ନାରୀଟିଏ ଯେବେ ଧରାପୃଷ୍ଠକୁ ଆସେ ସତେ ଯେ ତା ପାଇଁ କିଏ ଅବା ଖୁସି ହୁଏ?ଯେତେ ଆଧୁନିକ ହେଲେ ମଧ୍ୟ ଆମ ଦେଶ ସେଇ ପୂର୍ବ ଚାଲିଚଳଣିରେ ରହିଆସିଛି କି ନାରୀଟିଏ ଜନ୍ମ ହେଲେ ପରଧନ ପରଘରକୁ ଚାଲିଯିବ,ଏଥିରେ ଅବା ଖୁସି କ'ଣ?ଟିକିଏ ଚିନ୍ତା କରି ଦେଖିଲ ସେଇ ମାଆ ଯିଏ କି ଜଣେ ନାରୀଟିକୁ ଜନ୍ମ ଦିଏ;ସିଏ କ'ଣ ଜଣେ ନାରୀ ନୁହେଁ ଅବା ସିଏ କ'ଣ ସେ ପିଲାଟିକୁ ଜନ୍ମ କରିବାର ଖୁସି ଅନୁଭବ କରିପାରିବନି ଖାସ୍ ପରିବାରର ମନ ରଖିବା ପାଇଁ ଅଥବା ଘରର ସ୍ୱାର୍ଥ ପାଇଁ।ପୁରୁଷର ସ୍ଥାନ ଯେ ନାରୀ ଠାରୁ ବେଶ୍ ଉପରେ,ଏହା କିପରି ଭାବରେ ଯଥାର୍ଥ ଅଟେ;ଯଦିଓ ଗୋଟିଏ ପୁରୁଷ ବି ସେହି ନାରୀଠାରୁ ଜନ୍ମ ହୋଇଛି।ଯଦି ଗୋଟିଏ ପୁରୁଷ ସେହି ନାରୀର ସୃଷ୍ଟି ତେବେ ପୁରୁଷ କିପରି ଭାବରେ ନାରୀ ଠାରୁ ଅଧିକ ପ୍ରତିଭାଶୀଳ।

ସଦାବେଳେ ଗୋଟିଏ ନାରୀ ହିଁ ସବୁ କ୍ଷେତ୍ରରେ ଶୁଣିଥାଏ,ପୁରୁଷମାନଙ୍କର ତ କୌଣସି ପ୍ରତିବନ୍ଧକ ହିଁ ନାହିଁ!ଯେବେ ନାରୀଟି ପାଠ ପଢ଼ିବାକୁ ଲାଗେ,ସମାଜ ଆଙ୍ଗୁଳି ଉଠାଏ ତା' ଉପରେ।ଗୋଟେ ନାରୀ ହୋଇ ତୁ କିପରି ପାଠ ପଢିବୁ?କାହିଁକି ଏ ପ୍ରଶ୍ନ ପୁରୁଷ ମାନଙ୍କ ପାଇଁ ତ ନାହିଁ।ଆରେ ସମାଜ ଗୋଟିଏ ନାରୀ ଶିକ୍ଷିତ ହେଲେ ଗୋଟିଏ ପିଲା ଶିକ୍ଷିତ ହେବ ଆଉ ଗୋଟିଏ ପିଲାଟି ଶିକ୍ଷିତ ହେଲେ ଗୋଟେ ଦେଶ ଶିକ୍ଷିତ ହେବ,ତେଣୁ ଗୋଟିଏ ନାରୀର ଶିକ୍ଷାପ୍ରାପ୍ତ ନିହାତି ଆବଶ୍ୟକ।ଏହାପରେ ନାରୀ ଯେତେବେଳେ ବାହା ହୋଇ ଶାଶୁଘରକୁ ଯିବ,ସେଠାରେ ମଧ୍ୟ ଗୋଟେ ନାରୀର ସବୁ କଥାରେ ମନ ମାରି ଦିଆଯାଏ,କାରଣ କ'ଣ ନାରୀଟିଏ ତା'ର ସୀମା ଉଲଙ୍ଘନ କଲେ ପରିବାରର ମାନସମ୍ମାନ ତଳେପଡିବ ଆଉ ଯଦି ପୁରୁଷ ଜଣକୁ ହତ୍ୟାବି କରିଦିଏ'ନା ତା' ହେଲେ ବି ସେଇଟି ତା'ର ଭୁଲ୍ ବୋଲି ଧରାଯାଏନି।କାହିଁକି ଗୋଟେ ନାରୀ ର କ'ଣ ବଞ୍ଚିବାର ସୌଭାଗ୍ଯ ନାହିଁ?

