(କାହାଣୀ ଗୋଟେ ଘର ର ସାନ ଝିଅ ର ..... ଯିଏ ନିଜ ପାଇଁ ସ୍ବପ୍ନ ଦେଖି ଆସିଚି ମାତ୍ର ପୂରଣ କରୁଚି ପରିବାର ର )

କବିତା ଲେଖିବାକୁ କାହାଣୀ ଶୁଣେଇବାକୁ ପଥ ପରିଷ୍କାର ଥିବା ସମୟେ ଯେବେ ପରିବାର ସାଜେ ପ୍ରତିବନ୍ଧକ ତେବେ ଏହା ଠାରୁ ଅଧିକ କଷ୍ଟ ଆଉ କଣ ବା ହୋଇପାରେ..... ଲେଖାରେ ନିଜକୁ ହଜେଇ ଥିବା ମଣିଷଟି ଯେବେ ପରିବାର ର ରାଣ ରେ ବାନ୍ଧି ହୋଇ ନିଜ ଲେଖାକୁ ଛାଡ଼ି ଦେବାକୁ ଯାଉଛି ଜଣା ନାହିଁ ଏ ହୃଦୟ ସେତେ ବେଶି ଓଜନ ହେଇ ଚାଲିଛି.....

ମୁଁ ସେମିତି ଗୋଟେ ମଣିଷ ଯାହାର ଲେଖାକୁ ତାର ସମସ୍ତ ଆନ୍ତରିକ ମଣିଷ ପସନ୍ଦ କରନ୍ତି କେବଳ ମାତ୍ର ମୋ ପରିବାର କୁ ଛାଡ଼ି.... ତେବେ ମୋ ଅଭିଳାଷ କୁ କେମିତି ମୁ ଆଗକୁ ନେବି...

ଶୀର୍ଷକ:- ହଁ ମୁଁ କେବଳ ମୁଁ ହିଁ ହୋଇପାରେ

ଅର୍ଦ୍ଧରାତ୍ରିରେ ଏକାକୀ ଏକ ରାସ୍ତା ରେ ଅକେଲା ମୁ ଯେବେ ଚାଲୁଥାଏ ନିଜ ଭାବନା, ସ୍ମୃତି ବିନ୍ଦୁ, ମୁଠାଏ ସ୍ବପ୍ନକୁ ଧରି, ବିଚରା ସହରର ଆଲୁଅ ବି ଅନ୍ଧକାରରେ ମୋତେ ରୋକିପାରେ ନାହିଁ, ସ୍ବପ୍ନ ସବୁକୁ ବିଚ୍ଛୁରିତ କରିପାରେ ନାହିଁ ନିଜ ରଶ୍ମିରେ, ଭାବନା କୁ ମିଳାଇ ପାରେ ନାହିଁ ପବନର ବାହା ସାଥୀ ରେ ।। ସମସ୍ତେ ପ୍ରଶ୍ନ କରନ୍ତି ଅସମର୍ଥ ହୋଇ ବି ଏ ସମର୍ଥପୁର୍ଣ୍ଣ କାମକୁ ମୁଁ କେମିତି କରିପାରେ...? ଉତ୍ତରରେ କେବଳ ଏତିକି କହିପାରେ - " ହଁ ମୁଁ କେବଳ ମୁଁ ହିଁ ହୋଇପାରେ"......

    ନିଜର ସଫଳତା କୁ ପୂରଣ କରିବା ପାଇଁ ଅନେକ ବଡ଼ ପଦକ୍ଷେପ ସହ ଚୁକ୍ତି କରିବାକୁ ପ୍ରସ୍ତୁତ ହୋଇଯାଏ । ବାପା ମାଆ ଙ୍କ ର ସେ କୁନି କୁନି ଓଠରେ ତୁନି ତୁନୀ ହସ ଭରିବା ପାଇଁ ମୁଁ ବ୍ୟାକୁଳ ହୋଇଯାଏ । ତାଙ୍କ ଆଖିରେ ଲୁହ ଦେଖି ମୁ ନିଜକୁ କଷ୍ଟ ଦେଇଥାଏ । ତାଙ୍କର ଅସହାୟ କୁ ତାଙ୍କ ସାହାସ ରେ ପରିଣତ କରିବାକୁ ମୁ ଚେଷ୍ଟାରତ ଥାଏ। ପଚାରନ୍ତି ସମସ୍ତେ ଏତେ କଷ୍ଟ କୁ ମୁ କେମିତି ସହିପାରେ....? ଉତ୍ତର ରେ କେବଳ ଏତିକି କହିପାରେ:- " ହଁ ମୁଁ କେବଳ ମୁଁ ହିଁ ହୋଇପାରେ" .......

