ଗହ୍ମାପୂର୍ଣୀମା।
🌹🌹🌹🌹

ଶ୍ରାବଣ ମାସର ପୂର୍ଣ୍ଣମୀ ତିଥିରେ
ଗହ୍ମା ପୂର୍ଣ୍ଣିମା ପଡଇ,
ଝୁଲଣ ବେଦୀରେ ବଡ଼ ସରାଗରେ
ଆମ ସାଆନ୍ତ ଝୁଲଇ।
ଭଉଣୀ ସୁଭଦ୍ରା ଭାରି ସେ ଗେହ୍ଲେଇ
ବେଗି ଆସେ ରାକ୍ଷୀ ଧରି ,
ବଳିଆ କାଳିଆ ଭାଇଙ୍କ ହାତରେ
ବାନ୍ଧଇ ରେଶମ ଡୋରି।
ରେଶମ ସୂତାରେ ଗୁନ୍ଥା ହୋଇ ତୁହି
ଭାବର ମାଳ ପିନ୍ଧୁଛୁ ,
ନାନା ରଙ୍ଗେ ରଙ୍ଗହେଇରହିଅଛୁ
କି ସୁନ୍ଦର ତୁ ଦିଶୁଛୁ।
ସୂତା ଖଣ୍ଡେ ସତ ମୂଲ୍ୟ ଟି ତୋହର
ଅଟଇ ଅମୂଲମୂଲ
ଭାଇ ଭଉଣୀର ସମ୍ପର୍କ ଡୋରିତୁ
କିଏ ଦେବ ତୋରମୂଲ।
ଅତି ସରାଗରେ ଭାଇ ରହାତରେ
ଭଉଣୀ ତା ବାନ୍ଧି ଥାଏ,
ପ୍ରତିଜ୍ଞା କରାଏ ଭାଇକୁ ତାହାର
ସାଥିରେ ରହିବ କୁହେ ।
ସୁଖ ହେଉ ଅବା ଦୁଃଖ ବେଳେ ହେଉ
ରହିବୁ ସର୍ବଦାସାଥେ,
ଏହିରାଖି ରହୁ ସାକ୍ଷୀ ହୋଇ ମୋର
ଛାଡ଼ି ଯିବୁ ନାହିଁ ପଥେ।
ପ୍ରଥମେ ବାନ୍ଧିବ ରାକ୍ଷୀ ଟିଏ ନେଇ
ଶ୍ରୀ ଗଣେଶଙ୍କ ହାତରେ ,
ଶ୍ରୀକୃଷ୍ଣଙ୍କ ହାତରେ ରାକ୍ଷୀଟିଏ ବାନ୍ଧି
କହିବ ତାଙ୍କୁ ଶ୍ରଦ୍ଧାରେ ।
ଏରାଖି ବାନ୍ଧିଲି ଶାହା ହେବ ସଦା
ମୋ ଭାଇକୁ ଭଗବାନ ,
ସେହ୍ନ ଶ୍ରଦ୍ଧା ଆଉ ଭକ୍ତି ଭାବ ରଖି
ବାନ୍ଧୁଛି ରଖିବ ମାନ।
ବଳଭଦ୍ର ମହାପ୍ରଭୁଙ୍କର ଆଜି
ଜନ୍ମ ତିଥି ପଡ଼ିଥାଏ ,
ତାଙ୍କୁ ଆରାଧନା କରିସାହା ହେବ
ବୋଲି ସିଏ କହିଥାଏ ।
ହଳ ମୁଷଳରେ ବିପଦ କାଟିବ
ଆହେ ରହଣୀ ନନ୍ଦନ ,
ମୋ ଭାଇ ର ରକ୍ଷା କରିବ ସର୍ବଦା
ନେଲେ ନେବ ମୋ ଜୀବନ।
ପ୍ରତି ମୁହୁର୍ତ୍ତ ରେ ପ୍ରଭୁ ଚାହିଁଥିବ
ତୁମ୍ଭେ କୃପା ନୟନରେ,
ରାକ୍ଷୀଟିଏ ବାନ୍ଧି ଏତିକି ମାଗୁଣି
ମାଗୁଛି ତୁମ୍ଭ ପାଖରେ ।
ଭାଇଟିଏ ବି ତା ଭଉଣୀ ଜୀବନ
ସୁଖ ଦେଖିବାକୁ ଚାହେଁ ,
ଦିଅଁଙ୍କ ଆଗରେ ମୁଣ୍ଡିଆଟେ ମାରି
ଭଉଣୀ ମଙ୍ଗଳ ଚାହେଁ।
ସଂସାର ସାରା ର ସୁଖ ଓ ସମୃଦ୍ଧି
ମିଳିଯାଉ ଭଉଣୀକୁ
ହାତରେ ରାଖି ଦେଖି ପ୍ରତିଜ୍ଞା କରେ
ରକ୍ଷା କରିବ ସେ ତାକୁ।

ଲିଳା ମୟୀ ଦାଶ
କେନ୍ଦ୍ରାପଡ଼ା

ଓଡ଼ିଆ କବିତା ରକ୍ଷା ବନ୍ଧନ

raksha bandhan