ଯେବେ ନାରୀଟି ମାଆ ହେବାକୁ ଯାଏ ସେବେ ଯେ କେତେ କଥା;ବୋହୁ ତୁ ପୁଅଟିଏ ଜନ୍ମ କରିବୁ।ଆରେ ଗୋଟେ ପୁଅ କି ଝିଅ ହେବାର କାରଣ କେବେ ନାରୀ ନୁହେଁ ଏଥି ପାଇଁ ପୁରୁଷ ଦାୟୀ,ତ ନାରୀ କୁ କାହିଁକି ଝିଅଟିଏ ହେଲେ ଦୋଷୀ କରାଯାଏ।ଯଦି ନାରୀ ଟିଏ ତା'ର ପରିବାର ପାଇଁ ଚୁପ୍ ରହିପାରେ ତାହେଲେ ନାରୀଟି ମଧ୍ୟ ତା ପିଲାଟିର ସୁରକ୍ଷା ପାଇଁ ଓ ତାକୁ ପରିବାର ଲୋକଙ୍କ କଟାକ୍ଷ ନଜରରୁ ବଞ୍ଚେଇବା ପାଇଁ କିଛି ବି କରିପାରେ,ସବୁ ନାରୀ ମାନଙ୍କର ମଧ୍ୟ ଏହା କରିବା ଉଚିତ୍।ସତେ ଯେ ନାରୀ ହେଉଛି ସର୍ବଂସହା,ପିଲାଟି ପୁଣି ବଡ ହୋଇଗଲେ ଯେ ସେ ସେହି ମାଆକୁ ବା ନାରୀକୁ ଦୋଷ ଦେଇ କହେ,ତମେ ମୋ ପାଇଁ କ'ଣ କରିଛ?ସତରେ କ'ଣ ତା ମାଆ ତା' ପାଇଁ କିଛି କରିନି,ସେ ନାରୀ ହିଁ ଜାଣିଛି ସେ କେତେ କଷ୍ଟ ସହି ପିଲାଟିକୁ ଛୋଟରୁ ବଡ କରିଛି।ଜଣେ ନାରୀର ସ୍ୱାଭିମାନ ଏବଂ ସମ୍ମାନ ନିହାତି ଜରୁରୀ,ଏହା ତାକୁ ଆତ୍ମନିର୍ଭରଶୀଳ କରାଏ।ଏସବୁ ମଧ୍ୟ ପ୍ରତ୍ୟେକ ନାରୀ ପାଖରେ ରହିବା ଆବଶ୍ୟକ।

