କବିତା ର ଶୀର୍ଷକ--- ଦେଶ ପ୍ରେମ
ମାତୃଭୂମି ପ୍ରତି ପ୍ରେମ ଭକ୍ତି ଭାବ
ଅନ୍ତର ଜାଗ୍ରତ ହେଉ,
ତା ପାଇଁ ଆମର କର୍ତ୍ତବ୍ୟ କରିବା
ଜୀବ ଗଲେ ପଛେ ଯାଉ।
ରଖିବା ତ୍ରିରଙ୍ଗା ଟେକ ଏ ଜଗତେ
ପ୍ରତିଜ୍ଞା କରିବା ଆସ ,
ଦେଶ ପ୍ରେମ ବହ୍ନି ପ୍ରଜ୍ଜ୍ୱଳିତ କର।
ଅତିପ୍ରିୟ ଆମ ଦେଶ ।
ମାନବ ଜନମ ପାଇଛୁ ଆମେ ରେ
ଏକତା ଭାବ ରଖିବା,
ମାଟି ମାଆ ପ୍ରତି ଅନ୍ତରରେ ଭକ୍ତି
ଶ୍ରଦ୍ଧା ଭାବ ରଖିଥିବା।
ଅତୀତ ଗୌରବ ଗାଥା ବୁଲିବା ନି
ଗାଉଥିବା କିର୍ତ୍ତୀ ମାନ,
ପୂର୍ବ ପୁରୁଷଙ୍କ ଗାରିମା କାହାଣୀ
ଆଉ ତାଙ୍କ ବଳିଦାନ ।
ଆମେ ଏ ଦେଶର ଭବିଷ୍ୟତ ଟିକୁ
ଗୌରବମୟ କରିବା ,
ଦେଶ ଓ ଜାତିର ଉନ୍ନତି କାମନା
ଆମେ ସଦା କରୁଥିବା।
ଭୁଲିବାନି ସେହି ଫିରଙ୍ଗି କାହାଣୀ
କଷଣ ଯାତନା ମାନ ,
କେତେ କଷ୍ଟସାଧ୍ୟ ସ୍ୱାଧୀନତା ଆମ
ନେଲା କେତଜନ ପ୍ରାଣ ।
କେତେ ବୀରପୁତ୍ର ପ୍ରାଣବଳି ଦେଲେ
ସେ ସହିଦ ହୋଇଗଲେ।
ମାତୃଭୂମି ପ୍ରେମେ ଉଦବୁଦ୍ଧ ହୋଇ
ଫାଶୀ ଖୁଣ୍ଟେ ଝୁଲି ଗଲେ।
ଆଜି ବି ଆମର ସୀମାନ୍ତରେଖାରେ
ବୀର ସୈନିକ ଭାଇ ,
ନିଶି ଦିନ ଜଗି ବସି ରହିଅଛି
ଆମର ସୁରକ୍ଷା ପାଇଁ।
ଦେଶ ଜନତାଙ୍କ ସେବା କରୁଛନ୍ତି
ଶହ ଶହ ବୀରପୁତ୍ର ,
ଆମେ ବି ଆମର କର୍ତ୍ତବ୍ୟ କରିବା
ଆମେ ବି ତାହାର ପୁତ୍ର ।
ତ୍ରିରଙ୍ଗା ପାଖରେ ଶପଥ ନେବାରେ
ରଖିବ ତାହାର ମାନ ,
ଆମ ମାଟି ମାଆ ସବୁଠୁ ସୁନ୍ଦର
ତା ପାଖରେ ଥାଉ ମନ।
ବୈଦେଶିକ ଶତ୍ରୁ ବହୁତ ଅଛନ୍ତି
ତାଙ୍କୁ ଅବରୋଧ କରି,
ଦେଶର ସର୍ବାଙ୍ଗୀନ ଉନ୍ନତି କମନା
କରିବା ତ୍ରିରଙ୍ଗାଧରି।
ଜନ୍ମ ମାଟି ମୋର ଜନନୀ ଠୁ ବଡ଼
ସ୍ୱର୍ଗାଦପି ଗରିୟସି,
ତାହାରି ଚରଣରେ ପ୍ରଣାମ କରୁଛି
ତାହାରି ବକ୍ଷରେ ବସି।
ଭାରତ ମାତାର ଜୟ
ଲିଳା ମୟୀ ଦାଶ
କେନ୍ଦ୍ରାପଡ଼ା

ଓଡ଼ିଆ କବିତା ଶୀର୍ଷକ ----ଦେଶପ୍ରେମ

desa prame