୨୦୧୮ସେପ୍ଟେମ୍ବର ୨୩ ତାରିଖରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଝାରଖଣ୍ଡର ରାଜଧାନୀ ରାଞ୍ଚିର ପ୍ରଭାତତାରା ମଇଦାନରେ ଆୟୁଷ୍ମାନ ଭାରତ ଯୋଜନାର ଶୁଭାରମ୍ଭ କରିଥିଲେ।ସରକାରଙ୍କ କହିବାନୁସାରେ ଏହା ଦୁନିଆର ସବୁଠାରୁ ବଡ ହେଲଥ କେୟାର୍ ଯୋଜନା,ଯେଉଁଥିରେ ୫୦ କୋଟି ଲୋକଙ୍କୁ ସରକାରୀ ଏବଂ ବେସରକାରୀ ଡାକ୍ତରଖାନାରେ ଚିକିତ୍ସା ପାଇଁ ୫ ଲକ୍ଷ ଟଙ୍କାର ସହାୟତା ମିଳିବ । ତେବେ କିଛି ଲୋକଙ୍କୁ ଏହାର ଲାଭ ବିଷୟରେ ଜ୍ଞାତ ନଥିବ । ତେଣୁ ଆଜି ଏଠାରେ ଆପଣଙ୍କୁ ଏହି ଯୋଜନାର ଫାଇଦା ବିଷୟରେ ସୁଚିତ କରାଉଛି।

୧.ଏହି ଆୟୁଷ୍ମାନ ଭାରତ -ପ୍ରଧାନମନ୍ତ୍ରୀ ଜନ ଆରୋଗ୍ୟ ଯୋଜନା କ’ଣ?

କେନ୍ଦ୍ର ସରକାରଙ୍କ ଦ୍ୱାରା ଆଗତ ହୋଇଥିବା ଏହି ଯୋଜନାରେ ଦେଶରେ ପ୍ରାୟ ଦେଢ ଲକ୍ଷ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ର ଏବଂ ୱେଲନେସ୍ ସେଣ୍ଟରକୁ ବିକଶିତ କରାଯିବ । ଜିଲ୍ଲା ହସ୍ପିଟାଲରୁ ଏହା ଡିଜିଟାଲ୍ ଭାବରେ ଲିଙ୍କ୍ ହେବ । ଏହି ସେଣ୍ଟରେ ଜାଞ୍ଚ୍ ସମେତ ଔଷଧ ମଧ୍ୟ ମାଗଣାରେ ମିଳିବ । ଆୟୁଷ୍ମାନ ଭାରତ ଯୋଜନାର ପ୍ରମୁଖ ଅଂଶ ହେଉଛି ପ୍ରଧାନମନ୍ତ୍ରୀ ଜନ ଆରୋଗ୍ୟ ଯୋଜନା । ଯେଉଁଥିରେ ଦେଶର ୧୦.୭୪ କୋଟି ପରିବାରର ସ୍ୱାସ୍ଥ୍ୟ ସେବା ପାଇଁ ୫ ଲକ୍ଷ ଟଙ୍କାର ସୁବିଧା ଯୋଗାଇ ଦିଆଯିବ ।

୨.ଏହି ଯୋଜନାର କ’ଣ ଆବଶ୍ୟକତା ରହିଛି ?

ନୀତି ଆୟୋଗର ସିଇଓ ଅମିତାଭ କାନ୍ତ ଏବଂ ଆୟୁଷ୍ମାନ ଭାରତର ସିଇଓ ଡା.ଇନ୍ଦୁ ଭୁଷଣଙ୍କ କହିବା ମୁତାବକ, ଭାରତ ସରକାର ପ୍ରତିବର୍ଷ ସ୍ବାସ୍ଥ୍ୟ ଉପରେ ୧.୧୩ % ଜିଡିପି ଖର୍ଚ୍ଚ କରନ୍ତି,ଯାହା ଅନ୍ୟ ବିକାଶଶୀଳ ଦେଶ ପାଇଁ କମ୍ ହୋଇଥାଏ । ଚୀନ୍ ନିଜ ଜିଡିପିର ୨.୪୫ % ଏବଂ ଥାଇଲ୍ୟାଣ୍ଡ ୨.୯୦ % ସ୍ୱାସ୍ଥ୍ର‌୍ୟସେବାରେ ଲଗାଏ । ମହଙ୍ଗା ଚିକିତ୍ସା ପାଇଁ ଭାରତର ୬୬ ଲକ୍ଷ ପରିବାର ପ୍ରତିବର୍ଷ ଗରବ ସୀମାରେଖା ତଳେ ଆସିଯାନ୍ତି । ୨୪.୯ %ଗ୍ରାମୀଣ ଏବଂ ୧୮.୨% ସହର ଋଣ କରି ନିଜ ଚିକିତ୍ସା କରାନ୍ତି । ଭାରତର ପ୍ରାୟ ୧୭.୩% ଲୋକ ନିଜ ଆୟର ୧୦ ପ୍ରତିଶତ ଚିକିତ୍ସା ପାଇଁ ଖର୍ଚ୍ଚ କରନ୍ତି । କେନ୍ଦ୍ର ସରକାର ୨୦୧୮-୧୯ ବଜେଟରେ ଏହି ଯୋଜନା ପାଇଁ ୧୦ ହଜାର କୋଟି ଟଙ୍କା ଖର୍ଚ୍ଚ କରିସାରିଛି । ଯୋଜନାର ମୋଟ ଖର୍ଚ୍ଚରେ ୬୦ % କେନ୍ଦ୍ର ସରକାର ଏବଂ ୪୦ % ରାଜ୍ୟ ସରକାର ଖର୍ଚ୍ଚ ବହନ କରିବେ ।

