ତୁମେ ଆସନ୍ତନି...।
ଗଗନ ଦିଗବଳୟ ଡେଇଁ,
ପବନ ଶୀତଳତା ଛୁଇଁ,
ଇନ୍ଦ୍ରଧନୁ ସାତ ବର୍ଣ୍ଣ ନେଇ,
ମତେ ପ୍ରେମେ ଭିଜେଇବା ପାଇଁ,
ତମେ ଆସନ୍ତନି....।

ତମେ ଆସନ୍ତନି....।
କୋମଳ ହୃଦୟ ମଧ୍ୟରେ,
ଆଖିର ପଲକ ଦୃଶ୍ୟରେ,
ସ୍ନେହର ଆକଟ ସାଥିରେ,
ପ୍ରେମର ସନ୍ଦେହ ଦୃଷ୍ଟିରେ,
ତମେ ଆସନ୍ତନି....।

ତମେ ଆସନ୍ତନି....।
ପ୍ରଭାତର ସ୍ନିଗ୍ଧ ପ୍ରକାଶେ,
ଗ୍ରୀଷ୍ମର ମଧୁ ଅବକାଶେ,
ବସନ୍ତର ବଉଳ ସୁବାସେ,
ପ୍ରେମର ନିବିଡ଼ ଆଶ୍ୱାସେ,
ତମେ ଆସନ୍ତନି....।

ତମେ ଅସନ୍ତନି....।
ପ୍ରକୃତି ସବୁଜୀମା ସାଥେ,
ସୁନ୍ଦର ମହକ ପୁଷ୍ପିତ ପଥେ,
କୃଷ୍ଣଚୂଡ଼ାର ପାଖୁଡ଼ା ରଥେ,
କର ପଲ୍ଲବ ନିହାର ସାଥେ,
ତମେ ଆସନ୍ତନି....।

ତମେ ଆସନ୍ତନି....।
ସବୁ କିଛି ଭୁଲି ଯାଇ,
ସ୍ୱପ୍ନର ଆସର ନେଇ,
ମରୀଚିକାର ମୋହ ତୁଟାଇ,
ସର୍ବୋପରି କେବଳ ମୋର ହୋଇ,
ତମେ ଅସନ୍ତନି....।

ତମେ ଆସନ୍ତନି....।

ଅପେକ୍ଷାରେ ମୁଁ