ଯଦିଓ ପିଲାଦିନରୁ ଇଂରାଜୀ ବିଷୟ ମୋର ଭଲହୁଏ। ମୁଁ କେବଳ ଇଂରାଜୀ ହିଁ ପଢେ। ବାକି ଗଣିତରେ ମୋତେ ବୀଜ ଗଣିତ ଭଲଲାଗେ । ଜ୍ୟାମିତି ଲାଗେନା ହେଲେ ପରିମିତି ଭାରୀ ଭଲଲାଗେ। ସେମିତି ଅଙ୍କନ ମୋ ଦ୍ଵାରା ହୁଏନି। ଇଂରାଜୀ ଭଲହୁଏ ବୋଲି ବାପା ମୋତେ ଗୋଟିଏ ଭଲ ଇଂରାଜୀ ଶିକ୍ଷକଙ୍କ ଘରେ ପଢ଼ିବାକୁ ଛାଡି ଦେଲେ । ରାତିରେ ତାଙ୍କ ଘରେ ରୁହେ । ସେ ଖଟ ଉପରେ ଶୁଅନ୍ତି ଆଉ ମୁଁ ତଳେ । ଠିକ ଭୋରୁ ଭୋରୁ ମୋତେ ମୋତେ ଇଂରାଜୀ ବଦଳରେ ଗଣିତ କରିବାକୁ ଦିଅନ୍ତି। ପରେ ଜାଣିଲି ସେ ସବୁ ପଢ଼େଇ ପାରନ୍ତି । ଖୁବ୍ ମାରନ୍ତି ବେତରେ , ମୁଁ ଭାବେ ଭଲ କଥା ହେଲା । ଇଂରାଜୀ ପଢ଼ିବାକୁ ଆସିଥିଲି ହେଲେ ଗଣିତ କରିବାକୁ ଦେଲେଣି । ଏଥର ତ୍ରାହି ନାହିଁ ଆଉ । ସବୁଦିନେ ୨୦ ଖଣ୍ଡ ଗଣିତ କରିବାକୁ ଦିଅନ୍ତି । ଦଶମ ପରୀକ୍ଷା ଫଳରେ ଅଧିକା ନମ୍ବର ଇଂରାଜୀରେ ହିଁ ଥିଲା , ତା ପରେ ଗଣିତ।

ସ୍କୁଲ ପରେ ପରେ ଇଂରାଜୀ ଉପନ୍ୟାସ ପଢିବା ଆରମ୍ଭ ହେଲା । ସେତେବେଳେ ମୋ ସାଙ୍ଗମାନେ ଉପନ୍ୟାସ କଣ ଜାଣନ୍ତି ନାହିଁ । ଗାଁ ସାଙ୍ଗ ଭାରି ଚିଡନ୍ତି, ଧୀରେ ଧୀରେ ମୁଁ ଆଉ ଖେଳିବାକୁ ଗଲିନି। ଉପନ୍ୟାସ କାହାଣୀ ଭିତରେ ବୁଡ଼ି ରହିଲି। ଯେତେବେଳେ ସେମାନେ ଉପନ୍ୟାସ ପଢିବା ଆରମ୍ଭ କଲେ । ସେତେବେଳେ ମୋ ପାଖରେ ପ୍ରାୟ ଛୋଟ ବହି ସଂଗ୍ରହାଳୟ ଥିଲା । ଏବେ ତାହାର ବହି ସଂଖ୍ୟା ପ୍ରାୟ ୩୦୦ ଉପରେ । ଆମ ଖୋର୍ଦ୍ଧା ଅଞ୍ଚଳର ଜଣେ ବୟସ୍କ ବ୍ୟକ୍ତି ଅଛନ୍ତି ତାଙ୍କର ପାଖରେ ୨୦୦୦ ବହି ରହିଛି । ମୁଁ ଏବେ ଯୁବକ ବୋଧେ କିଛି ବର୍ଷ ଭିତରେ ମୋ ବହି ସଂଖ୍ୟା ପ୍ରାୟ ତାଙ୍କ ପାଖ ପାଖି ଛୁଇଁବ ।

