ବିଶ୍ୱରେ ଲୋକପ୍ରିୟତା ଅର୍ଜନ କରିଥିବା ଖେଳ ମଧ୍ୟରେ କ୍ରିକେଟ ଖେଳ ଅନ୍ୟତମ । ୫୦୦ ବର୍ଷର ପୂର୍ବ ଇଂଲଣ୍ଡରେ ଆରମ୍ଭ ହୋଇଥିବା ଏହି ଖେଳ ବର୍ତ୍ତମାନ ପୃଥିବୀରରେ ପ୍ରସିଦ୍ଧ ଖେଳ ତନ୍ମଧ୍ୟରେ ଭାରତରୁ ବାଦ୍ ପଡିବ କେମିତି ? ଭାରତରେ ସବୁଠାରୁ ଲୋକ ମାନଙ୍କର ମନ ପସନ୍ଦର ଖେଳ ରୂପେ ପରିଗଣିତ ।ଭାରତର ଜାତୀୟ ଖେଳ ହକି ହେଲେ ମଧ୍ୟ କ୍ରିକେଟ ଅଧିକ ମାତ୍ରା ରେ ଲୋକପ୍ରିୟ। ୧୯୩୨ ମସିହାରେ ପ୍ରଥମେ ଭାରତ ଇଂଲଣ୍ଡ ବିରୁଦ୍ଧରେ କ୍ରିକେଟ ଖେଳିଥିଲା । ୧୯୮୩ ମସିହାରେ କପିଲ୍ ଦେବ୍ ନେତୃତ୍ୱରେ ପ୍ରଥମେ ସୁଦୃଢ଼ ୱେଷ୍ଟଇଣ୍ଡିଜ ବିପକ୍ଷରେ ବିଶ୍ୱକପ ହାସଲ କରିଥିଲା । ସେବେ ଠାରୁ ଭାରତରେ କ୍ରିକେଟ ଖେଳର ଲୋକମାନଙ୍କର ପସନ୍ଦର ଖେଳ ହୋଇ ଆସିଛି ।ପରବର୍ତ୍ତୀ ମହେନ୍ଦ୍ର ସିଂ ଧୋନିଙ୍କ ନେତୃତ୍ୱରେ ୨୦୧୧ ରେ ଦ୍ବିତୀୟ ଥର ବିଶ୍ୱକପ ଜିତିଥିଲା । ଏବେ ସୁଦ୍ଧା ଭାରତ ସେତେ ବି ବିଶ୍ୱକପ ହାସଲ କରିନଥିଲେ ବିଶ୍ୱରେ ଧନୀଶାଳୀ କ୍ରିକେଟ ଟିମ୍ ହୋଇଅଛି ।

ଭାରତରେ ଆହୁରି କ୍ରିକେଟକୁ ଜନପ୍ରିୟତା କରିବା ଉଦ୍ଦେଶ୍ୟରେ ପ୍ରଥମେ ୨୦୦୮ ମସିହାରେ ପୃଥିବୀର କୌଣସି ଦେଶ ଜାତୀୟ ସ୍ତରରେ ୨୦ ଓଭର ବିଶିଷ୍ଟ କ୍ରିକେଟ ଆରମ୍ଭ କରିଥିଲା ଭାରତ, ଯାହା ଇଣ୍ଡିଆ ପ୍ରିମିୟର୍ ଲିଗ୍ (IPL) ନାମରେ ନାମିତ । ଏହି ଖେଳରେ ପୃଥିବୀର ସବୁ ଦେଶର ଖେଳାଳୀ ଭାଗ ନେଇଥିଲେ । ଏହି IPL ବିଶ୍ୱର ସବୁ ଜାତୀୟ ଖେଳ ମଧ୍ୟରେ ଅଧିକ ଲୋକପ୍ରିୟ । ଭାରତରେ କୋଣ ଅନୁକୋଣରେ ଆହୁରି ଲୋକାଭିମୁଖୀ କରିବା ଅବସରରେ ବିଭିନ୍ନ ଢ଼ଙ୍ଗରେ ବିଭିନ୍ନ ଆଞ୍ଚଳିକ ଭାଷା ରେ ପ୍ରସାରଣ କରାଯାଉଛି । ପ୍ରଥମେ ଏହା ହିନ୍ଦୀ ଏବଂ ଇଂରାଜୀ ଭାଷାରେ ପ୍ରସାରିତ ହୋଇଥିଲା । ପରବର୍ତ୍ତୀ ସମୟରେ ତାହା ଲୋକଲୋଚନକୁ ଆଣିବା ପାଇଁ ହିନ୍ଦୀ, ଇଂରାଜୀ, ବଙ୍ଗାଳୀ, ତେଲୁଗୁ ତାମିଲ, ଭୋଜପୁରୀ, ଓଡ଼ିଆ, ମରାଠୀ,ଗୁଜୁରାଟୀ, ହରିୟାଣୀ , ପଞ୍ଜାବୀ ଭାଷାରେ ପ୍ରସାରିତ ହୋଇଥିଲା ଯାହାଦ୍ଵାରା କ୍ରିକେଟ ଲୋକପ୍ରିୟ ହୋଇ ପାରିବ ତତ୍ସହିତ ବିଭିନ୍ନ ଆଞ୍ଚଳିକ ଭାଷାର ବିକାଶ ହୋଇ ପାରିବ । ନିଶ୍ଚିତ ଭାବରେ ଏହା ଉତ୍ତମ ପଦକ୍ଷେପ ଅଟେ।