ସେହିପରି ଭାବରେ ଗୋଟିଏ ସଫଳ ନାରୀ ର ସଫଳତା ପଛରେ କେଉଁଠି ନା କେଉଁଠି ସଠିକ୍ ପୋଷକ ମଧ୍ୟ ଆବଶ୍ୟକ।ଠିକ୍ ପୋଷକ ପାଇବା ଦ୍ୱାରା ସେ ତା'ର କର୍ମମୟୀ ଜୀବନର ସମସ୍ତ କର୍ମକୁ ଠିକ୍ ଭାବରେ ପରିଚାଳନା କରିପାରିବ।ପୋଷକତତ୍ତ୍ବର ସହାୟତା ସାହାଯ୍ୟରେ ହିଁ ଜଣେ ନାରୀର ମନୋବଳ ଦୃଢ ହୋଇପାରିବ,ଯାହା ଫଳରେ ସବୁପ୍ରକାର ଅସୁବିଧା ର ସାମ୍ନା କରିପାରିବ।ଏଥିପାଇଁ ସରକାରଙ୍କ ତରଫରୁ ପୋଷକ ଅଭିଯାନ ଆରମ୍ଭ ହୋଇଛି,ଯାହରକି ପୂରା ନାମ ହେଉଛି(prime minister's overreaching scheme for holistic nutrition).ଏହା ପ୍ରଥମେ ରାଜସ୍ଥାନ ଝୁନ୍ଝୁନୁ ଜିଲ୍ଲାରେ 8 ମାର୍ଚ୍ଚ 2018ରେ ମାନ୍ୟବର ପ୍ରଧାନମନ୍ତ୍ରୀ ମୋଦିଜୀଙ୍କ ଦ୍ବାରା ଆରମ୍ଭ ହୋଇଥିଲା।ଏହାର ମୁଖ୍ୟ ଉଦ୍ଦେଶ୍ୟ ହେଉଛି କୁପୁଷ୍ଟିକର ଖାଦ୍ୟଗୁଡିକୁ ଦେଶରୁ ବିଲୋପ କରିବା।ପ୍ରଥମେ ଏହା 36ଟି ରାଜ୍ୟରେ ଆରମ୍ଭ ହୋଇଥିଲା।ବର୍ତ୍ତମାନ ପୋଷକ ଅଭିଯାନ ଅଙ୍ଗନୱାଡି ସହିତ ମିଶି କାର୍ଯ୍ୟ କରୁଛି,ଯାହାକି ନାରୀ ମାଆ ହେବାକୁ ଯାଉଥିବା ବେଳେ ବିଭିନ୍ନ ପୋଷକ ଜିନିଷ ଯୋଗାଇ ଦେବା ସହ ପିଲାଟି ଜନ୍ମ ହେବା ପରେ ମଧ୍ୟ ସେହିପରି ପୋଷକ ଖାଦ୍ୟଗୁଡିକୁ ଯୋଗାଇ ଦିଏ।ସେହିପରି ଋତୁସ୍ରାବ ସମୟରେ ମଧ୍ୟ ନାଗରିକମାନଙ୍କୁ ଏହି ଅଭିଯାନ ତରଫରୁ ନାପ୍କିନ୍ ଯୋଗାଇ ଦିଆଯିଏ,ଯାହାକି ନାରୀମାନଙ୍କୁ ବିଭିନ୍ନ ରୋଗରୁ ରକ୍ଷା କରିଥାଏ।ସତେ ସରକାରଙ୍କ ଏହି ପଦକ୍ଷେପ ବହୁ ବିରଳ।ଏହାଛଡା ସୁସ୍ଥ ମାଆ ହିଁ ଗୋଟେ ସୁସ୍ଥ ଶିଶୁକୁ ଜନ୍ମ ଦେଇଥାଏ ଏବଂ ଗୋଟେ ସୁସ୍ଥ ଶିଶୁ ହିଁ ସୁସ୍ଥ ସମାଜ ଗଠନ କରେ,ଏଥିପାଇଁ ଆବଶ୍ୟକ କେବଳ ଆଉ କେବଳ ସଠିକ୍ ପରିମାଣରେ ପୋଷକ ଯାହାକି ନାରୀଟିର ନିହାତି ଖାଇବା ଦରକାରୀ।

ନାରୀ ଯେ ନାରାୟଣୀ,ତା'ର ଅନେକ ରୂପ।ଅତୀତରେ ମାତା ପାର୍ବତୀ ମଧ୍ୟ କାଳୀଙ୍କର ଅବତାର ଧାରଣ କରିଥିଲେ ଏବଂ ସ୍ୱୟଂ ମହାଦେବଙ୍କୁ ହିଁ ତାଙ୍କ ରୌଦ୍ର ରୂପକୁ ଶାନ୍ତ କରିବାକୁ ପଡିଥିଲା।ତେଣୁ ନାରୀ କୁ କେହି ଦୁର୍ବଳା,ପତିତା ମନେ କରିବା ଉଚିତ୍ ନୁହେଁ ସେହି ନାରୀ ଯଦି ଭଲପାଇବାର ବନ୍ଧନରେ ସବୁ ଗଢିପାରେ ତେବେ ତାର ରୌଦ୍ରର ଅଗ୍ନିରେ ସବୁକିଛି ଜାଳିପୋଡି ପାଉଁଶ ବି କରିପାରେ।

ନାରୀ ସଶକ୍ତିକରଣ/women's empowerment

ନାରୀ ସଶକ୍ତିକରଣରେ ଦେଶର ବିକାଶ/women's empowerment is the way to country's development