ସୃଷ୍ଟିର ଆଦିମ କାଳରୁ ତିଷ୍ଠ ,ଯାହାର ନାହିଁ ଆଦିଅନ୍ତ ସିଏ ନୁହେଁ ମଧ୍ୟ ନର, ସିଏ ଇଶ୍ଵର ହଁ ହଁ ସିଏ ଇଶ୍ଵର |
"ଗୁରୁ ଙ୍କୁ ନମଣିବ ନର
ଗୁରୁ ହିଁ ସାକ୍ଷାତ୍ ଇଶ୍ଵର "

ଗୁରୁ ବେଦ ର ଓମ୍ କାର ଧ୍ବନି ପରି ପ୍ରାଚୀନ, ମହିଷିଙ୍କ ମନ୍ତ୍ର ରଝଙ୍କାର ସ୍ୱର, ସିଏ ପୂନ୍ୟ ଆତ୍ମା ତାଙ୍କ ମଧ୍ୟରେ ସମାହିତ ଜୀବନ ସତ୍ତା । ନିଜ କର ସ୍ପର୍ଶ ରେ ସୃଷ୍ଟି କରନ୍ତି ନୂତନ ସତ୍ତା ଓ ନିଜର ଜ୍ଞାନ ବଳରେ ନିଜର ଆଦର୍ଶରେ ମାଟି ପିଣ୍ଡୁଳା ପରି ଅବୋଧକୁ ଦେଇ ପାରନ୍ତି ଦିବ୍ୟଚକ୍ଷୁ । ଜୀବନ ର କାଳୀମା କୁ ଦୂର କରି ହାତ ମୁଠା ରେ ଧରାଇ ପାରନ୍ତି ମୁକ୍ତା ନିଶା ପୂର୍ଣ୍ଣମୀ ର ଆଲୋକ ।ଏହି ମହାନ ବ୍ୟକ୍ତିତ୍ଵର ଅଧିକାରୀ ସିଏ ଗୁରୁ।
"ଜୀବନର ଆଦ୍ୟ ତଥା ପ୍ରାରମ୍ଭିକ ପର୍ଯ୍ୟାୟର ମାତୃ ଗୁରୁଙ୍କ ନିକଟରେ ଚିର ଋଣୀ । "ଜୀବନର ସ୍ତର ପରେ ସ୍ତର ଦେଇ ଅନେକ ଗୁରୁ ଅନେକ ପଥ ଦେଖାନ୍ତି ମାତ୍ର ସବୁ କ'ଣ ସଠିକ୍ ମାର୍ଗ ଦର୍ଶନ କରିପାରନ୍ତି? କିନ୍ତୁ ଜୀବନ ରେ କୌଣସି ନା କୌଣସି ସ୍ତର ଏପରି ଗୁରୁଙ୍କ ସହ ଭେଟ ହୁଏ ଯେଉଁଠାରୁ ଜୀବନର ମୋଡ,ଜୀବନର ସଂଜ୍ଞା ବଦଳିଯାଏ ସେହିପରି ମୋ ଗୁରୁ । (ମୋର ଅଧ୍ୟାପକ ଓ ଅଧାପିକା) ଙ୍କ ମାର୍ଗ ଶ୍ରେଷ୍ଠତ୍ଵ | ତାଙ୍କ ମାର୍ଗ କୁ ଅନୁସରଣ ଦ୍ୱାରା କୌଣସି ବି ପଥିକ ହୁଏ ନାହିଁବାଟବଣା, ତାଙ୍କ ଆଦର୍ଶ ନିଜ ମଧ୍ୟ ରେ ଏକ ଜ୍ଞାନ ପିପାସା ଜାଗ୍ରତ କରେ, ନିଜକୁ ଚିହ୍ନିବାର ଇଚ୍ଛା ଶକ୍ତି ଉତ୍ପନ କରାଏ | ତାଙ୍କର ପ୍ରତ୍ୟେକ ଟି ବାକ୍ୟ ବେଦବାଣୀ ପରି I ଜୀବନରେ ନିରବଚ୍ଛିନ୍ନ ଗତି କରିବାର ଧାରା ସୃଷ୍ଟି କରେ । ଚକ୍ଷୁରେ ପଡ଼ିଥିବା ମଳୀନ ପରସ୍ତଟିକୁ ଖୋଲିବାରେ ରହିଛି ତାଙ୍କରି ଦାନ, ଜୀବନକୁ ସରସ ସୁନ୍ଦରମୟ କରିବାରେ ରହିଛି ତାଙ୍କରି ଚିହ୍ନ । ସେ ଏପରି ବ୍ୟକ୍ତିତ୍ଵଧାରୀ ମଣିଷ ଯିଏ ଜ୍ଞାନ ର ଭଣ୍ଡାର କୁ ଆୟତ କରିଛନ୍ତିି ମାତ୍ର ତାଙ୍କ ଦେଖିଲେ ଲାଗେ ସେ ଅହଂଶୂନ୍ୟ ସେ ପୁଣ୍ୟ ଗଙ୍ଗାଧାରା । ସେ ପୁଣ୍ୟ ଆତ୍ମା, ସେଇ ପୂଣ୍ୟ ଆତ୍ମା ମୋ ଅନ୍ତର ଆତ୍ମାକୁ ଚିହ୍ନାଇବାରେ ସାହାଯ୍ୟ କରିଛନ୍ତି। ସିଏ ମୋ ଜୀବନର ମାର୍ଗ ଅନୁସନ୍ଧାନ କାରୀ ,ମୋଜୀବନ ର ସଂଜ୍ଞା ପରିବର୍ତ୍ତନକାରୀ। ମୋ ନୂତନ ଜୀବନ ଗଠନରେ ରହିଛି ତାଙ୍କର ବିଶେଷ ଭୂମିକା |
ମୋ ଗୁରୁ ମୋ ପାଇଁ ଦିବ୍ୟ ପ୍ରତିମା ମୋ ପାଇଁ ଅଦୃଶ୍ୟ ଶକ୍ତି, ଏହିପରି ମହାନ୍ ବ୍ୟକ୍ତିତ୍ୱ ଙ୍କ ନିକଟରେ ମୁଁ ସାତଜନ୍ମ ପାଇଁ ଋଣୀ | ସିଏ ମୋ ମନରେ ଚିର ପୂଜ୍ୟ, ଚିର ବନ୍ଦ୍ୟ,ଚିର ନମସ୍ୟ
ଏହିପରି ବ୍ୟକ୍ତିତ୍ଵ ଧାରୀ ମୂର୍ତ୍ତ୍ୟମଣ୍ଡଳରେ ଅସାଧାରଣ ବିରଳ ।

ମୋର ଗୁରୁଙ୍କୁ ମୋର ଭକ୍ତିପୂତ ପ୍ରଣାମ ।

Name- Sukanya Baral

"ଗୁରୁ" ତୁମେ ଚିର ନମସ୍ୟ

ଟାଙ୍ଗରା ଭୂଇଁ ରେ ପଦ୍ମ ପୁଟାଇ ପାରନ୍ତି, ପଳାଶରେ ମଧ୍ୟ ବାସ ଦେଇ ପାରନ୍ତି ।