ବହିରୁ କଣ ମିଳେ ? ଥରେ କେହି ଜଣେ ମୋତେ ପ୍ରଶ୍ନ କରିଥିଲା। ମୋ ସାଙ୍ଗ କୁହେ ବହି କିଣିବା ଓ ପଢ଼ିବା ଗୋଟିଏ ମହଙ୍ଗା ନିଶା । ସତରେ ଏହା ଗୋଟାଏ ନିଶା । ବହି ମୋତେ ଦେଇଛି କଣ ? ମୋର ଶିକ୍ଷାଗତ ଯୋଗ୍ୟତା ମେକାନିକାଲ ଇଞ୍ଜିନିୟର ହେଲେ ମୁଁ ସଫ୍ଟୱେର ରେ କାମ କରେ । ଆମ କଲେଜରେ ମୁଁ ବେଶ ଚର୍ଚ୍ଚାରେ ରୁହେ । ମେକାନିକାଲରେ ପଦାର୍ଥ ବିଜ୍ଞାନ ବେଶୀ ଥାଏ । ମୋତେ ପଦାର୍ଥ ବିଜ୍ଞାନ ପଢ଼ିବାକୁ ଭଲ ଲାଗେ । ପ୍ରଥମ ଚାକିରୀ ରୋବୋଟିକରେ ଥିଲା । ହେଲେ ମୋର ରୁଚି ସବୁବେଳେ ସଫ୍ଟୱେର ପାଇଁ ଥାଏ। ଶେଷରେ ନିଷ୍ପତ୍ତି ନେଲି ମେକାନିକାଲ ଚାକିରୀ ଛାଡ଼ି ପଢିବି। ସେତେବେଳେ ପ୍ରାୟ ତିନି ବର୍ଷ ରୋବୋଟିକରେ କାମ କରିସାରିଥିଲି।

ମୋ ପାଖରେ ଘଣ୍ଟା ଘଣ୍ଟା ବହି ପଢ଼ିବାର ଅଭିଜ୍ଞତା ଥିଲା । ଯାହା ମୋର ପଢ଼ିବାର ଏକାଗ୍ରତା ବୃଦ୍ଧି କରିଥିଲା। ତେଣୁ ସଫ୍ଟୱେରର ବିଷୟ ସବୁ ପଢ଼ିବାକୁ ଯଦିଓ ସହଜ ନଥିଲା ତେବେ କଷ୍ଟ ହେଲାନାହିଁ । ଶେଷରେ ମୁଁ Wipro ରେ ଚାକିରୀ ପାଇଲି। ମୋ ଟିମ ରେ ଅଧିକା ଝିଅ ଥିଲେ ତେଣୁ ମୋତେ ଲାଜ ଲାଜ ଲାଗେ । ଧୀରେ ଧୀରେ ଝିଅଙ୍କ ମେଳରେ ମୋତେ ଅଣ ନିଶ୍ବାସୀ ମନେ ହେଲା । ଚାକିରୀ ଛାଡ଼ି ଦେଲି wipro ରୁ। ଭାବେ ଏଥର ଏମିତି ଜାଗାକୁ ଯିବି ଯେମିତି ଝିଅ ନଥିବେ । ସେମିତି ହିଁ ହେଲା ।ଦୀର୍ଘ ତିନି ବର୍ଷ କାମ କରି ସାରିବା ପରେ ସେତେବେଳେ AI ଧିରେ ଧିରେ ବଜାରରେ ଜାଗା ସୃଷ୍ଟି କରିଥାଏ। ନିଷ୍ପତ୍ତି ନେଲି ଏଥର ଚାକିରୀ ଛାଡ଼ି ପଢିବି ପୁଣି। ଘରକୁ ଆସିଲି ପୁଣି ।

ଓଡ଼ିଶା ଫେରିବା ପରେ ବେଶି ପରିଚିତ ଲୋକ ମାନେ ଥଟା କଲେ । ହେଲେ ବାପା ଓ ବୋଉ ପଢ଼ିବାକୁ ପୂର୍ଣ୍ଣ ସହଯୋଗ କଲେ । ଆରମ୍ଭ ହେଲା Machine Learning and Artificial intelligence ପଢିବା।

