ତୁମ ହସ ଦେଖି ଗଛ ଆନନ୍ଦରେ ଫୁଲି ଉଠେ,
ଯେପରି ତା' ମନରେ ବସନ୍ତ ଆସିଛି...
ପ୍ରଜାପତି ତୁମ ପାଖ ଛାଡ଼ିବାକୁ ଚାହେଁ ନାହିଁ,
ସେ ଖୁସିରେ ତୁମ ଚାରିପାଖେ ଝୁମିଝୁମି ନାଚେ...
ମଧୁମକ୍ଷିକା ମଧୁ ନେବା ଭୁଲିଯାଏ,
ତୁମ ହସ
ମଧୁ ଠାରୁ ମିଠା ଲାଗେ
ଅଦୃଶ୍ୟ ଏକ ଚୁମ୍ବକ ଭଳି।

ସୂର୍ଯ୍ୟ ବି
ପାଗ ବଦଳେଇ ଦିଅନ୍ତି,
ଗରମ ଦିନରେ ବି
ବର୍ଷାର ଶୀତଳ ସ୍ପର୍ଶ ଆସେ ତୁମରି ହସରେ।ତୁମ ହସ ଦେଖି
ଆରମ୍ଭ ହୁଏ ମୋ ଦିନ,
ଆଉ ରାତି ଆସି ଯାଏ ମୃଦୁ ହସର ଲୋରି ଭଳି।
ତୁମ ହସ ଦେଖି ମୁଁ ମନେ କରେ
ଦୁଃଖ ବି ତୁମ ହସୁଥିବା ଚେହେରା ତଳେ ଶାନ୍ତିର ନିଃଶ୍ୱାସ ନେଉଥିବ।

ଚନ୍ଦ୍ର ବି ଲାଜେଇ ଯାଏ,
ତା' ଆଲୋକ ତୁମ ହସ ଆଗେ ହାରିଯାଏ...
ମୋ ଶବ୍ଦ ମଧ୍ୟ ଲଜ୍ଜାରେ ଚୁପ୍ ହୋଇଯାନ୍ତି,
ମୁଁ କେବଳ
ତୁମେ ହସୁଥିବାର ଦେଖିପାରେ
କିଛି କହିପାରେ ନାହିଁ..
ସମୟ ବି ଅଟକି ଯାଏ ଗୋଟିଏ ମୁହୂର୍ତ୍ତ ପାଇଁ,
ସେ ବି ଚାହେଁ
ଏ ହସକୁ ଅନନ୍ତ କରିଦିଅନ୍ତ କି?

ତୁମ ହସ ଦେଖି
ବିରହ ବି ପ୍ରେମର ଗୀତ ଗାଉଛି,
ମୋ ଅଶ୍ରୁ ବି
ଏକ ତାଳ ଧରି ଆନନ୍ଦରେ ନୃତ୍ୟ କରୁଛି
ତୁମ ହସ ଦେଖି
ଭୂମି ବି ଲାଜେଇ ଯାଏ ତୁମ ପାଖରେ......।

କେବଳ ତୁମ ପାଇଁ...

ଭୂମିକା ମହାରଣା
ପଶ୍ଚିମ ବଙ୍ଗ

*ତୁମ ହସ*

ଏକ ଅଦୃଶ୍ୟ ଚୁମ୍ବକ ଭଳି।

ତୁମ ହସ