ସନ୍ତୁଳା

ଏହା ପ୍ରତି ଓଡିଆଙ୍କର ଏକ ସୁପରିଚିତ ଖାଦ୍ୟ । ଏହି ସନ୍ତୁଳା କୁ ଆମେ ଭାତ ,ରୁଟି ,ପିଠା ସବୁରି ସାଥି ବନେଇ ପାରିବା । ସମସ୍ତ ଖାଦ୍ୟ ସହିତ ଏହି ଖାଦ୍ୟ ଟି ଅତି ସ୍ଵାଦିଷ୍ଟ ରୁଚିକର ଓ ସ୍ଵାସ୍ଥ୍ୟ କର ମଧ୍ୟ ।ଏଥିରେ ନା ଅଧିକ ତେଲ ଦରକାର ନ ମସଲା । ନିଜ ରୁଚି ଅନୁସାରେ ବିଭିନ୍ନ ଉପାୟରେ ଲୋକମାନେ ଏହି ଖାଦ୍ୟ କୁ ପ୍ରସ୍ତୁତ କରିଥାନ୍ତି । ସାଧାରଣତ ଏଥିରେ ସବୁପ୍ରକାର ପରିବା ରୁ ପୃଷ୍ଟିକର ତତ୍ଵ ମିଳି ଥାଏ।

ଓଡିଶା ର ଲୋକମାନେ ପ୍ରତ୍ୟକ ପରିସ୍ଥିତି ରେ ସବୁପ୍ରକାର କାମ କରି ପାରନ୍ତି । ଛପନ ଭୋଗ ଚଉଷଠି ବ୍ୟଞ୍ଜନ ଖାଉଥିବା ପ୍ରଭୁ ଜଗନ୍ନାଥ ଯେଉ ଜାତିର ଆରଧ୍ୟ ସେଠିକା ର ଲୋକମାନଙ୍କ ର ଖାଦ୍ୟ ରୁଚି ଟିକେ ଭିନ୍ନ ଭାତ , ଡାଲି, କାନିକା , ବେସର , ମହୁର ,ଖଟା ,ଶାଗ ,ଭଜା , ତରକାରି ,ଚଉ ଚଡି , ଫୁଲ ବଢି , ଆମ୍ବିଳ ,ଆଦି କେତେ ପ୍ରକାର ବ୍ୟଞ୍ଜନ ପ୍ରସ୍ତୁତ ହୋଇଥାଏ ।ଆମ ସେଇ ଛୋଟ ରୋଷେଇ ଶାଳ ରେ ।

ଅଳ୍ପ ରେ ସନ୍ତୁଷ୍ଟ ଏଇ ଓଡିଆଣୀ ନିଜ ହାତରେ ରାନ୍ଧି ନିଜ ପରିବାରକୁ ଶ୍ରଦ୍ଧାରେ ଖାଦ୍ୟ ପରସି ଥାଏ ।ପ୍ରତି ଦାନା ରେ ପରିଷ୍କାର ପରିଚ୍ଛନ ସ୍ୱାସ୍ଥ୍ୟ ଆଦି ପ୍ରତି ନିଜର ରଖିଥାଏ।ପ୍ରତ୍ୟେକ ଲୋକ ନିଜ ସ୍ବାସ୍ଥ୍ୟ ର ଯତ୍ନ ନେଇ ଥାଆନ୍ତି ।ହେଲେ ଓଡିଆ ଘର ର ଖାଦ୍ୟ ନିଆରା ।ବାଡି ବଗିଚାରୁ ବିଭିନ୍ନ ପ୍ରକାର ଭିଟାମିନ ଯୁକ୍ତ ପନିପରିବା ବାଛିଆଣି,ନାନା ବ୍ୟଞ୍ଜନ ପ୍ରସୁତ କରିଥାଏ ।ସନ୍ତୁଳା ପ୍ରତି ଘରର ଅତି ପରିଚିତ ଖାଦ୍ୟ। ଯଦି କିଏ ଅସୁସ୍ଥ ଅଛି। ତାହେଲେ ପାଣି ସିଝା ସନ୍ତୁଳା ଟିକେ ଜନ୍ତାରୂଟି ସହ,ଦେଇଥାଏ ।ବିଭିନ୍ନ ପରିବାର ମିଶ୍ରଣ ର ଏହି ଖାଦ୍ୟ ଟିର ସ୍ୱାଦ ଟିକେ ନିଆରା ।ସନ୍ତୁଳା ରେ କଖାରୁ, ଆଳୁ, କଦଳୀ, ଅମୃତଭଣ୍ଡା, ନୋଧି ବାଇଗଣ ,ମାଟି ଆଳୁ ,ଆଦି ବିଭିନ୍ନ ପ୍ରକାର ପରିବା ମିଶି ଥାଏ।