     ଶତ୍ରୁ କୁ ଶତ୍ରୁ ନ କହି ତାକୁ ଆଲିଙ୍ଗନ କରିବା, ନିଜର ପ୍ରେମକୁ ନିଜ ପ୍ରେମର ଖୁସି ପାଇଁ ପ୍ରିୟ ଙ୍କୁ ଖୁସିରେ ତାଙ୍କ ବାଟେ ଛାଡ଼ିଦେବା, ଭଲପାଇବା ର ବନ୍ଧନ ରୁ ମୁକ୍ତି ଦେବା, ନିଜ ନାମ ର ଚେନ୍ କୁ ସବୁଦିନ ପାଇଁ ଖୋଲିଦେବା, ତାର ସେ ପ୍ରତାରଣା କୁ ଅମୃତ ଭାବି ପିଇନେବା, ତାର ପ୍ରତ୍ୟେକଟି ସ୍ପର୍ଶକୁ ମଥା ର ଚୁମ୍ବନତା କୁ ଯାଯାବର ଭଅଁର ବୋଲି ଭାବିନେବା, ଏତେ ସବୁ ପରେ ବି ତା କଥା ଭାବି ଭାବନା ରେ କେବଳ ତାକୁ ହିଁ ଚିନ୍ତା କରିବା, ସମସ୍ତେ ପ୍ରଶ୍ନ କରନ୍ତି ପ୍ରତାରଣାର ଶିକାରରେ ପ୍ରତାରିତ ହେବା ପରେ ବି ଲୁହ କାହିଁକି ଆସେନା...? ଉତ୍ତର ରେ କେବଳ ଏତିକି କହିପାରେ:- " ମୁଁ କେବଳ ମୁଁ ହିଁ ହୋଇପାରେ " ।।

     ନିଜ ଭାଗ୍ୟକୁ ଦୋଷ ନ ଦେଇ କର୍ମ ରେ ବିଶ୍ୱାସ ରଖିବା, ମନୁଷ୍ୟ ଜାତି ନୁହେଁ ଚାରୁଲତା ଦ୍ରୁମ ପଶୁ ପକ୍ଷୀ ମାନଙ୍କୁ ସ୍ନେହ କରିବା, ସ୍ବପ୍ନରେ ସ୍ବପ୍ନରେ ନିଜର ବଡ଼ ବଡ଼ ସ୍ବପ୍ନକୁ ସାକାର କରିବା, ନିଜ ଭବିଷ୍ୟତ ପାଇଁ ଅସ୍ତବ୍ୟସ୍ତ ନ ହୋଇ ବର୍ତ୍ତମାନ ମାନକୁ ଏକ ସଫଳ ରୂପ ଦେବା,
       ଭାବପ୍ରବଣତା ରେ ସର୍ବଦା ଲୀନ ରହି ନିଜେ ନିଜକୁ ଆଘାତ ଦେବା , ସେହି ଆଘାତର ରକ୍ତରେ ବିଶ୍ୱାସଘାତୀ ମାନଙ୍କୁ ଚିହ୍ନି ନେବା, ପରିଶେଷରେ ଶିରା ପ୍ରଶିରା ରେ ତାକୁ ଭିଜେଇ ଦେବା, ଅନ୍ୟର ଭୁଲ୍ ଅଛି ଜାଣିକି ବି ନିଜକୁ ଦୋଷୀ କହି ଦଣ୍ଡ ଦେବା, ଖାସ୍ କରି ଏ ସମାଜର ଖରାପ ଲୋକଙ୍କ ଠାରୁ ନିଜକୁ ଦୂରେଇ ରଖିବା, ଯୌନପିପାସୁ ଶିକାରୀ ଶୋଷଣକାରୀ ମାନଙ୍କୁ ଦଣ୍ଡ ଦେବା ପାଇଁ ମନରେ ଆଶା ବାନ୍ଧିବା, ତାକୁ କାର୍ଯ୍ୟ ରେ ପରିଣତ କରିବାର ସତ୍ ସାହାସ ବାନ୍ଧିବା, ସମସ୍ତେ କୁହନ୍ତି ମୁଁ କେମିତି ଏ ସବୁ କରିପାରେ ....? ଉତ୍ତର ରେ କେବଳ କହିପାରେ:- " ହଁ ମୁଁ କେବଳ ମୁଁ ହିଁ ହୋଇପାରେ " ।।

