ଆମ ରାଜ୍ୟରେ ଗ୍ରାମାଞ୍ଚଳରେ ବାସ କରୁଥିବା ପ୍ରତ୍ୟେକ ଲୋକ ବର୍ଷାଦିନେ ଓ ଶୀତଦିନେ ସେମାନଙ୍କର ଚାଳଛପର ବା କୋଠାଘର ଛାତ ଉପରକୁ ଲାଉ ଲତା ମଡ଼ାଇଥାଆନ୍ତି । କେହି କେହି ମଞ୍ଚା କରି ବା କେହି ଗଛ ଉପରକୁ ଲଟାଇ ଦେଇଥାଆନ୍ତି । ବର୍ଷାଋତୁ ସମୟରେ ଗାତ କରି ସେଥିରେ କମ୍ପୋଷ୍ଟ, ଗୋବର ଖତ, ଛେଳିଲଣ୍ଡି, ପାଉଁଶ ଇତ୍ୟାଦି ଭର୍ତ୍ତି କରି ଦୁଇ ତିନୋଟି ମଞ୍ଜି ଲଗାଇଥାଆନ୍ତି । ଗଛ ବଡ଼ ହେଲେ ଗୋଟିଏ ବା ଦୁଇଟି ଗଛ ରଖିଥାଆନ୍ତି । ଶୀତଦିନେ ମଳାକରି ପାଣି ଦିଆଯାଏ । କେହି କେହି ହାଣ୍ଡି ଧୂଆ ପାଣି, ଆଇଁଷପାଣି, ଥଣ୍ଡାପେଜ ମୂଳରେ ଦିଅନ୍ତି । ଗଛ ମୋଟା ହୋଇ ଫୁଲଫଳ ଧରିଲାବେଳକୁ କେହି କେହି ଗଛର ମୂଳ କାଣ୍ଡକୁ ଚିରି ଟିକିଏ ଅଫିମ ପ୍ରୟୋଗ କରି କପଡ଼ା ଓ ଜରିରେ ବାନ୍ଧିଦିଅନ୍ତି । ଗଛରେ ପ୍ରଚୁର ଫଳଧରେ । ଏହି ଲାଉ ନରମ ଓ ଖାଇବାକୁ ଭଲ ଲାଗେ । ଗ୍ରାମର ଲୋକେ ସ୍ଥାନୀୟ ବିହନ ବ୍ୟବହାର କରିଥାନ୍ତି । କିନ୍ତୁ ଆମ ରାଜ୍ୟରେ ଲାଉଚାଷ ବର୍ଷା ଓ ଗ୍ରୀଷ୍ମ ଋତୁରେ ଲାଭଦାୟକ ଭାବେ ଚାଷ କରାଯାଏ ।

ଲାଉ ଚାଷର ମୁଖ୍ୟ ପଦକ୍ଷେପ:
(୧) ଜାଗା ଓ ପାତ୍ର:
ଛାତ ବା ବାଡ଼ିରେ ଇଟା/ମାଟି କୁଣ୍ଡ, କିମ୍ବା ମାଟି ପାତ୍ର ବ୍ୟବହାର କରାଯାଏ । ୩୦×୨୦ ଫୁଟ ଜାଗାରେ ପରିବାରପିଛା ଚାଷ ସମ୍ଭବ ।

(୨)ମାଟି ଓ ସାର:
ଉର୍ବର ମାଟିରେ ଗୋବର ଖତ, ଗୋମୂତ୍ର, ଓ ଜୈବିକ ସାର ମିଶାଯାଏ । ଜଳନିଷ୍କାସନ ବ୍ୟବସ୍ଥା ଜରୁରୀ ।

(୩) ରଞ୍ଜା ବ୍ୟବସ୍ଥା:
ଲାଉ ଲତା ପାଇଁ ବାଡ଼ି/ରଞ୍ଜା ଦେବାକୁ ହୁଏ, ଯାହା ଲତାକୁ ଭୂମିରୁ ଉପରକୁ ବଢ଼ିବାରେ ସହାୟକ ହୁଏ ।

(୪)ରକ୍ଷଣାବେକ୍ଷଣ:
ନିମ୍ ତେଲ, ହାଣ୍ଡିଖତ ଇତ୍ୟାଦି ଜୈବିକ ପଦାର୍ଥ ଦ୍ୱାରା ରୋଗ ଓ କୀଟ ନିୟନ୍ତ୍ରଣ କରାଯାଏ । ନିୟମିତ ଜଳସେଚନ ଆବଶ୍ୟକ ।

