ବାଦିଷ୍ଟ ଖାଦ୍ୟ ର ସୁନାମ ଅଛି ।

ଅନୁଗୁଳ - ଦହିପଖାଳ

ବୌଦ୍ଧ - କରଡି ବେସର ବରା

ବଲାଙ୍ଗିର - ଝୁରି ପୁରଗା

ବରଗଡ - ରସବରା, ଆମ୍ବିଳ

ବାଲେଶ୍ଵର - ଗଜା

ଭଦ୍ରକ- ପାଳୁଅ ଲଡୁ , ଛେନା ମୁଡୁକି

କଟକ - ଦହି ବରି ଆଳୁଦମ୍

ଦେବଗଡ - ବେସର

ଢେଙ୍କାନାଳ - ବରା

ଗଞ୍ଜାମ୍ - ଆଚାର , ପାମ୍ପଡ

ଗଜପତି - ଆଳୁ ପୋଟଳ ରସା

ଝାରସୁଗଡି - ଚକୁଳି ପିଠା

ଯାଜପୁର - ଚିଙ୍ଗୁଡି କଷା

ଜଗତସିଂପୁର - ଚିଙ୍ଗୁଡି ,କଙ୍କଡା କଷା

ଖାର୍ଦ୍ଧା -କୋରାଖଇ

କେନ୍ଦୁଝର - ବଡି

କଳାହାଣ୍ଡି - ହେଣ୍ଡୁଆ ପାତଳ ଘଣ୍ଟା , ଆରିସା

ପିଠା

ପୁରୀ -ମହାପ୍ରସାଦ , ଛେନା ଝିଲ୍ଲି

ସୋନପୁର -ଚକା ପିଠା

କନ୍ଧମାଳ -ଝରା ଅଟକଳି

କୋରାପୁଟ -କରଡି ଭଜା

କେନ୍ଦ୍ରାପଡ଼ା- ରସାବଳି

ମାଲକାନିଗିରି -ଶୁଖୁଆ

ମୟୁରଭଞ୍ଜ -ମୁଢି ମାଂସ

ନବରଙ୍ଗପୁର- ଆଳୁ ବିଲାତି ଖଟା

ନୂଆପଡା -ବାଉଁଶ କରଡି

ନୟାଗଡ -ଛେନାପୋଡ

ରାୟଗଡ -ଛତୁରାଇ

ସମ୍ବଲପୁର- ସରସତଆ

ସୁନ୍ଦରଗଡ -ସାରୁପତ୍ର ମାଗୁର

ଇଏତ ସାଧାରଣ ଜାଣିବା କଥା ଏହା ଛଡା ଆହୁରି କେତେ ପ୍ରକାର ଖାଦ୍ୟ ଅଛି । ଯାହାକୁ ଆମେ ବର୍ଣ୍ଣନା କରିବା କାଠିକର ପାଠ ।ଆମ ଗାଁ ଗଣ୍ଡା ମାନଙ୍କରେ ପତ୍ରପୋଡା ହୁଏ ,ଏଥିରେ ଶାଗ, ରଶୁଣ ,ଶୋରିଷ ବଟା, ଲଙ୍କା ଆଦି ପଡି ପତ୍ରରେ ଗୁଡାଇ ଚୁଲିରେ କାଠ ନିଆଁ ରେ ପୋଡା ହୁଏ । ଚୁନାମାଛ କିମ୍ବା ଚୁଙ୍ଗୁଡି ରଶୁଣ ,ଶୋରିଷ ବଟା, ଲଙ୍କା ଆଦି ପଡି ତେଲରେ ଗୋଳାଇ ପତ୍ରରେ ଗୁଡାଇ ବନ୍ଧି ଚୁଲିରେ ପୋଡା ଯାଇଥିଏ ।

ଆଉ ଆମ ପିଠା ପଣା କଥାତ ନିଆରା ପର୍ବ ଅନୁସାରେ ବିଭିନ୍ନ ପ୍ରକାର ପିଠା ହୁଏ ।ମଣ୍ଡା ,କାକରା ,ପୋଡ ପିଠା, ଚିତଉ , ମାଲପୁଆ , ଆରିସା, ଆହୁରି କେତେ ରକମ ର ପିଠା ଆମ ଓଡିଆ ଘରେ ପ୍ରସ୍ତୁତ କରାଯାଇଥାଏ।

ଆମ ଖାଦ୍ୟ ରେ ସ୍ବାଦ ଗୁଣ ବତ୍ତା ସହିତ ଶରୀର ରେ ପୋଷକ ଭରି ରହିବା ଭଳି ଖାଦ୍ୟ ପ୍ରସ୍ତୁତ ହୋଇଥାଏ । କେଉଁ ସମୟ ରେ କଣ ଖାଇଲେ ଆମେ ସେଥିରୁ ଉପକାର ପାଇବା ତାହା ଆମ ପୁର୍ବପୁରୁଷ ମାନେ କହିଛନ୍ତି ।