୩.ଏହି ଯୋଜନା ପାଇଁ ସରକାର କ’ଣ କରିଛନ୍ତି?

ସରକାର ଏହି ଯୋଜନାରେ ୧୦.୩୪ କୋଟି ପରିବାର ଅର୍ଥାତ୍ ୫୦ କୋଟି ଲୋକଙ୍କୁ ସାମିଲ କରିଛି । ଏହି ପରିବାରରେ କାହାର ଯଦି ସ୍ୱାସ୍ଥ୍ର‌୍ୟ ସମ୍ବନ୍ଧୀୟ କିଛି ଅସୁବିଧା ଉପୁଜେ ତେବେ ସରକାରଙ୍କ ତରଫରୁ ଏଥିପାଇଁ ୫ ଲକ୍ଷ ଟଙ୍କାର ସାହାଯ୍ୟ ମିଳିବ । ଯୋଜନା ମୁତାବକ,ହସ୍ପିଟାଲରେ ଭର୍ତ୍ତି ହେବାର ୩ ଦିନ ପୂର୍ବରୁ ନେଇ ୧୫ ଦିନ ପର୍ଯ୍ୟନ୍ତର ଔଷଧ ଏବଂ ଚିକିତ୍ସାର ଖର୍ଚ୍ଚ ସରକାର ବହନ କରିବେ । ଯଦି କୌଣସି ବ୍ୟକ୍ତି ପୂର୍ବରୁ ରୋଗରେ ପୀଡିତ ଥିବେ ତେବେ ଏହି ଯୋଜନାର ଫାଇଦା ତାଙ୍କୁ ମିଳିବ ।

୪.କାହାକୁ ଏହି ଯୋଜନାର ଫାଇଦା ମିଳିବ?

ଗରିବ,ଗ୍ରାମିଣ ପରିବାର ଏବଂ ସହରର ଶ୍ରମିକ ଶ୍ରେଣୀର ପରିବାରକୁ ଏହି ଯୋଜନାର ଫାଇଦା ମିଳିବ । ଜନଗଣନା ଆଧାରରେ ଏବେ ପର୍ଯ୍ୟନ୍ତ ୮.୦୩% ଗ୍ରାମୀଣ ଏବଂ ୨.୩୩% ସହର ପରିବାରକୁ ଏହି ଯୋଜନାରେ ସାମିଲ କରାଯାଇଛି । ଜନଗଣନାର ଆଧାର ଅନୁସାରେ ପରିବାରର ଚୟନ କରାଯାଇଛି।

ଗାଁରେ ୭ ପ୍ରତିଶତ ଲୋକ ଚୟନ କରାଯାଇଥିବା ବେଳେ ସହରରେ ୧୧ ପ୍ରତିଶତ ଲୋକଙ୍କ ନାଁ ରହିଛି । ଏହି ଲୋକଙ୍କ ମଧ୍ୟରେ କବାଡିବାଲା,ଭିକାରୀ,ଫୁଟପାଥରେ ରହୁଥିବା ଲୋକ, ମୋଚୀ, ଫେରିବାଲା, ଶ୍ରମିକ, ଦିନମଜୁରିଆ, ପ୍ଲମ୍ବର, ରାଜମିସ୍ତ୍ରୀ, ପେଣ୍ଟର, ସିକ୍ୟୁରିଟି ଗାର୍ଡ, କୁଲି, ସଫେଇ କର୍ମୀ ମଧ୍ୟ ସାମିଲ ଅଛନ୍ତି । ଯେଉଁ ଲୋକମାନେ ରାଷ୍ଟ୍ରୀୟ ସ୍ୱାସ୍ଥ୍ୟ ବୀମା ଯୋଜନାର ଫାଇଦା ଉଠାଉଛନ୍ତି,ସେମାନେ ଏହି ଯୋଜନାର ମଧ୍ୟ ଫାଇଦା ଉଠାଇପାରିବେ ।

୫.କିଭଳି ଜାଣିବେ ଆପଣଙ୍କ ନାଁ ଏହି ତାଲିକାରେ ଅଛି କି ନାହିଁ ?