         ଗାଆଁ ର ସୁନାନାକୀ ମୁଁ ଗାଆଁ କନିଆଁ, ସବୁ ପରିବାର ସହ ପ୍ରେମ ରଖେ ସତ ସତିକା, କାହା ଘର ଝିଅ ବୋଲି ଆଦର ପାଏ ତ, କିଏ ନାତୁଣୀ କହି କୋଳେଇ ନିଏ, କୁଲାର ପାଖରେ ହଳଦୀ ଲଗେଇ ମୋ ଦେହେ ବୁଢ଼ୀ ମା ବୋଳି ଦେଉଥାଏ, ନିଜ ଭାଗର ମିଠା ବି ବଞ୍ଚାଇ ରଖେ ସେ ସ୍ୱାଇଁ ଘର କନକ ବୁଢ଼ୀ ବା, ଶୀତ ହେଲେ ମୋତେ ଛତା ଆଣିଦିଏ ଘୋଡ଼ି ହେବାକୁ ଏତିକି ମନେଇ ବୁଢ଼ୀ ସେ, ତାପରେ ବି ତାର ସୁନା ନାତୁଣୀ ମୁ ହିଁ ହୋଇଥାଏ, ଯେତେ ଗାଳି କରିଲେ ବି ସକାଳେ ଦାଣ୍ଡ ଦୁଆରେ ବସି ଡାକ ପକାଏ ହଇ ଲୋ ପାପାଲି କୁଆଡେ ଗଲୁ, ସମସ୍ତେ କୁହନ୍ତି ମୋତେ ଏତେ ଭଲ ସମସ୍ତେ କେମିତି ପାଆନ୍ତି.....?? ଉତ୍ତର ରେ କେବଳ ଏତିକି କହିପାରେ ଯେ:- "ହଁ ମୁଁ କେବଳ ମୁଁ ହିଁ ହୋଇପାରେ" ।।

ମୋ ପରି କଣ ତୁମେ ହୋଇପାରିବ...? ଭୋକ ହେଲେ ପାଣି ପିଇ ଭୋକ ମେଣ୍ଟାଇ ପାରିବ...? ଅନ୍ୟ ପାଇଁ କଷ୍ଟ ହେଲେ ନିଜକୁ ନିଜେ ଦଣ୍ଡ ଦେଇପାରିବ...? ଦୋଷ ସବୁକୁ ନିଜ ମୁଣ୍ଡ ଉପରକୁ ନେଇ ପାରିବ ...? ସଫଳତା ପାଇବା ପାଇଁ ରାତା ରାତି ଅନିଦ୍ରା ହୋଇପାରିବ...? ଘରର ବୋଝକୁ ସମ୍ଭାଳି ନେବା ପାଇଁ ଅର୍ଦ୍ଧ ରାତ୍ରୀ ଯାଏ ବାହାରେ କାମ କରି ପାରିବ...?? ଭଲପାଇବା, ସମୟକୁ ଉପଭୋଗ କରି ଆନନ୍ଦ ଦାୟକ ମୁହୂର୍ତ୍ତ ସବୁକୁ ସଂଗ୍ରହ କରିବା ବଦଳରେ ନିଜ ପରିବାର ର ସମ୍ପୁର୍ଣ୍ଣ ଅସୁବିଧା କୁ କଣ ତୁମେ ସମାଧାନ କରିପାରିବ ....? ତୁମେ କୁହ କଣ ପ୍ରଥମେ ତୁମେ ମୋ ପରି ଉଭୟ ପୁଅ ଓ ଝିଅର ଭୂମିକାକୁ ସଚ୍ଚୋଟତା ର ସହ ନିଭାଇ ପାରିବ....? କାହାର ଝିଅ, କାହାର ଭଉଣୀ, ତ କାହାର ଭଲ ସାଙ୍ଗ ହୋଇ ସମସ୍ତ ସମ୍ପର୍କ କୁ ସୁଦୃଢ କରି ରଖିପାରିବ ...? ଆଛା ସମସ୍ତଙ୍କୁ ସମାନ ନଜରରେ ଦେଖିପାରିବ , ନିଜ ଭାବନା କୁ ନିଜ ଭିତରେ ଚାପି ରଖି ସମସ୍ତ ଯନ୍ତ୍ରଣା କୁ ଧରି ଅନ୍ୟ ଆଗରେ ହସି ପାରିବ...? ବାପା ଙ୍କ କାନ୍ଧରେ ହାତ ରଖିବା ବଦଳରେ ନିଜ କାନ୍ଧ ଉପରେ ବାପାଙ୍କ ହାତ ରଖି ପାରିବ...? ମାଆର ଚିରା ପଣତ କାନି କୁ ଦୁନିଆଁ ଆଗରେ ସମ୍ମାନ ଦେଇପାରିବ...? ବାପାଙ୍କ ପରି ଫୋଟକା ପାଦର କଷ୍ଟ କୁ ନିଜ ଭିତରେ ଚାପି ଦେଇ ପାରିବ...? ତୁମେ କୁହ ତୁମେ କଣ ମୋ ପରି ହେଇପାରିବ...?

      ମୁଁ ଜାଣିଚି ତୁମେ କରି ପାରିବ ନାହିଁ, ଅଥବା ମୋ ପରି ହୋଇ ପାରିବ ନାହିଁ କାରଣ:-

       " ହଁ ମୁଁ କେବଳ ମୁଁ ହିଁ ହୋଇପାରେ "

             ସୋନାଲି ସ୍ୱାଇଁ