କାହିଁକି ଶୁଣୁଛ କହିଲ ଫନୀ ଫନୀ ସେ କିଛି ହେବାର ନାହିଁ । ଟିଭିରେ କେବଳ NEWS 📺 ଚ୍ୟାନେଲ ଅଛି ଆଉ କିଛି ନାହିଁ କହି ଚ୍ୟାନେଲ କୁ ବଦଳାଇ ଦେଲି। ମୋ ପରି ବାତ୍ୟାକୁ ଦେଖି ନଥିବା ଲୋକମାନଙ୍କ ଏହାହିଁ ମତ ହୋଇପାରେ।ବାବା କିନ୍ତୁ ବ୍ୟସ୍ତ ହୋଇ ପାରିବା ଚାଉଳ ଆଣିବାକୁ ଚାଲି ଗଲେ ।ଘରେ ଆମେ ତିନି ଭଉଣୀ ସନ ଭାଇ ଆଉ ବଡ଼ଭାଇ ଙ୍କର ଦୁଇଟା ସାନ ଝିଅ। ମଜାମସ୍ତି ରେ ଦିନ କଟୁ ଥାଏ। ବଡ ବାବା ଗୋଟେ ବଡ଼ ଡ୍ରମ୍ ନେଇକି ଆସିଲେ ତାକୁ ଦେଖି ଆମେ କେତେ ଯେ ହସିଛୁ କୁହନି। ମାମା କହିଲେ - ହେ ହସୁଛୁ କଣ ପାଇଁ ବାତ୍ୟା କଣ ଜାଣିନ ସେଥିପାଇଁ ହସୁଛ। ମୋ ବଡ଼ ଭଉଣୀ କହିଲେ- ଖୁଡି ପ୍ରତି ବର୍ଷ ତ ବାତ୍ୟା ଆସୁଛି ଏଇ ଅକ୍ଟୋବର ମାସ ଦଶହରା ସମୟରେ କଣ ହେବ ପାଲ ଉଡେଇ ନେବ ବାଉଁଶ ବନ୍ଧା ହୋଇଛି ପଡ଼ି ଯିବ। ତମେ ପିଲାମାନେ ଜାଣିନ ୧୯୯୯ ବାତ୍ୟା ।ଖାଇବା ପିଇବା ପାଇଁ ଯେଉଁ କଷ୍ଟ, ମୁଣ୍ଡ ଗୁଜିବା ପାଇଁ ଘର ନଥାଏ।ସରକାରୀ ଦେଇଥିବା ରିଲିଫ୍, ପାଲକୁ ଆଶ୍ରା କରି ରହିବା। ପ୍ରତି ଘରର କଥା ଥିଲା। ଘରର ମୂଳ ଦୂଆ ଭାଙ୍ଗି ଥିଲାବା ସହ ଏହି ବାତ୍ୟା ଓଡିଶାର ମେରୁଦଣ୍ଡକୁ ଭାଂଗି ଦେଇଥିଲା।

୨୦୧୯ ମଇ ମାସ ୧ ତାରିଖ କଥା ବାବା ସଇକଲ ଧରି ଆସି ବିରକ୍ତି ଭାବରେ - କୁହନି କୁହନି ଛତ୍ରବଜାରରେ କଳା ବାଜରି ମାନକର ଭାଉ କହିଲେ ନସରେ, ନେଲେ ନିଅ ନହେଲେ ନାହିଁ କି କଥା କେବେ ଶୁଣିଛ ଆଳୁ କିଲ ୧00 ଟଙ୍କା।ମୋ ବାପ ଅମଳରୁ କେବେ ଶୁଣି ନଥିଲି। ମାମା - ସେ ମାନକର ଏବେ ବେପାର ସମୟ ସବୁ ଲୋକ ଏବେ ତାଙ୍କରି ଉପରେ ନିର୍ଭର ସେ କରିବେ ଦର ଦାମ ବୃଦ୍ଧି, ତମେ ଘରକୁ ଆସିଲ।

