ଆମେ ଓଡିଆ,ଆମ ଭାଷା ବଢିଆ,ତା' ସହ ଆମ ଖାଦ୍ୟ ମଧ୍ୟ ବଢିଆ।ଓଡିଆ ବୋଲି ନିଜକୁ ଗର୍ବ କରିବାକୁ ଗଲେ କେତେ ଯେ କାରଣ ପରିଦର୍ଶିତ ହେବ।ଆମ ସଂସ୍କୃତି ର ଉତ୍ତମତା ଯେ ସାରା ଦେଶରେ ପ୍ରଚଳିତ,ସେଥିରେ ପୁଣି ପର୍ବର ମହତ୍ତ୍ଵତା,ପର୍ବର ମହତ୍ତ୍ଵତା ରେ ଯେ ପୁଣି ଖାଦ୍ୟ ର ଅନ୍ୟ ଏକ ପରିବେଶ।ଖରାଦିନ ହେଉକି ବର୍ଷାଦିନ ସପ୍ତ ଋତୁ କୁ ବାରମାସ ପ୍ରତ୍ୟେକ ଦିନରେ ନୂଆ ମାହୋଲର ଓଡିଆ ଖାଦ୍ୟ,କେହି କାହାଠୁ କମ୍ ବେଶି ନୁହେଁ।

ଓଡିଶା ହେଉଛି କୃଷି ପ୍ରଧାନ ରାଜ୍ୟ।କୃଷକର ଲଙ୍ଗଳ ମୂନରେ କେତେ ଯେ ଫସଲ ବିଲ ମଧ୍ୟରେ ଉଙ୍କି ମାରୁଥାଏ।କୃଷକର ମୁଣ୍ଡ ଝାଳ ତୁଣ୍ଡ ରେ ମାରିବା ପରି ପରିଶ୍ରମ ପରେ କୃଷକ ର ପ୍ରଧାନ ଖାଦ୍ୟ ହେଉଛି ପଖାଳ,ଚୋଖା ଏବଂ ଶାଗଭଜା ଟିକକ।ସେହି ରୀତିନୀତି କୁ ରଖି ଆଧୁନିକ ଆମ ଓଡିଶା ରେ ପଖାଳ ଦିବସ ପାଳନ କରାଗଲାଣି।ପଖାଳ ସାଙ୍ଗକୁ କେତେ ଯେ ପ୍ରକାରତା;ଶାଗଭଜା କୁ ଆଳୁଚୋଖା,ତା ସହ ପୁଣି ବଢିଚୁଡା କୁ ଆଳୁ ଭଜା,ବାଇଗଣ ଭର୍ତ୍ତାର ପୋଡାର କି ଟେଷ୍ଟ୍ ତା'ର ସ୍ୱାଦ କେବଳ ଓଡିଆ ମାନେ ହିଁ ଠିକ୍ ବଖାଣି ପାରିବେ।

ଓଡିଆ ଖାଦ୍ୟ ବିଷୟରେ ଯେ ଯେତେ କହିଲେ କମ୍,ଓଡିଆ ମାନେ ଯେ ଏଥିପାଇଁ ଅଭ୍ୟସ୍ତ।ଘରେ ଥିଲେ ମାଆ ହାତରନ୍ଧା ଘରର ଓଡିଆ ଖାଦ୍ୟ ଖାଇ ସେମାନେ ନିଜକୁ ଗୋଟେ ପ୍ରକାର ହଜାଇ ଦିଅନ୍ତି,ଏଥି ପାଇଁ ତ ଘର ଛାଡି ବାହାର ରାଜ୍ୟ କୁ କିମ୍ବା ଅନ୍ୟ ଦେଶ କୁ ଗଲେ ସେମାନେ ନିଜକୁ ଅନ୍ୟ ଜାଗାର ଖାଦ୍ୟ ସହ ଖାପଖୁଆଇ ପାରନ୍ତି'ନି ଏବଂ ଓଡିଆ ଖାଦ୍ୟ କୁ ବହୁତ ଝୁରନ୍ତି।ଓଡିଆ ର ଖାଦ୍ୟ ପୁଣି ଦହି ପଖାଳ ବିନା ଅପୂର୍ଣ୍ଣ,କାର୍ତ୍ତିକ ପୂର୍ଣ୍ଣିମା ର ପର୍ବ ସମାରୋହ ରେ ଦହି ପଖାଳ ସାଙ୍ଗକୁ କାଠୁଆ ଭଜା ତା' ସାଙ୍ଗକୁ ପୁଣି ଖିରି ଖାଇ ଓଡିଆ ମାନେ ନିଜର ଆତ୍ମା ତୃପ୍ତି କରିଥାନ୍ତି।