(୫)ଫସଲ ତୋଳା:
୬୦-୯୦ ଦିନରେ ଫଳ ତୋଳାଯାଏ । ଛୋଟ ଲାଉ (ଯେପରି କାକୁଡି) ଶୀଘ୍ର ଫଳେ ।

ଉନ୍ନତ ପଦ୍ଧତି:
ଭର୍ଟିକାଲ ଫାର୍ମିଂ: ସୀମିତ ଜାଗାରେ ଉପରକୁ ଥାକ କରି ଚାଷ ।
ଛାତ ବଗିଚା: ସହରୀ ଅଞ୍ଚଳରେ ଟବ/କନ୍ଟେନରରେ ଚାଷ ।

ଲାଉ ଚାଷ ପାଇଁ କମ୍ ଜାଗା, ଜୈବିକ ଯତ୍ନ, ଓ ଉପଯୁକ୍ତ ଆଧାର ଆବଶ୍ୟକ । ସହରୀ କୃଷି ପଦ୍ଧତି ଏଥିପାଇଁ ଅନୁକୂଳ ।

ଉପକାରୀ

ବିଜ୍ଞାନିଙ୍କ ମତରେ ଏଥିରେ କମ୍ କ୍ୟାଲୋରି ଓ ଅଧିକ ତନ୍ତୁ ରହିଅଛି।ଏଥିରେ ଭିଟାମିନ ସି ,କେ,କ୍ୟାଲସିୟମ,ଫସଫରସ ଓ ମିନରାଲସ ପ୍ରଚୁର ପରିମାଣରେ ରହିଛି। ଲାଉକୁ ଆମେ ସାଧାରଣ ତରକାରୀ ଭାବରେ ବ୍ୟବହାର କରାଯାଇଥାଏ। କିନ୍ତୁ ତରକାରୀ କରିବା ଦ୍ବାରା ତା ଭିତରେ ଥିବା ଭିଟାମିନ ପ୍ରାୟ ନଷ୍ଟ ହୋଇ ଯିବାର ସମ୍ଭାବନା ଥାଏ। ଲାଉକୁ କଞ୍ଚା ଖାଇ ହୋଇ ନଥାଏ କିନ୍ତୁ ଲାଉରୁ ରସ ବାହାର କରି କିମ୍ବା ଜୁସ୍ କରି ପିଇ ହୋଇଥାଏ। ଆୟୁର୍ବେଦ ଚିକିତ୍ସା ଅନୁସାରେ ପ୍ରତେକଦିନ ସକାଳେ ଖାଲି ପେଟରେ ଏକ ଗ୍ଳାସ ଲାଉଜୁସ ପିଇଲେ ଅସାଧ୍ୟ ହୃଦରୋଗ, ଉଚ୍ଚ ରକ୍ତଚାପ,କୋଲଷ୍ଟର,ଡାଇବେଟିସ,ବୃକକ ଜନିତ ରୋଗ,କୋଷ୍ଠ କାଠିନ୍ୟ କୁ କମାଇବା ସହ ହଜମ ପ୍ରକ୍ରିୟାରେ ବହୁତ ସାହାଯ୍ୟ କରିଥାଏ। ତତ୍ ସହିତ ମୋଟା ପଣକୁ ମଧ୍ୟ କମ୍ କରିଥାଏ।ମୋଟାମୋଟି କହିବାକୁ ଗଲେ ଲାଉରେ ରୋଗ ପ୍ରତିରୋଧକର କ୍ଷମତା ଥାଏ ତେଣୁ ଲାଉ ଖାଇଲେ ଶରୀରରେ ରୋଗ ପ୍ରତିରୋଧକ ଶକ୍ତି ବଢିଥାଏ।ତେଣୁ ଲାଉରେ ଅନେକ ଅସାଧ୍ୟ ରୋଗ ଦୂର ହୋଇ ଥାଏ ବୋଲି ଆୟୁର୍ବେଦ ଶାସ୍ତ୍ର ରେ ବର୍ଣନା କରାଯାଇଛି ।

!! ସୁଶାନ୍ତ କୁମାର ସାସମଲ
ହନୁମାନ ନଗର ଆସ୍କା ରୋଡ଼
ବ୍ରହ୍ମପୁର ଗଞ୍ଜାମ !!

ଆମ ସ୍ବାସ୍ଥ୍ୟ ଶୀର୍ଷକ --ଲାଉ ର ଉପକାରୀ

ଆମ ସ୍ବାସ୍ଥ୍ୟ ଶୀର୍ଷକ --ଲାଉ ର ଉପକାରୀ