ଓଡ଼ିଆ ନବ ବରଷ
~~~~~~~~~
ପ୍ରଥା, ପରମ୍ପରା ସାରା ଦୁନିଆ ର
ଗୋଟେ ପଟେ ରଖାଯାଉ
ଗୋଟେରେ ପ୍ରଥା ମୋ ଓଡ଼ିଆ ଭୂମି ର
ଅଲଗା ହିଁ ରଖାଯାଉ ||
ସେ ଶାନ୍ତି, ସମୃଦ୍ଧି, ସଂସ୍କୃତି ରେ ଧନୀ
ତା ନୀତି କେଉଁଠି ନାହିଁ
ପର୍ବ ଜଗତ ର ପୃଷ୍ଠଭୂମି ତାର
ଅଛି ବା କେଉଁଠି କାହିଁ ?

ଆସିଗଲା ପୁଣି ଆଉ ଏକ ବର୍ଷ
ଓଡ଼ିଆ ନବ ବରଷ
ଜୀବନ ଯାତ୍ରା ରେ ନୂଆ ଏକ ବର୍ଷ
ଓଡ଼ିଆ ନବ ବରଷ ||
ବହି ନୁହଁ ଗୋଟେ ଅଧ୍ୟାୟ ସରିଛି
କିଛି ଗପ ବାକି ଅଛି
କିଛି ଜଣା କିଛି ଅଜଣା ପଥରେ
ନୂଆ ବାଟଟେ ଖୋଲିଛି ||

ଚଉଁରା ଉପରେ ଠେକି ବାନ୍ଧି ରଖି
ଜଳ ଅର୍ପଣ କରନ୍ତି
ପ୍ରତି ଓଡ଼ିଆ ର ଘରେ ଖୁସି ଆଜି
ମହା ବିଷୁବ ସଂକ୍ରାନ୍ତି ||
ନୂତନ ବର୍ଷ ର ଆରମ୍ଭ ହେଉଛି
ବୈଶାଖ ଋତୁ ଆରମ୍ବ
ପଣା ସଂକ୍ରାନ୍ତି ର ମହା ଅବସରେ
ଅଧ୍ୟାୟ ନୂଆ ପ୍ରାରମ୍ଭ ||

ଉପକୃତ ରହି ମହାପ୍ରଭୁ ପାଖେ
ନମନ ଆଜି କରନ୍ତି
ନବ ବରଷ ରେ ନୂଆ ସ୍ମୃତି ପାଇଁ
ବିନତି ନିଜ ଜଣାନ୍ତି ||
ଓଡ଼ିଆ ସଂସ୍କୃତି ପରମ୍ପରା ମୋର
ଭିନ୍ନ ରହୁ ଏହିପରି
ସମ୍ମାନ ମୋ ମାଟି ରୀତି ନୀତି ପାଇଁ
ମନରେ ଥାଉ ସବୁରି ||

~ ଆଞ୍ଚଲ ଆୟୁଷ୍ମତୀ

ଓଡ଼ିଆ ନବ ବର୍ଷ ର ଶୁଭକାମନା

Happy odia new year