କବିତା ର ଶୀର୍ଷକ--- ଗୁରୁ ତୁମେ ବିଦ୍ୟାଦାତା

🌹🌹🌹🌹

ତିନି ଦେବ ନିଜ ଶକ୍ତି ଦାନ କରି

ଗୁରୁ ଙ୍କୁ ଗଢିଲେ ବସି,

ସଂସାରୁ ଅଜ୍ଞାନ ଅନ୍ଧାର କୁ ଦୂର

କରିବେ ସେମାନେ ଆସି।

ନିଷ୍ପାପ ନିର୍ବୋଧ ଶିଶୁଟିକୁ ସିଏ

ମାନବ କରି ଗଢିବେ,

ସଦ ଗୁଣ ଐସୋରୀୟଜ୍ଞାନ ମାନ

ତା ମଧ୍ୟରେ ଭରିଦେବେ।

ମାତା ପିତା ଆଦ୍ୟ ଗୁରୁ ହୋଇଥାନ୍ତି

ସଂସ୍କାର ଭରି ଜୀବନେ,

ବିଦ୍ୟା ଦାତା ଗୁରୁ ସାମାଜିକ ଜ୍ଞାନ

ଦେଇଥାନ୍ତି ପରାଦାନେ।

ତାଙ୍କରି ଆଶିଷେ ମାଟି ପିତୁଳା ଟି

ଉତ୍ତମ ଜୀବନ ପାଏ,

ଗୁରୁ ପଦସେବି ତାଙ୍କ କଥା ମାନି

ଆନନ୍ଦ ରେ ବଞ୍ଚି ଥାଏ।

ଦିକ୍ଷା ଗୁରୁ ଭଗବତ୍ ସତ୍ତା କଥା

ବୁଝାଇ କହି ଦିଅନ୍ତି,

ମାନବ ଜୀବନେ ଭଲ ମନ୍ଦ ଗୁଣ

କିର୍ତ୍ତି ଦର୍ଶାଇ ବୁଝାନ୍ତି।

ଅବଦୁତ ପରି ମହାନ୍ ବ୍ୟକ୍ତି ତ

ଚବିଶ ଗୁରୁ କରିଲେ,

ସମସ୍ତ ଙ୍କ ଠାରେ ଥିବା ତତ୍ତ୍ଵ ଗୁଣ

ମାନ ବାଛି ଶିକ୍ଷା କଲେ।

ସଦ ଗୁରୁ ମାନେ ଜୀବନ ମାର୍ଗ ରେ

ଉଜ୍ଜ୍ୱଳ ତା ଭରିଥାନ୍ତି,

ଅଜ୍ଞାନ ଅନ୍ଧାର କୂପରୁ ଆମକୁ

ବାହାର କରି ଥାଆନ୍ତି।

ଗୁରୁ ପାଦ ସେବି ତାଙ୍କର ଆଜ୍ଞା ରେ

ସତ୍ ପଥେ ରେ ଚଳିଲେ,

ଜୀବନର ସବୁ ପାହାଚରେ ବାବୁ

ଜିତି ଯିବୁ ତୁହି ଭଲେ।

ହେ ଗୁରୁ ତୁମେ ବିଦ୍ୟା ଦାତା ଈଶ୍ୱର

ଅଟଜୀବନ ପଥର,

ତୁମ୍ଭ ରି ଆଶିଷ ସଦ ଜ୍ଞାନ ପାଇ

ସଫଳ ଜୀବନ ମୋର।

ଧୂପ ଦୀପ ଗନ୍ଧ ଚନ୍ଦନ ଅର୍ପଣ

କରୁଛି ତୁମ୍ଭ ପୟରେ,

ସଦା ତୁମ ଶୂଭ ଆଶିଷ ଟିକକ

ରଖିଥିବା ମୋ ଉପରେ।

ଲିଳା ମୟୀ ଦାଶ

କେନ୍ଦ୍ରାପଡ଼ା

ଗୁରୁ ତୁମେ ବିଦ୍ୟାଦାତା

guru deb