ମଇ ମାସ ୩ ତାରିଖ ପୁର୍ବ ରାତିରେ NEWS📺 ପ୍ରକାଶିତ ହେଉଥାଏ ଲୋକମାନଙ୍କୁ ବାତ୍ୟା ଆଶ୍ରୟସ୍ଥଳୀକୁ ସ୍ଥାନାନ୍ତରିତ କରାଯାଉଛି ।ବୃଦ୍ଧ ଲୋକଟିଏ ନିଜ ଭିଟାମାଟି ଛାଡ଼ିବା ପାଇଁ ରାଜି ନଥିଲେ ଆଖିରୁ ଅଶୃ ବୋହୁଥାଏ।ଏହି ପରି ଅନେକ କରୁଣ ଦୃଶ୍ୟ ଦେଖି ମନରେ ଆଶଂକା ଖାଇସାରି ଶୋଇଥାଉ ରାତି ୧ ରେ "ପବନ ତ' ନୁହେଁ ସତେ ଯେମିତି କିଏ ଗୋଟେ ଜୋରେ ଜୋରେ ନିଃଶ୍ୱାସ ନେଉଛି ସଁ ସଁ କରି "। ସକାଳୁ ଉଠିଲା ବେଳେ କବାଟ ସେପାଖେ ପବନର ବେଗ ବଢ଼ିଥାଏ।ତାଙ୍କ ସାମ୍ନା ରେ ଗୋଟେ ବିରାଟ ଆମ୍ବ ଗଛ ରହିଛି ସକାଳ ୯ ପାଖାପାଖି ସେ ଝୁଲିବା ଆରମ୍ଭ କଲା ।ଏଇ ଦୃଶ୍ୟ ଦେଖି ମାନେ ହେଲା " କେତେ ଯେ ତୋ ଡାଳରେ ଦୋଳି ବାନ୍ଧି ଖେଳିଛି ପଡ଼ି ବାଟ ଭୟ ନଥାଏ, ବାପା କୁହନ୍ତି ବଡ଼ ମଜବୁତ ଗଛଟିଏ।" ଆଜି ତୁ ଭୁଲ ପ୍ରମାଣିତ ହେବୁନି ?
ଭୋକ ଶୋଷ ନଥାଏ ଦିପହଟା ଅଧରାତି ପରି ଲାଗୁଥାଏ। ମିଠି( ଶୁଆ) ନୀରବରେ ବସିଥାଏ ଭାତ ଥୁଆ ହୋଇଛି ଖାଇବାର ନାହିଁ । ସତେ ଯେମିତି ଋଷିଙ୍କ ପରି ତପସ୍ୟା କରୁଛି । ବାବା କହିଲେ ପଶୁ ପକ୍ଷୀମାନେ ଆଗକୁ କ'ଣ ହେବାକୁ ଯାଉଛି ଜାଣି ପାରନ୍ତି। ଫନୀ ର ବେଗ 🌀୧୨୦-୧୩୦ ବେଗରେ ପବନ ବୋହୁଥାଏ ଏଇ ସମୟରେ ମଡମଡ ହୋଇ ଗଛଟିଏ ପଡ଼ିଗଲା ଘର ଭୂମିକମ୍ପ ପରି ଥରିଗଲା। ଯିଏ ଯେଉଁଠି ପାଇଲେ ସାହାରା ନେଇ ବସି ପଡିଲେ। କ'ଣ ହେଲା କ'ଣ ହେଲା।ସବୁ ଠିକ୍ ଅଛତ..
ବାହାର ଘର ଆଜବାଷ୍ଟ ଉପରେ କଣ ଗୋଟେ ଜୋରେ ପଡିଲା ? ଡରରେ ହତଗୋଡ ଅଚଳ ହୋଇଗଲାଣି । ଧଡ ଧଡ ହୋଇ ଜିନିଷ ପଡ଼ିବାର ଶବ୍ଦ ହେ ଭଗବାନ ଇଏ ହେଉଛି ବାତ୍ୟା !!!
ଧିରେ ଧିରେ ଫନୀ ର କରାଳ ରୂପ ଶାନ୍ତ ହେବାରେ ଲାଗିଲା।ବାହାରେ ଆକାଶର ରାକ୍ଷସ ରୂପ ଧାରଣ କରିଛି ପ୍ରକୃତି ରାଣୀର ସବୁଜିମା ଶାନ୍ତ । ନାରୀର ଆଭୂଷଣ ବିଚ୍ଛୁରିତ ହୋଇ ପଡ଼ିଲା ପରି ଗଛଗୁଡ଼ିକ ପଡ଼ିଛି। ଯେଉଁ ଗଛ ଛାଇରେ ପିଲାବେଳ କଟିଥିଲା ରଜରେ ଆମ ପ୍ରିୟ ସାଥି ଥିଲା ସେ ଚିତ୍ ପଟାଙ୍ଗ ହୋଇ ଭୂମିରେ ପଡ଼ିଛି।ଏଇ ସମୟରେ କୋଉଠୁ ଦଳେ ଲୋକ ଆସି ଆମ୍ବ🥭 ଗୋଟାଇ ବାରେ ଲାଗିଲେ। କିଛି ସମୟ ପାଇଁ ଏଇ ଫନୀ ପ୍ରକୋପକୁ ଭୁଲିଯାଇ ଆମ୍ବ ଗୋଟାଇ ବାରେ ଆନନ୍ଦରେ ସତେ ହଜିଗଲୁ ।

