ଅମରାବତୀର ଭୂସ୍ବର୍ଗ ଅଟେ କୋରାପୁଟ

ଭରି ରହିଛି ଏଠାରେ ବହୁ ଦେବାଦେବୀ ପୀଠ

ଆଦିବାସୀର ଚାଙ୍ଗୁ, ବଇଁଶୀ, ମାଦଳର ତାଳେ

ଆକର୍ଷଣ କରୁଥାଏ ପର୍ଯ୍ୟଟକଙ୍କୁ ସବୁବେଳେ।।

ରାଣୀ ଡୁଡୁମା, ପୁଞ୍ଜିଶିଲ ଭଳି ଜଳପ୍ରପାତ

ସୌନ୍ଦର୍ଯ୍ୟର ରାଣୀ ଦେଓମାଳୀ ପର୍ଯ୍ୟଟକଙ୍କୁ କରଇ ସ୍ବାଗତ

ତେନ୍ତୁଳିଗଡାରେ ପୁଞ୍ଜିଶିଲ ଜଳପ୍ରପାତ ଅବସ୍ଥିତ

ସବୁଜ ବନାନୀ ଦୂର ପାହାଡ଼ ମଧ୍ୟରୁ ଜଳଧାରା ପ୍ରବାହିତ।।

ବାବା ଗୁପ୍ତେଶ୍ୱର ମନ୍ଦିର ଏଠାରେ ଅବସ୍ଥିତ

ଡ଼ଙ୍ଗରି ଘାଟିରେ ପୁଣି ଡାଲଖାଇ ଦେବୀ ବିରାଜିତ

ଗୁପ୍ତେଶ୍ୱରରେ କରିବାକୁ ପଡେ ୨୦୦ ପାହାଚ ଅତିକ୍ରମ

ବହୁ ଭକ୍ତ ଆସି ଏଠାରେ ପୂର୍ଣ୍ଣ କରନ୍ତି ମନସ୍କାମ।।

ଶାବେରୀ ନଦୀ ସହ ଗୋଦାବରୀ ନଦୀ ଯେ ମିଶ୍ରିତ

ହଳଦିଆ ରଙ୍ଗ ବୋଲି ମହାଭାରତେ ହୋଇଛି ବର୍ଣ୍ଣିତ

ନିକଟରେ ଏକ ଜଳକୁଣ୍ଡ ଅବସ୍ଥିତ

ଅସ୍ଥିକୁଣ୍ଡ ବୋଲି ଭକ୍ତ କରନ୍ତି ଅସ୍ଥି ବିସର୍ଜିତ।।

ଚିଙ୍ଗୁଡ଼ି ଦୋରା ଓ ରଙ୍ଗ ପାନି ନାଳ ଦୁଇ ଜଳପ୍ରପାତ

ପର୍ଯ୍ୟଟକଙ୍କ ହୃଦୟକୁ କରଇ ମୋହିତ

ଆନ୍ଧ୍ର ସୀମାନ୍ତବର୍ତ୍ତୀ ଏକ ପାନ୍ଥୁଲୁରୁ ଗ୍ରାମ

ସେଠାରେ ରହିଅଛି ଯେ ବାଲ୍ମିକୀ ଆଶ୍ରମ।।

ନନ୍ଦପୁରରୁ ୧୭ କି.ମି. ଦୂରେ ସୁବେଇ ନାମେ ଏକ ଗ୍ରାମ

ଜୈନ ଏବଂ ବୌଦ୍ଧ ଧର୍ମାବଲମ୍ବୀମାନେ କରୁଥିଲେ ଆରାମ

ଓଡ଼ିଶାର ଉଚ୍ଚତମ ପର୍ବତଶୃଙ୍ଗ ଅଟେ ଦେଓମାଳୀ

ଏହାର ଶିଖର ଅଟେ ଇଂରାଜୀ ଅକ୍ଷର ଏମ୍ ଭଳି।।

କୋରାପୁଟରୁ ଦକ୍ଷିଣକୁ ନନ୍ଦପୁର ଏକ ସ୍ଥାନ

ରହିଅଛି ସେଠି ଏକ ବତ୍ରିଶ ସିଂହାସନ