YouTube ହିଁ ଥିଲା ମୋ ପାଇଁ ବିଶ୍ଵ ବିଦ୍ୟାଳୟ। AI ପଢିବାକୁ ହେଲେ ଗଣିତରେ ଭଲ ଜ୍ଞାନ ରହିବା ଦରକାର। ତେଣୁ ଚାରିମାସ ଗଣିତ ପଢିଲି । ଶ୍ରେଣୀ ଅଷ୍ଟମ ଠାରୁ ନେଇ ଦ୍ଵାଦଶ ପର୍ଯ୍ୟନ୍ତ ଗଣିତର ସମସ୍ତ ବିଷୟ । AI ରେ ଚାକିରୀ କରିବାକୁ ହେଲେ ଦରକାର Linear Algebra, Probability, Statistics and Calculus ଉପରେ ଗଣିତ ଜ୍ଞାନ । ଏସବୁ ସରିବା ପରେ ଆରମ୍ଭ ହେବ Python Programming. Python ବେଳେ ଗୋଟିଏ ଭ୍ରମ ସୃଷ୍ଟି ହେବ , ତାହା ହେଲା ଗଣିତକୁ କେମିତି କମ୍ପ୍ୟୁଟର କୋଡ଼ ମାଧ୍ୟମରେ ବ୍ୟବହାର କରିହେବ ।

ତା ପାଇଁ ପଢ଼ିବାକୁ ହେବ Python frameworks ଗୁଡିକ, ତାହା ହେଲା Numpy, Pandas, Matplotlib and seaborn । ସ୍କୁଲରେ ଭାବିଥିଲି ଗଣିତ କେବଳ ହିସାବ ପାଇଁ ବ୍ୟବହାର ହୁଏ । ହେଲେ ପଢିବା ବେଳେ ଜାଣିଲି ଗଣିତ ହିଁ ଜୀବନ । ବର୍ତ୍ତମାନ ସମୟରେ ଯାହାର କେବଳ ଗଣିତ ଭଲ । ସେ ବହୁତ୍ କିଛି କରିପାରିବ । ହେଲେ ଆମ ଓଡ଼ିଶାରେ କିଏ କାହାକୁ ଜ୍ଞାନ ଦେଉଛି । ଲେଖକ ଓ କବିମାନେ ପ୍ରେମ ଲେଖୁ ଲେଖୁ ସମୟ ପାଇଲେ ତ ପାଠ କଥା ଲେଖିବେ । ଛାତ୍ର ସମାଜକୁ ଗୋଟିଏ ନୂଆ ଦିଗ ଦର୍ଶନ ଦେବେ । ସାହିତ୍ୟରେ କାହିଁକି ଶିକ୍ଷା କଥା ଲେଖା ଯାଇପାରିବ ନାହିଁ । ଯଦି ଫୁଙ୍ଗୁଳା ଦେହ ଓ ଗରମ ଓଠର ତାତି କଥା ଲେଖୀ ଏଠି ବା ବା ସାଉଁଟି ହେଉଛି ।

ତେବେ ମୋ ଲେଖନୀ ଲେଖୁ Derivatives Chain rule କଥା ଯାହାକୁ ନେଇ Deep Learning ରେ ବ୍ୟବହାର କରାଯାଉଛି। AI ର ସମ୍ପୁର୍ଣ୍ଣ ଭାବନା ଶକ୍ତି କେବଳ ଗଣିତର derivatives ଉପରେ ନିର୍ଭର କରେ । ଗୋଟିଏ dataset କୁ କେମିତି ନେଇ ସେଥିରେ ଗଣିତ ଓ Algorithms କୁ ନେଇ ଅନେକ କିଛି ତିଆରି କରାଯାଉଛି ତାହା ଅତ୍ୟନ୍ତ କୌତୁହଳ ପରି ଲାଗେ।

ସ୍କୁଲରେ ପଢ଼ିବା ସମୟରେ Statistics କେବଳ , mean, median ଓ mode ରେ ହିଁ ରହି ଯାଉଥିଲା ହେଲେ ଏବେ ତାହା AI ଦୁନିଆଁରେ ଦୁଇ ଭାଗରେ ବିଭକ୍ତ, ସେ ଗୁଡିକ ହେଲା Descriptive Statistics and Inferential Statistics.

ସାହିତ୍ୟର ଏମିତି ବିଷୟକୁ ବୈଷୟିକ ସାହିତ୍ୟ ବୋଲି କୁହାଯାଏ । ଭଲ ଲାଗିଲ ଗଣିତ ଓ ବିଜ୍ଞାନକୁ ସାହିତ୍ୟରେ କୌତୁହଳ କରି ଲେଖିବା ଓ ଅନେକ ଛାତ୍ର ସମାଜକୁ ଅଭିଜ୍ଞତା ବାଣ୍ଟିବା ।

ଗଣିତ

ଗଣିତ ଓ ବିଜ୍ଞାନର କଥା