ଏହି ଯୋଜନାରେ ପରିବାରର ସଦସ୍ୟ ସଂଖ୍ୟା ତଥା ତାଙ୍କ ବୟସର କୌଣସି ବାଧ୍ୟତା ନାହିଁ । ୨୦୧୧ ଜନଗଣନା ଅନୁସାରେ ଯିଏ ଗରିବଣ୍ରେଣୀରେ ଅନ୍ତର୍ଭୁକ୍ତ ଥିବେ ସେ ଏହି ଯୋଜନାରେ ଆସିବେ । ତେବେ ଏହି ତାଲିକାରେ ଆପଣଙ୍କ ନାଁ ଅଛି ନାଁ ନାହିଁ ଏଥିପାଇଁ ୩ ଟି ପ୍ରକ୍ରିୟାରେ ଆପଣ ଜାଣିପାରିବେ । ପ୍ରଥମଟି ହେଲା ଯୋଜନାର ୱେବସାଇଟ୍ ଯାହାର ନାଁ mera.pmjay.gov.in.ଏହି ଯୋଜନାର ହୋମପେଜ୍ ରେ ‘PM Jan Arogya Yojana’ ର ବାକ୍ସ ମିଳିବ । ଏଥିରେ ଆପଣ ଆପଣଙ୍କ ଫୋନ୍ ନମ୍ବର ଦିଅନ୍ତୁ।ଆପଣଙ୍କ ଫୋନରେ ଓଟିପି ଆସିବ।ଏହି ଓଟିପି ଆପଣ ୱେବସାଇଟ୍ ରେ ପକାଇ ଜାଣିପାରିବେ ଯେ ଆପଣଙ୍କ ନାଁ ତାଲିକାରେ ଅଛି କି ନାହିଁ ।

୬.କେଉଁ କେଉଁ ରୋଗର ଚିକିତ୍ସା ହେବ ?

ସରକାରଙ୍କ କହିବାନୁସାରେ ଏହି ଯୋଜନା ଅନ୍ତର୍ଗତ ୧୩୦୦ ପ୍ୟାକେଜ୍ ଅଛି,ଯେଉଁଥିରେ କ୍ୟାନ୍ସର ସର୍ଜରୀ, କେମୋଥେରାପି, ରେଡିଏଶନ୍ , ବାଇପାସ୍ ସର୍ଜରୀ, ନ୍ୟୁରୋ ସର୍ଜରୀ, ମେରୁଦଣ୍ଡ ସର୍ଜରୀ, ଦାନ୍ତ ସର୍ଜରୀ, ଆଖି ସର୍ଜରୀ ଏବଂ ଏମଆରଆଇ, ସିଟି ସ୍କାନ୍ ଭଳି ଜାଞ୍ଚ୍ ମଧ୍ୟ ସାମିଲ ଅଛି ।

ପ୍ରଧାମନ୍ତ୍ରୀ ଗରିବ କଲ୍ୟାଣ ଯୋଜନା, ପ୍ରଧାନମନ୍ତ୍ରୀ କିସାନ ସମ୍ମାନ ନିଧି ଯୋଜନା, ପ୍ରଧାନମନ୍ତ୍ରୀ ଆବାସ ଯୋଜନାର ସମସ୍ତ ଲାଭାର୍ଥିମାନେ ଏହି ଆୟୁଷ୍ମାନ ଭାରତ ଯୋଜନାର ଲାଭ ପାଇବେ।ଏନେଇ ନିର୍ବାଚନ ପୂର୍ବରୁ ରାଜ୍ୟ ଭାଜପା ସଭାପତି ଘୋଷଣା କରିଥିଲେ ।

ବର୍ତ୍ତମାନ ନୂଆ ସରକାର ଗଠନ ହେବା ପରେ ଓଡ଼ିଶାରେ ବିଏସକେୱାଇ କାର୍ଡ ବନ୍ଦ ହୋଇଯିବ।ଏହି ଯୋଜନା ଅଧୀନରେ ଯୋଜନାରେ ବାର୍ଷିକ ୯୬.୫ ଲକ୍ଷରୁ ଉର୍ଦ୍ଧ୍ୱ ପରିବାର ୫ ଲକ୍ଷ ଟଙ୍କା ଚିକିତ୍ସା ସହାୟତା ପାଉଥିବା ବେଳେ ପାଖାପାଖି ଏତିକି ଲୋକ ଆୟୁଷ୍ମାନ ଭାରତର ଲାଭ ପାଇପାରନ୍ତି ବୋଲି କୁହାଯାଉଛି। ଭାଜପା ସରକାରକୁ ଆସିବା ପରେ ରାଜ୍ୟରେ ଅନ୍ୟ ସମସ୍ତ ଯୋଜନା ଭଳି ଆୟୁଷ୍ମାନ ଭାରତ ଲାଗୁ କରାଯିବା ନେଇ ପ୍ରତିଶ୍ରୁତି ଦିଆଯାଇଥିଲା।

ମୋ ମତରେ ଏହି ଯୋଜନା ଓଡ଼ିଶାବାସୀ ତଥା ସମଗ୍ର ଭାରତବାସୀ ମାନଙ୍କ ନିମନ୍ତେ କଲ୍ୟାଣ ଦାୟକ ହୋଇବ।

ଆୟୁଷ୍ମାନ ଯୋଜନା ଓ ଏହାର ଆବଶ୍ୟକତା।Ayushman health plan and its requirements.

Ayushman health plan and its requirements.