ଆମ ଶରୀରରେ ଥିବା ଗଣ୍ଠିଗୁଡ଼ିକ ଯେପରି ହାଡ଼କୁ ଜୋଡ଼ି ରଖେ, ସେହିପରି ବିଶ୍ୱ ଗଣ୍ଠି ଦିବସ ସାରା ବିଶ୍ୱର ଲୋକଙ୍କୁ ଏକତା ସୂତ୍ରରେ ବାନ୍ଧିଥାଏ। ଏହି ଦିବସ କେବଳ ଜାଗରୁକତା ସୃଷ୍ଟି କରେ ନାହିଁ, ବରଂ ଏକ ଜରୁରୀ ସନ୍ଦେଶ୍‌ ଦେଇଥାଏ ଗଣ୍ଠି ସମସ୍ୟା ରୋକିବା ପାଇଁ ଆମେ ସମସ୍ତେ ଏକତା ବାନ୍ଧିବା ଜରୁରୀ।

କାହିଁକି ଏକତା ଗୁରୁତ୍ୱପୂର୍ଣ୍ଣ?

ଗଣ୍ଠି ରୋଗ କୌଣସି ଏକ ଦେଶ, ବର୍ଣ୍ଣ ବା ବୟସର ସୀମା ମାନେ ନାହିଁ। ଏହା ସାରା ବିଶ୍ୱରେ ଲକ୍ଷ ଲକ୍ଷ ଲୋକଙ୍କୁ ପ୍ରଭାବିତ କରେ। ତେଣୁ, ଏକା ଲଢ଼େଇର ସମ୍ମୁଖୀନ ହୋଇଥିବା ଲୋକଙ୍କ ପାଇଁ ଏକତା ହେଉଛି ସବୁଠାରୁ ବଡ଼ ଶକ୍ତି। ବିଶ୍ୱ ଏକତା ଦିବସ ମାଧ୍ୟମରେ:

ଜ୍ଞାନର ଆଦାନ-ପ୍ରଦାନ: ବିଭିନ୍ନ ଦେଶମାନେ ଗଣ୍ଠି ରୋଗ ପ୍ରତିରୋଧ ଓ ଚିକିତ୍ସା ସମ୍ବନ୍ଧୀୟ ନୂତନ ଗବେଷଣା ଏବଂ ଜ୍ଞାନ ପରସ୍ପର ସହିତ ବାଣ୍ଟିପାରନ୍ତି। ଏକ ଦେଶରେ କାମ କରୁଥିବା ଏକ ଉପାୟ ଅନ୍ୟ ଦେଶରେ ମଧ୍ୟ ଲକ୍ଷାଧିକ ଲୋକଙ୍କୁ ସୁସ୍ଥ କରିପାରେ।

· ସମସ୍ୟାର ସାଧାରଣୀକରଣ: ଏହି ଦିବସ ଏକତା ସୃଷ୍ଟି କରି ଲୋକଙ୍କୁ ବୁଝାଇଥାଏ ଯେ ଗଣ୍ଠି ରୋଗ ଏକ ସାଧାରଣ ସମସ୍ୟା, ଯାହା କୌଣସି ଲୋକର ହୋଇପାରେ। ଏହା ରୋଗୀଙ୍କ ମଧ୍ୟରେ ଥିବା ଲଜ୍ଜା ଓ ଏକାକୀ ପଣରେ ଭାବନାକୁ ଦୂର କରିବାରେ ସାହାଯ୍ୟ କରେ।

· ସମସ୍ତଙ୍କ ପାଇଁ ସ୍ୱାସ୍ଥ୍ୟ ସେବା: ବିକଶିତ ଦେଶଗୁଡ଼ିକର ଉନ୍ନତ ଚିକିତ୍ସା ପଦ୍ଧତି ଓ ଔଷଧ ବିକାଶଶୀଳ ଦେଶଗୁଡ଼ିକ ପାଇଁ ମଧ୍ୟ ସହଜ ଲଭ୍ୟ କରାଯାଇପାରେ, ଯଦି ସମସ୍ତେ ଏକତା ବାନ୍ଧି କାମ କରନ୍ତି।

ଏକତାର ଶକ୍ତି: ଆମେ କ’ଣ କରିପାରିବା?