ଓଡ଼ିଆ ଭାଷା ଏକ ବର୍ଷ ପୂର୍ବେ କ୍ରିକେଟ ଖେଳ‌ ପ୍ରସାରିତ ହୋଇଥିଲା । କିନ୍ତୁ ଏହି ବର୍ଷ IPL ଓଡ଼ିଆ ଭାଷାକୁ ବାଦ୍ ଦିଆଯାଇଛି କାରଣ କିଛି ଖେଳାଳୀ ଙ୍କର ନାମ ଓଡ଼ିଆ ରେ ଟାନ୍ସଲେଟ ସମୟରେ ତ୍ରୁଟି ଦେଖାଦେଇଥିଲା । ଏହା ସ୍ବାଭାବିକ କଥା ଇଂରାଜୀ ରୁ ଓଡ଼ିଆ ଭାଷା ରେ ଲେଖିବାରେ କିଛି ତ୍ରୁଟି ରହିପାରେ । ତଥାପି ଓଡ଼ିଆ କ୍ରିକେଟ ପ୍ରେମୀ ଉତ୍ସାହିତ ଥିଲେ ଓଡ଼ିଆ ଭାଷା ପ୍ରସାରିତ ହେବ ବୋଲି କିନ୍ତୁ ପରିତାପର ବିଷୟ ହେଉଛି ଯେ ଓଡ଼ିଆ ଭାଷାକୁ ବାଦ୍ ଦିଆଯାଇଛି ହରିୟଣୀ ଭାଷା ପ୍ରସାରିତ ପାଇଁ ଅନୁମତି ଦିଆଯାଇଛି ।

ଓଡ଼ିଆ ସେହି ଦେଶର ଭାଷା ଯେଉଁ ଦେଶରେ ମହାପ୍ରଭୁ ଶ୍ରୀଜଗନ୍ନାଥ ସ୍ୱୟଂ ବିଜେ କରିଅଛନ୍ତି । ଓଡ଼ିଶା ସେହିଦେଶ ଇଂରେଜ ଶେଷରେ ଆସି ପ୍ରଥମେ ଛାଡିଥିଲେ । ଭାରତ ସ୍ୱାଧୀନ ହେବା ପୂର୍ବରୁ ଓଡିଶା ସ୍ବତନ୍ତ୍ର ଭାବରେ ପ୍ରଦେଶ ଗଠନ ହୋଇସାରିଛି । ଭାରତରେ ଶାସ୍ତ୍ରୀୟ ଭାଷା ମଧ୍ୟରେ ଓଡ଼ିଆ ଭାଷା ଅନ୍ୟତମ । ବେଙ୍ଗଲୀମାନେ ଓଡ଼ିଆକୁ ଏବେ ସୁଦ୍ଧା ସ୍ୱତନ୍ତ୍ର ଭାଷା ଭାବୁନଥିବା ବେଳେ‌ ଓଡ଼ିଆ ଭାଷା ଶାସ୍ତ୍ରୀୟ ଭାଷା ମାନ୍ୟତା ପାଇଥିବା ବେଳେ ବଙ୍ଗାଳୀ ଭାଷା ପାଇ ପାରିନାହିଁ । ଜାତୀୟ ସଂଗୀତ ଯଦି ଗବେଷଣା କରାଯାଏ ତାହା ଓଡ଼ିଆ ଭାଷାର ସାମଞ୍ଜସ୍ୟ ଶତ ପ୍ରତିଶତ ରହିଅଛି । ଜାତୀୟ ସଂଗୀତରେ ତାମିଲ ତେଲୁଗୁ ହରିୟଣୀ ଭାଷାର ଦେଶ ନାମ ନାହିଁ କିନ୍ତୁ ସେହି ଭାଷାରେ କ୍ରିକେଟ ଖେଳ ପ୍ରସାରିତ ହେଉଅଛି । ଭାରତୀୟ ପ୍ରଚଳିତ ମୁଦ୍ରାରେ ଓଡ଼ିଆ ଭାଷା ସ୍ଥାନିତ ହେଇଛି କିନ୍ତୁ ହରିୟଣୀ ଭାଷା ନାହିଁ କିନ୍ତୁ ସେହି ଭାଷାରେ ପ୍ରସାରିତ ହେଉଅଛି ।। ସବୁଠାରୁ ବଡ କଥା ରାଷ୍ଟ୍ରସଂଘରେ ଓଡ଼ିଆରେ ସନ୍ଥ କବି ଭୀମଭୋଇଙ୍କ ଲିଖିତ