ଉଜ୍ଜୟିନୀ ରାଜା ବିକ୍ରମାଦିତ୍ୟ କରିଥିଲେ ଏହାର ନିର୍ମାଣ

ପ୍ରତିଷ୍ଠା କରି ରାଜା ବିନାୟକ କଲେ ସିଂହାସନ ଆରୋହଣ।।

ଡୁଡୁମା ଅଟଇ ଓଡ଼ିଶାର ଉଚ୍ଚତମ ଜଳପ୍ରପାତ

କୋରାପୁଟଠାରୁ ୮୩ କି.ମି. ଦୂରରେ ଅବସ୍ଥିତ

ମାଡ଼ଗୋଲ ପର୍ବତମାଳାରେ ମାଛକୁଣ୍ଡ ନଦୀ ଅବସ୍ଥିତ

ନିକଟରେ ବିଶାଳ ଜଳାଶୟ କରେ ଶୋଭା ଦୁଇଗୁଣିତ।।

କୁଟୁଣୀ ପଦରଠାରେ ମୁକ୍ତେଶ୍ଵର ଶୈବପୀଠ ରହିଅଛି

ଯେଉଁଠାରେ ସହସ୍ରାଧିକ ଶିବଲିଙ୍ଗ ଦେଖିବାକୁ ଯେ ମିଳୁଛି

ପ୍ରତି ଶିବଲିଙ୍ଗ ଅଟେ ୪ ଫୁଟ ବିଶିଷ୍ଟ

ଭକ୍ତର ମନସ୍କାମନା ପୂର୍ଣ୍ଣ କରି ଭଙ୍ଗ କରନ୍ତି ଅନିଷ୍ଟ।।

କୋଲାବ ଜଳଭଣ୍ଡାରର ବିସ୍ତୀର୍ଣ୍ଣ ଜଳରାଶି

ଝରଣା ,ପାହାଡ଼ ଅଟେ ବଡ଼ ହୃଦୟ ସ୍ପର୍ଶୀ

ସନ୍ଧ୍ୟାରେ ସୂର୍ଯ୍ୟାସ୍ତ ଦେଖି ପର୍ଯ୍ୟଟକ ବିମୋହିତ

ଏଠାକାର ଜୈନ ମନ୍ଦିର କରେ ସବୁଠୁ ଆକର୍ଷିତ।।

କୋରାପୁଟର ମଧ୍ୟଭାଗରେ ରହିଛି ଶାବର ଶ୍ରୀକ୍ଷେତ୍ର

ଆରାଧ୍ୟ ଦେବତା ପ୍ରଭୁ ଜଗନ୍ନାଥ ବିରାଜିତ

ଶବର ମୁଖିଆ ଏଠି ମୁଣ୍ଡରେ ଶିରୋପା ପିନ୍ଧଇ

ଆଦିବାସୀ ପରମ୍ପରା ମନକୁ ମୋହଇ।।

କୋରାପୁଟ ଅଟେ ପର୍ଯ୍ୟଟନ ସ୍ଥଳୀର ଗନ୍ତାଘର

ମନୋଲୋଭା ସୌନ୍ଦର୍ଯ୍ୟ ରହିଛି ଏଠି ପ୍ରକୃତିର

ଭରି ରହିଛି ଏଠାରେ ବହୁ ଦର୍ଶନୀୟ ସ୍ଥାନ

ଆନନ୍ଦରେ ପୁରିଯାଏ ପର୍ଯ୍ୟଟକଙ୍କର ମନ।।

ସୁନ୍ଦର ପରିବେଶ ସଙ୍ଗେ ସହରର ଚମତ୍କାର ଆକର୍ଷଣ

ପର୍ଯ୍ୟଟକଙ୍କୁ ସବୁବେଳେ ଆକୃଷ୍ଟ କରିଥାଏ ଜାଣ

ମୋ ପାଇଁ ପ୍ରିୟ ଅଟେ ଆମର ଏହି କୋରାପୁଟ

ବିମୋହିତ ଦେଖି ପର୍ଯ୍ୟଟକ ଏହାର ଚାରୁ ଚିତ୍ରପଟ।।