ପୂଜା ପାର୍ବଣ ସମୟ ଆସିଗଲେ ସମସ୍ତ ମନରେ ଉତ୍ସାହ, ଉତ୍କଣ୍ଠା ରେ ମନ ପ୍ରଫୁଲିତ ହୋଇ ଉଠେ। ଭାରତୀୟ ପୂଜା ପାର୍ବଣ ର ମହତ୍ତ୍ଵ ସବୁଠୁ ନିଆରା।
ଏହି ପୂଜା ପାର୍ବଣ ହିଁ ସାଂସ୍କୃତିକ ସଦଭାବନା , ମାନବୀୟ ମୂଲ୍ୟବୋଧ ନୈତିକତା ଓ ସାମାଜିକ ମୂଲ୍ୟ ବୋଧ ସବୁ ଶିଖାଇ ଦିଏ। ସେଥି ପାଇଁ ଆମେ ଭାରତୀୟ ସବୁଠା ରୁ ଉକ୍କୃଷ୍ଟ ଓ ସବୁଠୁ ଅନନ୍ୟ।

ପ୍ରତ୍ୟେକ ପର୍ବପର୍ବାଣୀ ର ନୀତି, ନିୟମ , କଥା ଓ ଗାଥା ସବୁ କିଛି ଅଲଗା।କେଉଁ ପର୍ବ ପର୍ବାଣୀ ଗୋଟିଏ ଦିନ ପାଳନ ହେଉଥିବା ବେଳେ ଦଶହରା ଦଶ ଦିନ ଧରି ହୁଏ।
ସେଥି ଲାଗି ଛୋଟ ପିଲା ଙ୍କ ଠାରୁ ଆରମ୍ଭ କରି ସରକାରୀ, ବେସରକାରୀ ସଂସ୍ଥାନ ରେ କାର୍ଯ୍ୟରତ ପ୍ରତ୍ୟେକ ଙ୍କ ପାଇଁ ଏହି ପର୍ବ ଖୁସି ଆଣିଦେଇଥାଏ।
ଏହା ଆମ ସାମାଜିକ ଜୀବନକୁ ମଧୁମୟ ଓ ଆମୋଦିତ କରେ। ଦଶହରା ବା ଦୂର୍ଗା ପୂଜା ହିନ୍ଦୁ ମାନ ଙ୍କର ଏକ ମୁଖ୍ୟ ପର୍ବ।ଏହି ଉତ୍ସବ ବିଜୟା ଦଶମୀ ନାମରେ ମଧ୍ୟ ଖ୍ୟାତ। ପ୍ରତ୍ୟେକ ବର୍ଷ ଆଶ୍ୱିନ ମାସ ଶୁକ୍ଳ ପକ୍ଷ ସପ୍ତମୀ ଠାରୁ ଦୂର୍ଗା ପୂଜା କରାଯାଏ।
ପୃଷ୍ଠଭୂମି

ଏହି ପର୍ବ ପାଳନ ର କିଛି ପୌରାଣିକ ଆଖ୍ୟାନ ରହିଛି। ପୁରାଣ ବର୍ଣ୍ଣିତ ଯେ ଏହିଦିନ ଦେବି ଦୂର୍ଗା ମହିଷାସୁର ରାକ୍ଷସର ବଦ୍ଧ କରିଥିଲେ। ଯେତେବେଳେ ତ୍ରିଭୁବନ ଶକ୍ତିଶାଳୀ ମହିଷାସୁର ଅତ୍ୟାଚାର ରେ ଅତିଷ୍ଠ ହୋଇଉଠୁଥିଲା । ସେହି ସମୟରେ ଦଶ ଭୁଜା ମା ଦୂର୍ଗା ଙ୍କ ଆବିର୍ଭାବ ହୋଇଥିଲା।
ପୁରାଣ ଅନୁସାରେ ପ୍ରଭୁ ରାମଚନ୍ଦ୍ର ଦଶମୀ ଦିନ ଦୂର୍ଗା ଙ୍କ ଆଶୀର୍ବାଦ ରେ ରାବଣକୁ ବଦ୍ଧ କରିଥିଲେ ।ସେବେଠାରୁ ବିଜୟାଦଶମୀ କୁହାଯାଏ।

ପୂଜାବିଧି:-
ପବିତ୍ର ମହାଳୟା ଠାରୁ ହିଁ ଦୁର୍ଗାପୂଜା ଆରମ୍ଭ ହୁଏ।ଅନେକ ବିଶ୍ବାସ କରନ୍ତି ଯେ, ଏହିଦିନ ମା ଦୂର୍ଗା ଧରା ପୃଷ୍ଠ ରେ ଅବତୀର୍ଣ୍ଣ ହୋଇଥିଲେ। କିନ୍ତୁ ପ୍ରକୃତ ପୂଜାବିଧି ଷଷ୍ଠୀ ଠାରୁ ଦଶମୀ ପର୍ଯ୍ୟନ୍ତ ଚାଲେ।
ଷଷ୍ଠୀ ଦିନ ରାତିରେ ବେଲବରଣି କରାଯାଏ।ସପ୍ତମୀ ଦିନ ଦେବୀ ଙ୍କ ମନ୍ତ୍ରପାଠ ସହିତ ଚକ୍ଷୁ ଦାନ ମଧ୍ୟ କରାଯାଏ।ଅଷ୍ଟମୀ ଦିନ ଅନେକ ଶ୍ରଦ୍ଧାଳୁ ନିଜ ଭକ୍ତି କୁ ଅର୍ପଣ କରିବା ନିମନ୍ତେ ମହିଳା ମାନେ ବ୍ରତ ରଖନ୍ତି।

ଅଷ୍ଟମୀ ଓ ନବମୀ ଦିନ ଧୂପ, ଦୀପ ଓ ନୈବେଦ୍ୟ ଅର୍ପଣ ର ବାସ୍ତବ ପୂଜା ପଦ୍ଧତିକୁ ଦେଖି କୃତ୍ୟ କୃତ୍ୟ ହୋଇଥାନ୍ତି। ଗାଁ ଓ ସହର ର ପ୍ରତ୍ୟେକ ଗାଳି କନ୍ଦି ବଜାର ଛକ ମାନ ଙ୍କ ରେ ମା ଙ୍କ ଦିବ୍ୟ ମୂର୍ତ୍ତି ସବୁ ରଙ୍ଗୀନ ଆଲୋକ ଓ ଜମ୍ବୁରା କାଗଜ ରେ ଝଲସି ଉଠେ।ଛୋଟ ଛୋଟ ପିଲା ଙ୍କ ର ହସ ଖୁସି ରେ ଦିନ ଗୁଡ଼ିକ ବିତେଇ ଥାଆନ୍ତି ।କେବଳ ଏତିକି ରେ କଥା ସରେ ନାହି ଏହି ପୂଜା ହିଁ ସମସ୍ଥେ ସମ୍ପର୍କୀୟ ଙ୍କ ପାଖକୁ ଯାନ୍ତି।
ଯାହା ପ୍ରତ୍ୟକ୍ଷ ଭାବରେ ଏକତାର ମୂଲ୍ୟକୁ ବୁଝାଇ ଦେଇ ଯାଏ।

କ୍ରମଶଃ.........

ଚିତ୍ରରୂପା ଦେବୀ ଦୁର୍ଗା

ପୂଜା ପାର୍ବଣ ର ଆସର ହିଁ ଏକତାର ମହତ୍ତ୍ୱକୁ ବୁଝାଇ ଦିଏ।