“ ପ୍ରାଣୀଙ୍କ ଆରତ ଦୁଃଖ ଅପ୍ରମିତ ଦେଖୁଦେଖୁ କିବା ସହୁ ,

ଏ ଜୀବନ ପଛେ ନର୍କେ ପଡ଼ିଥାଉ ଜଗତ ଉଦ୍ଧାର ହେଉ ।।”

ଯେଉଁ ଓଡ଼ିଆ ଭାଷା ପରୋପକାରର ବାର୍ତ୍ତା ବହନ କରେ ତାକୁ କ୍ରିକେଟ ଖେଳରେ ସ୍ଥାନ ନାହିଁ । ଓଡ଼ିଶାର ଲୋକମାନେ ଏବେ ମଧ୍ୟ ହିନ୍ଦୀ ଓ ଇଂରାଜୀ ଭାଷାକୁ ବୁଝିବାରେ ଅସମର୍ଥ କିନ୍ତୁ କ୍ରିକେଟ ଖେଳକୁ ଭଲ ପାଇବାରେ ମନରୁ ଊଣା କରିନାହାନ୍ତି । ଏହି କ୍ରିକେଟ ଖେଳ (IPL) ଆବାଳବୃଦ୍ଧବନିତା ମନୋରଞ୍ଜନ ମୂଳକ ଖେଳ ରୂପେ ପରିଗଣିତ ହୋଇଆସୁଛି । ଓଡ଼ିଶା ରେ ଆହୁରି ଲୋକପ୍ରିୟ କରିବା ପାଇଁ ଓଡ଼ିଆ ଭାଷାରେ ପ୍ରସାରିତ କରିବା ଆବଶ୍ୟକତା ରହିଅଛି ଯାହାଦ୍ଵାରା ଓଡ଼ିଶାର ସମସ୍ତେ ସ୍ୱଢଙ୍ଗରେ କ୍ରିକେଟ ଖେଳକୁ ଉପଭୋଗ କରିପାରିବେ ।

ନିଶ୍ଚିତ ଭାବରେ ଏହା ଓଡ଼ିଆମାନଙ୍କୁ ଅପମାନିତ ହେବା ସହିତ ମନରେ ଓଡ଼ିଆ ମାନଙ୍କ ପ୍ରତି ଆଞ୍ଚଳିକତା ବାଦ ଦ୍ୱେଷ ମନୋଭାବ ପୋଷଣ କରିଆସୁଛି । କ୍ରିକେଟ ପ୍ରତି ଭଲପାଇବା ନ କମିଲେ ଓଡ଼ିଆ ହୃଦୟରେ ସର୍ବଦା ପ୍ରଶ୍ନବାଚୀ ସୃଷ୍ଟି କରୁଥିବ ।

କ୍ରିକେଟ ପ୍ରେମୀ ଓଡ଼ିଆଙ୍କ ପ୍ରତି ଦ୍ୱେଷ ମନୋଭାବ

ଓଡ଼ିଆ