ରାତିର ପାହି ନୂଆ ସକାଳ ଆସିଲା ହେଲେ କାଲି ଆଜି ଭିତରେ ଦେରେ ଫରକ୍।ଆଜିକୁ ଚାରି ଦିନ ହେଲା ଲାଇଟ୍ ନାହିଁ କି ପାନିଆଶୁନି। ଆଖ ରାସ୍ତାରେ ସରକାର ଦୂର ଡାଲି ଚାଉଳ ଜରୁରୀ ଜିନିଷ ଦିଆହୋଇଛି। ପାଦ ଆଗକୁ ବଢେଇ ଯାଉଥାଏ। ଆଜି "ତାରକସି କାମ ପାଇଁ ପ୍ରସିଦ୍ଧ ସହର ଅନେକ ବିଦ୍ୟୁତ୍ ତାରରେ ସତେ ଛନ୍ଦି ହୋଇଯାଇଛି ମୁକୁଳିବା ପାଇଁ ସତ୍ ଚେଷ୍ଟା କରୁଛି"।ଆଗରେ କେତେ ଗଛ କେତେ ଘର ଧନଜୀବନ କ୍ଷୟକ୍ଷତି ହୋଇଗଲା। ହଠାତ୍ କୁକୁର ଟିଏ ଗୋଡେଇ ଆସିଲା ଦୈଡ଼ି ନଯାଇ ପଡ଼ିଗଲି ହାତ ଗୋଡ଼ ଖଡିଆ ହୋଇଯାଇଥାଏ। ସହାୟାକ କର୍ମଚାରୀ ଆସି କୁକୁରକୁ ଘୋଡାଇ ଦେଲେ ଛୁଆମାନେ ଯାଅନାହିଁ କୁକୁରର ଛୁଆ ଗୁଡ଼ାକ ମରି ଗଛ ତଳେ ଚାପି ହୋଇ ଯାଇ ସେ ପାଗଳ ହୋଇଯାଇଛି।କୁକୁରର ଭୋକିବା ଶବ୍ଦ ଯେମିତି ନିଜକୁ ସେ ଧିକ୍କାର କରୁଛି ତା ମାତୃତ୍ଵ ପାଇଁ।

ଏଇ ସମୟରେ ଆଉ ଏକବିଚିତ୍ର ଘଟଣା ମାଳିକାରେ ଲେଖିବା ଭଳି "ସାତଦିନ ସାତରାତି ଅନ୍ଧାର ରହିଲା"🌑। ମାଳିକା 📜କଥା ସତ ହେଲା ବୋଲି ଲୋକେ କୁହା କୁହି ହେଉଛନ୍ତି। ମୋବାଇଲ୍ ବିନା ବଞ୍ଚଦବାର ନୂଆ ଅନୁଭୂତି। ତା ସହ ରେଲୱେ ଷ୍ଟେସନରେ ଏକ ନୂଆ ରୂପ - କହି ପାରିବା" ଚାର୍ଜ ବଞ୍ଚାଅ ଅଭିଯାନ" ଆରମ୍ଭ ହୋଇଛି। ଲୋକେ କେତେ ଦୂରରୁ ଆସି ରେଲୱେ ଷ୍ଟେସନରୁ ପାଣି ଭରିବା, ପୁଣି ଗୋଟିଏ extension ବୋର୍ଡରେ ଅନେକ ଜନ ଜୀବନର ଆଶ ଆକାଂକ୍ଷା ଗୋଟିଏ ହୋଇ ଜୀବନ ବଞ୍ଚବା ପାଇଁ ନୂତନ ଆଲୋକର ଅପେକ୍ଷା କରୁଛନ୍ତି।।

ମୁଁ ଏତିକି ବୁଝିଲି ବେଳେ ବେଳେ ଛୋଟ ଭାବୁଥିବା ଘଟଣା ଜୀବନରେ ଏକ ବିରାଟ ଛାପ ଛାଡିଯାଏ।କେବଳ ଯେ ମନୁଷ୍ୟ ନୁହେଁ ଜୀବଜନ୍ତୁ ମାନେ ସେତିକି ଯନ୍ତ୍ରଣା ଅନୁଭବ କରୁଥିବେ। ଆମେ ଓଡ଼ିଆବାସି ହେଉ କି ଆମ ରାଜ୍ୟ ଓଡ଼ିଶା କେବେ ମୁଣ୍ଡ ନୁଆଇଁ ନାହିଁ ,ସେ ମହାବାତ୍ୟା🌪️, ହୁଡହୁଡ🌀,ତିତ୍ ଲୀ🌪️, ଫନୀବାତ୍ୟା🌪️ ଅବା ହେଉ ସବୁକୁ ସାମ୍ମାକରି ଆମେ ଆଗକୁ ବଢିବା ନିମନ୍ତେ ପ୍ରୟାସ କରିବା।

ତାରକସି କାମର ସହର ତାରରେ ଛନ୍ଦି ହୋଇପଡିଛି

୦୩-୦୫-୨୦୧୯🌀