ପ୍ରକାର ଭେଦ -

ସନ୍ତୁଳା ସାଧାରଣତ ଦୁଇ ପ୍ରକାରର

- ସିଝା ସନ୍ତୁଳା

- ଛଣା ସନ୍ତୁଳା

ସିଝା ସନ୍ତୁଳା -

ଆବଶ୍ୟକ ସାମଗ୍ରୀ -

ଆଳୁ -୨୦୦ ଗ୍ରାମ୍

ଅମୃତ ଭଣ୍ଡା -୧୦୦ ଗ୍ରାମ୍

କଦଳୀ -୧ ଟା

ବାଇଗଣ -୧୦୦ ଗ୍ରାମ୍

ମାଟିଆଳୁ -୧୦୦ଗ୍ରାମ୍

ନୋଧି -୧୦୦ଗ୍ରାମ୍

କଖାରୁ -୧୦୦ଗ୍ରାମ୍

ବିଲାତି ବାଇଗଣ -୧ଟା

ତେଲ-୧ ଚାମଚ

ଜିରା- ଅଳ୍ପ

ଶୁଖିଲା ଲଙ୍କା -୧ଟି

ତେଜପତ୍ର -୨ ଟି

ଅଦା -୧/୨ଖଣ୍ଡ

ରଶୁଣ -୫ ପାଖୁଡା

ପିଆଜ-୧ଟା

ଭଜା ଜିରାଗୁଣ୍ଡ-୧ଚାମଚ

ଲଙ୍କା ଗୁଣ୍ଡ-୧/୨ ଚାମଚ୍

ଏଥିରେ ତୁମେ ଚୟନ କରିଥିବା ପରିବା ଗୁଡିକୁ ଭଲ ଭାବରେ ଧୋଇ ପରିଷ୍କାର କରି ସମାନ ଆକାର ରେ କାଟି ,ଲୁଣ , ହଳଦି ଗୁଣ୍ଡ ,ତେଜପତ୍ର , ଅଦା ଛେଚା ଦେଇ

ପାଣି ରେ ସିଝେଇ ଦବାକୁ ପଡିଥାଏ । ଏହା ପରେ -ପରିବା ସିଝା ଗଲା ପରେ ତାକୁ ଅଳ୍ପ ତେଲ , ଜିରା , ଲଙ୍କା ,ପିଆଜ ,ରଶୁଣ ଛେଚା ଭୁସରଙ୍ଗ ପତ୍ର ଦେଇ ଛୁଙ୍କ କରାଯାଏ । ଶେଷରେ ଜିରା ଗୁଣ୍ଡ ପକାଇ ଗୋଳାଇ ଦିଆ ଯାଇ ଥାଏ।

ଛଣା ସନ୍ତୁଳା-

ଏଥିରେ ପରିବା ଗୁଡିକ ପ୍ରଥମେ ତେଲ ରେ ଭଜା ଯାଏ ।ପରେ କଡାଇ ରେ ତେଲ ପକାଇ ପଞ୍ଚୁ ଫୁଟଣ ଫୁଟାଇ,କଟା ଯାଇଥିବା ପିଆଜ ଜାରି ଅଦା ରଷୁଣ ବଟା ଦେଇ ମସଲା କସି ଅଳ୍ପ ପାଣି ଦେଇ ଭଜା ଯାଇ ଥିବା ପରିବା ପକାଇ ସିଝା ଯାଏ ।ଏଥିରେ ପରିବାର ଗୁଣବତ୍ତା କୁ ନଷ୍ଟ କରିବାକୁ ଦିଆଯାଇ ନଥାଏ । ପ୍ରତି ଓଡିଆ ଘରର ପ୍ରିୟ ଖାଦ୍ୟ ମାନଙ୍କ ମଧ୍ୟରୁ ସନ୍ତୁଳା ଅନ୍ୟ ତମ ହେଲେ ମଧ୍ୟ ସମସ୍ତ ଙ୍କ ଘରେ ଏହାର ପ୍ରସ୍ତୁତ ପ୍ରଣାଳୀରେ ଭିନ୍ନତା ଦେଖାଯାଏ।

ଗୁଣବତ୍ତା:-

ସମସ୍ତ ପରିବାର ଗୁଣବତ୍ତାକୁ ରକ୍ଷାକରି ଏହି ବ୍ୟଞ୍ଜନ ଟି ପ୍ରସ୍ତୁତ ହୋଇଥାଏ ।

ଏଥିରେ ପରିବା ଗୁଡିକୁ ଅଧିକା ସିଝିଯାଇ ନଥାଏ । କିମ୍ବା ଅଧିକ ତେଲ ମସଲାର ବ୍ୟବହାର ହୋଇନଥାଏ । ସେଥି ପାଇଁ ଏହା ସ୍ଵାସ୍ଥ୍ୟ ପକ୍ଷେ ହିତକାରକ ହୋଇଥାଏ।

ଲିଳାମୟୀ ଦାଶ

ଧନିଆପଡା

କେନ୍ଦ୍ରାପଡ଼ା

ଓଡିଶା ର ପାରଂପାରିକ ଖାଦ୍ୟ ସନ୍ତୁଳା ।

Odisha ra paramparika khadya Santos.