"ମାଘେ ଦହି,ପୁଷେ ଖଇ।

ଚଇତ୍ରେ ଲିମ୍ବ ,ଚକୁଳି ଖାଇ ।"

ହିନ୍ଦୁ ନବବର୍ଷ ର ଆରମ୍ଭ ପଣା ସଂକ୍ରାନ୍ତି ଠାରୁ ଆମର ଗ୍ରୀଷ୍ମ ଋତୁ ଖରା ପ୍ରବଳ ହୋଇଥାଏ । ଏ ସମୟରେ ଆମ ଶରୀର ଅତ୍ୟଧିକ ଜଳ ଆବଶ୍ୟକ ହୋଇଥାଏ।ଏଥି ପାଇଁ ଆମର ବିଭିନ୍ନ ପ୍ରକାର ପଣା ହୋଇଥାଏ ।

ଯଥା - ବେଲ ପଣା ,ଛତୁଆ ,କଦଳୀ ,ଆମ୍ବ ମିଶ୍ରିତ ପଣା ହୋଇଥାଏ । ପ୍ରତି ପର୍ବ ସହିତ କିଛି କିଛି ନିଆରା ସ୍ଵାଦିଷ୍ଟ ଖାଦ୍ୟ ଯୋଡି ହୋଇ ରହିଛି । ଓଡିଆ ଘର ର ରଜ ପର୍ବ ରେ ସବୁ ପ୍ରକାର ର ପିଠା ପ୍ରସ୍ତୁତ ହୋଇଥାଏ ।ପ୍ରଥମାଷ୍ଟମୀରେ ବା ପଢୁଆଁ ଅଷ୍ଟମୀ ର ଏଣ୍ଡୁରୀ ପିଠା , ହଳଦି ପତ୍ର ରେ ଗୁଡା ତ ସ୍ଵାଦ, ବସନା , ଓ ଗୁଣ ବତ୍ତାରେ ବି କିଛିକାମ୍ ନୁହେଁ । ଆଉ ଛେନାପୋଡ ପୁରା ନିଆରା , ନୟାଗଡ ରୁ ଜନ୍ମ ହୋଇ ,ସାର ଦେଶ ରେ ବିକ୍ଷ୍ୟାତ ହୋଇଗଲାଣି ।

ଆଉ ମାଆ ମଙ୍ଗଳା ଙ୍କର ପୂଜା ର ଗେଟେଇ ପିଠା ଭୋଗ ।ଲକ୍ଷ୍ମୀ ପୂଜା ବ୍ରତ ଓଷା ର ସିଝା

ମଣ୍ଡା, ଛଣାମଣ୍ଡା,ଛୁଞ୍ଚିପତର ଏତେ ପ୍ରକାର ପିଠା ଯାହାର ସ୍ୱାଦ ତ ସ୍ୱାଦ ନାମ ବି ମଜାଦାର ।ଚିତାଲାଗି ଅମାବାସ୍ୟା ର ଚିତଉ ପିଠା ହଉ କି ସାତପୁରି ଅମାବାସ୍ୟା ର ସାତପୁରି ହଉ ସେ ସବୁ ର ସ୍ୱାଦ ନିଆରା ।ଆମ ପ୍ରଧାନ ଖାଦ୍ୟ ଭାତ କୁ ବି ଆମେ କେତେ ପ୍ରକାର ର ବନାଉ।ସାଧାଭାତ, ଖେଚୁଡି, କାନିକା, ପଲଉ, ପଞ୍ଚୁବର୍ଣୀ,ମିଠା ପଲଉ ଇତ୍ୟାଦି ।

ଓଡିଆ ଘରର ଖାଦ୍ୟ ର ବର୍ଣ୍ଣନା ଏତେ ସହଜ କଥା ନୁହେଁ ।ଆମ ରାଜ୍ୟର ଖାଦ୍ୟ ର ପ୍ରଚାର ଓ ପ୍ରସାର ହେବା ଉଚିତ ।ଏବେ ଯେଉଁ ସବୁ ରାଜ୍ୟ ସ୍ତରୀୟ ରୋଷେଇ ପ୍ରତି ଯୋଗିତା ହେଉଛି, ସେଥିରେ ଆମ ରାଜ୍ୟର ଲୋକ ଭାଗ ନେବାଦ୍ୱାରା ଆମ ରାଜ୍ୟର ଖାଦ୍ୟ ର ପ୍ରଚାର କିଛି ମାତ୍ରାରେ ହଉଛି ମଧ୍ୟ ।

ଆମ ଓଡିଆ ଖାଦ୍ୟ

Odia khadya