ଆମ ଓଡ଼ିଆ ପରମ୍ପରାରେ ଅନେକ ଓଷା ବ୍ରତ ପାଳନ କରାଯାଏ। ସେଥି ମଧ୍ୟରୁ ଆମେ ଅବା କେତେ ଜାଣିଛେ। "ଯେ ଦେଶେ ଯାଇ ସେ ଫଳ ଖାଇ" ପରି ଓଡ଼ିଶାର ଜିଲ୍ଲା ମଧ୍ୟରେ ଓଷା ବ୍ରତ ଯନିଯାନ୍ତ୍ରା କେତେ ଫରକ୍ ଦେଖାଯାଏ। କେତେକୁ ଆମେ ବର୍ତ୍ତମାନ ପର୍ଯ୍ୟନ୍ତ ତିଷ୍ଠି ରହିଛି ତ ଆଉ କେତେକ ଲୁପ୍ତପ୍ରାୟ ହେବାକୁ ଲାଗିଲାଣି।

ଆଜି ଆଶ୍ୱିନ ମାସର ଅମାବାସ୍ୟାକୁ "ମହାଳୟା ଅମାବାସ୍ୟା "କୁହାଯାଏ ।ଏହା ହିନ୍ଦୁମାନଙ୍କଦ୍ୱାରା ପିତୃପୁରୁଷଙ୍କ ସନ୍ତୁଷ୍ଟି ପାଇଁ ଏକ ଶ୍ରାଦ୍ଧ କର୍ମ କରାଯାଇଥାଏ । ଏହି ଦିନ ବିଶେଷ ଭାବରେ ଦକ୍ଷିଣ ଓଡିଶାରେ ଫୁଲୋରୀ ଓଷା ବା ପୋଲରୀ ଓଷା ଭାବରେ ମା ବଜ୍ର ମହାକାଳୀଙ୍କୁ ଘରେ ଘରେ ପୂଜା କରାଯାଇଥାଏ ।

ଲୋକ ପ୍ରଚଳିତ ପ୍ରଥା

ଏଇ ପୂଜାଟି ଅତି ନିଆରା, ସକାଳୁ ଉଠି ଘରର ଛୋଟ ଛୋଟ ପିଲାମାନେ ହାତରେ ଖଣ୍ଡେ ଖଣ୍ଡେ ବ୍ୟାଗ୍ ଧରୀ ସାତଟା ଘର ବୁଲି ପାରିବା ଓ ଚାଉଳ ସଂଗ୍ରହ କରିଥାନ୍ତି।ପଡୋଶୀମାନେ ଚାଉଳ, ପାରିବାକୁ ଛୋଟ ଛୋଟ ଆକାରରେ କାଟି ରଖିଥାନ୍ତି। ପିଲାଙ୍କୁ ଚାଉଳ ମୁଠାଏ ଓ କିଛି ପରିବା ଖୁସିରେ ଦେଇଥାନ୍ତି

ଓଷାର ନିୟମ

ଆଶ୍ୱିନ ଅମାବାସ୍ୟା ଦିନ ଏଇ ଓଷା କରାଯାଏ। ଏହି ଦିନ ମା ବଜ୍ର ମହାକାଳୀ ବ୍ରତ ବା ପୋଲରୀ ଓଷା କରାଯାଇଥାଏ। ହଳଦି ତେଲ ଲଗାଇ ଶିଳ ଶିଳିପାକୁ ବସାଯାଏ। ହଳଦୀ ରଙ୍ଗର ବସ୍ତ୍ର, ଫୁଲ, ଚନ୍ଦନ, ସିନ୍ଦୂର,ଧୂପ ଦୀପ ଦେଇ ପୂଜା କରାଯାଇଥାଏ।ମାଙ୍କ ପାଖରେ ଧାନଗଛ,ଓଲଗଛ, ବ୍ରଜ ମୂଳି ଆଖୁ ଗଛ ରଖାଯାଏ। ନାରୀମାନଙ୍କ ଆଭୂସଣ ମଧ୍ୟ ପିନ୍ଧାଯାଏ। ହଳଦୀକୁ ଛୋଟ ଛୋଟ ଖଣ୍ଡ କରି ସୂତାରେ ବନ୍ଧାଯାଇ କାକୁଡ଼ିରେ ବାନ୍ଧି ରଖାଯାଏ।

ଭୋଗ ସାମଗ୍ରୀ

ଭୋଗରେ ବିଶେଷ ଭାବରେ ଆରଦ୍ରା(ଚାଉଳ ରେ ତିଆରି ଏକ ପ୍ରକାରର ଖାଦ୍ୟ)ଓ ସାତ ଘରରୁ ଆଣିଥିବା ପରିବା , ସାତ ପ୍ରକାର ଶାଗ ମିଶାଇ ରନ୍ଧାଯାଏ ଏବଂ ତା' ସହିତ ନିଜ ଘରର ନିୟମ ଅନୁସାରେ ଖଟା, ପିଠା,ଫଳ ଭୋଗ କରାଯାଇଥାଏ।ଏହାକୁ କଖାରୁ ପତ୍ରରେ ନିସଂଖୁଡ଼ି ବଢିଯାଏ।