ବାର ମାସରେ ତେର ପରବ,ସବୁରେ ଭେଳିକିଭେଳି ଆୟୋଜନ।ପ୍ରତ୍ୟେକ ମାସରେ ପୂର୍ଣ୍ଣିମା ରେ ପୁଣି ଖିଚିଡି ର ଭୋଗ ପ୍ରଧାନ।ଏହାଛଡ଼ା ମହାପ୍ରଭୁ ଜଗନ୍ନାଥ ଏବଂ କାର୍ତ୍ତିକକେଶ୍ୱର ଙ୍କ ପାଖରେ ମଧ୍ୟ କାର୍ତ୍ତିକ ପୂର୍ଣ୍ଣିମା ଦିନ ଦହି ପଖାଳ ଭୋଗ ଲାଗି ହୁଏ।ସେହିପରି ମହାପ୍ରଭୁ ଙ୍କ ପାଖରେ ତ ନିତିଦିନ ଛପନ ପ୍ରକାର ର ଅବଢା ପୂଜା ହୁଏ।ଆମ ଓଡିଶାରେ ଯେ ସବୁ ଦେବାଦେବୀଙ୍କୁ ଓଷା ବ୍ରତ ଜରିଆରେ ଓଡିଆ ଖାଦ୍ୟ ର ପ୍ରସାଦ ଅର୍ପଣ କରାଯାଇଥାଏ।

ଓଡିଆ ଖାଦ୍ୟରେ ପୁଣି ମିଷ୍ଟାନ୍ନ ର ସ୍ପର୍ଶ,ସତେ ଯେ କେଉଁ ରାଇଜ ର ଏପରି ସୌଭାଗ୍ଯ,ଯେଉଁଟି ମୋ ଓଡିଶା ରେ ଅଛି!କେନ୍ଦ୍ରାପଡା ର ରସାବଳୀ କୁ ସାଲେପୁର ର ରସଗୋଲା,ନିମାପଡାର ଛେନାଝିଲ୍ଲି କୁ ପୁରୀର ଖୋଜା ଆହା ଓଡିଆ ଖାଦ୍ୟ କୁ କି ସୁନ୍ଦର ମଧୁର ମିଳନ।ସେଥିପାଇଁ ତ ବାହାର ଦେଶପରି ଆମ ଓଡିଶା ରେ ସକାଳ ଚାହା,କଫିରେ ନୁହେଁ ଓଡିଆ ଖାଦ୍ୟ ସହ ଆରମ୍ଭ ହୁଏ।ଖାସ୍ ସେଥିପାଇଁ ତ ଆମ ଓଡିଆମାନଙ୍କର ଅନ୍ୟ ରାଜ୍ୟ ପରି ବନ୍ଧୁବାନ୍ଧବ ଙ୍କ ମେଳରେ ରେଷ୍ଟୁରାଣ୍ଟ ଯାଆନ୍ତି'ନିଜ,ଓଡିଆ ଖାଦ୍ୟ ସହ ସମସ୍ତଙ୍କ ମେଳରେ ଖୁସିର ସହ ସମୟ ବିତେଇବାକୁ ପସନ୍ଦ କରନ୍ତି।

କହିବାକୁ ଗଲେ ଖାଦ୍ୟ ର ପ୍ରକାରତା ଆଳାପ ମାତ୍ର;ଏହା ଅନ୍ୟ ରାଜ୍ୟ ରେ ହୋଇପାରେ କିନ୍ତୁ ଆମ ଓଡିଶା ରେ ତ ପ୍ରକାରତାର ସମୁଦ୍ର।ଆଉ କ'ଣ ଯେ,କଖାରୁ ଫୁଲ ର ପିଠା,କଲରା ପତ୍ର ର ପିଠା,ପତ୍ର ପୋଡା,ବନିଶୀ ରେ ଧରା ହେଇଥିବା ଛେଲା କରାଣ୍ଡି ର ଆମ୍ବୁଲ ଦିଆ ଚୁଡ୍ ଚୁଡା,ପୋଇ ଚିଙ୍ଗୁଡି ଛେଚା,ଧଣିଆ ପତ୍ର ଚଟଣି ଏସବୁ କୋଉଁଠି ଖାଉଛନ୍ତି,ଆମ ଏ ଓଡିଶା ଛଡା।ସେଥିପାଇଁ ତ ଓଡିଶା ର ଖାଦ୍ୟ ଯେ ନିଆରା,ବାର ତିଅଣ ସାଙ୍ଗକୁ ନ'ଅ ଭଜା;ଥରେ ଖାଇଲେ ଯେ ତା'ର ମଜା ଆଉ କିଏ ଅବା ଭୁଲିବ?

ଓଡିଆ ଖାଦ୍ୟ/odia cuisine

ଓଡିଆ ଖାଦ୍ୟର ପ୍ରକାରତା/difference of odia cuisine