ବିଶ୍ୱ ଏକତା ଦିବସର ପ୍ରକୃତ ସଫଳତା ଆମ ଭଳି ସାଧାରଣ ଲୋକଙ୍କ ଉପରେ ନିର୍ଭର କରେ। ଆମେ ମଧ୍ୟ ଏହି ବିଶାଳ ମାନବିକ ଏକତାର ଏକ ଅଂଶ ହୋଇପାରିବା:

. ସ୍ଥାନୀୟ ସମ୍ମିଳନୀରେ ଯୋଗ ଦେଇବା: ଗଣ୍ଠି ସ୍ୱାସ୍ଥ୍ୟ ଉପରେ ଆୟୋଜିତ ସଚେତନତା ଶିବିର ବା ଆଲୋଚନା ଚକ୍ରରେ ଯୋଗ ଦେଇ ଜ୍ଞାନ ଅର୍ଜନ କରିବା ଏବଂ ଅନ୍ୟମାନଙ୍କ ସହିତ ଅନୁଭୂତି ବାଣ୍ଟିବା।

· ସାମାଜିକ ମାଧ୍ୟମରେ ସକ୍ରିୟତା: ଅନଲାଇନରେ ଗଣ୍ଠି ସ୍ୱାସ୍ଥ୍ୟ ସମ୍ବନ୍ଧୀୟ ମେସେଜ୍, ପୋଷ୍ଟ ବା ଭିଡିଓ ଶେୟାର୍ କରି ଅଧିକ ଲୋକଙ୍କ ନିକଟକୁ ସନ୍ଦେଶ୍‌ ପହଞ୍ଚାଇବା।

· ସ୍ଵେଚ୍ଛାସେବୀ ହେବା: ଗଣ୍ଠି ରୋଗୀଙ୍କ ସହାୟତାରେ ନିୟୋଜିତ ସଂଗଠନଗୁଡ଼ିକୁ ସମୟ ବା ଅର୍ଥ ଦାନ କରି ସେମାନଙ୍କ କାର୍ଯ୍ୟରେ ସହାୟତା କରିବା।

· ପାରିବାରିକ ଏକତା: ପରିବାର ଓ ବନ୍ଧୁମାନଙ୍କ ସହିତ ମିଶି ଏକ ସୁସ୍ଥ ଜୀବନଶୈଳୀ ଅବଲମ୍ବନ କରିବା, ଯେଉଁଥିରେ ସନ୍ତୁଳିତ ଖାଦ୍ୟ ଓ ବ୍ୟାୟାମ ଅନ୍ତର୍ଭୁକ୍ତ ହେବ।

ବିଶ୍ୱ ଏକତା ଦିବସ ଆମକୁ ଜଣାଇଦେଉଛି ଯେ ଗଣ୍ଠି ସମସ୍ୟା ଏକ ବ୍ୟକ୍ତିଗତ ସମସ୍ୟା ନୁହେଁ, ବରଂ ଏକ ବିଶ୍ୱବ୍ୟାପୀ ସ୍ୱାସ୍ଥ୍ୟ ଚିନ୍ତା। ଯେତେବେଳେ ସାରା ବିଶ୍ୱ ଏକତାବଦ୍ଧ ହୁଏ, ସେତେବେଳେ ଜ୍ଞାନ, ସମ୍ବଳ ଓ ଆଶା ବଣ୍ଟନ ହୋଇପାରେ। ଆସନ୍ତୁ, ଆମେ ସମସ୍ତେ ଏହି ମହାନ ଏକତାର ଏକ ଅଂଶ ହୋଇ ଏକ ସୁସ୍ଥ, ଗତିଶୀଳ ଏବଂ ନିରୋଗୀ ବିଶ୍ୱ ଗଠନରେ ଆମର ଭୂମିକା ନିଭାଇବା। ଏକତାରେ ହିଁ ଶକ୍ତି, ଏକତାରେ ହିଁ ସୁସ୍ଥତା।

!! ସୁଶାନ୍ତ କୁମାର ସାସମଲ

ହନୁମାନ ନଗର ଆସ୍କା ରୋଡ଼

ବ୍ରହ୍ମପୁର ଗଞ୍ଜାମ !!

ଗଣ୍ଠି ସମସ୍ୟା ନିବାରଣରେ ବିଶ୍ୱ ଏକତା ଦିବସ

ଗଣ୍ଠି ସମସ୍ୟା ନିବାରଣରେ ବିଶ୍ୱ ଏକତା ଦିବସ