କାହାଣୀ

ବ୍ରତ କଥା ଅନୁସାରେ ଗୋଟିଏ ରାଜ୍ୟରେ ସାଧବ ଘର ଥିଲା।ତାହାର ବହୁତ ସମ୍ପତ୍ତି ଥିଲା। ସାଧବାଣୀ ସତପୁଆ ସାତ ବୋହୂକୁ ନେଇ ଘର କରିଥାଏ। ଶାଶୁ କହିଲେ ଆଜି ଆରଦ୍ରା ଅମାବାସ୍ୟ । ସାତ ବୋହୂକୁ ଡାକି ଓଷା ବିଷୟରେ ଜଣାଇଲେ।

ସାନ ବୋହୂ ଚାଉଳ ଧୋଉ ଧୋଉ ଦୁଇଟି ଚାଉଳ କୁ ପାଟିରେ ପକାଇ ଦେଇଛି ସେହି ସମୟରେ ମା ବଜ୍ର ମହାକାଳୀ ଆସି ହାତକୁ ଧରି ଦେଇଛନ୍ତି। ଏହି କଥାକୁ ଯାଇ ଶାଶୁକୁ କହିବେ ବୋଲି କହିଛନ୍ତି। ଶାଶୁଙ୍କ ଭୟରେ ମା ବଜ୍ର ମହାକାଳୀ ଯାହା ମାଗିବେ ତାଙ୍କୁ ସେ ଦେବେ ବୋଲି ସତ୍ୟ ବଚନ ଦେଇଛନ୍ତି। ଏହି ପରି ଭାବରେ ଓଷାର କାହାଣୀଟି ଗତିକରେ।

ଛଅଟି ପୁଅକୁ ମା ନେଇ ଯାଇଛନ୍ତି। ସପ୍ତମ ସନ୍ତାନ ବେଳେ ଶାଶୁ ଅନେକ ଗାଳି ଗୁଲଜ କରି ଘରୁ ତଡ଼ି ଦେଇଛନ୍ତି। ମା ବ୍ରଜ ମହାକାଳୀ ସାଧବ ବୋହୂଙ୍କୁ ଜଙ୍ଗଲରେ ଦେଖି ରୂପ ପରିବର୍ତ୍ତନ କରି ଏପରି ଦୁର୍ଦ୍ଦଶାର କାରଣ ପଚାରିଛନ୍ତି ।ବୋହୂ କରିଥିବା ସମସ୍ତ ଘଟଣାବଳୀକୁ ଜଣାଇଛି। ଚାଉଳ ଅଇଁଠା କରି ଥିବାରୁ ଏତେ କଷ୍ଟ ସହିବାକୁ ପଡିଲା।ସତ୍ୟବାଦୀ ହେବାରୁ ମା କ୍ଷମା କରିଛନ୍ତି। ମାଙ୍କ କୃପାରୁ ସପ୍ତମ ସନ୍ତାନ ପୁତ୍ର ଜନ୍ମ ହେଲା। ଏକୋଇଶା ଦିନ ମା ବ୍ରଜ ମହାକାଳୀ ସମସ୍ତ ପୁତ୍ରଙ୍କୁ ଓ ସାଧବ ବୋହୂକୁ ଘରକୁ ଯିବାକୁ କହିଛନ୍ତି। ଶାଶୁ ବୋହୂ ଓ ନାତିମାନଙ୍କୁ ଦେଖି ଖୁସି ହୋଇଯାଇଛନ୍ତି। ପିଲାଙ୍କୁ କୋଉଠୁ ପାଇଲୁ ବୋଲି ପ୍ରଶ୍ନ କରିଛନ୍ତି। ସାନ ବୋହୂ ସମସ୍ତ ଘଟଣା ବର୍ଣ୍ଣନା କରିଛନ୍ତି।

ସେହିଦିନଠାରୁ ସାଧବଙ୍କ ଘରଠାରୁ ଏଇ ଓଷା ସଂସାରେ ବିକ୍ଷାତ ହେଲା।

ଫଳପ୍ରାପ୍ତି

ଏହି ଓଷା କଲେ ଅପୁତ୍ରୀକ ନାରୀ ପୁତ୍ର ପ୍ରାପ୍ତ ହେବ । ନିଦ୍ଧନକୁ ଧନପ୍ରାପ୍ତ ହେବ । ଯେ ଯାହା ମାନସିକ ସେହି ଅନୁସାରେ ଫଳ ପ୍ରାପ୍ତି ହୋଇଥାଏ।

ଆଶ୍ୱିନ ଅମାବାସ୍ୟା 🌚

ଫୁଲୋରୀ ଓଷା ବା ପୋଲରୀ ଓଷା / ମହାଳୟା ଅମାବାସ୍ୟା